إعـــــــلان

تقليص
لا يوجد إعلان حتى الآن.

ثمن إبر puregon لتنشيط المبيض

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ثمن إبر puregon لتنشيط المبيض

    سؤالي هو عن تمن هده الابر الله يجازيكم كل خير سمعت انها غالية لي مجربها يعاوني الله يرزقنا و اياكم الدرية الصالحة

  • #2
    Attaman houwa 200dh
    اللهم اجعلنا ممن يسمعون القول ويتــَّبعوون احسنه يارب العالمين
    اللهم أجعل عملنا كله خالصا لوجهك
    اللهم لاتجعلنا ممن ضل سعيهم في الحياة الدنيا وهم يحسبون انهم يحسنون صنعا ً
    ربنا لا تواخذنا إن نسينا أو أخطأنا ربنا ولا تحمل علينا إصراً كما حملته على الذين من قبلنا
    ربنا ولا تحمـِّلنا ما لا طاقة لنا به واعفُ عنا واغفر لنا وارحمنا
    أنت مولانا فانصرنا على القوم الكافرين

    تعليق


    • #3
      الباكية فيها 5 كاتدير 1050 درهم

      تعليق


      • #4
        أختي بريكو فعلا راهم غاليين أنا كنت خديت بريكو600 ب 2500 درهم لبرة واحدة وكنضرب كل نهارشوية منها على حسب لعبار أو الحجم اللي آعطاني الطبيب مع مراقبة التبويض،ومن كملتها ورجعت عندو لقى البويضة مزال موصلتش الحجم الطبيعي،وزادني بريكو 300 وكتعمل 1250 درهم،يعني قد مكان الحجم كبير قد مكان الثمن غالي ومن كملتها ورجعت عندو لقى البويضة مزال موصلتش الحجم الطبيعي،وزادني وحدة أخرى بريكو300 عاد وصلو لي الحجم يعني 21 المهم وصلت في المصاريف غير في إبرة بريكو 5000 درهم

        تعليق


        • #5
          مشكورات اخواتي ولكن أنا كاتبلي فالورقة 50 يعني غادي تكون رخص يختي هادشي غالي بالنسبة لاخت rouissi nadia واش دقهاليك فكرشك واش كاين شي الم وشحال من مرة واش ملي كيدكهاليك هاديك ساعة كيدير صونار باش يشوف التبويض او حتى الغد عافاك جاوبيني الله يجازيك كل خير

          تعليق


          • #6
            chof a hbiba hta ana fayta meste3mlaha o ra kadir chi 20200 o kanetmena men lah irezkek doriya saliha o yekhlefli weldi 3ebd rahman b doria saliha khilkan wa kholokan

            تعليق


            • #7
              semhili a hbiba bgit nekteb 2200dh o rah fiha chi 5 ola6 d libari

              تعليق


              • #8
                اختي لي فيها 2 200درهم

                تعليق


                • #9
                  شوفي يا لحبيبة أنا آعطاني بريكو 600 ندكها آبتدأ من تاني يوم للدورة،كل نهارندك 100 لمدة 5 أيام،يعني غتبقى غير 100 مندكهاش، وكندكها راسي في كرشي حيت من نشريت لبرا آعطاوني معاها واحد ستيلوكنخشيه في لبرا اللي فيها 600 باش ناخد لعبار ديال 100 فقط وندكها،مولات لفرمسيان هي اللي وراتني كيفاش نستعملها وكيفاش ندكها،راه مكتحسي بوالو غير قريصة وصافي،من دازت 5 أيام يعني دكيت 500 رجعت عند الطبيب نهار الثامن وعملي السونار لقى البويضة يلاه وصلت 12 وهو يزيدني ندك لبرة 400،يعني 100 اللي بقات عندي في الأولى وبيريكو ديال 300 اللي غادي ناخد،وقالي غادي دكيها يوميين وترجعي عندي باش يراقب التبويض،قالي دكي نهار200 ونهار150 ،من دكيتهم رجعت عنده نهار 10 أيام من الدورة،وعملي السونارولقى البويضات مازال موصلوش الحجم الطبيعي،وصلو 16 حتى 18 وزادني ندك لبرة أخرى ديال 300 لمدة يومين150 في النهار ورجعت عندو نهار 12 لقى البويضات وصلو الحجم الطبيعي 20 و 21 ولقى عندي 4 بويضات،من بعد آعطاني ندير تحليلة ديال إستراديول ومن خرجت مزيانة قالي دكي إبرة تفجيرية ومن غدا يكون جماع لمدة 3 أيام،المهم المصاريف كاملة ديال هادشي طلع لي 7000 درهم وفي الأخيركاع هاد الثعب المادي والمعنوي جاتني العادة ومكاين والو الحمد لله ، آتصدمت شوية والحمد الله لقيت راجلي في جنبي و خفف علي بحال لا مكان والو الله يجعلها لينا من مغفرة الذنوب

                  تعليق


                  • #10
                    الله يجازيكم كل خير أخواتي مشكورات الله يرزقنا و اياكم الدرية الصالحة

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X