توزيعات المستشفى لبنوتي الغالية ريــــم ,,,, من انجازي ,,, انتظر ارائكن

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • توزيعات المستشفى لبنوتي الغالية ريــــم ,,,, من انجازي ,,, انتظر ارائكن

    الســــــــــــــــــــــلام عليـــــــــــــــــــــــــــــــــــكم

    جمــــــــــــــعة مبــــــــــــــــــاركة ... وعيـــــــــــد سعيـــــــــــد مسبقـــــا

    قررت نشارك اخواتـــي الحـــاملات بافكــــار لاستقبــــال المولود الجديــــد ,, خصوصـــا اشيــاء من ابتكار او صنع الحـــامل نفسهـــا ,, منها تتهيئ نفسيـــا لاستقبال مولودهــــا ومنهـــا تشغل نفسها وتنسى الثقــل والخلعه ديال المخاض والولاده ,, والاهــم انهـــا ملي تقدم التوزيعـــات غاده تكون فرحانه و اكيده انه مميـــــز ومكاينش فحالوا لانــه من ابداعهــــا و سهرات عليه خطوة بخطوة



    ا نــــا قررت نعمل توزيعات المستشفى لبنتي ,,باش ملي يجيو الناس يشوفوني نعطيهم لهـــم كهديه من البيبي ههههههه




    اوا مشيت عند النجار هو الاول عملت كوموند على صندوق من حجم كبير " ماشيء بزاف عاود "

    وشريت ثوب مبرة في الفوشي "حقاش عندي بنوتة "

    شريت ايضا فورير في الاخضر 2 متر

    وهديك اللعيبه الي كيزوقوا بيها الخدادي او الخوامي راها متوفره ب 7 دراهم للحبه

    شريت الدراجي واللعيبات الي يتعملووا فيهم باللونين الفوشي و الاخضر وكيتجي فيها السفوف في الداخل

    خديت السينتا ساتان في اللونين الفوشي والاخضر و ايضا الكموسات فاش نعمل الصرغينه والشبه

    وفي الاخير شيء لعيبات باش نزينوا الصندوق



    للاسف نسيت مصورت الصندوق قبل التغليف ,, حقاش حتى بديت في العمليه عاد تفكرت نشارككم اختراعاتي

    باسم الله نبداو


    هدوا السينتات و الخنيشات الي عملتهم كموسات






    الكموسات عملت فيهم السرغينه والشبه

    وعملت عليهم السينتا من 2 جهات وجاو بهاد الشكل




    ختاريت للدراجي هاد الموديل "على شكل منزل وفوقوا بنيته" وفي الداخل كيتفتح باش نعمل فيه السفوف



    عملت السفوف طبعا قبل و عملتوا على شكل كرات وكل كره عملت وسطها لوزه "مصلوقه ومقشره ومقليه طبعا "




    دابة وصلت للصندوق الي غاده نعمل فيه هاد الشيء

    شكل الصندوق قبل التغليف للاسف مصورتوشي المهم هدا الشكل بعد التغليف "يمكن لك تغلفيه بالكرافوز ديال الخشب او الكولا"




    هذا الشكل ديالو من الداخل



    دورت بالجناب ديالو الفورير وجا بهاد الشكل






    وفي الوسط عملت هاد اللعيبه الي كيعملوها في المخاد او الخوامي




    عملت الدراجي في قلب الصندوق والكموسات في الجهه المفتوحه ديالوا



    وهذا شكلوا



    طبعا زدت اضافات للزينه باللونين الذهبي و البوردو كيبريو باش يعطيو منظر

    هذا شكلوا من الجانب



    وهذي صور عن قرب







    وان شاء الله ملي نرجع من المستشفى غاده نستغل الصندوق ونعمل فيه البينوار و اللعيبات ديال الحمام ديال ريـــــم والكريمات ديولها باش يبقاو مجموعين و مديكوريين

    وتقدري تستعمليه ديكور في الدار على حسب الرغبه الي بغيتي


    اوا دعيو معايا بالفكاكه على خير و كمال الصوره لريم ,, راني في الاسبوع 39


    نتمنى يعجبكم الموضوع

  • #2
    تبارك الله عليك يا الغزالة ماعندي مانسالك
    داكشي دايزوا الكلام و راك فنانة ماشاء الله عليك
    الله يفكك على خير و يعطيك ساعة مبروكة وهاد الايام المباركة
    دعي لي بالذرية الحسنة ربي ينورك الغزالة













    مايا 04 سابقا

    تعليق


    • #3
      تبارك الله عليك
      هادشي غزاااااااااال
      الله يفكك على خيروان شاءالله تولدي على خير وتكون صورة مكمولة
      الله يفرحك
      ان شاء الله ربي يسهل عليا بالرجل الصالح ونجرب هاد الطريقة الجميلة

      وشكرا لك أم ريم





      Demande de regroupement familial : 04/04/2014
      Attestation de depot : 07/06/2014
      Test de francais : 13/06/2014
      Complement de dossier : 25/06/2014
      ٍVisite de logement : 27/06/2014
      Avis favorable: 25/09/2014
      visa : 22/10/2014

      تعليق


      • #4
        khti lah ifak w7ailak 3la khair had chi zwin tbarkalah

        تعليق


        • #5
          اميييييييييييييييييين ياربي


          اختي مايا الله يرزقك ويرزق كل احت كتنتظر الذرية الصالحه والف شكر على الدعوات الطيبه

          اختي غيزولا ربي يخليك والله يرزقك ولد الناس الي يبغي قلبك

          حبيبه بيدو الله يفكك حتى انتي على خير ونشوفوا توزيعاتك في القريب

          وشكرا مره اخرا على الدعوات الصادقه

          تعليق


          • #6
            تبارك الله ماشاء الله ، هادشي غزال ومطول، الله يعطيك الصحة، وallah يجيب الفكاك على خير وبخير، ويكون المولود بصحة وعافية إن شاء الله

            ماتنساينيش في الدعا الله يجازيك بخير، ادعي معايا ربي يصلح لي بنياتي، ويسهل لي في الحج في القريب العاجل يارب، وبشي عزيري إن شاء الله ، طميميعة بزاف، ياك :)
            اللهم أنت ربي لا إله الا أنت، عليك توكلت، وأنت رب العرش العظيم، ما شاء الله كان، وما لم يشء لم يكن، ولا حول ولا قوة إلا بالله العلي العظيم، أعلم أن الله على كل شيء قدير، وأنه قد أحاط بكل شيء علما، اللهم إني أعوذ بك من شر نفسي ومن شر كل دابة أنت آخذ بناصيتها، إن ربي على صراط مستقيم

            اللهم أعنا على ذكرك و شكرك و حسن عبادتك

            sigpic

            تعليق


            • #7
              امييييييييييييين ياربي
              الله يرزقك العزري في اقرب وقت و الله يحفظ ليك بنياتك و يفرحك بحجة بيت الله و الله لا يحرمنا من الحج


              والف شكر على الدعوات حبيبه

              تعليق


              • #8
                السلام عليكم ورحمة الله وبركاته
                تبارك الله ماشاء الله ......الله يعطيك الصحة و يكمليك بخير
                فكرة زوينة بزاف ..و دوقك فالالوان رائع تبارك الله عليك
                الله يرزقك ولادة ساهلة ياربي آمين...شكرا على الموضوع




                [CENTER]







                هديتي لكن
                http://www.anaqamaghribia.com/quran/reader-36-45.html


                "رَبِّ لا تَذَرْنِي فَرْدًا وَأَنتَ خَيْرُ الْوَارِثِينَ "

                تعليق


                • #9
                  صراحة فكرة غزاااااااااالة بحال مولاتها
                  الله يفككك على خيرر اختي
                  شحال باش تقام عليك هدشي كلوا تقريبا

                  عنداك غير يجيبوا دراري صغار معاهم ويطيرولك بداكشي كلوا ههههههههههههه


                  «أتاني جبريل فقال يا محمّد: عِشْ مَا شِئْتَ فَإِنَّكَ مَيِّتٌ، وَأَحْبِبْ مَا شِئْتَ فَإِنَّكَ مُفَارِقُهُ، وَاعْمَلْ مَا شِئْتَ فَإِنَّكَ مَجْزِيٌّ بِهِ»، ثمّ قال: «يا محمد شَرَفُ المُؤْمِنِ قِيَامُهُ بِاللَّيْلِ، وَعِزُّهُ اسْتِغْنَاؤُهُ عَنِ النَّاسِ».


                  تعليق


                  • #10
                    امييييييييييين حبيبه اموووونه ربي يطول عمرك اختي

                    حبيبه حور الوليد الله يطول عمرك

                    النسبه للاثمنه

                    خديت 40 بياسه بالدراجي دياللها ب درهم12 للحبه
                    السرغينه والشبه تقريبا شيء 40 درهم
                    السينتا كنظن 4 دراهم للون
                    اللعيبه الي في الصندوق نحاسيه ب 7 دراهم
                    الصندوق ب 100 درهم
                    الثوب ب 50 درهم شريت كوبو مبره لقيتوا في درب السلطان وخديت الي كفاني الي بقا مزال عندي حتى تكبر ونعمل لها جلابه هههههه
                    الريش 40 درهم "2 متر"
                    الكولا 20 درهم
                    غشى لي النجار الصندوق ب 40 درهم "مع مثقله و منقدرش نشم ريحه الكولا ديال الخشب"
                    الكموسات ب 26 ريال للوحده خديت 40 حبه

                    اللعيبات الي ضفتهم في الاخير بالذهبي والبوردو كانو عندي


                    اوا جمعي الحساب ما فيا الي خدم المخيخ ديالي هههههههه احمد لله بقيت عاقله على الاثمنه


                    والف شكر على الدعوات الطيبه

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X