كيفاش عرفتي راسك حاملة قبل ماتديري التحليل؟ دخلي و شاركينا نستافدو جميعا

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • كيفاش عرفتي راسك حاملة قبل ماتديري التحليل؟ دخلي و شاركينا نستافدو جميعا

    السلام عليكم..

    أخواتي الكتير من البنات ماكيقدروش يتسناو حتى اليوم العاشر من تأخر الدورة باش تخلل و تعرف واش حاملة ولا لا. و لكن لازم كتكون عندنا أعراض مامعودينش عليها كتخلينا قبل اليوم العاشر نشكو فراسنا.

    المهم البنات بزاف محتاجين يعرفو متل هده الأعراض حيت كاينة لي خاصها تحاول على راسها من الأول باش مايوقعش لها إجهاض.


    فلي مرت بشي تجربة ماتبخلش علينا الله يجعلو في ميزان حسناتها

  • #2
    salam hbiba mbrok 3la lhamlat kamlin.ohtta ana mnhom.kanchkrk bzf hit 9tarhti had lfikra rah 3ajbani bzf.hit htta ana fach yallah bdit flhaml dyali kan9allb fnet bzf 3la la3rad lowla dyal lhaml.ana 3arfa rasi hamla mn nhar nwina ana orajli.ana tAAkkadt bzf simana lawla hit kanhass bl3ya okanmchi l toillet bzf dlmrrat .daba rani kammlt chehar osimana drt test dyal ddar.otbib mazal machfto hit hta whda mlikhwat mabghat tsa3dni otgoli ahsan tbib flhay lhasani fi casa.smhili twlt bzf.

    تعليق


    • #3
      شكرا اختي ام سارة على تجاوبك مع موضوعي ومبروك عليك الحمل الله يتبتوليك والله يفرحنا حتى حنا بغيت نسولك بسيمانة الاولى واش كان عندك الم فالثديين ديالك او لا

      تعليق


      • #4
        صراحة أنا ماكنت نحس بحتة حاجة غيت تعطلت على العادة بيومين و درت تست منزلي و داز يوم و عاودت درتو و صدقت حاملة ، و لكن من بعد عاد وليت نحس بالم في الثديين و الغثيان و زيد و زيد و راني باقى لانه مازال في الشهر الثاني ، الله يثبت حملي و حمل جميع الأخوات و يسهل على كل محرومة و تقبلي مروري أختي .
        اللهم إجعل والدي ممن تقول له النار اعبر فان نورك أطفأ ناري














        تعليق


        • #5
          شكرا اختي مريم على مرورك واهتمامك الله يتبت حملك ويفكك بخير وعلى خير

          تعليق


          • #6
            السلام عليكم
            موضوع زوين أختي جزاكي الله خير عليه
            أكيد غادي يستافدوا منه الأخوات بزاف

            تعليق


            • #7
              انا الاخوات عرفت راسي حاملة قبل من موعد الدورة ب 5 ايام لاحظت اني مبقيتش تنحمل اللحم او ريحة ديالوا تتجيني ريحة زفرة وخا يكون جديد وراجلي حتى هو لاحظها في تيقول لي اللحم راه لديد راه نتي لي منعرف مالك ؟ههههههههه وداني درت التيست ديال البولة اعزكم الله في الصيدلية وصدقت حاملة
              sigpicurl=http://tickers.doctissimo.fr/][/url]

              تعليق


              • #8
                موضوع مزيون إن شاء الله يكون مفيد للأخوات الكريمات شكرا لصاحبة الموضوع
                فالحقيقة الأعراض ديال الحمل كتشبه تمااااااما لأعراض ماقبل الدورة أنا ماحسيت بوالو غير تعطلت عليا الدورة تقريبا 4 ايام وعملت التحليل الرقمي والحمد لله كان إيجابي والسبب أني عملت التحليل ماشي اني شكيت فراسي حاملة اولا فيا شي اعراض غير أنا الطبيبة أكدت عليا نعمل التحليل ديال الدم وخا تعطل عليا الدورة غير يوم واحد ربما يكون حمل حيت خصني ضروري ناخد مثبات
                ولكن كاين واحد الملاحظة وهي كثرة الإفرازات قبل مايجي موعد الدورة وهي إفرازات بيضاء وكدلك كتختلف على إفرازات التبويض اللي فحال أبيض البيض وكدلك حسيت بشي نغزات فالثدي ديالي فحال وخز الإبر ومرة مرة كيشبرني الحريق فظهري من تحت وصافي وهاد الأعراض ماكنتشي كنحس بها بزاف يعني تقريبا شي 2 مرات اللي حسيت بهم أسبوع قبل من الدورة اللهم الإفرازات هي اللي كانت مستمرة وواضحة أما الغثيان والدوخة وشم الروائع حتى نشهر الثاني عاد كيبدا الوحم دبصح وأرا ما عندك ديال السخفة والردان الصراحة الوحم صعيب الله يسمحلنا من حق الوالدين
                كنتمنى نكون فدتكم أخواتي والله يفرحكم كااااااااملين فهاد العواشر يارب العالمين دعيوا معايا الله يجازيكم بخير ربي الحبيب يثبت حملي ويرزقني درية صالحة سليمة معافاة ويوصلني على خير نالمغرب حيت هاد الأسبوع إن شاء الله غادي نهود نالمغرب الحبيب
                عواشر مبروكة عليكم المزيونات
                اللهم إني أستودعك جنيني يامن لاتضيع عنده ودائع

                تعليق


                • #9
                  slm akhawti ana ghan3awed likoum kif hessit w ntmana t9eblou 3liya wakha reni maktebch nkemel haml dyeli khesser liya men be3d 2mois walillah lhamd 3ala ma a3ta wama akhad
                  ena kkent hechakoum kendir pipi bezaf kol méra méchya toilette w ken fiya hri9 dyel les regles bezaf gue3 chi 10 jour w hri9 fya ken9ol lyoum ghetji ghda ghatji w alam f dher whta tady dyeli inama dher machekitch gue3 hit kent le mois li dez mrida bel constipation "l9ebd" hedchi lach ma9oltch gue3 hémla mé féch t3etlét bézaf mchit khdina test dertou wtle3 positif w ferha makfetnich ena wrejli mé hémdoullah kéyén li ibtilaet dyélhoum kbér wktér mén hédchi wdeba hedi 3mois bech khessert
                  llah yfereh koul mountadira lferaj llah reh 9rib
                  أتعلم أنك لو رزقت الدنيا بما فيها ثم قلت الحمد لله، لكان إلهام الله لك بالحمد أعظم نعمة من إعطائه لك الدنيا...


                  اللهم اجعلني قرة عين لزوجي واجعله قرة عين لي

                  تعليق


                  • #10
                    شكرا بزاف على تجاوبكم وتنتمنى من الاخوات لي دازو التجربة يزيدو يتفاعلو مع الموضوع راه مهم بزاف لينا كاملين نحن المنتظرات والله يفرح الجميع

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X