إعـــــــلان

تقليص
لا يوجد إعلان حتى الآن.

واش حقا مستحيل نحمل وانا عندي هرمون الحليب مرتفع عاااااافاكم جاوبوني

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • واش حقا مستحيل نحمل وانا عندي هرمون الحليب مرتفع عاااااافاكم جاوبوني

    السلام عليكم ورحمة الله تعالى وبركاته ,انا عندي هرمون prolactine طالع ودابا كثر من عام وانا كنحاول نحمل وباقي ماجابش الله ونظرا لمشكل النقص في الاطباء للي كتعاني منو البلاد للي انا عايشة فيها دابا مالقيتش gynecologue للي تبع معايا حالتي كيكونو عامرين ماكنلقاش بلاصة ومشيت عند generaliste عطاتني نعاود ندير تحاليل ومن بعد نرجع عندها عاااد تصيفطني عند اختصاصي في الغدد وانا دابا شهرين وانا كنتسنى فهاد التحاليل يخرجو وباااقين عااااد خاصني نقلب على gynecologue على ود الحكة للي هلكااااتني ,هههههه روينة ياك الله يعز المغرب وخلاص كتمشي عند طبيبة وحدة كلشي فيها ,,,وانا عيت قبل مانبدا هههههه والله ماكرهت ندير غير شيحاجة طبيعية ونتوكل على الله وصافي بلا مانمشي عند حتا طبيب غير اداعاو معايا اخواتي الله يخليكم .



  • #2
    أختي هدئي من روعك كنحس بيك كتكتبي معصبة قل لن يصيبنا لا ما كتب الله لنا وكلمة مستحيل حدفها فالله قادر على كل شيء وفعلا ارتفاع هرمون الحليب كيمنع الحمل ولكن راه كاين العلاج ديالو بالأدوية يعني الحمد لله عارفة المشكل فاش الى ما ارتاحيتيش تم تسناي حتى تمشي للمغرب وارتاحي نفسيا لأنك قد ما تعصبتي قد ما كتخربقي الهرمونات أكثر
    [IMG
    اللهم أجرني في مصيبتي واخلف لي خيرا منها
    ربي لا تذرني فرداوأنت خير الوارثين

    تعليق


    • #3
      أختي راه تا حاجة ما مستحيلة كلشي عند الله قريب الحمد لله الطب تقدم وكل حاجة عندها علاج خاص غير الصبر...
      كون تعرفي قصتي مع هرمون الحليب وشحال من دويات خديت باش نزلو راه تقولي نحمد الله ونشكروا
      هما كاينين 2 أدوية اللي استعملت الأول parlodel مدة 9 اشهر
      ولكن كان كينزل ببطء كل 3 أشهر كندير تحاليل كنلقاه باقي حيت أنا كان عندي دوبل 5 د المرات على المعدل الطبيعي
      والدواء الثاني هو dostinex وهادا قوي عطاه لي طبيب اخر حيت غيرت الطبيب الي كنت متبعة معاه
      وعرفتي اعطاني نتيجة مزيانة غير فشهرين غير هو غالي شوي بالمقارنة مع الأول...
      وديما غير كنوقف الدواء كيرجع اطلع حيت المشكل فالغدد.
      وبالنسبة للعلاج بالأعشاب سمعت بأن المداومة على شرب المرددوش كينظم الهرمونات وكينزل هرمون الحليب
      أما المقادير ما عرفت كنتمنى الأخوات افيدوك
      والله يفرحنا كاملين بالذرية الصالحة المعافاة يارب...

      تعليق


      • #4



        أختي بقيتي في حيت كنحسك فاقدة الأمل كأن هاد الهرمون معمروا غينزل.

        أختي، أولا هرمون الحليب مكيبغيش الإنسان يكون مقلق و معصب بالعكس خص تحاولي ما أمكن تكوني فرحانة و مبتهجة و تحاولي متخليش المشكل يأثر عليك حيت ستريس كيزيد من ارتفاع الهرمون.

        ثانيا، الأدوية كاينين واخا شوية مجهدين وحتا هما كيديروا العصب الله يكون فعاونكم و يصبركم.

        ثالثا، اختي أنا قريت في واحد المنتدى ديال طب الأعشاب بأن المردقوش، حنا كنسميوه المرددوش، جيد جدا لإنزال هرمون الحليب لأنه كيقاد الهرمونات في الجسم كما أنه يستعمل بالنسبة اللي عندهم الدورة مخربقة. و بزاف ديال الأخوات في هداك المنتدى استعملوه و كيشكروا فيه و أكدوا على الفعالية ديالو و حملوا من بعد.

        الطريقة :

        خودي الماء طيبيه و خليه يبرد غير شوية ثم خويه على حفنة ديال مرددوش غطيه و خليه حتي يطلق و شربي 3 كيسان فالنهار : صباح، قبل الغداء أو قبل الكاسكروط ثم في الليل ملي تبغي تنعسي . من الأفضل الإناء اللي غتستعمليه يكون دالزاج أو استعملي ترموس. و داومي عليه مدة شهر أو شهرين و كل مرة عبري الهرمون و شوفي واش نقص.



        ونتمنى ليك و لكل الأخوات اللي كتعاني من هاد الهرمون أن الوصفة تعطي مفعولها . و بإذن الله تقر أعينكن و ترزقن الدرية الصالحة.



        تعليق


        • #5
          شكرا ليك أختي الأقحوانة كنت باغا نعرف طريقة استعمال المرددوش
          ودابا لقيتها شكرا مرة أخرى....

          تعليق


          • #6
            الله يفرحك اختي عما قريب راه كولشي بيد الله دعيه في جوف الليل راه كريم
            http://www.anaqamaghribia.com/pic/sigpic

            تعليق


            • #7
              السلام عليكم ورحمة الله وبركاته اختي تاحاجه ما مستحيله عند الله انهار يكتاب ليك تحملي غتحمل غنحكي ليك قصة اختي مشكلتك بحالها تاهي عندها الحليب وستعملت واحد الدواء كان يالله كتاشفوه والثمن ديالو غالي فيه غير 3 حبات كتستعل كل اسبوع حبة وفي نفس الوقت والساعة المهم انزل ليها الهرمون من 64الى 12 وقالت ليها دابه ان شاء الله غتحملي من بعد شهرين رجعات لعندها وقالت ليها شفت ماوقع والو قالت ليها خاص راجلك يدير هاذ التحليله حتى هي على الهرمونات ملي دارها القى عندو الهرمونات نازلين الطبيه ضحكات وقالت ليهم سبحانه الله المرض قسمتوه بجوج غير هي عندها العلاج وانت لا التحاليل كياكدو انك متولدش وخرجو من عندها كيبكيو وماصدقوهاش ومشاو عند بغوفيسور حتا هو اكد نفس الكلام ديال الطبية وقال ليهم وقال ليهم الحل عندي تولدو بالحقن والثمن 3 المليون 50 في المئة تنجح و50 في المئة ماتنجحش ختي ماوفقاتش قالت ليه انا فوضت امري الى الله لكن غيرزقني راه غيرزقني من بعد 3 اشهر غتوقع المعجزة اختي حملات بلا تنظيم هرمونات بلا حتى شي دواء ورزقهم بولد سماوه زكرياء شفتي اختي شحال الله رحمة واسعه اختي لاتقنطي من رحمة الله غير نسايه ومتبقايش دايره بالك وفاقصه حالك راه كتزيدي طلعي الهرمونات وراجلك حتى هو خاصو يدير التحاليل اسئل الله العظيم رب العرش العظيم ان يرزقك الذرية الصالحة امين

              تعليق


              • #8
                عليك أختي ب سالمية لي هي الميرمية kattybiha مع لما و تشربي كل نهار ماتعاجزيشاي راها معروفة ب إنها كاتناشاف الحليب توكلي على الله و الله يجيب شيفا

                رب اخ لك لم تلده امك
                رب بعيد اقرب من قريب
                om sarita & dodi]

                تعليق


                • #9
                  الله يفرحك اختي عما قريب راه كولشي بيد الله

                  Read more: http://www.anaqamaghribia.com/vb/sho...#ixzz1AB7tKldI



                  http://im38.gulfup.com/k8Ne5.swf
                  ]



                  تعليق


                  • #10
                    الله يجيب الشفا لك ولكل مرضى المسلمين
                    والله يرزقنا درية صالحة

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X