إعـــــــلان

تقليص
لا يوجد إعلان حتى الآن.

كنترجى اللي كتعرف شي حاجة على الراديو ديال الكرون تدخل تفيدني

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • كنترجى اللي كتعرف شي حاجة على الراديو ديال الكرون تدخل تفيدني

    السلام عليكم ورحمة الله وبركاته
    بغيت نسول الأخوات اللي عندها شي معلومة على الراديو ديال الكرون تفيدني، بغيت نعرف كيفاش كيدار، واش صعيب ولا عادي المهم أي حاجة.
    وشكرا لكل أخت عطاتني الوقت وجاوبتني

  • #2
    اختي راه ساهل انا كنت مخلوعة منو ساعة الحمد لله راه كتشري واحد السائل وكديه معاك كيحلو ليك فم الرحم وكيحقنو الدوا لداخل الى كانو الانابيب محلولين راه مكتحسي بوالو الله يحن عليك يارب
    sigpic

    تعليق


    • #3
      أختي راديو الكرون هو عبارة عن أشعة صبغة كتدار عند مختبر خاص بالأشعة وهو ضروري يدار مباشرة بعد إنتهاء الحيض أي قبل أيام الإباظة باش كيكون الطبيب متأكد من أن ليس هناك حمل.
      وهاد العملية تجرى من طرف متخصصين في هاد الميدان الي في الغالب كيكونوا أطباء بمساعدة ممرضة أو ممرض، وهاد الراديو يا أختي مكيعطيش فكرة عن حالة الكرون فقط بل كذلك الحالة ديال تجويف الرحم وما يوجد بداخله يعني سمك غشاء الرحم وكذلك إذا ما كان هناك وجود لتكيسات أو أورام ليفية أو زوائد لحمية فهاد شي كلشي كتبينو أشعة الصبغة من بعد مكيتخادو لك الصور.
      في الأول كتجي المساعدة الي كتكون مع الطبيبة إلي غادي تدير لك الراديو كتهيأك من بعد مكتزولي الملابس التحتية ديالك وكتنعسك فوق واحد المائدة الي هيا عبارة عن جهاز متحرك وفوق الرأس ديالك كتكون واحد الآلة متحركة ، من بعد كتجي الطبيبة تشرح لك شنو غادي يدار وكتحاول طمنك بأن الأمور غادي تدوز كلها مزيان وكتحاول تطلع معاك واحد الآلة من التحت عبر المهبل ومن بعد وسط هاديك الآلة كتحقن واحد السائل وكتمشي لواحد الغرفة مجاورة باش تشوف إذا ما كان هداك السائل مشى مع الكرون ولا لا إذاكانوا هاد الأخرين عندك مزيانين راه ديك الساعة كتحسي بواحد الآلام بحال ديال الدورة وبحال الي الكرون ديالك باغين يتفركعو وهنا كاع ماتخافي راه دغيا كيمشي داك الألام ومن بعد كترجع الطبيبة لديك الغرفة باش تعاود تاخد لك صور للرحم وفي كل مرة كتطلب منك باش تقطعي النفس حتى تاخد لك الصوروهكدا مرة على جنبك الأيمن مرة على جنبك الأيسر ڭلي جهد نصف ساعة ومن فاش كيزولو هدك الآلة منك كتدوزي بشي شوية ديال الدم نقطة ولا زوج صافي، أنا يا أختي درتو هاد الشهر ماشي على قبل التأخر في الإنجاب ولكن إحت وليت كنعاني من نزيف بعد الجماع وبالخصوص في أيام الإباظة والحيض هدي شي سنة ولات كتجيني كثيرة وبطروفة وبالتالي ولا عندي فقر الدم فالطبيبة اقترحات علي هاد الراديو باش نعرفو سبب هاد التغيرات وبالفعل من بعد مادرتو وجبت النتائج تبين بأن الكرون عندي مزيانين مسرحين مافهم مشكل ولكن بانو عندي زوائد لحمية كثيرة وسط الرحم وبالظبط في المنطقة ديال تعشيش الجنين وقالت ليا الطبيبة هاد الشي خاصك ڭاع متكلسي عليه، لأنه أولا هو السبب في فقر الدم الي وليت كنعاني منو بصفة مستمرة وثانيا مدام هاد اللحيمات موجودين فراه مغاديش يخليوني نحمل ودبا إن شاء الله الأسبوع الماجي عندي إن شاء الله موعد في المصحة باش ندير جراحة بالمنظار لإزالة هاد الزوائد والي كتكون تحت التخدير التام.
      نصيحتي لك ياأختي ماتماطليش على عمل هاد الأشعة باش متبقايش تضيعي الوقت وفي نفس الوقت طمني على صحتك وإذا ماكان هناك مشكل تداركه.

      تعليق


      • #4
        الاخت عندها حق في كل موصفاتو كنصحك تدريه الله ايسر لك
        http://im34.gulfup.com/l36uA.swf


        [/CENTER]

        تعليق


        • #5
          علاش كيديرو هاد الراديو اختي؟؟
          انا روحى اتخلقت علشانك.. ومكانى فى الدنيا والاخرة مكانك

          تعليق


          • #6
            المشاركة الأصلية بواسطة aydi nawal مشاهدة المشاركة
            السلام عليكم ورحمة الله وبركاته
            بغيت نسول الأخوات اللي عندها شي معلومة على الراديو ديال الكرون تفيدني، بغيت نعرف كيفاش كيدار، واش صعيب ولا عادي المهم أي حاجة.
            وشكرا لكل أخت عطاتني الوقت وجاوبتني
            بسم الله الرحمن الرحيم

            ختي ألله يسهل عليك ويسمعك خبار لخير ختي متخلعي موالو راه ساهل مني كتمشي كيطلعوك فوق واحد لبياص وكيدرو لك واحد لحاجةفي المهبل ديالك كتوصل حتى لعنق الرحم مكتوعتش فحال مني كتقلبك طبيبة وهديك لحاجة كتكون فيها واحد تقيبة صغيرة وكيدخلو منها واحد تيو رقيق وكيبقى طرف منو خارج على برا وهو لي كيكبو فيه هداك سائل لي كيدخل لرحم ويدوز لغرون ومني يدوز تقدري تحسي بواحد لوجع خفيف فحال ديال دورة أنا ختي حسيت بيه وتخيلي معايا هديك لبنت لي كانت تما قالت لي مني توعتي راه لغرون مسدودين متصوريش لخلعة لي حسيت بها من سمعت هديك لهدرة صافي قلت أنا عندي مسدودين وماني مشيت نهار تاني باش ناخد رزيلتا لحمد لله قالت لي طبيبة تما كلشي عندك مزيان لغرون مزيانين وقالت لي غير عندك شي حاجة حابسة في فم لوالدة وهدشي لي كتبت لي في لورقة ولكن مني رجعت عند طبيبة ديالي قالت لي ماعندك تحاجة حابسة لك والحمد لله في هداك شهر سهل علي الله وحملت اللهم لك الحمد غير توكلي على الله وسيري وعمري قلبك بالله وصلي وطلبي الله ومايكون غير الخير الله يسهل عليك وعليا وعلى جميع المسلمين اللهم أمين
            [sigpic[URL=http://raneen.info/age.php][IMG]http://raneen.info/calage.php/$194$207$227$32$209$230$205$32$227$199$227$199$32$209$200$237$32$237$205$221$214$230-201

            تعليق


            • #7
              شكرا جزيلا لكل أخت ردت علي، ربي يفرح كل وحدة ويعطيها الله كل ما كتمنى

              تعليق


              • #8
                سمحولي غير بغيت نعرف بشحال كيدار هاد الراديو

                تعليق


                • #9
                  أختي عند Radiologie في مختبر خاص كيتقام كله ب900 درهم 800 ديال راديو 100 درهم ديال هداك السائل الي كيحقنوا لك كتشريه من الصيدلية ،أما إلى درتيه في مستشفى عمومي راه كيتقام عليك تقريبا بشي 350 حتى 450 درهم والله يسمعك خبار الخير.

                  تعليق

                  المتواجدون الآن 1. الأعضاء 0 والزوار 1.

                  أكبر تواجد بالمنتدى كان 2,525, 26-09-2016 الساعة 21:58.

                  يعمل...
                  X