إعـــــــلان

تقليص
لا يوجد إعلان حتى الآن.

شكون اللي فات ليها فاتت التارييخ ديال الولادة

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • شكون اللي فات ليها فاتت التارييخ ديال الولادة

    السلام عليكم
    سؤالي باين من العنوان شكون اللي فات ليها و ماولداتش ف التاريخ المحدد للولادة انا فت التاريخ لي عطاوني و دابا عندي موعد معla sage femme كل 48 ساعة باش يشوفو واش كاين شي تغيير ولا لا و قالو ليا الى ما ولدتش من هنا 6jours max ايديرو ليا le déclenchement d'accouchementو انا مانخبيش عليكم راه الخلعة قاتلاني و بالخصوص مني قريت لمwضوع ديال الاختlolly.فالله يخليكم اللي عندها شي معلومة على هادشي ترد عليا و اللي عارفة شي وصفة تساعد على فتح لكول تنصحني بها انا راه ما تنعرف والو فهادشي ولخلعة دايرة فيا ما بغات.
    ما تبخلوش عليا بدعواتكم انا في امس الحاجة لها الله يجازيكم بخيرالله يرزقنا ولادة طبيعية و سهلة يا رب و جميع الاخوات اللي قربو
    [http://www.anaqamaghribia.com/pic/im...2vpxnil115.gif[IMG]http://www.anaqamaghribia.com/pic/images/lqbbgc[url=http://tickers.doctissimo.fr/]

  • #2
    ماتخافي والواختي أنافي ولادي بجوج تنفوت موعد محدد تاع ولادة باسبوع ووالدة ديالي تتكون مسدودة وتيضطرو يديرلي وجع اصطناعي والحمدلله تيتفتح لي الوالدة دغيا وتنولد عادي الله يفكك على خيراختي

    تعليق


    • #3
      بارك الله فيك اختيfoulfola على اهتمامك الله يخلي ليك وليداتك بجوج و يصلحهم انا خفت لا يديرو ليا لوجع و ما يدير ليا والو و يقولو ليا ندير سيزاريان انا راه هنا بوحدي ماكاين تاواحد معايا من غير زوجي شكون ايديها فيا الله يدير اللي فيها لخير
      واش لوجع الاصطناعي ما عندوش آتار سلبية عليا ولا على الجنين ؟ بارك الله فيك مرة اخرى
      [http://www.anaqamaghribia.com/pic/im...2vpxnil115.gif[IMG]http://www.anaqamaghribia.com/pic/images/lqbbgc[url=http://tickers.doctissimo.fr/]

      تعليق


      • #4
        شوفي اختي ماتخافي ماوالو انا كانو دارو ليا وجع اصطناعي كملو ليا بيه حيت كنت عيييت
        شوفي حاولي تمشاي بزاف و كولي تمر انا كان شدني وجع مشيت كلينيك قالو ليا باقي
        رجعت دار وشربت حليب دافي و كليت تمر بزاف وهو يبدا وجع تاع بصح ولدت هداك نهار انا كنت تنتمشى بزاف لانه فولدي قالو ليا تمشاي
        الله يفك وحإيلك على خير و ردي بالك من برد لبسي مزيان



        لا تملكين العربية وتريدين التخلص من اللوحة؟ تفضلي من هنا..
        http://www.anaqamaghribia.com/vb/sho...9246&highlight

        دليل الأعضاء :

        http://www.anaqamaghribia.com/vb/sho...C3%DA%D6%C7%C1

        تعليق


        • #5
          المشاركة الأصلية بواسطة hananefaty مشاهدة المشاركة
          بارك الله فيك اختيfoulfola على اهتمامك الله يخلي ليك وليداتك بجوج و يصلحهم انا خفت لا يديرو ليا لوجع و ما يدير ليا والو و يقولو ليا ندير سيزاريان انا راه هنا بوحدي ماكاين تاواحد معايا من غير زوجي شكون ايديها فيا الله يدير اللي فيها لخير
          واش لوجع الاصطناعي ما عندوش آتار سلبية عليا ولا على الجنين ؟ بارك الله فيك مرة اخرى
          لآختي وجع اصطناعي ماعند حتى تأثيرلاعليك ولاعلى جنين غير تهناي راه حتى اختي في غربة تيكون معاي غيرراجلي وأنا درت ابرة تاع ظهر مع تجهد علي وجع عرفت تحلت والدة ب8سم صافي وجات طبيبة ولداتني ماتكون نت انشاء الله
          اله يجزيك بخير على دعوات ديالك قراي سورة مريم ربي يفكك دغيا الله يكون معاك ويرزقك درية معافاة وصالحة

          تعليق


          • #6
            أنا مجانيش لوجع ملي كملت 9 شهور مشيت عند الطبيب ديالي قالي خاصك ديري سكانير باش يشوف واش لحكاك عندي محلولين وللا وملي درتو وديتو ليه ديك ساعة كان عندي9شهور و7أيام قالي خاصك غدا تجي لكلينيك باش تولدي راه ميمكنش ليك تولدي طبيعي حت لحكاك عندي ضيقين و متخافيش أختي والله يفك وحايلاك على خير
            nora 1990

            تعليق


            • #7
              الحبيبة انا فبنتي الثانية فت وقتي باسبوع ومنين مشيت قالت لي ساج فام صافي وقتك فات وراه البيبي يمكن يوقع ليه شي حاجة منين يفوت الوقت ودارت معايا الغد ليه مع 7 نمشي باش يديرو لي وجع اصطناعي وجيت للدار وعيط للوالدة قلتها ليها وبقات تتخاصم علي قالت لي راه ربي اللي عالم الوقت ديالو باش يجي وحتى الاخت ديالي عيطت لي وقالت لي ماتزربيش بلاتي مازال شوية وانا مانكدبش عليك كل ماتفكرتها فاش قالت لي راه التاخير خطر على صحتها تنخاف تنقول اللهم نصبر ساعة للوجع اصطناعي ولا ندم حياتي كلها وفعلا صليت صلاة استخارة ودعيت ربي وتكيت والنعاس راه ماكاينش الليل كلو وانا فايقة نخمم وسبحان الله مع ديك 6 الصباح حسيت بوشة الوجع ضربني ومن بعد عاوتاني نص ساعة وكنت فديك الليلة تمشيت مزيااان ايوا هي هاديك مشيت مع 7 وقالو لي احنا تنوجدو لك وقلت لهم لا راه الوجع في والحمد لله ضربو لي البرة اللي تتعاون فالوجع ولدت بنتي مع 11 وخا تكرفصت بزاااااااااااف ولكن لسبب اخر
              اختي نصحك تمشاي بزاف ومافيها باس يكون الجماع هاد الايام راه تيساعد








              تعليق


              • #8
                اختي الله يفكك على خير حتى انا داز موعد ولادتي و في الاخير بدى كيسخف بيبي و هي تقولي الطبيبة اجي غدا و ندير ليك الوجع صطناعي في الحقيقة واعر بزاف لكن للاسف ولدي في الثواني الاخيرة قبل خروجه مات لهذا كنصحك باش تراقبي دقات قلب البيبي واش طبيعيين و يكون خير انشاء الله الل يسهل ليك و تفرحي بمولودك
                http://

                تعليق


                • #9
                  الله يفكك حبيبه على خير

                  انا فحالك هدا شهري و هدي ولادتي الاولى ,, للاسف منقدرش نفيدك ,, انا دابه في الاسبوع 40 دخلتوا اليوم

                  والطبيب قالي المفروض تولدي في 39 او 38 يكون اسن لك وللبيبي قلت ليه لا خلي حتى نكمل 40 اسبوع

                  فكيراقب ليا الما الي فيه البيبي و دقات قلب الجنين باستمرار وقالي الا شفت انها ضعيفه او ماشيء طبيعيه راني نعمل لك الوجع الاصطناعي او القيصريه

                  لهذا راقبي غير دقات قلب البيبي مدامت مزيانه معندك مناش تخافي


                  والله يعطيك ولاده سهله طبيعيه وان شاء الله يجيك الوجع اليوم وتولدي على خير وتجي تفرحينا

                  ودعي معايا ملي تكوني تولدي ربي يفكني على خير حتى انا


                  ومبروك عواشرك

                  تعليق


                  • #10
                    أختي حنان فاتي، أمضرا؟ أشنو الجديد عندك؟ نتمنى تكوني تفكيتي بخير وتجي تفرحينا إن شاء الله بقدوم السي لقمان (إلا ما غيرتي رأيك حتى أنت). شوفي أحبيبة ما تخافي والو راه كلشي كيدوز بسرعة بفضل الله. راني دوزت فالولادة ديالي جميع الأوجاع. أولا الوجع الطبيعي اللي جاني فالأول, ملي تحلات الوالدة ب7 سم عاونوني بالوجع اصطناعي وكملتها بالقيصرية كيما عرفتي لأني ما بقيتش كنتنفس وولدي مشاو ليه دقات القلب. المهم واخا تكرفيصة ولكن والله كلشي كيدوز بسرعة غير تشوفيه بعينيك وهو سالم. ما تخافي والو ديري يقينك في الله وراه العلم تطور ما بقا والو كيخلع.
                    إوا أجي بشرينا دغيا راه بغينا نفرحو معاك.





                    تعليق


                    • #11
                      salam alah ifokik 3la khir azin matkhafi walo ana dyrah jouj mirat loji3 istina3i rah ghir 7na tnblgho yalah siri wji nbarko lik ojwdi lina chi gisriya trfisa fa3la tarka 3mra bilmisakhin hhhhhhh

                      تعليق


                      • #12
                        اختي الله يفكك على خير ودعي معانا الله يرحم الوالدين حتى حنا نتفكو على خير


                        تعليق


                        • #13
                          بارك الله فيكم على ردودكم و اهتمامكم بموضوعي سمحو ليا تعطلت عليكم راني ولدت 15.11 طبيعي لحمد لله نهار عرفات تمحنت شوية حيت لوجع دام 22 ساعة ولاكن الحمد لله غي شفت ولدي اسماعيل نسيت كلشي عقبال للاخوات اللي قربو و لهلا يحرم شي وحدة من احساس الامومة
                          [http://www.anaqamaghribia.com/pic/im...2vpxnil115.gif[IMG]http://www.anaqamaghribia.com/pic/images/lqbbgc[url=http://tickers.doctissimo.fr/]

                          تعليق


                          • #14
                            الف الف مبروك يتربى بعزك اختي والحمد لله اللي تفكيتي على خير








                            تعليق


                            • #15
                              الف مبروك يتربى بعزك اختي والحمد لله اللي تفكيتي على خير

                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X