شركوني باراكم علاش كاين الفرق مابين دكر والانتى

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • شركوني باراكم علاش كاين الفرق مابين دكر والانتى

    السلام عليكم ورحمة الله وبركاته
    بغيتكم اخواتي تشاركوني برايكم فهاد الموضوع بغيت نعرف علاش ناس عندهم هاد المنهج فتفكير لي عندها البنت يعني مولداش حتى تجيب الولد عاد تسمى ولدت علاش مزال لحدي الان كاين هاد العنصرية من جهة البنت علاش كيفرقو مابين الاجناس ياك كلهم الاولاد رزقنا بيهم الله سبحانو انا حتى حملت هاد المرة عاد كتشفت هاد القضية عندي بنية وحاملا دابا وملي عرفو ناس وهما كيدعيو معايا بالعزري لدرجة كيبقاو يسولوني كيراه داير سليمان بعد بعد سماوه ولي يقولك كيراه داير العزري ولي يقولك براكا علينا من البايرات جيبيلنا العزري زعما انا هي المصور فصراحة عرفت ناس كتعيش ازمة وعقدة من هاجي شحال ومزالا باقا لحد الان علاش البنت مالها مشي خلق جميل واحساس وحنان الله سبحانو هو لكيرزق لمن يشاء كان لعاطيها غير البنات كاين ليعاطيها غير لولاد وكاين لي عاطيها بجوج جنسين وواحد لوسي هضر مع راجلي قالو باينا هاد المرا عندك ولد زعم البنت لي عندي ممعمرلوش عيني كيعطيوك واحد الاحساس بلي الا جبت بنت هاد المرا غي سيري دفني راسك بغيت نعاودلكم واحد قصة جراتلي كنت واحد نهار مع صحاباتي جالسين ووحدة فيهم قالتلي شحال عينيك زوينين مصاب تجبي بنت تشبهلك وهي تفتن براسها وبقات عليا سمحيلي راني غير نسيت الله يعطيك شي عزيري مديريهاش مني قلت صواب انا بقيت غير نشوف قلتلها علاش مالها البنت تكون عندي غير صورة مكمولة لي جا من عند الله مرحبا بيها اوا اش بانليكم فهاد قصة زعما مزالا بنات صغار وكيفكرو بهاد عقلية لاحول ولاقوة الا بالله زعما منكدبش عليكم كنت كنتمنى هاد المرة يجيني ولد شيء طبيعي حتى لعندها ولد كتمنى تجيها بنت ولكن ملي عرفت عندي بنية تانية متصوروش شحال فرحة خصوصا ملي شفتها فتلفزة كتهرك وبكامل صورة عنيا دمعو وحتى راجلي فرح بزاف قالي مرحبا بعطية الله الجميل هو ترضاي بقضاء وقدر كاين بعض نساء كتبقا تولد تولد بحتا عن دكر ميهمهاش تولد 6 ولا 7 بنات بحتا عن دكر وهدشي كيعملو غير هضرة ناس خاوية والفرق لي دايرينو على البنت والولد انا كنقول مين هدي نولد ناس هدي يتصدمو لحقاش كلهم ديريني عندي ولد هههههههه اوا هدا مشي لحماق الله يفرحني فبنتي وتانية لي جاية فطريق ويعاوني الله باش نربيهم احسن تربية ومرحبا حتى بتالتة تكون غير صورة مكمولة ودرية حسنة والحمدالله على هاد نعمة اش بانليكم اخواتي بغيت نعرف راءيكم فهاد القضية واش الولد خاصنا نبحتو عليه ونجيبوه باي طريقة ولا نعلو علينا شيطان ونرضاو بقسمة لقسمها علينا الله
    بانتضار ردودكم وشكرا
    sigpic



  • #2
    الأخت islaaam بغيت هي نوضح ليك بأن الرجل هو لتيعطي بنت أو ولد لأن علميا المرأة تتعطي هي ل x أما الرجل تيعطي x أو y إذن المرأة غدي تعطي x إلي الرجل عطى x راها بنت أما إلي عطى y راه ولد إذن في الأخير الرجل هو المسؤول عن ولد أو بنت. حيث المجتمع تيصحابلو بأن المرأة هي لمنها كلشي. قلة الوعي تيخلي المجتمع ظالم للمرأة. راه مكاين حتى فرق بين الولد و البنت يارب هي تكون الخلقة كاملة و التربية الحسنة.

    تعليق


    • #3
      هدا تخلف بعينيه
      الناس ماوعياش نهائيا كيفمل قالتلك الاخت الراجل هو الي مسؤول على جنس المولود ماشي المراة الله يهدينا وصافي
      انا بعدا عزازين علي البنات بزاف
      الواحد خاصو يرضى بعطية الله راه الله الي كيرزق من عنده مصاب اختي تكون هالصورة مكمولة مافيها لازيادة ولا نقصان هاديك هي واحد الكرامة من عند الله.
      الله يعطيك وقفة ساهلة اختي العزيزة ويجيب هديك البنوتة على خير ويفرحك بيها

      تعليق


      • #4
        المشاركة الأصلية بواسطة belle-vie مشاهدة المشاركة
        الأخت islaaam بغيت هي نوضح ليك بأن الرجل هو لتيعطي بنت أو ولد لأن علميا المرأة تتعطي هي ل x أما الرجل تيعطي x أو y إذن المرأة غدي تعطي x إلي الرجل عطى x راها بنت أما إلي عطى y راه ولد إذن في الأخير الرجل هو المسؤول عن ولد أو بنت. حيث المجتمع تيصحابلو بأن المرأة هي لمنها كلشي. قلة الوعي تيخلي المجتمع ظالم للمرأة. راه مكاين حتى فرق بين الولد و البنت يارب هي تكون الخلقة كاملة و التربية الحسنة.
        اه اختي متافقا معاك ولكن ناس وخا كيعرفو هادشي دائما كيلومو غير المرا وخا عارفين راجل هو مسؤول على جنس جنين لي بغي نعرف علاش كاين هاد الفرق مابين ولد والبنت واحد سيدة قالتلي حنا فمدينتنا البنت مكندبحولهاش مين كتزيد علاش واش البنت عار ولا كتجيب معاها العار
        sigpic


        تعليق


        • #5
          المشاركة الأصلية بواسطة جميلة طنجة مشاهدة المشاركة
          هدا تخلف بعينيه
          الناس ماوعياش نهائيا كيفمل قالتلك الاخت الراجل هو الي مسؤول على جنس المولود ماشي المراة الله يهدينا وصافي
          انا بعدا عزازين علي البنات بزاف
          الواحد خاصو يرضى بعطية الله راه الله الي كيرزق من عنده مصاب اختي تكون هالصورة مكمولة مافيها لازيادة ولا نقصان هاديك هي واحد الكرامة من عند الله.
          الله يعطيك وقفة ساهلة اختي العزيزة ويجيب هديك البنوتة على خير ويفرحك بيها
          شكراعلى الاطلالة ديالك صديقتي العزيزة انا بغيت نعرف واش ناس كلهم كيفكرو بحال هكدا الله يهدي ماخلق وصافي
          sigpic


          تعليق


          • #6
            أختي بلا ماتدي على لهدرة ديال الناس المهم هو نتي تكوني فرحانة بالبنيتة للي عطاك الله او حامداه او شاكراه على النعمة اللي عطاك ..راه جوج بنات إلى ربيتيهم مزيان اوتهلليتي فيهم ايقدو إيكونو السبب فدخولك الجنة إن شاء الله.
            حتى أنا بحالك عندي بنيتة او حاملة ببنيتة أخرى او لاحضت أن كل للي كنعرف كيدعي معاي بالعزري لكن أنا كنقولهم إن شاء الله او مانزيد معاهم هدرة هاديك ثقافة مغربية مرسخة ماتقديش تبدليها بجوج كليمات المهم انا فرحانة ببنيتي و مشتاقة نشوفها و نلبس ليها حويجات فلغوز او نمشط ليها شعيرها او لمقيبطات فالألوان...هههههه
            الله إيفكك أختي على خير او الله إيبارك ليك فالرزق للي عطاك او يجعلها ذرية صالحة هاذا هو المهم..او الله ايرزق كل محرومة يارب.
            sigpic


            انا مصمم على بلوغ الهدف فإما أنجح ...وإما.. أنجح

            تعليق


            • #7
              makontchi kan3rfk 7assasa tan had daraja,, aham 7aja anak dfr7i tina wrajlk amma nnass fa 3mli odon min 3ajin wa okhra min tin......
              omahma 9olti maymknlkchi tghyri tafkir dial lmojtama3 dialna,, da2iman kaymayzi bayn dakar wl onta,,, wakha 3arfin blla kolchi mn 3nd llah
              okhsek d3rfi blla machi ghir 3andna had tafkir ljahili ,, 7tta hna f europa kayfkro bnafs tari9a.. l alman bnafshom kayfdlo l wld 3la lbnt
              wa7d lmrra wa7d l almani sa9sa rajli 9allo wach 3ndek l3yal,, 9allo ah 3ndi bniya, 9allo oooooff lbnat karita kolhom machakil
              o ana mni kont fclinique mni tzadet nada kant m3aya almaniya fnafs lghorfa 7tta hiya wldat bnt,, 9atli kont kantmna ykon 3ndi wliyd howa l awel machi lbnt, bach mni ykr y7mi khto,, hhhhhh
              daba fr7i lbntk owjdila lbisat lmziwnin olmnigchat,, okhtari chi ism mziwn,, ama nass fa baynilhom anek fr7ana biha akter ma konti fr7ana b mina
              khsek tdi lah ytchkrih 3la ni3ma li tina fiha,, tina 3ndek 2 bnitat,, kayn li kter mn 10 snin kaystnna ywld oba9i majablo lah
              aham chi ssora lmakmola wsssa7a,, ama ljins dialo fa f7al f7al
              otabi3i lmra mni kaykon 3nda bnt katmna lmra li maja twld wld,, ol3aks 3awtani,,
              lakin kolchi bl irada dial lah,, olbnat driyfat omziwnat o7niynat 3la lwlad
              3ndi sa7ibti ordoniya 3nda bnt 3nda 4 ans okant 7obla ,, kan9olla chno katmnay kad9olli wld ,, 9otla o ida kant bnt ,, kad9olli lae ana khsni wld,, oda2iman kand7ak 3liha,, kan9ola bghit nchof wjhk,, mni d9olk tbiba raha bnt machi wld,, ot3asbat 3liya,, lakin sb7an lah ,, wldat wld okant ghadi ttir blfar7a
              bnisba liya ida 9atli tbiba 3ndek bnt ghadi fra7 onbda nwjdla onfra7 biha,, ama nass li fra7 m3aya mr7ba bih wlli ma3jbo 7all ymchi ywld li bgha ,,



              اللهم استرني علي وجه الأرض. اللهم ارحمني في بطن الأرض
              اللهم اغفر لي يوم العرض
              بسم الله طريقي والرحمن رفيقي والرحيم يحرسني من كل شيئ يلمسني
              اللهم إني أعوذ بك من شر النفاثات في العقد ومن شر حاسد إذا حسد

              تعليق


              • #8
                إسلام أختي حبيبة لبس عليك أعد شفت موضوع ديلك الله يعطيك صحة
                فهل فهل مصاب غير لفككة أنا هاد حمل تني ديالي كان خصني بنت او جاني والد او سباق عندي والد انتي عرفة حمد الله تعلمت واحد حاجة لعطنة ربي مزيان حمد الله وشكروا لله يا ربي تسمح علينا ربي ابرك ليك ف بنتك او يخلهوملك او تفك على ألف خير يا ربي
                يا ربي ترحم ماما يا ربي تجعل متوها الجنة فردوس أعلى








                http://www7.0zz0.com/2011/10/29/10/861162108.gif

                تعليق


                • #9
                  (( اتقوا الله واعدلوا بين أولادكم ))

                  طبعا لا يجوز تفضيل الولد على البنت او العكس !! مثل ما كانو يفعلون اهل الجاهليه.. علينا ان نعدل بين الجميع... و ان نرضا بقسمة الله عز وجل

                  الابناء نعمة من نعم الله- عز وجل تقر بهم العيون وتبتهج بهم النفوس فلنعطهم حقوقهم و لنحافظ عليهم... و لنحمد الرحمن عليهم.







                  " اللهم بلغنا وسلمناإلى رمضان وسلم لنا رمضان وتسلمه منا متقبلا "

                  تعليق


                  • #10
                    السلام عليكم اخواتي
                    آآآآآآآآآآآآآآآآآآآآه يا خيتي اسلام قستيلي فالوتر الحساس و لقيتيني كنفكر واش نكتب موضوع نشاور فيه حبيباتي حيت مبقيت عارفة مندير
                    هذا يا حسرة يالاه حملي الاول و عندي بنية ياااااربي ياكريم يارحمان يفرحني بشوفتها سليمة معافاة و تقر بيها عيني و نهزها بين يدي انا ماكانتش عندي ختي و كنت ديما حاسة بداك الفرق بيني و بين قريناتي و ماما كانت كتقولي ان شاء الله بنتك تكون ختك و فعلا ربي رزقني بنية فهاد لكريشة لي هازة و ملي عرفتها وانا تنظل نحلم بيها ليل و نهار ياربي لاتحرمني منها
                    المشكل فعائلة زوجي لي رافضين قطعا البنت نهار عرفت راسي حاملة بنت كيف بشرت دارنا قلت نبشرهم و لكن راجلي منعني قالي غتجبدي عليك غير صداع و معا كنا غنمشيو ندوزو عطلة معاهم قاليا خلي حسن حتا نرجعو لدارنا عاد قوليها ليهم حيت خايف يكرهوك و يعاملوك خايب هاكدا قالها لي تصدمت بزاااااف حيت معمرني كان يسحابلي كاين فرق بين الولد و البنت الحمد لله كبرت فدارنا و بالعكس ديما كنت كنحس براسي المفضلة و المدللة و المميزة على خوتي دراري و فاش دارنا عرفوني حاملة و هوما تيقولولي على ربي تكون بنية حنا راه موحشين لبنات و باش نعرف بأن البنت مكروهة عند نسابي حتال هاد الدرجة كانت صدمتي كبيرة و قلت يمكن راجلي تيزيد فيه
                    ملي مشينا عندهم لمست هادشي هدرتهم كلها على لعزري و قالوهالي صراحة الى مجابش راجلي لعزري راه مولدش و ملي تيهدرو على زردة ديال السابع كيقولو فلانة متلا جابت ولد هيا خاصها دير لينا الزردة زعما بحال لي جابت بنت مجاتش معاها ديرها و واحد النهار كنا غاديين فالسيارة و كان قدامنا واحد العائلة و عندهم جوج بنات ملي شافتو حماتي بقات كتقولينا مسكين هاد سيد شحال بقا فيا عندو جوج بنات معندوش لعزري و شحال من هدرا خرا حتا وليت انا براسي خايفة نقولها ليهم خوفا من ردة الفعل ديالهم
                    دابا رجعنا و كلما قرب وقت لولادة تنقول نقولها ليهم و لكن غير تنهدر معا حماتي و كتسمعني شي هدرة و كيتعقد لي لساني و راجلي كيزيد عليا كيقولي لاش غتجبدي على راسك صداع من دابا غيمردوك خليك حتا تفكي على خير و دابا يعرفوها انا عارفك حساسة و غتبقاي غير تفقسي فراسك و نتي حاملة و انا هادوك دارنا وانا عارفهم و معندي مندير ليهم افكارهم هاديك
                    و لكن انا كنقول و علاش نخبيها انا بنتي فرحانة بيها و باغا العالم يعرفها و مغاديش نحشم و لا نخبي انها بنت ويلا كان ولد نقولها بلا تردد علاش هاد الفرق علاش و فنفس الوقت غير كنهز تيليفون و كنبغي نعيط لحماتي نقولها ليها كيتربطلي لساني حسبنا الله و نعم الوكيل و صافي اختي اسلام ربي لي تيرزق ماشي حنا واخا الراجل مسؤول و لكن حتا هوا ما بيدو حيلة ربي هوا الرزاق و ربي متيدير لينا غير لي فيه الخير الله يهدي ماخلق و صافي
                    للهم لك الحمد و لك الشكر كما ينبغي لعظيم وجهك و جلال سلطانك
                    اللهم لك الحمد حتى ترضى و لك الحمد اذا رضيت و لك الحمد بعد الرضى
                    اللهم بارك لي في ابنتي حفصة و اجعلها لي اللهم من الصالحات الشاكرات التقيات العابدات الله كثيرا
                    اللهم ارزق كل اخت فرحة رؤية مولودها سليما معافى بين يديها

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X