إعـــــــلان

تقليص
لا يوجد إعلان حتى الآن.

سؤاااااااال

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • سؤاااااااال

    السلام عليكم ورحمة الله وبركاته انا حاملة فشهري 7 وهدا حملي الاول .المهم بغيت غير نسولكم شنو الافضل واش الولادة فالكلينيك ولا فالمستشفى العمومي حيت بزاف ديال الناس لي كايقولولي ان الولادة فمستشفى عمومي احسن نظرا للخبرة اللي كاتكون عندهم بحكم انهم كايولدو حتى ل 20 امراة او اكثر فاليوم ..عفاكم فيدوني راني حايرة


  • #2
    السلام عليك اختي اولا ثبت الله حملك ورزقك الذرية الصالحة ان شاء الله. المهم غي قريت السؤال ديالك حبيت نرد عليك=(عنداااك) انا شخصيا اختي صرالي موقف مؤسف في ولادتي الاولى حيت كنا في بداية الزواج وتابعانا ميات حاجة و رغم الحاح الزوج ديالي الا انني اصريت ان الد ابنتي الاولى في الصبيطار بحال باقي البشر و لكن النهار الموعود مين مشيت لقيت العيلات مساكينات غي كيتوجعوا في واحد الصالة و الاطباء او الممرضات ماعرفتليهم جالسين عاطينها للهضرة. ومين دخلت انا قالت لي وحدة فيهم طلعي فوق داك الويل مانبغي حتى نتفكرو قلت ليها عطيني عفاك شي كرسي باش يعاوني نطلع. تلفتات للاخرين و قالت ليهم للا باغيا الكرسي يعاونها وديك الساعة مابقيتش عاقلة على راسي ماخليتلهاش وقالت لي انتي جايا تفشي علينا لو كان عينك لو كان مشيتي للكلينيك وقلت ليها نتي اش كتديري هنا علاش جايبينك غي باش تخدمينا وبزز عليك. وديك الساعة جاء واحد الطبيب باش يفكنا وشوفي لوقاحتو واخا الاسلوب ديالو كان احسن من هديك الويلة الا انو قالي بعدا دايرا التحاليل قلت ليه واش كاينة شي حاملة مادايراهومش و عايني نجيبهوم ليك راه راجلي على برا نقولها ليه وديك الساعة خرجت تنبكي قلت ليه هربني من هنا و السيد بغا يرجعلي رومبو حتى قلت ليه واش انا كنولد ونتا باغي تخاصم. وديك الساعة خداني لكلينيك و اجي تشوفي الاستقبال كرامتي رجعاتلي ولدت الحمدلله والحاجة اللي ندمت عليها هو انني مادرت حتى حاجة لهادوك الكمامر خليتهم لله. وانا كنولد بقيت كندعي مع هدوك العيالات مساكينات اللي خليتهم مورايا في الصبيطار كيتوجعو.المهم المراة مين تولد خاصها تكون مرتاحة نفسيا وتلقى اللي يهتم بيها ماشي اللي تيعايرها.اتا عارفة انو ماشي كل الناس فحال فحال ولكن اللي صادفتهم انا كرهوني في الصبيطار ومايجي منو.لهلا يحط شي واحد بين يديهم. انا داب تنعاين نهاري وهاد المرة دون تردد او حسابات خاوية غانولد في لكلينيك اللي خلصتو مايهمش المهم راحتي والفكاك علي خير ليلي ولجميع المسلمات

    تعليق


    • #3
      شكرا اختي والله يفكك على خير..والله هاد شي لي عاودتيلي اثر فيا بزاف..لا حول ولا قوة الا بالله

      تعليق


      • #4
        walakin wlati blftih hit kigelo bli tayftho wla la

        تعليق


        • #5
          اختي الحبيبة افضل حاجة راحتك وتكوني مرتاحة والفلوس ماشي مهم راه ماشي كتولدي يوميا
          سيري لكلينيك تفششي مع راسك وتلقاي اللي يديها فيك ويخدمك .راني سمعت بزاف على المشاكل اللي تيوقعو فالمستشفيات الحكومية وعدم الاهتمام والسبان والهضرة اللي كتوجع .
          المراة مسكينة تتبغي ديك الساعة غير اللي يحس بيها ويحن عليها ماشي اللي يزيد عليها .
          انا دائما تنولد عند مولدة وحتى المعاملة عندها زيان ولكن فهاد الولادة الاخيرة ولدت فكلينيكلان المولدة ولات تدخل الطبيب يعاونها وماتصوريش المعاملة والاهتمام والحنان اللي تلقيتو وحتى الدكتورة ديالي الله يعمرها دار وراني بت 2 ليالي والثمن معقول والاكل متكامل وليساج فام روعة وحتى الفرمليات .








          تعليق


          • #6
            شكرا اختي محبة رسول الله داك شي اللي كاين اختي ..ان شاء الله يكون الخير

            تعليق


            • #7
              مبروك والله يكمل لك بخير
              كيف مانصحوك الاخوات ولدي في الكلنيك احسن لك وتفششي مع راسك ولكن نصيحة عنداكي تولدي قيصري راها شوي صعيبة انا مجربة لحد الان بقى كنحس الفتحة بحال لمبنجا بالضافة انك ميمكليكش تلعبي الرياضة ولا تحزمي كرشك وطبعا كتبقى مدلدلة. ونصيحة اخرى عطيها المشي واكل التمر باش تسهال عليك الولادة والله يفك وحايلك على خير آمين ودعي معنا وانت كتولدي وماتنسيناش في الزميطة / السفوف:rolleyes:

              تعليق


              • #8
                ختي كيفما قالو الاخوات ولدي في الكلينيك احسن انا جربت سبيطار فاش كانو عندي التوام ومات لي واحد مشيت الكلينيك الشيخ زايد بالرباط قالو لي تخلصي 14 مليون باش نديروه في القرعة جاتني بزاف و وقف معايا واحد البروفيسور حتى ولدت غير في السويسي بالفتيح ماتعدبتش بزاف وخا ماعاش لي حتى واحد ...... وشفت مساكن العيالات اش كيوقع ليهم غير مليوحين في الارض .اختي باشما كان الكلينيك رخيص والله يفك وحايلك على خير ...........
                sigpicاللهم احفظ لي ابنتي واجعلها من الذرية الصالحة وبارك اللهم لي فيها واجعلها من الشاكرات

                تعليق


                • #9
                  شكرا اخواتي ام حسين مكناس وحلمي الامومة ربي يخليكوم ويحفظكم

                  تعليق


                  • #10
                    اختي حلمي الامومة ان شاء الله احبيبة ربي دابا يعوظك ويرزقك بدرية صالحة

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X