ما رأيكم في هذا أخواتي

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ما رأيكم في هذا أخواتي

    السلام عليكم ورحمة الله تعالى وبركاته أنا متزوجة ومقيمة بالخارج و في الشهر الماضي ولدت من الأسبوع 22 و توفي طفلي و اليوم كان عندي موعد مع الدكتورة المختصة أخبرتني بأن الرحم في حالة عادية أنه يمكني أن أحمل من الآن وأخبرتني بأنه تم فحص المشيمة بعد الولادة و و جدوا بها caillot أي قطع دم و قالت بأنه ناتج عن عدم جريان الدم ونصحتني عندما أحمل مرة أخرى إذا أردت أن آخذ حقنة كل يوم طيلة فترة الحمل تفاديا لما حدث لي لكي أتفادى عدم جريان الدم و أنا أظن أن هذا ناتج عن الخوف و القلق الذي عشته بعد النزيف الذي حدث لي أول مرة رغم أني كنت في راحة و أخبروني أن كل شيئ على ما يرام إلا أني كنت أقلق كثيرا و الله أعلم ما رأيكم في هذا أخواتي أرجو منكم النصح لبي لا تذرني فردا و أنت خير الوارثين

  • #2
    أختي الله اعوض عليك فلقريب إنشاء الله

    تعليق


    • #3
      وعليكم السلام ورحمة الله

      بصراحة دخلت غير باش نقوليك ربي يعوضك خير وصبري وربي ان شاء الله يرزقك الذرية الصالحة.

      تعليق


      • #4
        أنا في نظري صبري شوية عاد حاولي تحملي. شهر مدة قصيرة بزاف ثلاثة أشهر على الأقل هي المدة المنصوح بها. إستشيري طبيب آخر و إعملي بحث شامل على سبب الإجهاض و تأثيرات الإبرة إلي نصحوك بها.
        متنايش الإستغفار و الدعاء. والله يفرحك بالذرية الصالحة.
        http://tickers.baby-gaga.com/p/dev226pb___.png

        تعليق


        • #5
          شكرا لكم أخواتي على ردودكم و الله يجعل الدعاءديالكم في ميزان حسناتكم

          تعليق


          • #6
            شكرا لك أختي نسمة قلبي على نصيحتك و الله يناولك ما فيه الخير اللهم أرزقني الحمل الثابت

            تعليق


            • #7
              العفو أختي أنا في الخدمة. ماش عيب الإنسان يسول و يفهم. أنا بالنسبة لي الدكتورة مشرحتش لك مزيان علاش وقع هاداك المشكل. واخ يكون الرحم مزيان خاص ثلاثة حيضات باش تتخلصي من كلشي إلي في الرحم. واخ ينقيوه. الجسم خاصو يلملم جروحه. يا ربي يفرحك عما قريب بحمل سليم معافى. إيل كتبتلي إسم الحالة إلي قالت لك الطبيبة نساعدك في البحث العلمي و حتى إسم الإبرة. حتى أنا في الغربة و حاس بيك.
              http://tickers.baby-gaga.com/p/dev226pb___.png

              تعليق


              • #8
                شكرا ليك بزاف أختي نسمة قلبي ربي خليك و الله يحفظك أنا كان وقع لي نزيف في الشهر الثالث و نزل مني حتى شوي د الماء و منين مشيت الطبيب قالو لي الجنين مزيان و خصني غير الراحة خرجولي utrogestan و أنا كنت كنتحرك شوي مين كيوقف الدم المهم توقف الدم و مشيت الطبيبة ديالي و قاتلي كلشي مزيان و مين عملت إكوغرافي الثانية قالولي الجنين الجنين مكبرشي فالوزن ديالو العادي وعندي نقص في السائل الأمنيوسي و قالولي خسك تعاود الإكوغوغرافي و تبقى تحت المراقبة و ما جيت نكمل أسبوع حتى كان حدث لي نزيف و مشيت الطبيب و قالولي الجنين مبقالوشي الماء و خصني دروري نولد حيت الجنين إذا عاش عتكون عندو مشاكل صحية صعبة و عطاوني حبوب باش الولدة تفتاح و ولدت ولادة طبيعية ما عملوليش الكورطاج و الطبيبة قاتلي هاد الشي راجع للمشيمة مين تحركت من بلاصتة أول مرة ما رجعتش المكان ديالة و الطفل ماكنش كيوصلو الدم باش يتغدى و ينتج الماء عليها مكبرش و تسالالو الماء .كنتمنا نكون شرحتلك الحالة ديالي و سمحيلي حيت طولت عليك و الله يعوضني خير اللهم أرزقنا الحمل الثابت

                تعليق


                • #9
                  الله يكون فعوانك اختي انا حاسة بيك
                  انا اختي عندى 2 بنيات وكان حملي الثالت كنت كنطلب ريي يفرحني بشى وليد ومنبعد 18 اسبوع مشيت عند الطبيبةالتلاتاء الماضي نشوف اشنو عندي كانت الصدمة قالت لي بان للنمو توقف في 3ااشهر اوا دخلت للعيادة ودارو لي الوجع للاصطناعي اوا دازت عليا الحمد لله ونزل الجنين كان وليد قلبات وماعرفاتش السبب سبحان الله وربي يخلف لينا بلي يعيش ان شاء الله
                  اماااختى راه خاصك تريحى والدتك شوية شهر ماكافيش

                  تعليق


                  • #10
                    اختي الله يعوض لك بالخير.انا ايضا وقع معي نفس الشيء المهم اختي كان المشكل هو تخثر الدم .في حملي الموالي اعطانيaspegic100mg الطبيب يوميا .و الحمد لله اختي رزقني الله بتوأم العقبى ليك
                    اللهم بارك لي في بناتي ولاتضرهم بإحد من خلقك او بشي ووفقهم لطاعتك وارزقني برهم, اللهم علمهم ماجهلوا وذكرهم مانسوا وافتح عليهم من بركات السماء والأرض إنك سميع مجيب الدعوات, اللهم أني أسألك لهم قوة الحفظ وصفاء الذهن وسلامة القلب وسرعة الفهم ,

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X