إعـــــــلان

تقليص
لا يوجد إعلان حتى الآن.

تجمع المقبلات على عملية التلقيح وكذلك عملية أطفال الانابيب ،باش نتبادلو المعلومات.

تقليص
هذا الموضوع مغلق.
X
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • تجمع المقبلات على عملية التلقيح وكذلك عملية أطفال الانابيب ،باش نتبادلو المعلومات.

    السلام عليكم البنات،
    بغيت نحل هاد المكان فالمنتدى، باش يكون تجمع ديال المقبلات على عملية التلقيح وكذلك عملية أطفال الانابيب ،باش نتبادلو المعلومات،والمواسات،والتشجيعات،واللي عندها شي معلومة ماتبخلش بيها على اخواتاتها في الله وتْعْتابْر كُلْشِي في سبيل الله،والله يحن علينا كاملين ويفتح لينا أبواب الرحمة والفرج والصحة والذرية الصالحة والمغفرة ياربي آمين ،قولو آمين.
    وبغيت كل واحدة منا دخلت للموضوع هادا تستغفر الله وتعرفنا بنفسها (اعني مسيرة علاجها) باش البنات كاملات يتعرفو على بعضياتهوم مزيان،ونحاولو نتعاونو معنويا وماديا إن اقتظى الحال،والله يكون معانا ويوفقنا آمين ياربي.
    نبدا أنا الاولى نعرفكوم بنفسي:
    أستغفر الله العلي العظيم
    في الثلاثينات اسكن بالخارج،عملت 4 محاولات أطفال الانابيب حيت الزوج عندوالحيوانات المنويه ضعاف بزاف وقلال وماتايتحركوش ،واناعندي كرن مسدود ومازالى تانتسنا رحمة الله سبحانه وتعالى باش يرزقني بالذرية الصالحة ياربي آمين.
    يالله البنات عرفو بنفسكوم،ونحاولو نتعاونو حتى يحن علينا سيدي ربي الحبيب القادر على كل شيء ياربي آمين. والله الموفق

  • #2
    يالله البنات حاولو تشاركو، باش نستافدو من تجاربكوم وحتى نتوما تستافدو من تجاربنا ،حاولو ماتخليوش هاد الركن مايهبطش للتحت ويمشي للنسيان!

    تعليق


    • #3
      السلام عليكم ورحمة الله و بركاته
      سبحان الله لبارح فالليل فكرت باش نفتح تجمع المقبلات على عملية اطفال الانابيب واليوم مني حليت المنتدى و انا نلقا هاد التجمع
      المهم انا هادي 7 سنين وانا مزوجة ومجابش الله عندي الكرون مسدودين بالالتهاب لبارح خطوة الخطوة الاولى باش نبدا في العلاج باش ندير عملية اطفال الانابيب مشيت عند الدكتور الزاهي و خرج ليا حقنة قال ليا الشهر الماجي دربيها و جي عندي باش ندير التلفزة
      يارب تسهل عليا و على جميع الاخوات و نفرحو كاملين
      http://www.raneen.info/calage.php/$218$200$207$32$199$225$225$229-2011-8-5-2/myage.png[/IMG][/URL]

      تعليق


      • #4
        استغفر الله العظيم شكرا اختي على هد الملف انا اخيى في الثلاتينيات مزوجة سنتين درت التلقيح الاصطناعي 2 مرات و دبا مقبلة ندير اطفال الانابيب من بعد مندير عملية استئصال الزوائد اللحمية و كدلك عندي مشكل fsh طالع 18 الله يفرجها علينا كاملين
        sigpic
        رب هب لي هبة مباركة من عندك...قد لا اكون اهلاًلهذه الهدية ,ولكنك اهلاً لهذا ‏العطاء يا سميع يا مجيب
        ربي هب لي من لدنك ذرية طيبه انك سميع الدعاء
        يا من أمره بين الكاف والنون وإذا أراد شيئاً قال له كن فيكون أرزقني بذرية ‏صالحة طيبة تقر بها العيون
        اللهم اني ظلمت نفسي ظلما كثيرا ولا يغفر الدنوب الا انت فاغفر لي مغفرة من عندك وارحمني انك انت
        الغفور الرحيم

        تعليق


        • #5
          اللهم امين اختي حسني الله يسهل عليك اختي
          http://www.raneen.info/calage.php/$218$200$207$32$199$225$225$229-2011-8-5-2/myage.png[/IMG][/URL]

          تعليق


          • #6
            السلام عليكم أخواتي ،كيدايرين؟!لاباس؟!
            شكرا جزيلا،لتفاعلكم مع هاد الركن،الله يرزقنا وإياكم بالذرية الصالحة ياربي آمين.

            أختي هداية الرحمآن :الحمد لله على شفائك وانتظام دورتك،والله يسهل عليك آختي فعملية أطفال الانابيب وتنجح ياربي آمين إنه على كل شيء قدير،اما بالنسبة للحموضه اللي عندك ،كنت قريت شحال هادي في منتدى فرنسي بان استعمال بيكاربونات الصديوم على شكل دوش مهبلي يحارب الحموضه والله أعلم.



            أختي أم عبد الله وأمينة مرحبا بيك ،سبحان الله ،إذن كان عندنا تخاطر أفكار سبحان الله .
            تانطلب الله القادر على كل شيء يبارك ليك فهاد المحاولة ديال اطفال الانابيب ويرزقك بشي مومو غزال فحالك ياربي آمين،غيتوكلي على الله وإن شاء الله غايكون غير الخير.
            ولكن ماقلتيش واش راجلك دار تحليل السائل المنوي ديالو ولا لا،حيت خاص حتى راجلك يكون سليم 100/100 باش يكون العلاج واضح للطبيب وليك.حيت إلى كان راجلك عندو خلل ولا نقص فالعدد ولا الحركه خاصكي تعرفيها ومن تما يكون العلاج والتلقيح ناجح بإذن الله سبحانه وتعالى.

            تعليق


            • #7
              أختي حسني الله يحقق مبتغاك ويرزقك بالذرية الصالحة ياربي آمين ،وإن شاء الله تكون هاد العملية ديال اطفال الانابيب هي باش غادي يفرحك سيدي ربي بشي وليد ولا بنوتا ولا بيهوم بجوج إنه على كل شيء قدير وبالاستجابة جدير آمين.

              تعليق


              • #8
                المشاركة الأصلية بواسطة حَسْبِيَ الله مشاهدة المشاركة
                أختي حسني الله يحقق مبتغاك ويرزقك بالذرية الصالحة ياربي آمين ،وإن شاء الله تكون هاد العملية ديال اطفال الانابيب هي باش غادي يفرحك سيدي ربي بشي وليد ولا بنوتا ولا بيهوم بجوج إنه على كل شيء قدير وبالاستجابة جدير آمين.
                الله يبارك فيك اختي ويرزقك حتى انت بالدرية صالحة و بتوام انشاء الله
                sigpic
                رب هب لي هبة مباركة من عندك...قد لا اكون اهلاًلهذه الهدية ,ولكنك اهلاً لهذا ‏العطاء يا سميع يا مجيب
                ربي هب لي من لدنك ذرية طيبه انك سميع الدعاء
                يا من أمره بين الكاف والنون وإذا أراد شيئاً قال له كن فيكون أرزقني بذرية ‏صالحة طيبة تقر بها العيون
                اللهم اني ظلمت نفسي ظلما كثيرا ولا يغفر الدنوب الا انت فاغفر لي مغفرة من عندك وارحمني انك انت
                الغفور الرحيم

                تعليق


                • #9
                  انا رجلي سليم 100/100 حيت فاش بغينا نديرو التلقيح كانت نسبة الحيوانات المزيانة عندو 45 مليون و السليمة و الحركة 95%
                  sigpic
                  رب هب لي هبة مباركة من عندك...قد لا اكون اهلاًلهذه الهدية ,ولكنك اهلاً لهذا ‏العطاء يا سميع يا مجيب
                  ربي هب لي من لدنك ذرية طيبه انك سميع الدعاء
                  يا من أمره بين الكاف والنون وإذا أراد شيئاً قال له كن فيكون أرزقني بذرية ‏صالحة طيبة تقر بها العيون
                  اللهم اني ظلمت نفسي ظلما كثيرا ولا يغفر الدنوب الا انت فاغفر لي مغفرة من عندك وارحمني انك انت
                  الغفور الرحيم

                  تعليق


                  • #10
                    بغينا لبنات يتفاعلو مع هد الملف مزيان ويحكيو لينل على التجارب ديالهم باش تعم الفائدة
                    sigpic
                    رب هب لي هبة مباركة من عندك...قد لا اكون اهلاًلهذه الهدية ,ولكنك اهلاً لهذا ‏العطاء يا سميع يا مجيب
                    ربي هب لي من لدنك ذرية طيبه انك سميع الدعاء
                    يا من أمره بين الكاف والنون وإذا أراد شيئاً قال له كن فيكون أرزقني بذرية ‏صالحة طيبة تقر بها العيون
                    اللهم اني ظلمت نفسي ظلما كثيرا ولا يغفر الدنوب الا انت فاغفر لي مغفرة من عندك وارحمني انك انت
                    الغفور الرحيم

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X