شكون عندها تجربة الولادة في دارها تفيدنا

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • شكون عندها تجربة الولادة في دارها تفيدنا

    السلام عليكم
    البارح وانا كنتكلم مع واحد بنت العائلة حاملة هدرة جبدت هدرة بدينا
    نتكلموا على الولادة في المستفى والماسي المصاحبة
    انا وهي عندنا ذكريات خايبة ومؤثرة نفسيا علينا وهي تقول لي انا
    بعدا غادي ندير الراديوات نتاكد من سلامة الجنين ونبض القلب
    ونتفق مع قابلة تجي عندي للدار ما كاين لا مخدر ولا وجع صناعي
    ولا غوات السبيطار والثوثر النفسي والى حسيت بشي مضاعفات
    نمشي ديك للسبيطار ولكن حتى ندير جهدي كلو فالدار.
    بقيت كنقول ليها واش تسطيت وهي تذكر لي ان صاحبتها دارت نفس
    الشي تعجبت لان هاد السيدة صاحبتها كلاس ودراسات عليا والسيدة
    متولة وشابعة ثقافة قالت لك الاول في السبيطار وزج اخرين في
    الدار.
    ما رايكن بنات

  • #2
    الى كانت شي قابلة مزيانة علاش لا
    الدار حسن من السبيطار
    ولاكن المشكل أنه ف التسجال كيطلبو شهادة طبية من السبيطار اللي ولدتي فيه







    تعليق


    • #3
      اختي كاينين ممرضات عندهم الرخصة انهم اولدو فالدار وعندهوم كل اللوازم الضرورية منها البنج وقياس الضغط ونبض الجنين وحتى السيروم..وكنعرف واحدة منهم ولدات بزاف دالعيالات غير فالدار..ولكن اختي انا بعدا منقدرش نخاطر براسي انطلاقا من تجربتي ...الله افك الحاملات واحفضهم...
      يا رحمان يا رحيم ياودود يا دا العرش المجيد اللهم ارزقني وارزق كل محرومة الدرية الصالحة في دينها المعافاة في بدنها..يارب

      تعليق


      • #4
        أختي أنا وليدة بنتي في دار كانت أريح من مستشفى بدون أدوية أو إبر ولادة طبيعية عاد حسيت بمعنى ولادة ، سابق ولدت بنتي أولى بدون حريق حتى داره لي هما إوا من بعض عاد جاني لحريق ماقديتش نصبر ديرت جميع أنواع ديال ل حريق حتى إبرة ديال ضهر ديرتها ، أنا كنصح لي قدت تصبر أحسن ، مهم في بنتي تانية كان ل حريق طبيعي ، الله يسمحنا من والدين ، كانت قابلة رائعة حنونة ومسعفى كيما قنقولو ،
        أحسن حاجة أنك لما يسهل عليك الله في ولادة ، كاتصيب راسك في دارك حمام ديالك تدوشي في راحتك ، ملابس ديالك في مكان ديالهم بدون متخذي شنطة الله وعلم واش ديتي كلشي أو لالا .
        أنا كان حكي ليك هاد شي وأنا عايشة في لندن دابا كينصحوا ناس باش تولد في دار ..........................
        إلى بغيتي شي إستفسار أنا موجودة ، وصديقتك لله يفوكها على خير وشكرا
        file:///C:/Users/khadija/Pictures/2009-12-25%20001/024ul1.gif

        تعليق


        • #5
          السلام عليكم
          اسكن حاليا بمدينة طنجة مع العلم أني حديثة السكن بهذه المدينة العريقة. المهم أنا حامل في شهري السادس وأريد من الطنجاويات مساعدتي في ايجاد قابلة( مولدة) خبيرة في مجال التوليد ولها رخصة في هذا المجال لأني وبصراحة اود الولادة ببيتي وسط أهلي وجزاكم الله خيرا
          أرجوكم ساعدوني

          تعليق


          • #6
            حتى أنا بغيت نولد فالدار. حيت شفت بنات عائلتي ساكنين غير فالعروبية كيولدو غير فالدار. غير يلاه حضرت واحد السبوع ديال وحدة. مكاين لا قابلة ولا هم يحزنون. كاتقاابلها غير حماتها ولويساتها صافي والله جاب التيسير. سيمانة ناضت تسخر على راسها. وحدة عاود تاني من عائلتي فالولادة الأولى ديالها شبعت تكرفيص فالسبيطار الله ياخد فيهوم الحق. كيجيوا باالأفواج ديال المتدربين كيخشيو يديهوم. حتى طابت بكترة التقلاب وشرطوها كيبحال الدبيحة مسكينة منين ولدات بلا منعاود الغوات والضرب ديال بصح. المرة كتموت بالحريق وهوما زايدينها بالضرب. لاحول ولا قوة الا بالله. صافي منين حملت مرة الثانية حلفت ليهوم قالت ليهوم وخا نموت والله لا مشيت. اوا صافي ولدات فالدار وقابلوها غير عائلتها بلا غراز بلا والو. الحريق ديال الولادة كاين فينما مشيتي اللهم فدارك مستورة ولا التكرفيص فالسبيطارات.

            تعليق


            • #7
              عمري ميحسابلي واش باقي شي حد فلمدينة كيولد فدار حتا شفت بنت عمي ولدات لول فالصوفي و ملي بغات تولد ثاني كلسات فدارها وولداتها أمها وختها متعدبات ما غوتات ما كاين لقطعها سيدة كيف تكات كيف ناضت تبارك الله عليها صغيرة وقارية وواعية..ملي قلت ليها راكي غمرتي وصافي..قالت لي اللهم الدار تزحمي على خاطرك وتكاي كبغيتي مكاين لا تقلاب لا تقطاع ولا لمجزرة ديال سبيطارات خصوصا تاع لمخزن

              تعليق


              • #8
                akhti daba rah hta f europe welaw kiweldo f dar ila kan l bebe sehto meziana, machi mass2alat nass class wla la, ms2ala dial seha dial l 2om w ljanine

                تعليق


                • #9
                  حتى انا في الشهر السادس و شجعتوني نولد في الدار اصلا ماما ممرضة و ان شاء الله تكون من نصيبي الولادة في الدار احسن من سبيتار بالف الف درجة

                  تعليق


                  • #10
                    المشاركة الأصلية بواسطة sweet-shadow مشاهدة المشاركة
                    حتى انا في الشهر السادس و شجعتوني نولد في الدار اصلا ماما ممرضة و ان شاء الله تكون من نصيبي الولادة في الدار احسن من سبيتار بالف الف درجة
                    ماعرفتش اش غنقوليك راكي بغيتي تخاطري براسك علاش ماتمشيش لكلينيك تمى كاين السيروم والمساعدة الطبية انا منقدرش اختي نغامر براسي والى قدر الله وقعات شي حاجة البيبي فكري مزيان


                    يا رب اشفينى و اشف كل مريض
                    يــــــــــــــــــــــــــــــا رب
                    اللهم امين











                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X