إعـــــــلان

تقليص
لا يوجد إعلان حتى الآن.

مابعد الاجهاض

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • مابعد الاجهاض

    السلام عليكم ورحمة الله تعالى وبركاته



    بعد ماعانيت فسبيل الله مع الدم اللي كان نازل مني منذ بداية حملي ماكتبش لي الله باش يستمر حملي و البيبي نزل بلا ما عملت كورتاج واخ الطبيبة اللي كانت متبعة حالتي اصرت باش نعمل كورتاج لكن تخوفت لاني لولا حفظ الله شفت الموت بعيني ورجعت منو وراجعت طبيب ثاني بعد ما عملي الايكو قال بلاش من الكورتاج لان تقريبا كلشي نزل بقات شي حاجة قليلة عطاني طريتمون ديال الدوا لمدة عشرة ايام وانا متبعاها

    اللي بغيت نسولكم الله يجازيكم بخير واش كاين شي مشكل لاني ماعملتش كورتاج بعد الاجهاض وعلى شحال د الوقت كترجع الوالدة لبلاصتها وشحال د الوقت عاد كتحبس الدم اعزكم الله وحاجة ثانية الطبيبة قالت لي ضروري تاخدي لابيليل (فنيد منع الحمل ) مدة ثلاث اشهر او اربعة باش الوالدة ديالك تكون مستعدة لاستقبال الحمل مرة ثانية وماعرفتش واش ناخدو او لا شنو تشورو علي وباش تنصحوني الله يجازيكم الف خير

  • #2
    ماعنديش فكرة اختي
    الله يعوضك خير الحبيبة













    مايا 04 سابقا

    تعليق


    • #3
      اللهم امين حبيبة

      الله يتمم حملك على خير ويرزق الذرية الصالحة والمعافاة السليمة باذن الله

      تعليق


      • #4
        السلام عليكم أختي هاجر

        إلا كنت ديرتي ليكوجرافي و بأن أنه كلشي مزيان الحمد لله ، أنا أختي ما كنتش كاندير كورتطاج حيث كانفقد الحمل ف 4 أو 5 أسابيع، أما عن la pillule من الأحسن بلاش ، غير خاصك ترتاحي هاد 3 شهور و شوفي شي طريقة أخرى من غير الفانيد، و الله يعوض عليك بالحمل الثابت و على كل وحدة فقدت حملها يارب في القريب العاجل

        تعليق


        • #5
          ya o5ti lah ye3wedak inchalah ,mat9al9ich
          lmohim ana li nsse7ak howa 5asseki tb9ay 3al a9al chi 3 mois bla mat7amli 7it s3ib 3lik bzaf t7amli o nti yalah ajhadti
          rir sbri chwia ,7it mert 5oya tahia ta7 liha lbibi dyalha o glssat 3 chohour o 9t3at l fanido fchehar 4 7melat

          تعليق


          • #6
            المشاركة الأصلية بواسطة hajar_weard مشاهدة المشاركة
            اللهم امين حبيبة

            الله يتمم حملك على خير ويرزق الذرية الصالحة والمعافاة السليمة باذن الله
            امين الحبيبة و يفرحك حتى نتين و يعوضك خير













            مايا 04 سابقا

            تعليق


            • #7
              اختي الحبيبة هاجر معانتك بحلي بالظبط ربي يعوضنا ويرزقك بالحمل التابت ان شاء الله والاسئلة الي طرحتيها اختي حتى انا نتمنى يدخلو الاخوات افيدونا وينصحونا
              sigpic

              تعليق


              • #8
                okhti lah y3ewdek 3an tejribti hta ena w9e3li ijhad f 2 mois d hmouliya wdert curetage 7it l dorouf si7iya ma kench khesni netsena dem yenzel bouhdou w be3d 3 mois 7melit hemdolah mé fhed mouda ma kent kendir walou khessek terte7i chwya wbla ma tekhdi pillule
                whemdollah lah yrez9ek wjami3 mouslimin douriya saliha wytebet hmelna


                اللهم اجعلني قرة عين لزوجي واجعله قرة عين لي

                تعليق


                • #9
                  اختي سيهي ربي يتبت حملك يا رب ويرزقك الذرية الصالحة امين يارب العالمين
                  sigpic

                  تعليق


                  • #10
                    أختي هاجر الله يعوضك إن شاء الله
                    إذا درتي إكو قالولك كلشي مزيان داباتحملي مرة أخرى إن شاء الله
                    أنا أول إجهاض مدرتشي تنظيف نزل غيربدوا ومبغيتش ناخد كينة من بعد بقت 5شهور وحملت لكن أجهضت تاني الحمد لله ودارولي تنظيف و حيت كنت تعبانة نفسيا خديت الفانيد شهر واحد دابا دز شهرين باقي مارادلي الله نحمل لكن أملي في الله كبير
                    :s11556:

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X