إعـــــــلان

تقليص
لا يوجد إعلان حتى الآن.

ااااااااش ندير

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ااااااااش ندير

    السلام عليكم ورحمة الله تعالى وبركاته
    عافكم الى قولو ليا اش ندير
    الموضوع اومافيه انني بغيت نولد والوقت اللي نقولها لراجلي كيعطيني محاضرة ديما كيسدها في وجهي كيكرهني فالولاد واللي يفكر يولدهم .غير البارح قلتها ليه وهو يوسلني علاش باغة الولاد؟ دخلت عليكم بالله ايما قولو ليا هاداو اش سؤال ماعرفت باش نجاوبو انا مغتربة ومكنخرش من الدار مكنعرفش نهدر باللغة مزيان واخا كنفهم قلت الى كانو الولاد بزز مني غادي نخرج نتحرك نتلاقى مع الناس ضروري غادي يمرضو يبغيو يخرجو غادي يمشيو المدرسة هادششي كلشي غادي يخليني نتحرك ونتاقلم مع المجتمع وهو كيقول انتي اللي غادي تربيهم داكم ودارنا بعاد عليك ماغاديش يجيو عندك انتي اللي غادي توحلي انتي الي غادي تزيري غادي ندابزو غادي نتفارقو ماغاديش تديها فولادك وزيد وزيد
    انا منين سمعت هادي الهدرة صافي كرهت الولاد وليت كنطلب العقر كرهني في حياتي ومن هادشي كلشي قالي تزوجتيني غير على الولاد

    سامحو ليا الى طولت عليكم ولكن والله العظيم الى شفت شي واحدة مع وليدتها كتجيني الغيرة كنبغي نموت بالفقصة

    ساعدوني الله يجازيكم بيخير وقولو ليا اش ندير

    راني كنبكي غير بالسكات كنحس شي نهار غادي يطرطق ليا شي عرق
    sigpicاللهم إني أشهدك وأشهد حملة عرشك وملائكتك وجميع خلقك أنك أنت الله لا إله إلا أنت وأن محمدا عبدك ورسولك

    اللهم اقسم لنا من خشيتك ما تحول بيننا وبين معاصيك ومن طاعتك ما تبلغنا به جنتك ومن اليقين ما تهون علينا مصائب الدنيا "

  • #2
    اختي برا الباس عليك اختي متفقسيش ياختي و غير صبري دابا يجيبهم لك الله و راجلك مسكين غير صبري على هضرتوا راه غير خايف من المسؤولية الولاد اختي راه بصح الغربة ماشي هي البلاد ياختي بلادنا كلشي فيها ساهل مع الاسرة كتكون قريبة كيكون العوين اما بوحد تمة راه صعيب عليك الحال اختي العزيزة الله يسهل عليك لي فيها الخير و ان شاء الله ربي يفرحك باش تمنيتي و يهدي راجلك اختي....................



    تعليق


    • #3
      ربي يخليك اختي ويعطيك ماتمنيتي والله العظيم الى تفقصت وكانشوف تنقول اومال هادوك اللي ولدو بوحدهم ما معاهم حد وتلقاي المرا ولدات بوحدها حتى راجلها ماكاينش وهادي كاينة ولداتني ماما بوحدها فالليل مع الفجر خوتي ناعسين بابا خدام ماكاينش والحمد لله هانا كندردك هههههههههههه فوقتما كانسهلها كيجي يسدها في وجهي دابا عام ونص باش مزوجة العام فالاول ماكنتش باغا واخا مو كاتقوليا نوضي ولدي كنت خايفة بزاااااااااف حينت حينت ختي ومرات خويا الكبير ولدو الغرازي ومرت خويا الاخر ولدات بالفتيح
      وفوقتما يقول ليا شي واحد ولدي نتقول لا او دابا منين بغيتهم الرجل حاقرني ومطيح بقيمتي بحال الى ماقاداش نربي ولادي والحمد لله واخا صغيرة ربيت بنات ختي 2

      ايوا غير سامحوني راه الله اللي عالم بيا او صافي
      sigpicاللهم إني أشهدك وأشهد حملة عرشك وملائكتك وجميع خلقك أنك أنت الله لا إله إلا أنت وأن محمدا عبدك ورسولك

      اللهم اقسم لنا من خشيتك ما تحول بيننا وبين معاصيك ومن طاعتك ما تبلغنا به جنتك ومن اليقين ما تهون علينا مصائب الدنيا "

      تعليق


      • #4
        الحبيبة نصيحتي لك راجلك تحاولي ما امكن تهضري معه وتحاوري معه راه ماشي معقول وعلاه لاش تزوج منين ماباغيش الولاد راه الزواج هو الوليدات والمسؤولية والحياة بلا ولاد صراحة صعيبة راه تيعمرو الدار وتيديرو النشاط وتيوطدو العلاقة بين الزوجين وكتولي العلاقة اجمل بكثير بوجود دوك الوليدات انت قولي ليه غيروليد واحد ومن بعد يحن الله ..
        اختي ماضيعيش حياتك على والو وصراحة راه غريبة ان الرجل مايبغيش الولاد حاولي معه بالحوار وباللطف اوخلي الامديالو تدخل .








        تعليق


        • #5
          راني عييت معاه اومابغيتش يدخل بيناتنا شي واحد حينت خفت لا يتقلب عليا ونوحل بوحدي. وتشوفوه اش كايدير مع ولاد خوتو راه تقولو الولاد هما حياتو كلها ومايقدرش يعيش بلا بيهم
          ايوا هادا ماكان
          شكرا بزااااااااااااااف على الردود ديالكم والله يجازيكم كل خير
          sigpicاللهم إني أشهدك وأشهد حملة عرشك وملائكتك وجميع خلقك أنك أنت الله لا إله إلا أنت وأن محمدا عبدك ورسولك

          اللهم اقسم لنا من خشيتك ما تحول بيننا وبين معاصيك ومن طاعتك ما تبلغنا به جنتك ومن اليقين ما تهون علينا مصائب الدنيا "

          تعليق


          • #6
            المشاركة الأصلية بواسطة جومانانا مشاهدة المشاركة
            ربي يخليك اختي ويعطيك ماتمنيتي والله العظيم الى تفقصت وكانشوف تنقول اومال هادوك اللي ولدو بوحدهم ما معاهم حد وتلقاي المرا ولدات بوحدها حتى راجلها ماكاينش وهادي كاينة ولداتني ماما بوحدها فالليل مع الفجر خوتي ناعسين بابا خدام ماكاينش والحمد لله هانا كندردك هههههههههههه فوقتما كانسهلها كيجي يسدها في وجهي دابا عام ونص باش مزوجة العام فالاول ماكنتش باغا واخا مو كاتقوليا نوضي ولدي كنت خايفة بزاااااااااف حينت حينت ختي ومرات خويا الكبير ولدو الغرازي ومرت خويا الاخر ولدات بالفتيح
            وفوقتما يقول ليا شي واحد ولدي نتقول لا او دابا منين بغيتهم الرجل حاقرني ومطيح بقيمتي بحال الى ماقاداش نربي ولادي والحمد لله واخا صغيرة ربيت بنات ختي 2

            ايوا غير سامحوني راه الله اللي عالم بيا او صافي
            اختي جمانانا و الله حاسة بك راه كان عندي نفس المشكل غير انا المشكل فيا يعني عندي عدم انضباط في الهرمونات و الحمد لله زوجي معندوش رد فعل يعني كيقول لي جات من عند الله خير عرفتي العائلة كلها كتسول واش انننننننا حاملة و كل مرة كنقول ليهم الا وحتى انا مربية بنت ختي دابا عندها عشر سنين و ولد اختي هو لي منسني دبا في 23/9 يكمل 3 سنوات بطول لعمر راه كنتسنى ربي يرزقني الذرية الصالحة باش تكمل فرحتي و الله يسهل عليا وعليك اختي و على كل مسلمة باش ما تمنات



            تعليق


            • #7
              راه حتى انا عندي الدورة ما منتظماش ماكتجي حتى كنساها 4 حتى 5 اشهر عاد كتجي لالة حادة عرفتي باش نتهنى من حشيان الهدرة ديال عدوزتي وتساؤلات ديالها واحد النهار قالت لي ولدي وطلعات ليا الدم قلت لها اخلتي راني عاقرة ومن داك النهار لمرا سدات فمها هههههههههههههههههه
              ماغاديش نكدب عليكم راكم خواتاتي دابا (الحمد لله) الزوج ديالي كان مزوج وماتت ليه المرا وكانت كتحمل وكانو كيطيحو لها إاودابا تنقول واش خايف عليا والا مابغيش يولد معايا إإإ؟؟؟؟؟؟ماعرفتش الله اعلم
              ايوا اش نقول الحمد لله على كل حال
              [frame="10 80"]شكرا لكم كاملين والله العظيم الى رفعتو ليا المعنويات الله يعطي لكل واحدة ماتمنات [/frame]

              sigpicاللهم إني أشهدك وأشهد حملة عرشك وملائكتك وجميع خلقك أنك أنت الله لا إله إلا أنت وأن محمدا عبدك ورسولك

              اللهم اقسم لنا من خشيتك ما تحول بيننا وبين معاصيك ومن طاعتك ما تبلغنا به جنتك ومن اليقين ما تهون علينا مصائب الدنيا "

              تعليق


              • #8
                اختي جمانا الله يحل مشكلتك مع راجلك و يحنن قلبو عليك و على الاولاد
                اختي الحياة الزوجية بلا اولاد ماتتسوى حتى حاجة , اختي سولينا احنا للي متأخرات عن الانجاب و الله الحياة تتولي مملة و ماعندها حتى شي طعم
                اولا اختي انصحك بان تزوري طبيبة نساء لاني قلتي انك عندك الدورة الشهرية غير منتضمة و انها تتجيك كل 4 او 5 اشهر .. اختي هذا امر مهم باش تولدي خاص الدورة تجيك منتظمة و هذا مهم جدا... و ثاني شي العامل النفسي مهم جدا في الحمل
                ايوا اختي جمانا حاولي تتحدثي مع زوجك بكل لباقة في الموضوع و ماتكونيش معصبة معه و حاولي تلجئي لطريقة ثانية في الاقناع , الله يسر لك الحمل و يفرحك و يفرحنا معك ياربي و هاد ليلة الجمعة
                رب لا تذرني فردا و انت خير الوارثين

                تعليق


                • #9
                  السلام عليكم ورحمة الله وبركاته

                  السلام عليكم ورحمة الله تعالى وبركاته
                  أختي الرجال غالبيتهم كيبينوا أنهم ماخاصهمش العيال وهم في قرارتهم كيتمناوهم ولكن كيخافوا
                  أختي أول حاجة انت ذكرتي أنك عندك مشكل بالدورة عالجي نفسك أولا وهيئي جسدك ونفسيتك للحمل
                  ثانيا واحد السؤال واش زوجك مثلا يستعمل شي وسيلة لمنع الحمل قصدي العزل أو العازل الطبي ولا كيطالبك مثلا بأخذ حبوب منع الحمل ولا غيرها
                  إذا كان جوابك بلا فزوجك غير كيهضر وصافي وربما بسبب عدم انتظام الدورة عارف أن الحمل صعب لذا ماباغيش يعصبك ويحسسك بشي حاجة
                  إذا كان جوابك بنعم داك الوقت لما يقولك اعلاش الأولاد جاوبيه أن المرأة تتزوج باش تأسس أسرة وتولد وليداتها ماش تقابل أربعة دالحيوط الكوزينة والفراش فقط
                  وإذا قالك طمعانة فيه باش تولدي قولي له نعم بغيتك اتكون باباهم دولادي ونشوفك فيهم ونشوفهم فيك ونشرك دمي بدمك ولحمي بلحمك والولاد راهم ثمرة الزواج وسنة الحياة
                  الله يشفيك وييسر لك ويفرحك وكل محرومة الذرية

















                  ياما كان فيها ممالك .. إلاوجهه كله هالك

                  من ترابها ولترابها .. من وكان في الدنيا مالك
                  مين وكان في الدنيا ملكه .. إلا جاله يوم وهلكه
                  مهما نوره طال ظهوره .. جاي ليل ع الدنيا حالك

                  جاي ليل ع الدنيا ضلمة .. ياما ناس في الدنيا ظالمة
                  في المظالم كل ظالم .. جايله ليل أسود وحالك
                  ياما كان فيها وياما .. من هنا ليوم القيامة
                  الممالك والمهالك .. مالي يا دنيا ومالك











                  شكرا غاليتي أمنار


                  حملة الدعاء لاخواننا السوريون يوم الجمعة هلمي اختي


                  ،أستحلفكن بالله..الدعاء ثم الدعاء ثم الدعاء لاخواننا في سوريا.







                  تعليق

                  المتواجدون الآن 1. الأعضاء 0 والزوار 1.

                  أكبر تواجد بالمنتدى كان 2,525, 26-09-2016 الساعة 21:58.

                  يعمل...
                  X