إعـــــــلان

تقليص
لا يوجد إعلان حتى الآن.

شكون والدة بالعملية.تحكيلنا تجربتها

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • شكون والدة بالعملية.تحكيلنا تجربتها

    السلام عليكم

    الله يفك وحايل كل حاملات ويقمن بالسلامة

    والله يطعم كل مشتهي

    انا سبقلي ولدت بالعملية هادي 9 شهور

    ودابا حاملة وغانولد في يونيو عاود بالعملية

    طبعا ماكاينة تا وحدة ولدات بالعملية وما تكرفساطش

    بغيت كل وحدة تحكيلنا على تجربتها باش نفيدو ونستافدو

    يعني من كل النواحي

    انا المشكل اللي درت انني ما تمشيتش نهار التاني د العملية علا داكشي مرضت

    وكان عندي مشكل ديال التواليت حشاكم كنت كانعاني بزاف

    المهم بقيت مدة اسبوع وانا ممدودة في الفراش

    ومابغيتش نعاود نفس التجربة

    في انتظار ردودكن
    sigpic

  • #2
    متخافيش العملية ولات مطلوبة حتى من نساء اللي يقدو يولدو عادي

    بسم الله الرحمن الرحيم
    السلام عليكم ورحمة الله وبركاته :)
    تا انا ا ختي ولدت بالعملية ف بنتي الاولى حيت خلاقت من 7 شهور طرطقاتلي سقية و كلست 15 يوم ف الكلينيك على ظهري لهلا يكتبها على شي مسلم و عاد درت العملية و لاغدة على الصبح جات عندي الفرملية جابتلي سينية و كالتلي نوضي جيبي فطورك بيديك و اجي تشوفي ختك الدموع بداو ينزلو بالغرارف و مكتخلينيش نحني كتقولي شوفي ف السما باش الجلدة ما تكمش و يوماين لولا تعدااابت بزاف و لكن لا مفركان بسيف نوض حيت هنا ف المانيا ممنوع يبقا معاك شي حد ف طبيب من غير زيارة طبعا كيقولك هما قادين بشغالهوم و صراحة عندهوم الحق حيت الى لقيتي علامن تعتامدي مغاديش تزعمي تنوضي و انا دابا حاملة ف شهر2 و كنتمنا نولد عادية باش دغيا نوض ل داري و بنتي و راجلي حيت معندي يكون بيهوم و الله يفك كل حامل على خير و سمحولي الى طولت ف الهدرة انا معروف عليا تبلبيل:dوالسلام خير ختام
    sigpic

    تعليق


    • #3
      يا ربي يشاركو الانيقات حيت حتى أنا غنولد بها و فايت طرحت موضوع لكن على ما بان ليا سيزاريان خايبة و صعيبة ما باغيا حتى أنيقة تفكرها الله يفك كل حامل على خير و يخيليلكم وليداتكم

      تعليق


      • #4
        السلام عليكم ورحمة الله وبركاته
        حتى أنا ولدت بالعملية ولدي الأول فالحقيقة تكرفصت غير حيت كنت مع راجلي بحكم عيشنا فبلد الغربة...ولدت ف 6 دالصباح مع 6 دالعشيية حيداتلي الممرضة انبوب ي كان ف النبولة وقالتلي خاصكي توقفي الحمد لله عاونتني وتمشيت بوحدي و مشيت ل المرحاض بوحدي..خاص غير شوية دالشجاعة..بيني وبينكوم بزز مني نوقف حيت ماكان على من نتفشش ههههههههههه..إبرة الظهر لا پيريدورال هي الي كرفساتني شي 15 يوم بعد الولادة حيت كان أصلا مشكل فالظهر.
        ماكين ما احسن من الولادة العادية...الله إيفك الوحايل على خير ويرزق كل محرومة الذرية الصالحة يارب
        اللهم بارك لي في زوجي و اولادي...

        تعليق


        • #5
          khla3touni ana baqa awal mara daba hamla ma 3reft kifach radi nawlad o ana fi had al gharba kay jini koulchi s3ib

          تعليق


          • #6
            السلام عليكم اخواتي في الله اسالكن بالله الدعاء لي بان الد بشكل طبيعي والله الي من ارا هاد الشي اللي قريت زدت خفت كتر انا دابا حاملة ماشي المرة الاولى فات ليا ولدت جوج ديال المرات بشكل طبيعي ولكن هاد المرة فاش درت ليكوغرافي قالت لي الطبيبة بلي عندي كرة مع الجنين فالرحم و يقدر نحتاج القيصرية والله ارحم ليكم الوادين واش فات لشي وحدةكان عندها نفس المشكل ا ولدات بشكل طبيعي الله اجازيكم بخر جاوبوني

            تعليق


            • #7
              اختي مريومة الله يفك وحايلك على خير الحمد لله اللي كاننساو وكلشي كايدوز، انا منين درتها قلت هادي والتوبة و4 شهور وانا نحمل عاود ههههههه دغيا نسيت

              أختي اميمة الله يفكك على خير وتقومي بالسلامة غير بالتجربة انا ما تمشيتش نهار التاني على داك شي زاد علي الحال خص النهار الاول تبقاي ممدودة على الظهر ونهار التاني خصك تمشاو شوية واخا كاتجي الدوخة والطونسيو كايطيح ولكن ماتستلميش لهادشي

              أختي ريتا الحمد لله كلشي داز وبصح ماكاين فحال الولادة الطبيعية غير هي كتخلعني ههه واخا مامجرباهاش ، كلشي فيه الاجر والحمد لله على كل حال

              اختي حبيبتي 18 هه ان شاء الله تولدي طبيعي والله يعطيك شي وقفة ساهلة ياااارب..ايلا كنتي برة في اوربا راه احسن من هنا هما اخر حل كايفكرو فيه هي العملية ماشي فحال المغرب مزروووبين للعملية

              ام أسيل الله يشفيك من كل داء والله يفك وحايلك على خير وان شاء الله تولديس طبيعي

              انا اول مرة كانسمع بهاد الحالة وان شاء الله شي اخت سمعات بهاد الشي او مرات بتجربتك تجاوبك

              بالحق انا نسولك ماقالولكش مناش ديك الكرة؟؟؟؟
              sigpic

              تعليق


              • #8
                السلام عليكم

                انا قصتي مغيره عليكم حت انا ولدت بالعملية ونعست 3 ايام في الانعاش ومين خرجت كان خصني انشوف ولدي حيت كان كيموت وانا كنت مشفتوش نهاياا حيت انا كنت فطبيب ولدي فطبيب وحدخور وراجلي مكنش كيبغي يديني كقلي انتي مريضة خصكي ترتاحي وانا باش يخليني نمشي نشوفو كنوقف بزز مني وبقيت على داك الحال سمنة ومات ولدي دابا والله راني كنكتب ونبكي حيت عاد هدي 40 يوم بش ولدت
                ولكين الله الملك الحمد وشكر الله يرحم الكم الوليديين لاما دعيولي بالصبر ويعوضني ربي في القريب يااااااااااااااااااااااارب
                sigpic

                تعليق


                • #9
                  المشاركة الأصلية بواسطة ام ليلى وسلمى مشاهدة المشاركة
                  السلام عليكم

                  انا قصتي مغيره عليكم حت انا ولدت بالعملية ونعست 3 ايام في الانعاش ومين خرجت كان خصني انشوف ولدي حيت كان كيموت وانا كنت مشفتوش نهاياا حيت انا كنت فطبيب ولدي فطبيب وحدخور وراجلي مكنش كيبغي يديني كقلي انتي مريضة خصكي ترتاحي وانا باش يخليني نمشي نشوفو كنوقف بزز مني وبقيت على داك الحال سمنة ومات ولدي دابا والله راني كنكتب ونبكي حيت عاد هدي 40 يوم بش ولدت
                  ولكين الله الملك الحمد وشكر الله يرحم الكم الوليديين لاما دعيولي بالصبر ويعوضني ربي في القريب يااااااااااااااااااااااارب
                  الله يخلف ليك و يرزقك عن قريب انشاء الله افرحي لانه طائر من طيور الجنة غادي يظلل عليك يوم القيامة و يشد بيديك للجنة انا الل كنصحكهادي 8 اشهر باش ولدت حتى انا و مات ليا ولدي لكن الحمد لله هو اللي عطى و هو اللي اخد الله يصبرك
                  http://

                  تعليق


                  • #10
                    دخلت بغيت نعاود ليكم قصتي ساعة بكيتونييييييييييييييييييييييييييييييي حتى المرة اخرى

                    تعليق


                    • #11
                      salam ya okhti allah yi 3awad 3alik bi doriya sali7a sibyan banat in chaaallah ama ana waladet bi feti7 te3adabt walakin mni chaft bant nesit el 3adab ana 3andi mochkil wa7ade howa makichadch fiya banj ba3da dakatira hena ki 9ablok mazyan allah yi fok kol 7amla 3ela khir

                      تعليق


                      • #12
                        المشاركة الأصلية بواسطة souadma مشاهدة المشاركة
                        الله يخلف ليك و يرزقك عن قريب انشاء الله افرحي لانه طائر من طيور الجنة غادي يظلل عليك يوم القيامة و يشد بيديك للجنة انا الل كنصحكهادي 8 اشهر باش ولدت حتى انا و مات ليا ولدي لكن الحمد لله هو اللي عطى و هو اللي اخد الله يصبرك
                        اختي الله يجعل ربي يصبرك حت انتي ويعوضك يااااااارب
                        sigpic

                        تعليق


                        • #13
                          المشاركة الأصلية بواسطة ام ليلى وسلمى مشاهدة المشاركة
                          السلام عليكم

                          انا قصتي مغيره عليكم حت انا ولدت بالعملية ونعست 3 ايام في الانعاش ومين خرجت كان خصني انشوف ولدي حيت كان كيموت وانا كنت مشفتوش نهاياا حيت انا كنت فطبيب ولدي فطبيب وحدخور وراجلي مكنش كيبغي يديني كقلي انتي مريضة خصكي ترتاحي وانا باش يخليني نمشي نشوفو كنوقف بزز مني وبقيت على داك الحال سمنة ومات ولدي دابا والله راني كنكتب ونبكي حيت عاد هدي 40 يوم بش ولدت
                          ولكين الله الملك الحمد وشكر الله يرحم الكم الوليديين لاما دعيولي بالصبر ويعوضني ربي في القريب يااااااااااااااااااااااارب
                          إنا لله و إنا إليه راجعون الحمد لله على ما بغى الله حتى أنا كنكتب وكنبكي حيث تأثرت أختي الصبر

                          تعليق


                          • #14
                            السلام عليكم أخواتي اللي حاملة الله يفكها على خير واللي مازال الله يعطيها الدرية الصالحة أنا ولدت ولدي الأول طبيعي والتاني ولادة قيصرية حيت الولد كان الوزن ديالوا زايد المهم دا روا معي عدة محاوات باش نولد طبيعية أو والو بداو دقات الجنين كينقصوا من بعد داوني لبلا صة ديال الفتيح قالوا زولي كلشي حوايجك داروا لي البنج شهدت أو قريت القرآن شفت الطبيب والمساعدين كيفتحوا لي بداو كيجبدوا في الولد بديت كنغوت وكندعي الله ونقرى القرآن هما مفهموا والوا حيت أنا كنعيش في الغربة شويا مبكيت عقلت على والوا حتى فقت من البنج لقيت راسي في غرفة أخرى قالوا لي مبروك أو داوني حدا راجلي باش نشوف المولود الجديد قضيت في المستشفى خمسة أيام رجعت إلى البيت عادي لا حنين ولا رحيم حيت أنا كنعيش في كندا قاسيت أو عانيت اللهم إجعلها مغفرة للدنوب ..........................................................الله يفك كل الحوامل على خير

                            تعليق


                            • #15
                              المشاركة الأصلية بواسطة امة الله1988 مشاهدة المشاركة
                              السلام عليكم

                              الله يفك وحايل كل حاملات ويقمن بالسلامة

                              والله يطعم كل مشتهي

                              انا سبقلي ولدت بالعملية هادي 9 شهور

                              ودابا حاملة وغانولد في يونيو عاود بالعملية

                              طبعا ماكاينة تا وحدة ولدات بالعملية وما تكرفساطش

                              بغيت كل وحدة تحكيلنا على تجربتها باش نفيدو ونستافدو

                              يعني من كل النواحي

                              انا المشكل اللي درت انني ما تمشيتش نهار التاني د العملية علا داكشي مرضت

                              وكان عندي مشكل ديال التواليت حشاكم كنت كانعاني بزاف

                              المهم بقيت مدة اسبوع وانا ممدودة في الفراش

                              ومابغيتش نعاود نفس التجربة

                              في انتظار ردودكن
                              أختي هاد المشكل ديال القبط أعزكم الله كيعانيوا منو بزاف خاصة اللي كيولدوا الولادة القيصرية ونصيحة هي عصير الليمون مع الباربا راه فعال لكل لي كتعاني الله يفكك على خير

                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X