أجهضت جنيني 2 مرات، الحمد لله على كل حال

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • أجهضت جنيني 2 مرات، الحمد لله على كل حال

    السلام عليكم
    أخواتي أنا وقع لي إجهاض 2 مرات، في الحمل الأول الجنين نزل بوحدو ، والحمل التاني توقف قلبو وبقا في كرشي 23 يوم مابغيتش نزلو بقا عندي أمل بلي غيرجع للحياة لكن ماكتبش، وفاش رجعت عند الطبيبة خيراتني بين الكورطاج أو الدواء وبالطبع قلت ليها الدواء ودابا يلاه كملت شهرين باش أجهضت ، ولكن ديما فيا داك التخوف من الإجهاض كنقول إلا حملت تاني غيوقع لي نفس الشئ ، أصلا في الحمل التاني ماعمرني كنت مرتاحة ديما متخوفة لا يوقع لي كيما الأول وفعلا داكشي نيت لي وقع وخا كلشي بيد الله وماغيصيبني غير لي مكتبو عليا الله، عفاكم الأخوات لي دازو من نفس التجربة يعطيوني شوية ديال القوة والأمل والله يرزقنا الدرية الصالحة

  • #2
    اختي انا ما عندي باش نفيدك غير بالدعاء ليك و الحمد الله راك صابرة و عاقلة من كلامك الله يسهل امورك و يعوضك خير
    تقبلي مروري اختي





    تعليق


    • #3
      الحبيبة حيدي عليك الوساويس وراه شحال من وحدة بلا عدد وقع ليها اجهاض اكثر من مرة والحمدلله دبا عندها وليدات
      غير توكليعلى الله واستغفري بزاف وحيدي الوسواس من دماغك ماغيكون غير الخير .








      تعليق


      • #4
        الله اصبرك اختي.ووعوضك خير انشاء الله.انا ماعرفتش سبب الاجهاض .لكن واحد المعلومة نقولها ليك وتبقى فراسك.وبغيت نقولها لجميع الاخوات.انه لي كيموتو ليها الوليدات فالكرش .وبصورة مستمرة كتكون واحد الجلدة عندها هي لكتسبب فموتهم.وهاديك الجلدة اول ما كيحيدها الطبيب كتحمل المءة وانشاء الله ما كيكون حتى خوف على الجنين.واحد الصديقة ديالي سقطت 3 مرات وعندما دهبت معها عند الطبيب .عمل لها عملية صغيرة جدا ب 400درهم.وادعي الله اختي ان يوفقك ويساعدك على ان يمر حملك المقبل على احسن الاحوال وان يرزقك الله بالدرية الصالحة.

        تعليق


        • #5
          اضافة
          هدا الاحتمال يمكن ان يكون ادا كانت المرءة سليمة.يعني ماعندهاش شي مرض معين مثل السكري وغيره من الامراض لي ممكن تؤثر على الحمل

          تعليق


          • #6
            شكرا الأخوات على الردود وعلى الدعيوات الله يعطيكم مانويتو في خواطركم ،
            الأخت رشيدة الله يسهل عليك ماصعاب ، بالنسبة لهاد الجلدة لي قلتي أول مرة كنسمع بها والأطباء كيأكدو ليا ديما بلي عندي كلشي مزيان الحمد لله لي كيقولو لي بلي مزال مكتابش وصافي وهاحنا بيد الله الله يرزقني الدرية الصالحة ويرزق كل محرومة

            تعليق


            • #7
              امين

              تعليق


              • #8
                اللهم اجرها في مصيبتها واخلفها خيرا منها
                أختي في الله
                هذاالدعاء نغفل عن ذكره وهو اللهم أجرني في مصيبتي واخلفني خيرا منها دعت به أم سلمة رضي الله عنها حين مات زوجها فأخلفها الله من هو خيرا من زوجها وهو الحبيب المصطفى رسول الله صلى الله عليه وسلم
                اللهم يسر لاختنا حملها وولادتها وارزقها الذرية الصالحة يا رب
                واعلمي أختي أن السقط إن صبرت واحتسبت لله فيوم العرض على الله عز وجل يأتي السقط و يسمى المراغم لأنه يراغم الله في أن يدخل أمه الجنة حتى وإن كانت في جهنم سبحان الله فما يزال يراغم الله حتى تدخل أمه الجنة والله اعلم

                تعليق


                • #9
                  السلام عليكم ورحمة الله وبركاته أنا يا أختي بحالك أجهضت جوج مرات ولكن والحمدلله في الحمل الثالث تبعت مع طبيبة اختصاصية حتى نهاية الحمل والحمد لله ولدي دابة راه ندو خمس سنين الله يحفض ويرزقك الدرية الصالحة وجميع المسلمات

                  تعليق


                  • #10
                    okhti nchallah ykoun el khir ri mate9entich ana ne39el hadi chhal wehda sahbet mama kanet katehmel w kaytihoulha kolla mera wallah ma39elt chhal men marrah hetta rebbi bra werze9ha bettwam khetra wehda
                    ewa rebbi melli yebri
                    ربي يحفضلي وليدي ووليدات المسلمين

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X