إعـــــــلان

تقليص
لا يوجد إعلان حتى الآن.

آجيو تسمعو ملي فقت شنو لقيت فيديا

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • آجيو تسمعو ملي فقت شنو لقيت فيديا

    السلام عليكم
    لبنات أنا طرات لي واحد الحاجة غرييييييبة و عجييييييييييبة
    عاودتها غير لماما و جداتي و عجوزتي و دابا نتوما
    أنا يالالة حاملة فالشهر الخامس -شي دعيوة باش ربي يكمل- لموهيم الطبيبة قالت لي عندي بنوتة ماتكون عندكم

    إيوا نهار السبت بالليل ماجانيش النعاس بالليل ما لقيت ماندير بديت كانفكر ف الحناء ديال الشهر السابع و وقتاش نديرها و داك التخربيق حتى نعست

    ملي فقت فالصباح غادا نغسل لقيت يدي ملونة بحال إيلا دايرة الحنة و هادشي بصح ماشي أحلام

    فاللول تخلعت وليت كانقول ياكما تجرحت من شي بلاصة..ياكما هادي ياكما ديك مشيت عند راجلي و ريتها ليه هو تخلع قالي سيري غسلي يدك مزيان

    و الله العظيم إيلا غسلتها و حكيتها كاع و هي لاصقة ماكاتحيدش بحال الحنة نيت
    الكف ديال يدي ليمنية كامل و شوية من ظهرها و عاوتاني شوية فاليد ليسرية
    أنا الصراحة بديت كانضحك كانقولو شتي بنتي الله يخليها لي حنات ليا مع أنا من داك النوع اللي يعشق الحنا نديرها و نبقى نشم فيها بطا عليا غير وقتاش نوصل للشهر السابع باش نديرها.

    دابا شنو بان ليكوم فهادشي واش فايت شي وحدة وقع ليها بحالي ولا واش عندكم شي تفسير علمي ولا ديني على هاد الظاهرة الطبيعية هههههه

    غير ماتقولوش لي داكشي اللي قال لي بابا قال لي ياكما ماغسلتيش يديك قلتيه غاسلة يدي و كلشي و هو يقولي واقيلا شديتي فشي حديدة مصدية ههههههههه ربي واش أنا بايتة فبيت النعاس ولا لافيراي هههههههههه

    ماديروش بحال هادوك اللي كايطلو و يهربو إيلا ماعندكوم حتى تفسير كاع كاع غير شي دعيوة صغييييورة تفرحني أنا و الكميميصة ديالي


    ]

  • #2
    okhti llah yekeml 3lik bi lkhir we yferhk be lbonota wetkona min salihat chakirat ya rab ama 3la lhena ra awl mara nesem3a we 3la l3omom raha bocherat khayr









    تعليق


    • #3
      سبحان الله الله يفرحك ويفكك على خير ولعقبا ليا حتى انا بشي وليد بادن الحنان المنان قولو امين

      تعليق


      • #4
        الله يكمل عليك بالخير و يتبت حملك و يفرحك ببنوتك
        الحناء زوينة و عا الخير إنشاء الله و غادي تكون ذرية صالحة بإذن الله





        تعليق


        • #5
          الله افك سراحك على خير

          تعليق


          • #6
            باسم الله الرحمن الرحيم
            الله يكمل علك اختي بالخير والله ماعرفت اشنو اويلي خلعتيني عاد ههه يقدر غرقتي فالنعاس نيييت وماحسيتي شي واحد جا وعملولك
            عجباتني الطريقه د الهدره دياك وديك الكميمصه ديالي هههه الله يخليها ليك ويكمل عليك بالخير
            لا حول ولا قوة إلا بالله
            فدوى شهيب

            تعليق


            • #7
              الله يفك وحيلك على خير وتشوفي بنتك من الصالحات ان شاء الله
              sigpic

              تعليق


              • #8
                باسم الله الرحمن الرحيم الله يخليها ليك ويكمل عليك بالخي


                تعليق


                • #9
                  سبحان الله العظيم
                  عمري ما شفت هد الظهرة الطبيعية عقولتك ههههههههههه و لكن بشرى خير ان شاء الله
                  ياختي قولتها للماما قالوتلي تتسمع الناس اللي تيصبح يديهم محنية خصهم يحنتوها
                  و زعما تتكون عندهم الحاسة السادسة ههههههههه الموهم هدشي غي خزعبلات هي غي على ماسمعات
                  الموهم الله يثبت حملك و يفرحك ببنيتك
                  و يرزق كل محرومة في هاد المنتدى بالدرية الصالحة
                  و يرزق بلادنا الامن و الامان يا رب
                  أخواتاتي دعيو معانا ربي يحفظنا من هاد الفتنة




                  تعليق


                  • #10
                    أختي بصح أمر عجيب و غريب إن شاء الله خير، الله يتبت حملك و يجعل بنتك درية صالحة معافاة و يحفظها لك ربي من كل شر . و الله يرزقني أنا و كل منتظرة يا رب

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X