إعـــــــلان

تقليص
لا يوجد إعلان حتى الآن.

عملية قيصرية ثانية

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • عملية قيصرية ثانية

    السلام عليكم
    هادي عامين ولدت بالقيصرية ودابا بقات لي 10 ايام باش نولد
    البارح مشيت للطبيب ديالي باش نشوف واش كلشي مزيان وقالي ضروري قيصرية مرة اخرى معجبنيش الحال قالي الولد كبير وكرشي كبيرة وباللي الولادة العادية تقدر تطرطق لي الوالدة فالحقيقة حرت وبغيتكم تنصحوني






  • #2
    ختي ام ادم الله يفكك بخير وعلى خير
    غير توكلي على الله وسيري تولدي اختي بالقيصرية كيفما قاليك الطبيب راها مبقاتش صعيبة الطب تقدم مع البنج النصفي كيخليك تشوف ولدك ولا بنيتك فحالا ولدتي عادية اما بالنسبة للحريق الي مورا العملية الله يصبرك اختي عليه دابا ان شاء الله تنوضي بالسلامة غير شوية ديال الصبر وصافي وانا اكيدة انه الطبيب ختار يولدك قيصري لمصلحتك اختي راه اغلبية ديال النساء الي كيولدو المرة الاولى قيصري كيولدو تاني بالقيصري
    متنسايش تدخلي طمنينا عليك ملي تفاكي ان شاء الله
    في امان الله

    تعليق


    • #3
      السلام عليكم
      فعلا اختي تا انا العام الفايت كانت القيصرية التالتة .. والحمد لله على كل حال ...
      مفهمتش مناش خفتي ؟؟؟
      توكلي على الله وييسر ليك امورك ... و ما تنسي تطمينيناعليكي
      اللهم علمنا ما ينفعنا وانفعنا بما علمتنا

      تعليق


      • #4
        شكرا ليكم
        انا كنت نتمنى نولد طبيعي ونشوف ولدي منين يخرج للدنيا
        المرة الاولى دارو لي بنج كلي وتعذبت بزاف وما رضعت ولدي حتى للربع ايام
        بغيت نتسنى مشيئت الله مي الطبيب خلعني





        تعليق


        • #5
          كيفما قالو ليك الاخوات معندك مناش تخافي راه البنج غير النص وتشوفي المولود كيف الا ولدتي عادي الله افكك على خير ويسهل لولادة ان شاء الله


          تعليق


          • #6
            الله افكك على خير اختي الطبيب اللي عارف متغمريش بصحتك
            حتى انا تعذبت فالعملية الاولى بزاف وتمنيت نولد طبيعي قال لي الطبيب مايمكنش الحوض مضيق. الله اسهل علينا اختي جربي البنج النصفي راه تيقولو حسن من الكلي

            حسبي الله لا اله الا هو توكلت وهو رب العرش العظيم


            اللهم اشفي ابني شفاء لا يغادر سقما

            تعليق


            • #7
              ماخلوليا البنات من نكول الله يفك وحيلك بخير

              تعليق


              • #8
                شوفي أختي غير توكلي على الله أنا يلا ولدت هذه 13 يوم بعملية فيصرية بنجوني غير نصف و الحمد لله بخير و بالنسبة للحريق كيدقو ليك بروات ما تخافي من ولا هي سهل من ولادة عادية

                تعليق


                • #9
                  شكرا على الردود ديالكم
                  انشاء الله يكون خير
                  بقا لي نختار النهار فاش نولد والله ييسر الامور





                  تعليق


                  • #10
                    اختي اناولدت بالقيصري 2مرات تخدير نصفي كنشوف ولداتي وغير كيديرو ليهم لفحص كرضعهم بالنسبة للالم كيعطيوك مسكنات الله يفكك بخير وخودي راحتك حتى تصحي

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X