مساعدة الله يرحم الوالدين

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • مساعدة الله يرحم الوالدين

    السلام عليكم

    انا ان شاء الله الاسبوع الجاي غدي ندخل الشهر التامن و مازال ما شريت حتى حاجة للمولود

    انا ما بغيتش نعرف واش وليد او بنيتة

    هادي الولدة ديالي الاولى و معرفت شنو نشري للمولود للجديد و حتى ليا انا

    الله يجازيكم بخير الى ممكن تساعدوني و تقولولي شنو نشري

    حاجة وحدة اللي درت هية الناموسية ديال البيبي دفعتها تتصاوب عند النجار
    اللهم لك الحمد حمدا كثيرا طيبا مباركا فيه ملئ السماوات و الارض



  • #2
    اختي الحبيبة اولا الله يكمل عليك بالخير
    ثانيا اللي نصحك بيه هو اللبيسات ديال ثلاث اشهر الاولى ماتكثريش منهم لان البيبي دغيا تيكبر
    ثالثا اول حاجة تشري البوديات ديال لداخل اللي تيتسدو لتحت خودي ثلاثة كم وثلاثة نص كم وخودي لبيسات ديال برى البارباطوزات ثلاثة يكونو عندهم الرجلين بحال تقاشر باش يدفى البيبي لان الحال بارد وخودي جوج طريبشات قطن على حساب البرد وخودي جوج ملايات صغار قطن ومانطة صغيرة فاش ديري البيبي ولوازم الحمام بانية ديال البيبي وحاجة الغسيل شامبوان وصابون وريحة ومشيطة وخودي رضاعة صغيرة للماء وكبيرة للحليب وخودي كماط وبالنسبة لك خودي بنوار صغير و








    تعليق


    • #3
      اختي الحبيبة اولا الله يكمل عليك بالخير
      ثانيا اللي نصحك بيه هو اللبيسات ديال ثلاث اشهر الاولى ماتكثريش منهم لان البيبي دغيا تيكبر
      ثالثا اول حاجة تشري البوديات ديال لداخل اللي تيتسدو لتحت خودي ثلاثة كم وثلاثة نص كم وخودي لبيسات ديال برى البارباطوزات ثلاثة يكونو عندهم الرجلين بحال تقاشر باش يدفى البيبي لان الحال بارد وخودي جوج طريبشات قطن على حساب البرد وخودي جوج ملايات صغار قطن ومانطة صغيرة فاش ديري البيبي ولوازم الحمام بانية ديال البيبي وحاجة الغسيل شامبوان وصابون وريحة ومشيطة وخودي رضاعة صغيرة للماء وكبيرة للحليب وخودي كماط وبالنسبة لك خودي بنوار صغير و








      تعليق


      • #4
        للاسف كتبت رد طوييييييييييييييييل ومشا لي دبا نعاود








        تعليق


        • #5
          الله يسهل امورك اختي ان شاء الله غادي نشري هادشي اللي قلتيلي و دعي معايا ربي يسهل ولادتي راني خوافة بزاف
          اللهم لك الحمد حمدا كثيرا طيبا مباركا فيه ملئ السماوات و الارض


          تعليق


          • #6
            وجوج زيوفا حياتي باش تشدي راسك وسمطة لكرشك وبانطوفا وبيجامة باش تبدلي فالمستشفى ومن الافضل يكونو عندها صداف باش تبغي ترضعي
            وصاك ديال البيبي راه خاصك توجديه من دبا شري صاك خاص بالبيبي ديري فيه جوج لبيسات باش يبدل وتريكو ديال للداخل جوج باش يبدل وكلشي يكون قطن وخودي ليه طريبيشة وخودي زيف حياتي معك وبيجامة باش تبدلي وملابس داخلية وتريكو ديال لداخل وسروال سخون وبينوار سخون وماتنسايش المانطا ديال البيبي والله يفكك على خير








            تعليق


            • #7
              ماعندك مناش تخافي غير دعي الله والزمي الاستغفار وبقاي ديما تخيلي الوقت اللي تشدي فيه البيبي بين ايديك راها لحظة لا تنسى والله يرزق كل منتظرة يارب








              تعليق


              • #8
                شكراااااااااااااااااااااااا بزاف اختي الله يسهل امورك
                اللهم لك الحمد حمدا كثيرا طيبا مباركا فيه ملئ السماوات و الارض


                تعليق


                • #9
                  ماتخافي والو الله يسهل امرك ويفكك على خير وبالنسبة للحوايج راه الاخت محبة رسول الله ماخلات ليا مانضيف تبارك الله عليها غير حاجة وحدة نساتها هي بما انك ماعارفاش جنس المولود خودي الوان محايدة بحال الابيض و الازرق مثلا.
                  ربي لا تذرني فردا وانت خير الوارثين




                  تعليق


                  • #10
                    الله يفكك على خير و تفرحي بمولودك و ماتخافيش حيت الخوف كياثر في الولادة معك الله اختي و الله يفكنا هلى خير ير اكثري من دبا اكل التمر باش تسهال الولادة و المشي
                    http://

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X