إعـــــــلان

تقليص
لا يوجد إعلان حتى الآن.

واش غير أنا أو لا حتى أنتوما؟

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • واش غير أنا أو لا حتى أنتوما؟

    السلام عليكم ورحمة الله تعالى و بركاته
    أخواتي الأنيقات و خاصة الحوامل
    عندي واحد الستفسار و كنتمنى نلقى الجواب عندكم
    بغيت نعرف واش حتى انتوما كتجيكم الوساوس فحالي أو لا غير أنا
    سواء فحملي الأول أو حتى الثاني كتجيني تهيؤات بأني غادي نموت وأنا كنولد
    لدرجة أني كنكون شبه متأكدة من الأمر
    فحملي الأول كنت كنحط راسي على المخدة و كنتخيل راسي مت و دفنوني وبقى ولدي يتيم
    و كنزيد نبكي غير بوحدي
    و فهاد الحمل بعض المرات كنتخيل بأني مت و كنتخيل حتى الجنازة ديالي ههههههه
    و ماكنقدرش نقول هادشي لراجلي و لا نعاودو ليه كنخاف يضحك عليا
    و فاش قلت هادشي لصاحبتي لقيت حتى هي كتدوز عليها نفس الحالة فالحمل ديالها
    و تخيلوا معايا فالحمل الأول ديالي كنت ديما كنفكر مع راسي و كنقول أكيد ولدي
    غادي يكون معاق بسبب فصيلة الدم ديالي حيت أنا عندي -o و كنت كنوجد راسي لهاد الوضع
    أنا بطبعي موسوسة و يمكن كنعاني كاع من الوسواس القهري حيت بعض أعراضه فيا
    ولكن فالحمل ديالي كيتزاد الوضع و كنعيش فعذاب الله ينجيكم منه
    عافاكم الا ما قولوا لي واش كتعانيوا حتى انتوما من هاد الوساوس؟

  • #2
    أختي سبحان الله أنا ماجرباش الحمل كنتسنا فرج الله ، و لكن حتى وحد صاحبتي عاودتلي نفس هادشي لي كاتقولي !!!!! أختي حاولي تسمعي لسورة البقرة فهيا كطرد الشيطان ،و الله يفك على خير ، و الله يخليك لولادك يارب . و نتمنى الأخوات الحوامل يقولو ليك شعورهم . الله ينجيك من الوسواس يارب

    تعليق


    • #3
      السلام عليكم اختي اول شيئ الله يكمل عليك بالخير وثبت الحمل ديالك حتى انا اختي دازتتت عليا ماشي غير فالحمل قبل منحمل وفالحمل اشي مرات دابا نفس الاعراض الي كتقولي انا عاد شي مرة كنخاف وكيبدا قلبي كيضرب بسرعة كبيرة حتى كنبقى نتسنى وقتلش يوقف هههه ولكن اختي راه هادشي غير من ضعف الايمان والله نهار الي كنكون نضاعف الصلاة ونحس بالايمان قوى عندي مكنحسش بحتا حاجة بالعكس كنحس بالامل النهار الي كنت كنولد هبط لي الضغط غير بالخوف من الموت حتى قالتلي الطبيب الى بقيتي هاكدا مميمكنش ندير لك والو عاد لي تقويت المهم حاولي تلتزمي بالذكر هو الي غادي اساعدك مزيان والله يفك الوحايل

      تعليق


      • #4
        نعم اختي هادشي اللي عاودات ليا عضوة معانا فالمنتدى حاملة للمرة الثالثة..ايوا الله يخفف عليكم و كاع ماديري داكشي فبالك راه غير الشيطان و الوسواس ديالو,,اللي مكتابة هي اللي غاتشوفي ..كوني متفائلة و ديري ثيقتك فالله عز و جل..
        الله يسهل ولادتك و تفرحي بولدك او بنيتك ان شا الله


        اللهم اغفر لي ما قــدمت و مـا أخرت و مـا أسررت و مـا أعلنـت و مـاأنت أعلـم به منـي أنت المـقدم و أنت المؤخر لا إله إلا أنت

        تعليق


        • #5
          majda.m
          الله يفرج عليك الحبيبة و يرزقك الذرية الصالحة عاجلا غير اجل
          الله يطمنك كيف ما طمنتيني

          عاشقة زوجي
          الله يطمنك الحبيبة و الله ينجيني و ينجيك و ينجي كاع المسلمات من الوسواس
          كان كيسحاب لي راسي حالة خاصة و داكشي اللي كان كيخلعني
          أما بخصوص ضعف الايمان
          الحمد لله كنحاول نبقى ديما قريبة من الله سواء بالحفاظ على الصلاة في أوقاتها أو بقراءة ما تيسر من القران أو بالذكر صباحا و مساء
          و شحال من مرة كنقول معا راسي هذا ابتلاء من عند الله و كنطلب من الله يجعلها مغفرة الذنوب

          أمة اللطيف
          كنت خايفة غير نكون أنا بوحدي اللي كيجيني هاد الاحساس هههههههههههه
          ربي يخليك الزين على الدعاء و الله يفرحك حتى انتي و ينولك ما تمنيتي فخاطرك

          تعليق


          • #6
            majda.m
            الله يفرج عليك الحبيبة و يرزقك الذرية الصالحة عاجلا غير اجل
            الله يطمنك كيف ما طمنتيني

            عاشقة زوجي
            الله يطمنك الحبيبة و الله ينجيني و ينجيك و ينجي كاع المسلمات من الوسواس
            كان كيسحاب لي راسي حالة خاصة و داكشي اللي كان كيخلعني
            أما بخصوص ضعف الايمان
            الحمد لله كنحاول نبقى ديما قريبة من الله سواء بالحفاظ على الصلاة في أوقاتها أو بقراءة ما تيسر من القران أو بالذكر صباحا و مساء
            و شحال من مرة كنقول معا راسي هذا ابتلاء من عند الله و كنطلب من الله يجعلها مغفرة الذنوب

            أمة اللطيف
            كنت خايفة غير نكون أنا بوحدي اللي كيجيني هاد الاحساس هههههههههههه
            ربي يخليك الزين على الدعاء و الله يفرحك حتى انتي و ينولك ما تمنيتي فخاطرك

            تعليق


            • #7
              أمين أمين أمين يارب العالمين ، الله يفك على خير أختي يحياتي

              تعليق


              • #8
                بارك الله فيك اختي يحياتي الللهم لك الحمد على كل شيئ

                تعليق


                • #9
                  اختي راه وساوس الشيطان استمعي لسورة البقرة وان شاااء الله يفوتك الحال الله يكمل عليك بالخير ويفرحك بالي تمنيتي يااارب ويرزق كل منتضرة ان شااااء الله عاجلا غير اجل


                  اللهم اني أعيذ مافي رحمي بكلماتك التامة
                  من كل شيطان وهامة
                  ومن كل عين لآمه
                  اللهم اني اسألك أن تحفظه و تجعله معافى
                  كامل الخلقة دون زيادة أو نقصان
                  اللهم حسن خُلقه وخلقه وسهل حمله ومخرجه واجعله قرة عين لي ولوالده
                  واجعله من عبادك الصالحين

                  تعليق


                  • #10
                    ختي كولشي هدشي لي كتقولي راه من ضعف الايمان والشيطان كيبغي يوسوس ليك
                    انا كنعطي نصائح لصحاب لعندهوم الوسواس القهري ونتي راكي نفس الحاله غير هو ماشي كبير شويه اوصافي او كيجيك فالحمل كلشي داكشي الشيطان كيبغي اقهرك قراي القران وذكري الله 100 او اكتر ودعي مع الله ان شاء الله خير
                    اسال الله العظيم ان يثبت حملك


                    تعليق


                    • #11
                      عليك بسورة الاخلاص

                      تعليق


                      • #12
                        الحبيبة يحياتي حالتك بزاف النسا اعانيو منها حاملات ولا محملاتش وراه هاد شي غير من الشيطان وربي يبعدو عليك
                        قراي بزاف وذكري الله باش ميلقا فين اوسوس ليك وان شاء الله ربي يتبت الحمل ديالك ويحفظك لولادك يا رب.
                        sigpic

                        تعليق

                        المتواجدون الآن 1. الأعضاء 0 والزوار 1.

                        أكبر تواجد بالمنتدى كان 2,525, 26-09-2016 الساعة 21:58.

                        يعمل...
                        X