إعـــــــلان

تقليص
لا يوجد إعلان حتى الآن.

أطلب مساعدة عاجلة من كل نساء مدينة الرباط و سلا

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • أطلب مساعدة عاجلة من كل نساء مدينة الرباط و سلا

    السلام و عليكم يا الأنيقات عافكم ساعدوني بنصائح ديالكم أنا دخلت شهري و موعد الولادة قرب فهاد الأسبوعين القادمين و أنا مزال معرفتش فين غدي نولد بغيت نمشي لكلنيك مع طبيبة لي تبعت معاها خفت من عملية حيت لي مشات لكلينيك كتخرج فاتحة مبقاوش كيرحمو المهم هو الفلوس؛وبغيت نمشي نولد فالسبيطار خفت يتكرفصو عليا و الله حتى حرت و تلفت مابقيت عارفا والو بغيت نولد طبيعي هدي أمنيتي؛عافاكم ماتبخلوش عليا و جاوبني فين نمشي نولد

  • #2
    اختي عند من متبعة هنا في الرباط؟

    تعليق


    • #3
      kheti escada mtab3a m3a dr fellahi laila kayna f hda masrah med 5 3raftiha?

      تعليق


      • #4
        fin rododkom nhar htajitkom majawbni had

        تعليق


        • #5
          حتى انا بحالك حايرة فين نولد كايعاودو الماتانرنتي ديال الليمون مزيان و حتى السويسي مجهز و فيه تجهيزات مزيانة و الله اعلم بالنسبة للكلينيك كانسمع بلي الشيخ زايد مزيان و اتمنة ديالو مناسبة و الله اعلم
          اللهم لك الحمد و الشكر

          تعليق


          • #6
            السلام
            اه يجيب ليك شي فكاكة زوينة ياربي
            انا يا اختي سبق لي ولدت في السويسي
            بالنسبة للمقابلة مزيان كاينة المقابلة
            انا ولدت بالغراز
            اللي زوين في السويسي انه مستشفى فيه البروفيسورات الكبار ديال البلاد
            وكانت حدايا واحد المرا كتطلبهم يفتحو ليها حيت ما صبراتش لوجع
            مابغاوش قالو ليها ا مايمكنش نفتحو ادا ما كاينش سبب

            المهم التجهيزات كاينة والكفاءة كاينة وبلاصة الانتظار والولادة زوينة
            لكن اللي خايب فيه ان البلاصة اللي كتنعسي فيها من بعد الولادة موسخة وعامرة بسراق الزيت والطوايط حالتهم
            وحتى الفرمليات تما ماكيتهلاو غي في العيالات الي مدورات الفلوس
            على اي ادا كانت الولادة عادية ودازت على خير راه كتدوزي تما غي ليلة وحدة
            بالنسبة لكلينيكات كلهم التهو والنقا خصوصا الشيخ زايد واااعر
            لكن القيصرية عولي عليها راه اغلبهم تيفتحو غي هو العملية ديال اليوم اسهل
            يعني ماتتكرفسيش بحال شحال هادي

            بالنسبة صبيطار الليمون ي الرباط او مولاي عبد الله في سلا
            التدويرة من الباب مايولدوك تتكحبي ههههههههه
            كاع اللي تنعرفهم ولدو تما تيبقاو يتنفخو عليهم تاتيضطروا يدورو الفلوس
            وديك الساعة كيوليو بحال السعايات غاديين جايين عليك
            الله يستر عيبنا
            والله يجيب ليك فكاكة على خير

            تعليق


            • #7
              المشاركة الأصلية بواسطة aya24 مشاهدة المشاركة
              fin rododkom nhar htajitkom majawbni had
              ماتقلقيش هاحنا بدينا نجاوبوك
              ودابا يندموك بنات الرباط وسلا علاش سولتي هههههههههه
              هادي تقو يك سيري هنا الاخرى تقول ليك لهيه تاندوخوك هههههههه

              تعليق


              • #8
                المشاركة الأصلية بواسطة warda2008 مشاهدة المشاركة
                حتى انا بحالك حايرة فين نولد كايعاودو الماتانرنتي ديال الليمون مزيان و حتى السويسي مجهز و فيه تجهيزات مزيانة و الله اعلم بالنسبة للكلينيك كانسمع بلي الشيخ زايد مزيان و اتمنة ديالو مناسبة و الله اعلم
                الله يجيب ليك حتى انت الفكاكة على خير ويعطيك الصحة والصورة امكمولة ياربي امين

                تعليق


                • #9
                  اختي انا سمعت باللي الليمون زوين وتيتهالاو غي هو ضروري من التدويرة راه ولات سنة مؤكدة في جميع المستشفيات هههه ، قليل فين تلقاي للي كايخافو الله

                  تعليق


                  • #10
                    أختي سيري لبوسيجور أقدم بل أول كلنيك فسلا والرباط أومغاليش زوين بزاف والأحسن أنه فجناح الولاده مكينش فيه راجل كيدورأنا ولدت بنتي فالليمون المعامله مكيناش مره والوسخ أو نعسوني مين تفكيت حشاك علي دم ديال شوحده من تم حلف راجلي إيلا باق نولد فشي سبيطار أو باش نزيد نفهمك لكلينيك كتجيبي طبيبه ديالك أوكتفاهمي معاها وتواي متحشميش حتي حنا مكناش عارفين أو من بعد كتشوف لكلنيك شحال بغا أناولداتني عاد ب 2000 درهم كلنيك 3000 ولكن بحال تهلاوفيا بزاف ماش خصار فيهم أو مل كتعمر عليك صاله بالناس تيديو بيبي ماكايخلوش ليك ولله إيسهل عليك راه ربي دايره ليه الطريق الحمدلله بلا حتي حد

                    تعليق


                    • #11
                      السلام عليكم ورحمة الله تعالى وبركاته

                      أختي الله يجيب لك الفكاك على خير وبخير، ويكون مكمول الصورة إن شاء الله !

                      أنا ولدت في كلينيك البستان، رائع وغزال، المقابلة مخيرة ، والفرمليات غادين جايين لعندك !! صحيح انني ولدت بعملية قيصرية، ولكن كلشي على حسب الطبيبة ديالك، إذا بغات تساعد معاك وتصبر عليك، ممكن تولدي طبيعية وبلا ماتزرب عليك!

                      إوا الله يجيب الفكاك على خير وبخير إن شاء الله !!!
                      اللهم أنت ربي لا إله الا أنت، عليك توكلت، وأنت رب العرش العظيم، ما شاء الله كان، وما لم يشء لم يكن، ولا حول ولا قوة إلا بالله العلي العظيم، أعلم أن الله على كل شيء قدير، وأنه قد أحاط بكل شيء علما، اللهم إني أعوذ بك من شر نفسي ومن شر كل دابة أنت آخذ بناصيتها، إن ربي على صراط مستقيم

                      اللهم أعنا على ذكرك و شكرك و حسن عبادتك

                      sigpic

                      تعليق


                      • #12
                        انا من راي ااخوات شوفي الكينيك ادا عندك الميتيال او الفلوس وتشاطري
                        ومن الاحسن تشرطي على الطبيبة دياك ماتديرش ليلك العملية القيصرية
                        وحتى انت حاولي تبيني راسك صابرة باش تتسناك
                        الله يفكك عى خير

                        تعليق


                        • #13
                          الله افكك على خير وويرزقك ذرية صالحة ان شاء الله .

                          انا اختي ولدات فسويسي وولدات فسبيطار الليمون قالت لي هو حسن من السويسي قابلها طبيب وطبيبة ماشي الفرمليات ربما حيت كان عندها فقر الدم. والمعاملة ديالهوم مزيانة.
                          واحد السيدة كانت فسويسي واحد النهار قالت ليك اللي دخلت تيولدوها قيصري مع كانو ليستاجييربزاف. داكشي غير زهر كاينة اللي كاتلاقا مع ناس
                          مزيانين وكاين العكس . ختي فواحد الولادة ديالها فالسويسي شدها الوجع وكاتعيط الفرملية المتدربة اللي غتولدها ومداتهاش فيها وبقات تطلب الله وتتدعي وولدات بوحدها بلا غراز دار ليها ربي تاويل الخير وعتادرات ليها مزال ديك الفرملية قالت ليها صحابلي باقا مغديش تولدي سمحيليا.

                          الله ارزقك اختي شي فكيكة ساهلة وجميع الحوامل

                          حسبي الله لا اله الا هو توكلت وهو رب العرش العظيم


                          اللهم اشفي ابني شفاء لا يغادر سقما

                          تعليق


                          • #14
                            انا ختى انصحك بمصحة خشاني
                            زوينة انا ولدة فيها بنتي تهلاو فيا مزيان ولله إيسهل عليك

                            تعليق


                            • #15
                              اختي انا كنت ولدت فكلينيك ليناصيون زيني فاكدال على يد البروفيسور فاتن بن سعيد
                              وكلشي دازعلى خير وبخيركيقابلو مزيان


                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X