انا خايفة ساعدوني

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • انا خايفة ساعدوني

    سلام عليكم اخواتي انا محتارة وخايفة بزاف ساعدوني الله يجازيكم.انا ولدت بعملية قيصرية وتكرفست بزاف الالم كان لا يطاق هدي عام وثمانية اشهر.اليوم قالي الطبيب خاصكي تحملي حيت عندي 35 سنة .وانا كلما تفكرت الي داز مكنقدرش نتخد قرار نصحوني عفاكم:mad:

  • #2
    اختي ايلا كنتي عاد في خاطرك الدراري فمن الاحسن انك تحملي خصوصا ان الطبيب ديالك مامانعش اما الخوف فالله يحسن عونك ودعي الله يخفف عليك في الولادة والام الولادة من مغفرة الدنوب وحتى انا تكرفست انتاع الصح في ولادتي ولكن كان في خاطري نولد ثلاثة والحمد لله رزقني الله بيهم وخا تعذبت
    الله يكون معاك ولكن هاد القرار تاخديه انتي وزوجك اما فيما يخص الالام فربي هو لي يخفف عليك
    اللهم يسر لها امرها ولي فيها الخير لسماسمة اللهم وفقها له



    حبيبتي ام الصالحين لا تنقطعي عن حبيباتك فغيابك كربيع بدون زهور

    تعليق


    • #3
      شكرا بزاف وكلما تفكرت ادعي معايا خصوصا ماعنديش الي يقابلي راكي عارفة المراة الموظفة والمشاكل الي كتعانيها

      تعليق


      • #4
        سلام الله أختي
        هذا قرار خاص بك نت و زوجك ولكن مايخفاش عليك راه كل ولادة كي كتجي
        أنا ولدت بنتي ماتعدبتش بزاف ولكن الولادة الثانية كانت صعيبة و تعدبت فيها
        المهم كل ولادة كتختالف على الأخرة و إلى كنت باغا تزيدي يالله هذا هو الوقت
        و إنشاء الله كلشي إيدوز مزيان أو ساهل
        و المثل تيقول اللي بغا العسل يصبر لقريص النحل
        sigpic

        تعليق


        • #5
          أنا أخت بحالك ولدت بالقيصرية أتعدبت وحتىأنا موظفة ولكن تنقول غير تكمال بنتي عام أنحمل أنا ممستاعداش نبقى على بنيت وحدا وخصوصا أن المرأة فاش كتكبار راه متتبقاش صحتها كيما وهي صغيرة اللهم تولديهم وتكبريهم فخطرا وحدا
          هدا هو رأي أنا ونت والزوج ديالك ل تتقررو

          تعليق


          • #6
            اختي الله يعاونك غير توكلي على الله و زيدي الا كان عندك غير واحد راه السن كيلعب دور كبير
            انا راجلي كان كيقولي بارك علينا غير زوج وليدات و ملي تجاوزت الاربعين ولا تيقول لي بغيت وليد

            تعليق


            • #7
              زعمي و توكلي على الله و حيدي منك داك الخوف الي غير من الشيطان و بالي يا اختي قبل فوات الاوان لان السن ميرحمش شحال ما زدتي كبرتي كتولي مهددة بالاجهاض و بالاطفال ما شي نورمال او يالاه
              سبحانك اللهم وبحمدك ، أشهد أن لا إله إلا أنت أستغفرك وأتوب إليك

              تعليق


              • #8
                شكرا بزاااااااااااااااااف لكل الاخوات الي جاوبوني شجعتوني وراني طلقت هاد الايام ادعيو معاي

                تعليق


                • #9
                  غير زعمي كلشي تايدوز و كيبقى غير الآجر
                  ان شاء الله كلشي يدوز مزيان.

                  تعليق


                  • #10
                    السلام عليكم اختي ايلا كنتي باغية الاولاد غير توكلي على الله انت مازالة على سن اليأس ولكن كلما زاد السن زادت الخطورة على الام والجنين وفي الولادة الاولى المراة ديما كتعدب من بعد كتسهال شوية الولادة وكتكون المراة خدات تجربة وعرفات شنو الصح من الغلط ... ولكن ديري في حسابك ان الفرق بين الولد الاول والتاني مغديش يكون كبير يعني ضروري من التعب في التربية شوية...هذا رايي وكيرجع ليك الامر اكيد

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X