للي عندها معلومات تفيدني جزاكم الله خيرا

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • للي عندها معلومات تفيدني جزاكم الله خيرا


    السلام عليكم
    شكون للي كتعرف دواء حمض الفوليك قريت فالانترنيت انه كيصلاح للمراة الحامل كيمنع الاجهاض والتشوهات للاجنة ولازم تاخذ المراة قبل الحمل بثلاث شهور
    عفاكم للي مجرباه او عندها معلومات ما تبخل علي وشكرا

  • #2
    السلام عليكم
    كل شي يا أختي بيد الله,هو ماشي لازم تاخديه قبل الحمل
    في بعض الدكاترة لي كيعطيوه في 3 شهور الأولى ديال الحمل وهو واقي من التشوهات
    ألا وراثية,ومتداول بكثرة في دول الخليج,أنا عطاتو ليا الطبيبة فشهري الثاني وما واضبت عليه
    وولادات السابقة ديالي عمري ما أخذت, الواحد يطلب من الله حسن الخلق والدرية المعفاة
    إن شاء الله نكون أفدتك

    تعليق


    • #3
      شكرا يا اختي ىلؤلؤة الرياض وجزاك الله خيرا لهلا يخطيك

      تعليق


      • #4
        السلام عليكم
        انا كنت سمعت عليه شوف دخل نموسوعة ويكيبديا وفتش فيها عليه غادي تعطيك كل المعلومات
        وغادي توريك الاطعمة اللي فيها هاد الحمض

        تعليق


        • #5
          أختي فعلا حمض الفوليك هو نافع جدا انا تنعيش في إسبانيا وهنا أي وحدة قررت باش تحمل تينصحوها تبدا تاخدو 3 أشهر قبل الحمل و3 أشهر الاولى ديالت الحمل وانا براسي وصفوه لي حبة يوميا وهو غير فيتامينات ما عندك مناش تخافي منو أما على قول الأخت لؤلؤة الرياض : الواحد يطلب من الله حسن الخلق والدرية المعفاة فهذا أمر بديهي ولكن الله تيقول جري يا عبدي وانا معاك الإنسان تيدير غير السبب

          تعليق


          • #6
            السلام عليكم اخواتي تنشكركم بزاف على المعلومات
            الى كان ممكن من ام سندس تعطيني الاسم للي يكون فوق الغلاف لان عندنا فالمغرب ما كيوصفوه الاطباء
            ربما ما معروف مازال عندنا ولك جزيل الشكر

            تعليق


            • #7
              الحبيبة والله ماعقلت لأنني عامين ونصف هادي باش كنت تناخدو يعني منين كنت حامل ولكن ماعليك إلا التوجه للصيدلية وتقولي ليهم بغيت دوا ديال الأسيد أفوليك وهما غادين يوريوك ويعطيوك وصدقيني الحبيبة هنا راه تيوصفوه لجميع الحوامل والمقبلات على حمل بدون استثناء

              تعليق


              • #8
                أختي دخلي لهاد الرابط لأخت iman في منتدى الفيتامينات
                http://www.anaqamaghribia.com/vb/showthread.php?t=50722

                تعليق


                • #9
                  كنشكركم اخواتي على هاذ المعلومات لهلا يخطيكم الله يديم المحبة بينا

                  تعليق

                  المتواجدون الآن 1. الأعضاء 0 والزوار 1.

                  أكبر تواجد بالمنتدى كان 2,525, 26-09-2016 الساعة 21:58.

                  شاركي الموضوع

                  تقليص

                  يعمل...
                  X