إعـــــــلان

تقليص
لا يوجد إعلان حتى الآن.

استطلاع..مستشفى او كلينيك..؟

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • استطلاع..مستشفى او كلينيك..؟

    السلام حبيباتي
    اللي حاملة الله يكمل عليها بالخير و اللي مازال الله يجيب ليها درية صالحة ان شاء العلي القدير..
    عندي واحد الصديقة قربات تولد و ما عارفاش اشنو حسن واش تولد فمستشفى عمومي او انها تمشي لمصحة خاصة...انا نصحتها على حسب ما كانسمع بالمستشفى و لكن كلت علاش مانسولش صحابات التجربة ..ان شاء الله نلقا عندكوم المراد..

    لكن مني كل الود و التقدير مع خالص الدعاء


    اللهم اغفر لي ما قــدمت و مـا أخرت و مـا أسررت و مـا أعلنـت و مـاأنت أعلـم به منـي أنت المـقدم و أنت المؤخر لا إله إلا أنت

  • #2
    الله يفكها على خير انا اختي بالنسبة لمدينة اللي فيها من الافضل كلينيك حيت العمومي تيتكرفصوا على الناس وتيعيروهم الله يهديهم

    تعليق


    • #3
      الله يفكها على خير ويرزق الجميع الذرية الصالحة
      اختى الى كانت امورها مزيانة من الناحية المادية تمشي لكلينك احسن واكرم الصراحة
      الله يسهل على الجميع
      لاتجعل الله اهون الناظرين اليك

      تعليق


      • #4
        حتى أنا كنت حايرة، وملي مشيت شفت الحالة ديال المستشفى العمومي أشمن وسخ هذاك، والفرمليات غير وجههم يخلعك، وسراق الزيت كيتقاسم معاك الماكلة، والبيت فيه شحال من وحدة ما تاخدي كاع راحتك وزيد وزيد. الصراحة الكلينيك حسن إلا كانو الإمكانيات.





        تعليق


        • #5
          شكرا لكم أخواتي الله يعطيكم ما تمنيتو و شكرا على الدعيوات ديالكم ليها..
          انا متافقة معاكم من ناحية العناية و النظافة و لكن كاع اللي كايمشيو للكلينيك كايديرو العملية القيصرية كاتكون هي الخيار الاول يعني واخا كانت الامور كلشي بيخير كايفتحو ليها ربما لانها كاتبغي الفلوس و هما داكشي اللي بغاو..
          او لا ....؟؟؟


          اللهم اغفر لي ما قــدمت و مـا أخرت و مـا أسررت و مـا أعلنـت و مـاأنت أعلـم به منـي أنت المـقدم و أنت المؤخر لا إله إلا أنت

          تعليق


          • #6
            ولكن الوحدة ماشي غير يبدا الحريق تجري للكلينيك، تصبر حتى تطيب الوجع مزيان وتحس أنه صافي عاد تمشي على هما يتسناو النهار كامل، بالسيف يزربو على الفتيح، زعما ما تمشي حتى تقرب الولادة فعلا.
            أنا كنقولك هاد الهدرة ووقيلا غنمشي يومين قبل موعد الولادة ههههههههه راني خوافة وغير تنغزني كرشي كننوض l'ambulance فالدار هههههه
            الله يفكنا على خير وخلاص





            تعليق


            • #7
              أنا من رأيي أختي اد كانت الحالة المادية ديالها ميسوة من الأفضل تمشي لكلينيك

              تعليق


              • #8
                اختي من طبيعة الحال الكلينيك لان المستشفى كله اهمال فاهمال والانسان عندهم بحال حيوان كيتكرفصو عليه والمصحة اكيد تلقى فيها الرعاية والاهتمام التام.
                اللهم ارزق أمي الفردوس الأعلى من الجنة واحفظ أبي ومتعه بالصحة والعافية وارزق أخواتي الأزواج الصالحين آمين.
                اللهم احفظ زوجي وأبنائي من كل شر وأقر عيني بهم آمين.




                تعليق


                • #9
                  salam alikom lah ysahal alik wlada wd3i m3aya bdoriya saliya kima galo alahoma slama wla ndama flos tmchi wtji blhak ila khtatk sahtak raki arfa twkli ala lah awaln wsiri klinik ysalik wtay jik wjaa mzyan wl imara taygolo tathbat chwiya dam tma t3arfi rask atwaldi ama ila kant hala bebe fkhatar b3da y3tkok machi bhal tkrfiss li tansm3o lah yhdihom wndmo rashom wytakiw lah fl 3ibad

                  تعليق


                  • #10
                    المشاركة الأصلية بواسطة oumomar مشاهدة المشاركة
                    salam alikom lah ysahal alik wlada wd3i m3aya bdoriya saliya kima galo alahoma slama wla ndama flos tmchi wtji blhak ila khtatk sahtak raki arfa twkli ala lah awaln wsiri klinik ysalik wtay jik wjaa mzyan wl imara taygolo tathbat chwiya dam tma t3arfi rask atwaldi ama ila kant hala bebe fkhatar b3da y3tkok machi bhal tkrfiss li tansm3o lah yhdihom wndmo rashom wytakiw lah fl 3ibad
                    اللهم امين أختي و اسال الله تعالى ان يرزقني و يرزق كل من تتمنى درية تملأ بيتها و تؤنس وحشتها..ربي لا تذرني فردا و انت خير الوارثين

                    المشاركة الأصلية بواسطة إسراء مشاهدة المشاركة
                    اختي من طبيعة الحال الكلينيك لان المستشفى كله اهمال فاهمال والانسان عندهم بحال حيوان كيتكرفصو عليه والمصحة اكيد تلقى فيها الرعاية والاهتمام التام.
                    ايوا غير الله يسترنا اختي و الله يحفضنا و يحفظ المسلمين من ديك الماركة
                    المشاركة الأصلية بواسطة om hajar 2005 مشاهدة المشاركة
                    أنا من رأيي أختي اد كانت الحالة المادية ديالها ميسوة من الأفضل تمشي لكلينيك
                    نعم اختي هي بالمقدور ديالها تمشي للمصحة..شكرا لك
                    المشاركة الأصلية بواسطة La_Rifia مشاهدة المشاركة
                    ولكن الوحدة ماشي غير يبدا الحريق تجري للكلينيك، تصبر حتى تطيب الوجع مزيان وتحس أنه صافي عاد تمشي على هما يتسناو النهار كامل، بالسيف يزربو على الفتيح، زعما ما تمشي حتى تقرب الولادة فعلا.
                    أنا كنقولك هاد الهدرة ووقيلا غنمشي يومين قبل موعد الولادة ههههههههه راني خوافة وغير تنغزني كرشي كننوض l'ambulance فالدار هههههه
                    الله يفكنا على خير وخلاص
                    امييييييين اختي الله يفكك و يفكها على خير و تكون ولادتكم يسيرة ان شاء الله


                    اللهم اغفر لي ما قــدمت و مـا أخرت و مـا أسررت و مـا أعلنـت و مـاأنت أعلـم به منـي أنت المـقدم و أنت المؤخر لا إله إلا أنت

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X