ارجو المساعدة جزاكم الله خيرا

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ارجو المساعدة جزاكم الله خيرا

    السلام عليكم و رحمة الله و بركاته
    انا اقطن باكادير مع زوجي و انا حامل و قربت نولد ان شاء الله هذا هو شهري هنولد في العشر الاواخر ان شاء الله و معندي حتا واحد في هاد المدينة و هادي هي اول ولادة ليا ومعرفا منجمع عافاكم الى مقولو لي اش نجمع في الحقيبة اللي هنمشي بها لسبيطار حيت ماما ميمكنش تجي في رمضان و انا معرفاش اش هندي معايا

  • #2
    السلام عليكم الله يسهل ليك اختي على حسب شحال غتبقاي فلمستشفى صراحة هنا في فرنسا كنبقاو سيمنا وكنديو اولاً حوايج ديال البيبي ليغادي يبدل فيهم كل نهار ويلا مكيعتوش تما الباصما لي غدريها لسرة ديها ودوا هما لي غيكتبهلك، فوطة صابونة كوش ونتي تاخدي حويجك وكل متحتاجي٠ونتمنى يفيدوك لي سكنين فالمغرب كتر

    تعليق


    • #3
      السلام عليكم الله افك حملك بخير وتكون دريتك درية صالحة هاكى ماتدى معاك:
      بالنسبة الزيادة الا عرفتى واش بنت او ولد ختارى الاوان:صفطمة قطن زيادة- سريولة قطن زيادة-لكوش-بطانية صغيرة خفيفة توب تكماط ولحزام الى بغيتى تكمطى وطريبشة دالقطن خفيفة حسب الجو و2 فوطات واحدة متوسطة واحدة صغيرة.هاد الشى ديريه فالصاك خاص بالزيادة.
      بالنسبة ليك :بيجمة-سروال-كلوط-بينوار-لكوش-درة-حزام عريض باش تشدى كرشك.ديرى هاد الشى ف الصاك ديالك.بالنسبة الولادة منى يشدك الزبير حاولى مزربيش تمشى الصبيطار تمتم بلاتى عليك راه متولدى حتى دوز12 ساعة ومتخلعيش حاولى تستمتعى بالولادة وحضى راسك فالصبيطار متلبسى دهب وماتدى معاك حوايج بزايد راه تيسرقو فالصبيطار واول حاجة ديرها منى تولدى قلبى مزبان الزيادة وعطيها ترضع اول حليب حيت غتعطيها مضاض حيوى تيدوم 6 اشهر وتنترجاك فهاد العواشر ترضعى رضاعى طبيعية وبعدى من السكاتة والرضاعة والله اوفق نسيت دى معاك بطانية حتياط

      تعليق


      • #4
        lah fak whaylak 3la khir o natman akhwat ifidouk ana ma3andich tajriba
        اللهم فرح قلوبنا .. وآنس وحشتنا .. ونفس كربتنا .. وفرج همنا .. وأزل ضيقنا .. وعوض صبرنا .. وقر اعيننا
        بذرية صالحة معافاة ليس في خلقها زيادة ولانقصان واجعلهم خيراً لنا ومن البارين بنا ومن المستغفرين لنا عند مماتنا
        واجعلهم من الصالحين ومن حفظة كتابك الكريم ومن المجاهدين في سبيلك عاجلا غير آجل يارب العالمين آآآآآمين ..

        تعليق


        • #5
          الله يفكك على خير كلنا في الهواء سواء. أنا في الغربة معندي من قبلني غير صبري و ديري هاداك الشي إلي قالت لك تقليت الله يجازيها بخير. كنعقل أختي كانت غتولد أيام إمتحانات ديال الإجازة ديالي تسامحت معاها قلت ليها سمحي لي ممسالياش نقابلك و نجي عندك إيل ولدتي. غير عيطات لينا مشيت كنجري لسبيطار لقيتها باق فلبلوك. شافتني و هي تبقا تضحك.
          http://tickers.baby-gaga.com/p/dev226pb___.png

          تعليق


          • #6
            السلام عليكم و رحمة الله و بركاته
            جزاكم الله كل خير اخواتي الفاضلات و هندير بكلامكم و هنجمع هدكشي لقلتو لي عليه و لكن عندي سؤال فين تيتباعو ليكوش ديال لاعيالات حيت قلبت عليهم وملقيتهمش واش كاينين في سوق الممتاز و لا ندير غير اولويز.
            وبالنسبة الكماط ديال الزيادة فين يمكن لي نلقاه و شكرا على مساعدتكم لي

            تعليق


            • #7
              سولي في فارماسيان إلي حدى سبيطارات حكومية كيون عندهم كلشي.
              http://tickers.baby-gaga.com/p/dev226pb___.png

              تعليق


              • #8
                السلام عليكم بالنسبة اللكوش العيالات ستعملى اولويز حجم كبير بالنسبة التكمات تاقايه عند الى تيبيع التواب الترز حيت هو توب حاياتى دالقطن دى غير متر اكفيك

                تعليق


                • #9
                  jazakom allaho khayran akhawati 3la mossa3adati

                  تعليق

                  المتواجدون الآن 1. الأعضاء 0 والزوار 1.

                  أكبر تواجد بالمنتدى كان 2,525, 26-09-2016 الساعة 21:58.

                  شاركي الموضوع

                  تقليص

                  يعمل...
                  X