هاني جيت باش نعاود ليكم ... و دخلو

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • هاني جيت باش نعاود ليكم ... و دخلو

    السلام عليكم انا جيت باش نعاود ليكم على الولادة ديالي كيفما كنت قلت ليكم كان الوقت المتوقع للولادة ديالي هو 1 نونبر و لكن الطبيبة قالت لي بما ان الولادة الاولى ديال ولدي كانت صعييييبة لحقاش كان تبارك الله كبير كان كيوزن 4.5 كيلو اقتارحات الطبيبة باش نولد قبل الوقت باش مايكبرش الوزن ديال بنتي و نتعدب فدخلت للسبيطار سييمانا قبل الوقت عطاوني الدوا كل 3 سوايع باش اجيني الحريق ساعا وآلو دوزت اليليلة كاملة بلا نتيجة الدوا ماخصنيش نفوت 6 المرات لا غدا الحد في الصباح دارو ليا السيروم فيه الدوا ديال الحريق ماجانيش الحريق نهار كولو حتى العشيا عاد بداني الحريق قليل و متواصل و لكن الولادة بقات ديما مسدودة مع 8 ديال العشية جات واحد القابلة و قالت لي بلي الوقت ديال الولادة ديالي باقي و مايمكنش نبززو عليك قبل الوقت و الا غادي نوقعو في شي مشاكل بحال متلا اتبلوكا البيبي و نضطرو للقيصري اقتارحات عليا باش نرجع للدار و نتسنا الوقت العادي ديالي في هاد الوقت اتاصلات الطبيبة ديالي لي كنت متبعا معاها 9 شهور و قالت بلي نرجع للدار دابا و نعاود نرجع نهار الخميس للسبيطار انا قلت ليها لا ادا رجعت للدار ماغاديش نجي حتى اجيني الوجع ديال الولادة قالت لي بلي ادا فت نهار السبت غادي نجي للسبيطار و غادي اولد اي واحد و ممكن اكون راجل لحقاش هي غادي كونجي ....... هنا تصدمت قلت ليها ادن هادي هي الحقيقة نتي غاديا كونجي تساراي مع راسك هادشي علاش بغيتي تولديني قبل الوقت ماشي لحقاش كنتي خايفة عليا من الولادة الصعيبة المهم بقيت كانغوت عليها و قلت ليها انا غاديا للدار ماعغاديش نرجع حتى اجي وقتي كان في اول نونبر او كان غدا المهم جمعت حوايجي و عطاوني واحد دوا باش امشي الحريق و ناخدو كل 8 ساعات شربت هاديك الساعة وحدة و مشيت للدار غير تعشيت و طلعت الفوق نعست لحقاش الليلة كاملة مانعست مع 1 ديال الليل جاتني واحد الوجعة كبيييييرة فيقاتني من النعاس شفت لي الساعة لقيت بلي وسلات 8 سوايع خاصني ناخد الدوا ملي وقفت هبط عليا الما عرفت بلي طرطقات ليا السقاية ماجيت فين نوصل الباب ديال البيت نعاس حتى جاتني وجعة اخرى سمعني راجلي طلع كيجري قالي مالكي قتلو فيا الوجع بزآآاف و الما كيهبط عليا بزآآآف قالي كانش علينا نجيو كان خاصنا نبقاو في السبيطا المهم ماجا راجلي البس الولدي باش نديوه عند خالو و دخلنا للسبيطار كانت 2 ديال الليل شافتني القابلة لقات الوالدة مفتوحة ب 4 سم و الوجع كيجيني كل 3 دقايق سولاتني واش ناخد البرا ديال الحريق لي كادار في الظهرperidural قلت ليها اه خاصني مانقدرش نستحمل هاد الحريق طلبات مني باش مانزحمش حتى تجي الطبيبة ديالي و انا كانغوت كانقول ليها انا كانولد عتقوني بالبرا قالت لي غير صبري راه قبل منك 3 العيالات كيولدو غير صبري مشات دجيب السيروم و عيطات لاختصاصية ديال البنج و انا كانتوجع و كانقول للراجلي راني كانولد راجلي مسكين غير شاد فيا و كيقولي صبري ها الطبيبة غادي دجي في الدخلة لي دخلات القابلة و في يديها السيروم شافت الراس خارج لاحت كلشي من يديها و دفعات ليا رجلي باش خرجات بنتي حطاتها فوق مني و بقات كاضحك قاتلي ادن بلاش من هاد السيروم ولا البرا قاتلي ماعندي مانسالك ولدتي تقريبا بحدك كيسحابلي باقي الوقت في هاداك الوقت جاني غير البكا بقيت كانبكي لبكا ديال الهيستيريا و راجلي ولا فمو بيض بالخلعة كنا غير انا وياه و الله المهم بقينا كانتسناو الطبيبة عاد جايا كاتكسل بصراحة ماكنتش حاملة نشوف في وجها بهاد الفعلة لي دارت معايا المهم هي كاتهضر و انا كانضور وجهي لجيهة الاخرى جبدات الخلاص و نقاتني و هي كاتهضر و انا ساكتة مضورة وجهي راجلي لي كيهضر معاها ملي صافي نقات كلشي بقا غير لغراز قالت ليا واش ماباغاش تشوفي وجهي تلفت ليها و راجلي عرفني غادي نقول ليها راكي فهمتي راسك و لكن راجلي نغزني و سبقني في الهضرة و قال ليها لا غير تعدبات في الولادة و دابا فيها السخفة ماقاداش تهضر و الحمد لله ولد بنتي رانيا مع 03:45 نهار الاتنين 25 اكتوبر كان فيها 3 كيلو و 400 غ
    ريان و رانيا اجمل ما في الدنيا







  • #2
    على السلامة اختي و مبروك عليك العزبا تربى فعزكم
    انا صراحة باقي ربي مرزقني نتمنى عما قريب
    سرعة الايام مخيفة!
    ما إن أضع رأسي على الوسادة إلا وأشرق نور الفجر..
    ما إن أستيقظ إلا وحان موعد النوم..
    تسير أيامنا و لا تتوقف !
    وأقول في نفسي : حقاً السعيد من ملأ صحيفته بالصالحات ..
    - والسؤال الذي أقف عنده بماذا ملئت صحيفتي !؟
    وهل أنا أسير للأمام أم للخلف !؟
    يا ترى ما هو وزني عند الله!؟
    أقف وأحاسب نفسي فالأيام تمشي بسرعة ولن يبقى إلا العمل الصالح
    فتن الدنيا تموج بنا والأحداث تتسارع من حولنا والأموات يتسابقون أمامنا..
    "
    " "فَفِرُّوا إِلَى اللَّهِ ۖ إِنِّي لَكُمْ مِنْهُ نَذِيرٌ مُبِينٌ"

    تعليق


    • #3
      3la slamtk akhti, wmbrok 3lik lbniya, ,, khtariti liha ism mziwn ,, lah ykhaliha lik oyj3lha min 3ibadihi sali7in



      اللهم استرني علي وجه الأرض. اللهم ارحمني في بطن الأرض
      اللهم اغفر لي يوم العرض
      بسم الله طريقي والرحمن رفيقي والرحيم يحرسني من كل شيئ يلمسني
      اللهم إني أعوذ بك من شر النفاثات في العقد ومن شر حاسد إذا حسد

      تعليق


      • #4
        mabrouk 3lik o5ti w llah ykabarha f 3azak

        rah 7atit mawdou3 sawalt 3lik fih walakin mal9it 7ta jawab

        lmohim 3la slamtak o5ti w mabrouk 3lik




        تعليق


        • #5
          3la slamtak akhti lolly chhal wana nastana traj3i tali 3lina w 3la slamat lala raniya lahmdolah min daz kolchi mazyan kiraki dayra m3a katkouta dyalak walah 9isa dyalak bayna t3adabti bazaf basah lhamdolah kolchi daz mazyan w wladti 3la kher lah yfarhak bbanytak w 3o9ba lina balfkaka wakha rah bdani khawf min 9rit 9isa dyalak hhhhhhhhhhhhh lah ysahal 3lina kamlin wach raki trad3iha w chno 3amla m3ak yak ma m3adbak wala mhadna hhhhhhhhhhhhhhh bolis hada hhhhhhh
          sigpic


          تعليق


          • #6
            على سلالالالالامتك حبيبة انا راني متبعة قصتك من نهار مشيتي لسبيطار حتى لنهار ولدتي وحتى لدابا متعرفيش شحال بقيت مشوشة عليك كل مرة كندخل نشوف واش كاين شي جديد
            راه الدعواة ديالنا ممشاتش سودا استجاب لينا الله سبحانه وسهل عليك الولادة بلا حقن بلا سيروم
            الشكر لله عز وجل وقولي للالة رانيا راه عندها خوالات بزااف ههههه وشفتي بغيت نخرج ليك من الجنب

            تعليق


            • #7
              على السلامة اختي و مبروك عليك

              تعليق


              • #8
                احلام 2007 بارك الله فيك و الله افرحك بالحمل يا ربي و ارزقك الدرية الصالحة
                الحمامة ربي خليك الحبيبة بارك الله فيك
                رشابيل بارك الله فيك الغزالة و سمحيلي ماشفتش الموضوع لي قلتي مانقيتش كاندخل بزاف راكي عارفة الغربة و التربية و ولدي ماحيلتي لهادي ولا هادي غير سمهي ليا اسول فيك الخير و الربح
                اهلآآآان ام اسلام كيدايرة و كيدايرة مع الخفة و العزبة لاباس عليها انا الحمد لله و لكن رانيا ماكاتنعسش في الليل و بنهار كاضل ناعسا ماكاتفيقش كاع ماعرفت كيندير ليها و خاصني نفيق مع 6:30 باش ندي ولدي للمدرسة كانديه و انا دايخة بالنعاس
                ساناماروك بارك الله فيك و ربي اخليكم ليا انا عارفة ماغاديش تقصرو بالدعوات ديالكم معايا داكش علاش كتبت ليكم قبل مانخرج عارفة و متأكدة و حتى انا و الله شاهد عليا دعيت مع كل وحدة باغا و كاتمنى الحمل دعيت الله افرحها بالحمل و دعيت مع كل حاملة باش ربي اكمل عليهم الحمل ديالهم بخير و اسهل عليهم الولادة و شوفو وليداتهم بين يديهم و يا ربي ترزق كل وحدة بالدرة الصالحة يا رب
                ريان و رانيا اجمل ما في الدنيا






                تعليق


                • #9
                  هيندو الله اسلمك الحبيبة بارك الله فيك
                  ريان و رانيا اجمل ما في الدنيا






                  تعليق


                  • #10
                    السلام عليكم ورحمة الله وبركاته
                    الحمد لله على السلامة اختي ... تتربى فعزكم نتي وباباها




                    [CENTER]







                    هديتي لكن
                    http://www.anaqamaghribia.com/quran/reader-36-45.html


                    "رَبِّ لا تَذَرْنِي فَرْدًا وَأَنتَ خَيْرُ الْوَارِثِينَ "

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X