إعـــــــلان

تقليص
لا يوجد إعلان حتى الآن.

أعراض توقف نمو الجنين

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • أعراض توقف نمو الجنين

    السلاام عليكم البنات
    لباس عليكم ؟؟ كلشي في أمان الله ؟؟


    بغيت نسولكم على لي عارفة شي حاجة على توقف نمو الجنين وأعراضه


    أنا مني حملت صدري تنفخ ولا يضرني بزاف لدرجة مبقيتش نقدر نلبس سوتيانات ولاو فيهم خطوط بيضين وحمرين بزاف وكبار . لكن دابة مبقاوش يكيضروني بزاف ولخطوط نقصوووووووووووو وانا لي عارفة محد لوحدة كتزيد في الحمل وهما كيزيدو يتنفخو وكيوليو يضرو بزاف وانا شاكة ان يكون وقع لي جنين شي حاجة .. وموعد مع الطبيبة حتى 24 في شهر تمنية ومبغيت نقول راجلي والوا مبغيتش نخلعواوهو مسكين فرحان بهاد الحمل


    عافكم لي سبق ليها توقف ليها نمو الجنين او عندها معلومات او شي وحدة قريبة وقع ليها هدشي تفيدني وتقولي ليا لأعراض


    الله يزرق الجميع من فضله .. ويثبت حمل الحاملات ويرزق لي مزال محملاتش





    :)

  • #2
    السلام عليكم
    شوفي من الحركة ديالو في كرشك ادا كان كيتحرك صافي معندك تخافي
    sigpic

    تعليق


    • #3
      بسم الله الرحمن الرحيم
      انا عندي صاحبتي توقف جنينها عن النمو في ثمانية اسابيع و الاعراض كانت هي اختفاء اعراض الحمل يعني ولات عادية مكتحس بوالو لا دوخة لا تقية لا حتى حاجة بحال الى كاع محاملة ومين مشات عند الطبيبة كالت ليها راه الجنين توقف عن النمو ان شاء الله ما يكون عندك والو و يرزقك ربي الذرية الصالحة آمين

      تعليق


      • #4
        المشاركة الأصلية بواسطة ام محمد رضي مشاهدة المشاركة
        السلام عليكم
        شوفي من الحركة ديالو في كرشك ادا كان كيتحرك صافي معندك تخافي
        عليكم السلام والرحمة


        معرفت اختي لن هاد لايام كنحس غير بالوجع مرة مرة اما تحراك موحال والله اعلم


        شكرا اختي على ردك





        :)

        تعليق


        • #5
          المشاركة الأصلية بواسطة safarine مشاهدة المشاركة
          بسم الله الرحمن الرحيم
          انا عندي صاحبتي توقف جنينها عن النمو في ثمانية اسابيع و الاعراض كانت هي اختفاء اعراض الحمل يعني ولات عادية مكتحس بوالو لا دوخة لا تقية لا حتى حاجة بحال الى كاع محاملة ومين مشات عند الطبيبة كالت ليها راه الجنين توقف عن النمو ان شاء الله ما يكون عندك والو و يرزقك ربي الذرية الصالحة آمين
          انا دابة اختي عندي 19 اسبوع يعني فاتني لوحم شحال هادي وكرشي بانت لكن هاد لايام لي وقع لي داك التغيير وخفت .. مع اول حمل ليا معرفت اشنو ندير واش هدشي عادي ولا شنو



          الله يجازيك بالخير اختي على الاجابة





          :)

          تعليق


          • #6
            khti nasihti lik wakha ma3edek rondivo m3a tbiba tal 24 siri daba hitach wakha makayn walo had tawtor ghadi idir fik chi haja hadi 3an tajriba

            تعليق


            • #7
              يا ربي يحفظك ويحفظ الجنين ديالك
              اختي انا لكا توقف نمو الجنين ديالي ملي دخلت في الاسبوع التاسع نزل مني شي افرازات قليلة بنية بحال الوسخ
              وكان خرج ليا الكلف في وجهي ملي حملت لكن غير توقف النمو والكلف اختفى من وجهي قبل منعرف بلي راه مات لي في كرشي
              وحتى دوك الافرازات البيضاء لي كانت فيا ملي حملت اختفات بمجرد توقف النمو
              اما الوجع او الدم محسيتش بيه حتى اكدات ليا الكبيبة توقف النمو وعطاتني ادوية لي خلات الجنين يطيح غير بوحدو
              الله ينجيييييييييك اختي من توقف النمو والله يحفظ و يتبت الجنين ديالك
              راني كندعي سيدي ربي ميكتبش عليك لي كتب عليا في هاد الوقفة ديال الجمعة
              الى شكيتي في راسك سيري عند الطبيبة قبل الموعد لي عندك معاها باش حتى الله يحفظ كانت شي حاجة تعطيك ادوية متبتة
              الله يحفظ الجنين ديالك في هاد العواشر و يكمل الله عليك فرحتك
              [[URL="http://www.TickerFactory.com/"]
              اللهم يا مسهل الشديد، ويا ملين الحديد، ويا منجز الوعيد، ويا من هو كل يوم في أمر جديد أخرجني من حلق الضيق إلى أوسع الطريق، بك ادفع ما لا أطيق، ولا حول ولا قوة إلا بالله العلي العظيم.




              ام محمد يحيى سابقا

              تعليق


              • #8
                ان شاء الله ما يكون عندك والو و يرزقك ربي الذرية الصالحة
                sigpicurl=http://tickers.doctissimo.fr/][/url]

                تعليق


                • #9
                  المشاركة الأصلية بواسطة layla bnh مشاهدة المشاركة
                  khti nasihti lik wakha ma3edek rondivo m3a tbiba tal 24 siri daba hitach wakha makayn walo had tawtor ghadi idir fik chi haja hadi 3an tajriba

                  ختي انا مكرهتش نمشي ليوم قبل غدا لكن مبغيت نقول لراجلي والوا ونخلعوا وتكون في الاخير غير اوهام . بالأخص ان الطبيبة خجت لي تحاليل ودرتهم ومزال مجبتهم من كازا قال لي لكنتي باغا تمشي لطبيبة على لاقل حتى نجيبوا تحاليل ونمشو ي خطرة

                  شكرا حبيبة بزاف على ردك الله يفرحك





                  :)

                  تعليق


                  • #10
                    المشاركة الأصلية بواسطة ام محمد يحيى مشاهدة المشاركة
                    يا ربي يحفظك ويحفظ الجنين ديالك
                    اختي انا لكا توقف نمو الجنين ديالي ملي دخلت في الاسبوع التاسع نزل مني شي افرازات قليلة بنية بحال الوسخ
                    وكان خرج ليا الكلف في وجهي ملي حملت لكن غير توقف النمو والكلف اختفى من وجهي قبل منعرف بلي راه مات لي في كرشي
                    وحتى دوك الافرازات البيضاء لي كانت فيا ملي حملت اختفات بمجرد توقف النمو
                    اما الوجع او الدم محسيتش بيه حتى اكدات ليا الكبيبة توقف النمو وعطاتني ادوية لي خلات الجنين يطيح غير بوحدو
                    الله ينجيييييييييك اختي من توقف النمو والله يحفظ و يتبت الجنين ديالك
                    راني كندعي سيدي ربي ميكتبش عليك لي كتب عليا في هاد الوقفة ديال الجمعة
                    الى شكيتي في راسك سيري عند الطبيبة قبل الموعد لي عندك معاها باش حتى الله يحفظ كانت شي حاجة تعطيك ادوية متبتة
                    الله يحفظ الجنين ديالك في هاد العواشر و يكمل الله عليك فرحتك
                    ختي حتى انا كانت تنزل مني لافرازات بزاااااف ودابة ولات قليييييلة وبعد لمرات مكنلقى والوا ومبقيتش كنحس باني حاملة واخا تنفخت كرشي شوية


                    يااااااااااااااااااااااااااربي يكون لجنين بخير يارب

                    ختي الله يجازيك بالخير على الدعاء





                    :)

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X