إعـــــــلان

تقليص
لا يوجد إعلان حتى الآن.

سؤال إلى الأخت أم محمد يحيى الملقبة بسميرة كازا سابقا

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • سؤال إلى الأخت أم محمد يحيى الملقبة بسميرة كازا سابقا

    السلام عليكم أختي اولا كنباركلك على الحمل ديالك وكنقولك الف مبروك والله يتمملك على خير إن شاء الله أنا كنت كندخل للمنتدى كزائرة فقط ودائما كنطلع على قسم المتأخرات فالإنجاب للغستفادة من تجارب الاخوات وكنت متبعاك لأنك كان عندك تكيس المبيضين وتعالجتي ولله الحمد وجاب ربي التيسير على العلاج لمدة شهرين اختي أنا ايضا أعني من تكيس شديد ولله الحمد وغستعملت نفس الدواء الي عملتيه ولكن للاسف لم احمل وحاليا انا بصدد إعادت تحاليل الهرمونات سؤالي لك كم كانت نسبة هرمون lh عندك طبعا بعد إدنك وسؤالي الثاني هل تستخدمين أي مثبت حاليا لأن الطبيبة ديالي قالتلي بلي التكيس كيسبب إجهاض لاقدر الله ويجب أخد مثبتات فثلاثة شهور الاولى من الحمل وشكرا لك أختي مسبقا ومرة قانية ألف مبروووووووووووووووووووك

  • #2
    ربي لاتدرني فردا وأنت خير الوارقين
    كنتمنى تجاوبني اختي أم محمد يحيى فأقرب فرصة وشكرا

    تعليق


    • #3
      اولا السلام عليكم اختي
      تانيا هاد اللفب ديالك طيح علي واحد الضيم وضرني في قلبي
      واش اختي 30 عام ونتي كتعالجي من تاخر الانجاب........لا لا الحبيبة متعمريش راسك بفكرة انتك عقيمة حيت الى بقيتي تقولي هاكدا حتى شي دواء ميجيب الشفاء ليك حيت عقلك الباطن مقتنع بلي راكي معندك امل
      سمحي لي طولت عليك
      ودابا نجاوبك على اسئلتك
      انا اختي معمرني درت التحاليل باش نعرف نسبة lh
      انا اول مرة نمشي عند الطبيبة لما دارت لي التلفزة كيفما كنقولو بان ليها عندي نكيس بالمبايض ووراتني مجموعة ديال البويضات مجتمعة في الراس ديال المبيض لكن مشكلتهم انهم ومكيكبروش ومكينضجوش باش يوصلو للحجم المناسب باش يمكن يتلقحو يعني كيف ما قالت لي كيوصلو لواحد الحد وكيوقفو وحتى المكان المناسب لي المفروض يوصلو او يكونو فيه باش يتلاقاو بالحيوان المنوي مكيوصلوش ليه
      وهاد شي كلو بسبب التكيس لي كان عندي
      وقالت طول مانتي عندك هاد التكيس لي مانع عليك كلشي مغاديش تحملي حتى تعالجي
      قالت لي بلي غتعطيني الدواء مدة 3 اشهر والى محملتش ديك الساعة عاد ندوز لمرحلة التحاليل انا والزوج ديالي
      لكن الحمد لله حملت في الشهر التاني يعني موصلتش لمرحلة التحاليل باش نعرف شحال كان عندي
      عطاتني كدالك مجموعة من النصايح القيمة لي حتى هي ساعداتني من بعد الدعاء والاستغفار لله تعالى
      من بين هاد النصايح هو انني خصني نبعد نهائيا على غسل المنطقة الحساسة بالصابون اي نوع من الصابون وخا يكون حتى ديال الصيدلية لان الصابون فبحال الحالة ديالي كيقتل البكتيريات لي كتساعد باش الحيوان المنوي يبقى مدة اطول لدتخل باش يلقح البويضة ودوك البكتيريات عندهم دور كبير ومهم في المساعدة على الحمل
      وقالت لي حتى الغسيل مخصنيش نغسل المنطقة بزاف ونبقى نفرك
      يعني خصني غير نشلل بالماء باش ديك الطبقة لي كتكون متكونة في الطيات والجنبات ديال الفرج ديالك تساعدك على الحمل
      وكدلاك نصحاتني بلي الجماع خصو يكون نهار ايه ونهار لا باش ميفوتكش نهار الاباضة حيت البويضة كتبقى غير يومين يعني الى متلقحاتش اليوم تتلقح الغد ليهوهكدا مغاديش تفلتي يوم الاباضة لي هو يوم مهم بزاف باش تحملي
      ابتداءا من الغسل من الدورة بداي الجماع نهار ايه ونهار لا
      حاجة اخرى خاصك تعرفيها هو انك كناخدي ادوية منشطة يعني ممكن ان الاباضة ديالك تكون قبل من الوقت ديالها
      الى كنت كتاخدي برولفين راني قريت عليه بزاف يعني الاباضة كتبدا من نهار السابع من اخد اخر حبة
      خصك متاخديش اعشاب كيفما كان نوعها حيت غتخربق ليك كلشي
      حتى الوضعية ديال الجماع راها كتلعب دور كبير خاصك وضعية لي تخليك تحتفظي باكبر كمية ديال المني
      واحسن وضعية هي وضعية السجود الى بغيتي ممكن نرسك ليك تفاصيل عنها اكتر في رسالة خاصة
      وكدالك تهلاي في راسك بزاف في مرحلة العلاج يعني متبقايش تعمري راسك بافكار سوداء بالعكس كوني كتفائلة جدا حيت التفاؤل والنفسية المرتاحة كتخلي الدواء يعطي مفعول رهيب وكيجيب الله الشفاء
      اما الى بقيتي غكتبكي و تقولي انا عمري منولد كوني اكيدة انك بحال مكتشربي لا دواء لا والو
      حاجة وحدة داومي عليها وعن تجربة هي الدعاء والاستغفار بزاف
      وحتى الى مجابش الله هاد الشهر وتصدميش اول متشوفي الدورة جاتك لا بالعكس حمدي الله و شكريه ودعي الله يسهل عليك الشهر لي من بعدو
      اي حاجة بغيتيها انا معاك اختي
      غير كنطلب منك تغيري اسمك راه غير هاد الاسم كافي باش يحطم نفسيتك
      راه ربي كبيييييييييير وقادر على كلشي
      و ربي رحييييييييييييييم بعبادو ومكيتخلاش على العبد لي كيحمدو و يشكرو بزاف كيفما كان الحال
      [[URL="http://www.TickerFactory.com/"]
      اللهم يا مسهل الشديد، ويا ملين الحديد، ويا منجز الوعيد، ويا من هو كل يوم في أمر جديد أخرجني من حلق الضيق إلى أوسع الطريق، بك ادفع ما لا أطيق، ولا حول ولا قوة إلا بالله العلي العظيم.




      ام محمد يحيى سابقا

      تعليق


      • #4
        وا فينك اختي
        شفتك ماجاوبتنيش
        الله يرزقك الدرية الصالحة قريبا
        قولي لي اشنو هو المشكل لي قالك الطبيب عندك
        واشنو هما الادوية لي متبعا
        [[URL="http://www.TickerFactory.com/"]
        اللهم يا مسهل الشديد، ويا ملين الحديد، ويا منجز الوعيد، ويا من هو كل يوم في أمر جديد أخرجني من حلق الضيق إلى أوسع الطريق، بك ادفع ما لا أطيق، ولا حول ولا قوة إلا بالله العلي العظيم.




        ام محمد يحيى سابقا

        تعليق


        • #5
          السلام عليكم ورحمة الله وبركاته
          اختي كنعتدر على التأخير فالرد حيت كان عندي مشكل فالكمبيوتر
          اختي الله يجازيك بخير على التوضيحات اللي قدمتيها وكدلك كل المعلومات الي فدتيني بها الله يجعلها فميزان حسناتك ويثبت حملك يارب العالمين بالنسبة لغسم العثيمة أنا كنت تسجلت شحااااال هادي وكنت كنمر بظروف نفسية قااااسحة ومن بعد وقع لي مشكل فطريق تفعيل العضوية ومليوفالأيام الأخيرة عاودت المحاولة وتسجلت بإسم أخر وهو دمعة حائرة ودخلت البريد الإلكتروني اللي سبقلي دخلتو فالمرة الأولى الي تسجلت فيها وهما يقولولي الإسم ديال عضو خطا وإدا بغيتي تسترجع الغسم الصحيح نبع هاد التعليمات وملي تبعتها جبرت العقيمة وحاولت نبدلو ومتوفقتش وكنت متوقعة من الأخوات التعليق على هاد الغسم لأنه بالفعل إسم محبط واللي كيقراه كيكون علي نظرة بالي أنا إنسانة متشائمة وغير متفائلة وربما معنديشي إيمان وثقة بالله عزوجل ولكن انا راضية بالقضاء دالله سبحانه وتعالى الحمد لله الف مرة اللي بغاها ربي الحبيب مرحبا بها والف مرحبا
          أختي غادي نحاول نبدل الإسم وإدا تفضلتي تقولي الطريقة اللي بدلتي بها الإسم ديالك وسمحلي بزاااااف حيت طولت عليك
          دابا غادي نعاودلك رحاتي فالعلاج من البداية أنا بقيت عام بعيدة على راجلي لأنني كنت باقي مالتحقت به وماكنتشي خصني نحمل وتقريبا شي 3 ديال مرات الي زوج ديالي كان معايا يعني عملنا العرس وسافر مباشرة من بعد رجع وبقى معايا غير اسبوع وأنا كنت عارفة الوقت ديال المجيئ ديالوا وشربت حبوب منع الحمل والمرة الثالتة رجع ماستعملت والو وكانت عندير رغبة فالحمل لانني كنت قريبة نلتحق به وكدلك بقى معايا شي 5 ايام ومن بعد تأخرت علي العادة وملي جات مشيت عند الطبيبة قالتلي ربما كنت حاملة وهودولك وملي إلتحقت بالزوج ديالي بقيت مدة 3 أشهر ومشينا عند الطبيب وعملنا جميع الفحوصات والتحاليل والنتيجة هي ان الزوج ديالي ماعندو حتى مشكل الحمد لله وأنا منقدرشي نولد غلا عن طريق وسائل الإخصاب المساعد وماشرحولنا حتى شي حاجة بخصوص التحاليل وأنا تصدمت ومابقيت عارفة والو وبقيت كنبحت على دور كل هرمون والنسبة ديالو حتى كتشفت باللي أنا عندي إرتفاع فهرمون lh يعني عندي تكيس شديد فالمبيضين من بعد متبعتشي الطبيب هنا لان الزوج ديالي مابغاشي حيت كاين طبيب راجل وقالي غادي نتبعوا مع الطبيبة فالمغرب وفعلا مشيت عند الطبيبة وأكدتلي باللي عندي تكيس وقالتلي إن شاء الله غادي تحمل غير خصك تصبر لأن التكيس كيحتاج وقت وصبر وقالتلي غادي نتدرجوا فالعلاج حتى يجيب ربي التيسير وعطاتي فالاول حبوب الكلوكوفاج واتروجستان من اليوم 16 إلى اليوم 25 لمدة شهرين وملي ماوقعشي حمل عطاتني علاج أخر وهو بروليفين من اليوم 2 غلى اليوم 6 وأوفيستين من اليوم 8 إلى اليوم 14 واتروجستان كدلك شهرين ودابا ساليت هاد العلاج الشهر الي فات وماكاين والو الحمد لله وحاليا إتصلت بها قالتلي نعاود التحاليل باش تشوف التكيس واش باقي أولا نقص وعاد نشوفوا الخطو المقبلة ودابا كنتسنى الدورة تجي باش نعمل التحاليل دعي معايا ماتجينيشي ويفرحني ربي فهاد الشهر
          سمحلي بزااااف عارفة طولت عليك ربي يخليك ويجازيك على الإهتمام ديالك
          عافاك عندي شؤال واش كتسعمل شي مثبتات حيت أنا الطبيبة قالتلي إدا حملتي خصك تعمل شي مثبت لمدة 3 أشهر الاولى وشكرا
          ربي لاتدرني فردا وانت خير الوارثين

          تعليق


          • #6
            ربي لاتدرني فردا وانت خير الوارثين

            تعليق


            • #7
              أختي أم يحيى انا أنتظر ردك بفارغ الصبر
              ربي لاتدرني فردا وانت خير الوارثين

              تعليق


              • #8
                لاإله إلا أنت سبحانك إني كنت من الظالمين
                ربي لاتدرني فردا وأنت خير الوارثين

                تعليق


                • #9
                  السؤال موجه لام محمد ولكن انا دخلت ندعي معك ويارب تكوني حاملة هاد الشهر وشوفي ايلا بغيتي تبدلي الاسم ديالك سيري لمنتدى الشكاوى راه فيه مكان لتغيير الاسم وعوض هاد الاسم المحبط سمي راسك المتفائلة بالله وان شاء الله ربي غيرزقك بادنه تعالى وراك باقي تولدي وتعاودي غير الدعاء والاستغفار ضرورييييييييييي








                  تعليق


                  • #10
                    سمحي لي اختي بزاف بزاف حيت تعطلت عليك في الرد
                    لان عندي الكمبيوتر ديالي خاسر فيه بزاف ديال لي فيروسات لي كتمنعني انني نصيفط رد ليك
                    بالنسبة للموضوعك اختي حتى انا كان عندي تكيس ولله الحمد تعالجت منو وحتى واحد الاخت معانا هنا اسمها غزالة حميد راه هي صاحبة موضوع تجمع المريضات بالتكيس راه الموضوع متبت غير دخلي ليه وقرايه صفحة صفحة باش تعرفي ان هاد المشكل ماشي عندك بوحدك
                    حتى هاد الاخت لي اسمها غزالة حميد الى قريتي ردودها غادي تحسي بيها مسكينة شحال عانات والحمد لله ربي رزقها هاد الشهر بالحمل
                    لي بغيت نقول ليك هو ماشي غير الادوية لي كتجيب الشفاء راه كترة الدعاء والاستغفار فاي وقت و في اي مكان راه مفعولهم كبييييييييييير
                    كدالك كيف سبقلي قلت ليك بلي راه خصك تكوني عارفة ايام التبويض ديالك خصوصا الى كان طول الدورة ديالك منتظم يعني دايما كتجيك على 28 يوم او 30 او حتى 34 يوم هادو غير امتلة
                    بغيت نسولك اختي واش حتى نتي مكتجيك الدورة على شحال يعني تجيك شهر وتغبر عليك 3 او 4 اشهر
                    حيت فهاد الحالة الطبيبة غتعطيك ادوية لي تساعدك باش تنظم ليك دورتك وتجيك كل شهر
                    اما الى كانت كتجيك كل شهر ومنتظمة ان شاء الله نوريك كيفاش تعرفي ايام التبويض او الاباضة ديالك
                    حيت هدا الدواء لي كناخديه لي هو برولفين انا قريت عليه بزاف هو فيه واحد المادة لي كتنشط الاباضة وكتخلي الباضة تكون بشكل جيد باش يوقع اخصاب
                    حيت التكيس هو لي كيمنع البويضة من انها تكبر للحجم المناسب او انها توصل للمكان المناسب باش تلتقي بالحيوان المنوي
                    انا في الشهر الاول كنت كنرتكب اخطاء لي مكنش واعية بيها لكن في الشهر التاني ركزت مزيان و رديت البال وحاولت اني نداوم على الجماع نهار ايه ونهار لا ابتداءا من الغسل من الحيض
                    باش منفلتش يوم الباضة ديالي لي هو يوم مهم بزاف في الحمل
                    تخيلي اني كنت كنظن ان المراءة ممكن تحمل في اي وقت خصها فقط تمارس الجماع مع زوجها
                    لكني تصدمت ملي عرفت ان المراءة ممكن نحمل فقط في على الاكتر 3 ايام في الشهر يعني باقي اليام واخا تنعس فيها ليل ونهار راه ميوقع والو
                    لهادا اختي ركزي على ايام الباضة ديالك ومتفلتيهاش بسبب مشاكل او زيارات عائلية او او او .......
                    بالنسبة لسؤالك على المتبتات الحمل انا لما زرت الطبيبة مباشرة ملي عملت تحليل الدم ولقيت راسي حاملة طلبت منها انه تعطيني متبتات الحمل قلت ليها هاد اول مرة كنحمل فيها وخايفة ندير اجهاض
                    قالت لي معندك ماديري بيهم لان معندكش مشاكل لي تخلي الحمل ينزل قالت لي المتبتات كتعطى للسيدات لي باين عندهم مشاكل في الحمل وعطاتني فقط فيتامينات
                    لكن انا مقتنعتش بكلامها ومشيت للصيدلية باش نشري اي نوع من عندهم متبت للحمل لكن مولات الصيدلية قالت لي اش بغيتيهم معندك ماديري بيهم نتي الحمد لله معندكش شي مشكل او بلاحر باقي مبان عندك حتى مشكل يستدعي متبتات الحمل
                    وحتى الفيتامينات مبغاتش تعطيهم لي قالت مدام نتي مزال كتاكلي فخدي فيتامينات طبيعية من الاغدية ديالك راه الفيتامينات كيتعطاو للنساء لي مكياكلوش باش يساعد نفسهم


                    نتي دابا اختي ركزي في حاجة وحدة انك تبعي دواك مزيان وادعي الله راكم الحمد لله معندكمش شي مشكييييل كبير
                    بالنسبة لكلام الدكتور بلي خصك مساعد على الاخصاب فهادي حاجة عادية راه برولفين مساعد على الاخصاب
                    شوفي ادخلي لغوغل وكتبي اسم برولفين بالعربية وشوقي العجب لي مكتوب عليه وغادي تشوفي شحال ديال الناس حملو بيه
                    وكدالك كتبي اسماء باقي الادوية لي كتاخدي باش تزيد تتعرفي اكتر عليهم



                    بالنسبة لتغير الاسم راه كاين في قسم الشكاوى قسم ديال تغير الاسم راه المشرفات الله يعمرها دار غادي يساعدوك ديري شي اسم متفائل
                    وديري راسك بحال عاد بديتي رحلة البحت عن الانجاب
                    اختي خلي يقينك في الله راه ربي كبيييييييييييييير ورحييييييييييييم وقااااااااااااااااااااادر على كل شي
                    دابا يحن يحن
                    اعتدر عن التاخيييييييييييييير لكي مني اجمل تحية
                    اختك سميرة
                    مامات محمد يحيى ملي يتزاد ان شاء الله
                    [[URL="http://www.TickerFactory.com/"]
                    اللهم يا مسهل الشديد، ويا ملين الحديد، ويا منجز الوعيد، ويا من هو كل يوم في أمر جديد أخرجني من حلق الضيق إلى أوسع الطريق، بك ادفع ما لا أطيق، ولا حول ولا قوة إلا بالله العلي العظيم.




                    ام محمد يحيى سابقا

                    تعليق


                    • #11
                      مميمتي كتبت ليك جريدة
                      جاب لي الله بحال الى كنهصر معاك مباشرة
                      معرفتش راسي لمتى كتبت ليك هاد شي كلو
                      انا راني عزيز علي التفاصيل
                      حيت حتى انا لما كنت بحالك كنت كنبغي لي تبغي توضح لي شي حاجة تكتبها لي بالتفصيييييييل الممل باش نستافد
                      اما لي كتبات لي 2 كلمات كتخليني مفقوصة حيت انا في قوة الاسئلة
                      [[URL="http://www.TickerFactory.com/"]
                      اللهم يا مسهل الشديد، ويا ملين الحديد، ويا منجز الوعيد، ويا من هو كل يوم في أمر جديد أخرجني من حلق الضيق إلى أوسع الطريق، بك ادفع ما لا أطيق، ولا حول ولا قوة إلا بالله العلي العظيم.




                      ام محمد يحيى سابقا

                      تعليق


                      • #12
                        السلام عليذم ورحمة الله وبركاته
                        كنشكرك بزااااف أختي محبة رسول الله على إهتمامك بحالتي وعلى الدعاء ديالك معايا الله يجازيك بخير ويجعله فميزان حسناتك يااااااااااارب إن شاء الله غادي نستخدم الإسم اللي إقترحتيه علي مزيون أحييك على إختيارك
                        أختي أم محمد يحيى الله يجازيك بخير على كل المعلومات اللي قدمتيها بخصوص فترة التبويض أنا ولله الحمد عندي فذرة على التغيرات اللي كتوقع فهاد الفترة واللي من خلالها تقدر المرأة تعرف باللي هادي هي فترة التبويض مثلا إرتفاع درجة حرارة الجسم ونزول إفرازات مقل زلال البيض أنا هاد الشهر نزلات مني حاشاك هاد الإفرازات ولذن حتى ناليوم 23 من الدورة يعني تبويض متأخر وحاولت أنا وراجلي نمارسوا الجماع يوم نعم ويوم لا وحاليا أنا كنتسنى ديك الغزالة تجيني يااااااااااااااااااربي الحبيب ماتجيشي ويفرحني ربي أنا وكل محرومة باادرية الصالحة أمييييييييييييييييين
                        بالنسبة للدورة عمرا ماتعطلتلي أكثر من شهر و 15 يوم وغالبا كتجي كل شهر و4 أيام أولا 6 أيام
                        دعي معايا ياختي نكون حاملة هاد الشهر الله يرحم والديك
                        أختي الله يكمل عليذ بالخير ويثبت حملك ياااارب ومرة أخرى شكرا على الرد والتعاطف ديالك معايا
                        ربي لاتدرني فردا وأنت خير الوارثين

                        تعليق


                        • #13
                          الله يسهل عليك في القريب العاجل
                          نتي في اي بلد
                          ادا بغيتي اي سؤال انا معاك اختي
                          الله يرزقك ويرزق الجميع
                          [[URL="http://www.TickerFactory.com/"]
                          اللهم يا مسهل الشديد، ويا ملين الحديد، ويا منجز الوعيد، ويا من هو كل يوم في أمر جديد أخرجني من حلق الضيق إلى أوسع الطريق، بك ادفع ما لا أطيق، ولا حول ولا قوة إلا بالله العلي العظيم.




                          ام محمد يحيى سابقا

                          تعليق


                          • #14
                            سلام ألأخت سميرة الله إثبت حملك عندي سؤال أنا مكتجينيش الدم كل شهر كتجيني على 3او4 شهر يعني هاد المشكيل عندي ملي رشدة واش اختي يقدر إيكون عندتكيس وانا دابة تنشرب ديفاستون باش تهبط كل شهر كان سبق لي تبعت مع طبيبة أعطاتني برولفين+اوفستان+ديفاستون لمدة 3شهر أومجابش الله أختي من البعد قالت لي طبيبة خاص راجلك إدير تحليلة دار راجلي تحاليل ألقى عندو الحركة بطيئة اعمل العملية دابة شهر الحمدلله أختي سمحي لي طولت عليك كنتمنى أنك تجاوبني على سؤالي شكرا

                            تعليق


                            • #15
                              المشاركة الأصلية بواسطة SAIDA2000 مشاهدة المشاركة
                              سلام ألأخت سميرة الله إثبت حملك عندي سؤال أنا مكتجينيش الدم كل شهر كتجيني على 3او4 شهر يعني هاد المشكيل عندي ملي رشدة واش اختي يقدر إيكون عندتكيس وانا دابة تنشرب ديفاستون باش تهبط كل شهر كان سبق لي تبعت مع طبيبة أعطاتني برولفين+اوفستان+ديفاستون لمدة 3شهر أومجابش الله أختي من البعد قالت لي طبيبة خاص راجلك إدير تحليلة دار راجلي تحاليل ألقى عندو الحركة بطيئة اعمل العملية دابة شهر الحمدلله أختي سمحي لي طولت عليك كنتمنى أنك تجاوبني على سؤالي شكرا

                              اختي سعيدة كيف دايرة
                              لاباس عليك
                              بالنسبة لسؤالك انا لما زرت الطبيبة اول مرة وقالت لي عندي تكيس المبايض كانت هاديك اول مرة نسمع فيها هاد المرض ولاني قليلة الخبرة استاعنت بالنت وبقيت كنعمل ابحات في الانترنيت على هاد المرض واشنو هي الاعراض ديالو وكدلك العلاج ديالو
                              لي لقيت اختي هو ان اغلبية النساء المصابات بهاد المرض مكتجيهمش الدورة كل شهر لكن انا الدورة ديالي كانت كتجيني كل شهر
                              كدلك المراءة كتكون غليظة في الوزن انا وزني عادي ماشي رقيقة وماشي غليظة
                              كدلك تكون شعر كتيف في الجسم والوجه هادي كاينة انا مزغبة
                              وقريت ان العلاج كيكون بالكلوميد ومراقبة التبويض بالمنضار لان التكيس كيمنع البويضة من انها تكبر و تتلقح
                              كدلاك كيستاعن الطبيب بديفاستون باش التكون الدورة منتظمة يعني تجيك الدورة كل شهر باش تبعي العلاج لي كيبدا من اليوم التاني للدورة
                              وكدلك الديفاستون فيه مواد كنساعد على الحمل وكيهى الرحم باش يستفبل الجنين
                              يعني ادا وقع حمل كيتبتو وادا مكانش حمل كينزل الدورة من بعد تقربا 5 ايام من اخر حبة
                              نتي دابا المشكل ماشي فيك نتي داك شي علاش هادوك الادوية مدارو ليك والو
                              المشكل في الزوج ديالك لي خاصو يتبع العلاج ديالو لان الى كانت الحركة بطيئة هادا كيعني ان الحيوان المنوي مغاديش يوصل للبويضة في الوقت يعني ميوصل ليها حتى تكون ماتت
                              نتي تبعي العلاج نتي وزوجك والله يسهل عليكم مصعاب ويشافيه يا ربي
                              اي حاجة انا في الخدمة
                              [[URL="http://www.TickerFactory.com/"]
                              اللهم يا مسهل الشديد، ويا ملين الحديد، ويا منجز الوعيد، ويا من هو كل يوم في أمر جديد أخرجني من حلق الضيق إلى أوسع الطريق، بك ادفع ما لا أطيق، ولا حول ولا قوة إلا بالله العلي العظيم.




                              ام محمد يحيى سابقا

                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X