إعـــــــلان

تقليص
لا يوجد إعلان حتى الآن.

فترة النفاس =لتعم الفائدة

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • فترة النفاس =لتعم الفائدة

    اخواتي الانيقات السلام عليكم
    اللي ولدو على سلامتكم واللي مازال الله يعطيكم وايانا شي وقفة ساهلة والمحرومات الله يرزقكم بالذرية الصالحة عاجلا غير اجل يا رب العالمين
    المهم هد اليامات كلما جلست حدا البيسي كنقلب على مواضيع على الولادة والطلق ...واتار انتباهي خلطات وبرامج خاصة بفترة النفاس منتشرة فالمنتديات العربية والخليجية بالخصوص وهدشي اللي خلاني نفكر علاش حتى حنا منطرحوش هد الموضوع فالمنتدى الرائع ديالنا باش نستافدو من بعضياتنا ونستغلو هد الفترة -النفاس-على احسن وجه نتمنى الفكرة تعجبكم وتفاعلو معاها
    sigpic

  • #2
    بصح أ حتي هاد لموضوع مهم ولكن راني مازال أد عندي 4 شهور عنبري نعرف ألا هاد لفترة بازززاف ديال لاهواياج li3nha فترة صعيبة بزاف حس لمرة تكون مرتاحة بزاف لعنة راها مهمة ل صحتها .نتمنى لبنات يتفاعل مع هاد لموضوع li3naho مهم تباركالاه عليك احتي أ كاياسعدني نكون أنا وال واحدة كاتراد ألا لموضوع .

    تعليق


    • #3
      بسم الله نبدا بمعلوماتي البسيطة والمتواضعة انا غير تنولد غير تنخرج من قاعة الولادة اول حاجة الوالدة الله يطول فعمرها كتجيب حليب سخون كنشرب جغيمة ومكنصرطهاش غير كندوزها فمي وكنردها ليدي كندهن بيها وجهي وصدري والمناطق اللي تيكون فيها دوك ليطاش دياول الحمل كنخليه شويا من بعد كنغسل عادي
      عارفة هد الفكرة غدي تجيكم فشكل ولكن الحمد لله هي اللي درت فولاداتي اللولين ووجهي تيرجع كيما كان فسيمانة او جوج بلا ماسكات ولا برودوي
      الحاجة التانية ملي تنجي للدار الوالدة كتجيب دجاجة بليقامة ديالها كتصلقها وكتعطيني زلافة من داك الما فاش تصلقات نشربو قاليك مزيان للحليب والله اعلم
      وكل صباح كنفطر بحليب مع حب الرشاد وكنضيف الحلبة للماكلة ديالي ....وفهديك 40 يوم كل مرة قبل ماندوش ندير الحنا لشعري ولجسمي كامل
      هدشي اللي كنعرف نتمنى الاخوات يزيدو يفيدونا بوصفات طبيعية للجسم ولتكتير الحليب وبغيت الى امكن وصفات تساعد الرحم يرجع لطبيعتو وتحمينا من البرد والهواء اللي تيكون فيه
      ونسيت نقول كل صباح تفطري بدشيشة مزيانة للحليب وتشربي الما بكترة
      sigpic

      تعليق


      • #4
        لله ياهتي تبارك لله عليك الحبيبة و لله هات فدتيني باززززززززاف أن هنا في فرنسا ماعندي ري لله سبحانه ماكانعراف ندير حتى حاجة ري ماما لحبيبة ليكاتسيفاتلي واحد لاعشوب قالك مازيانين لحليب أ كايساهنو لوالدة كانتيابهوم مع طريفة ديال دجاج أ لامهامسا داك sriwra .
        أ باش مايامشيش لحليب حسك تبعدي من لحامض أ ليحرر العصير أنا كالوهالي هن فأ طبيب .
        قالتلي لوالدة أ اكوزتي حسك تهزم كرشك 40 يوم بنسبة لوالدة normal .إوا هادشي ليكانعراف أنتما لهوات يفيدونا

        تعليق


        • #5
          انا عجوزتي و دار راجلي مللي تتولد النفيسة تايطيبوا الحليب مع بيضة بلبدية و حب الرشاد و تايسميوه الحرف.تاينقي الرحم و تاكثر الحليب و تايقوي النفيسة
          و الشربة ديال الحمام بالعشوب تايسخنوا حتى هما لازم النفيسة تشربها
          هادي اللي عارفة و اكيد غادي نستافد معاكم لاني ماجية فالطريق ان شاء الله













          مايا 04 سابقا

          تعليق


          • #6
            اختي naima fadllah ومايا04 الله يفككم على خير شكرا للافادة واحنا في انتظار باقي الاخوات
            sigpic

            تعليق


            • #7
              المشاركة الأصلية بواسطة المشتاقة لطه مشاهدة المشاركة
              اختي naima fadllah ومايا04 الله يفككم على خير شكرا للافادة واحنا في انتظار باقي الاخوات
              امين اختي
              بالحق راني عاد بديت باااقي عليا الحال هههه













              مايا 04 سابقا

              تعليق


              • #8
                تبارك الله عليك اختي و صفات باينة مفيدة ....الله يتمم حملك و حمل جميع الاخوات على خير و يرزقكم و قفة سااااااااهلة......انا عاد كيولدت و و الله مدرت شي حاجة من داكشي دالنفاس حتى الراحة ملقيتش لها الوقت واش ممكن نبدا نستعمل هاد الوصفات واخة دازت 15 يوم على الولادة




                [CENTER]







                هديتي لكن
                http://www.anaqamaghribia.com/quran/reader-36-45.html


                "رَبِّ لا تَذَرْنِي فَرْدًا وَأَنتَ خَيْرُ الْوَارِثِينَ "

                تعليق


                • #9
                  شكرا الحبيبة على فتحك الموضوع راه بزاف الي قراب يولدوا ومحتاجين لهاد المعلومات ومنهم أنا.
                  ضيك الوصفة ديال الحليب سمعتها عند خالت راجلي كالت ليا الماكلة الي تيسبقوليها كتخذ منها ودهن بيها الكلف وسبحان الله تيمشي.


                  تعليق


                  • #10
                    المشاركة الأصلية بواسطة amouna24 مشاهدة المشاركة
                    تبارك الله عليك اختي و صفات باينة مفيدة ....الله يتمم حملك و حمل جميع الاخوات على خير و يرزقكم و قفة سااااااااهلة......انا عاد كيولدت و و الله مدرت شي حاجة من داكشي دالنفاس حتى الراحة ملقيتش لها الوقت واش ممكن نبدا نستعمل هاد الوصفات واخة دازت 15 يوم على الولادة
                    الف مبروك احبيبة الله يخلي ليك القمورة وتشوفيها عروسة بالنسبة للوصفات كنظن تقدري ديريهم مازال عندك الوقت حاولي تستغليه باش ترجعي كيلول واحسن ان شاء الله
                    sigpic

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X