إعـــــــلان

تقليص
لا يوجد إعلان حتى الآن.

عفاكم بغيت نسولكم

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • عفاكم بغيت نسولكم

    السلام عليكم ورحمة الله وبركاته.. عفاكم بغيت نسولكم أنا دبا في الأسبوع 14 وماكتبانليش كرشي منفوخة يمكن حيت كانت عندي الكريشة قبل مانحمل ماكنشوف حتّى شي فرق بعض المرّات كنقول راها باينة ولكن ملي كنقيسها كتجيني طرية وماقسحاش.. أنا ماعندي حتى خبرة وهذا أول حمل ليّ.. وحاجة أخرى ماعنديش الشهية للماكلة وماكنتشهّا والو.. كناكل غير بزّز وإلا مشيت حتّى كثرت كنبقى نتكرع بزّاف وكنحس بالماكلة واقفالي في صدري ما كنرتاح حتى كنرد كلشي.. آخر إيكوغرافي درتو هذي 15 يوم وقالولي البيبي مزيان والنمو ديالو مناسب مع عدد الأسابيع 12 أسبوع و 3 أيام وشفت قلبو كيدق سبحان الله العظيم وشفتو كيتحرك.. ودبا عندي موعد مع الطبيبة ديالي الأسبوع الجاي ولكن مرة مرة كيجيوني وساوس كل شوية كنبقى نطل على كرشي ونقول مالها باقي ماتنفخات ولا قساحت.. عفاكم جاوبوني واش باقي الحال على بروز البطن.. وعدم الشهية والإحساس بالإنتفاخ بعد الأكل حتى هو عادي.. ودعيوا معايا أخواتاتي ربي يثبت حملي ويتبت حمل جميع الأخوات المسلمات آمين

  • #2
    اولا اختي مبروك الحمل وبماتمنيتي ان شاء الله
    ثانيا راه باقي شوية على ديك الكريشة باش تبان حتى لاواسط الشهر الرابع عاد غاتبدا تبان وغير شوية بلا ما تشطني راسك اما بالنسبة لقلة الشهية فهذا عادي جدا كل وحدة كيفاش تاياترو عليها هرمونات الحمل كاين اللي غير تاتشها وكاين اللي غير تاترد وكاين اللي ماتاتحس بتا حاجة المهم هو انكي تحاولي تاكلي الفواكه والخضر واللحوم وتقللي من الذهون وتاكلي غير كمية قليلة وففترات متفرقة فاليوم يعني كل 2سوايع كولي شوية باش تتهضم الماكلة بسرعة وتستفيدي منها انتي والجنين ديالك
    مع تمنياتي لك بحمل موفق وذرية معافاة وولادة سهلة ان شاء الله
    [U]صلوا على المصطفى الامين
    اللهم صلي وسلم على سيدنا محمد وعلى اله وصحبه اجمعين
    sigpic

    تعليق


    • #3
      أختي لا داعي للقلق حتى انا كنت بحالك مشات لي الشهية في الشهور الأولى وما بقى عندي خاطر وطيحت 2 كيلو في أسبوعين لكن غي دخلت في الرابع بدات الشهية كاترجع لله الحمد ووليت عادية كيما كنت والكريشة ماكانتش باينة لكن دابا تبارك الله كاتكبر دغيا ولات بحال الدلاحة هههه
      تهلاي في راسك والمهم يكون النونو بخير وماتفكريش بزاف كل حاجة كاتجي مع وقتها
      الله يثبت حملك يارب


      تعليق


      • #4
        اختي ما خفتي والو راه دائما الحمل الاول ما كتكونش الحامل عندها الكرش كبيرة انا شخصيا في الشهر التاسع وما كانتش عند الكرش لدرجة ان الطبيبة منين شافتني قالت لي واش فعلا نتي في الشهر التاسع ما صدقاتش
        اما المعدة والردان فالامر طبيعي جدا غير ما تكثريش الاكل وكولي على فترات متفرقة والله ييسر لك وتفرحي بالمولود ديالك ان شاء الله










        اللهم اني استوذعك اولادي وزوجي ووالدي فانت الذي لا تضيع ودائعك فاحفظهم من كل سوء ومن كل شر

        تعليق


        • #5
          سلام عليكم أختي
          حتى أنا فل أسبوع 14 او كرشي ما كتبانش عادي مناش غتخفي الحبيبة ولو او رداً حتى أنا ل قطتها فمي ابدا اجري بلمa ونرد كلشي ما نحمل ريحة ولا اتاي ولا نعناع او مشيت صباح لمرجان بطة عليا غا امتى نخرج كلشي جاب لية رضان حشاك خاطري دغي كيخسر مع أنا حمل لول كنت ما كنحس بتا حاجة او ما كنرد كنكل او تا كرشي كانت كبيرة

          تعليق


          • #6
            allah ysahl 3likom w d3iw m3aya bach yrza9ni allah chi wlidat fi l9arib

            تعليق


            • #7
              akhti rah 3adi kricha baki matbanch hta nas fi raba3 wla khames o bi nisba li chahiya hta ana bhalak hta haja makata3jabni man ghir l3asir o lma walakin almohim howa kon bebe bikhir o 3la khir o alah yfok whaylak 3la khir o yarzak okhti a7la banouta bi douriya saliha

              تعليق

              المتواجدون الآن 1. الأعضاء 0 والزوار 1.

              أكبر تواجد بالمنتدى كان 2,525, 26-09-2016 الساعة 21:58.

              يعمل...
              X