إعـــــــلان

تقليص
لا يوجد إعلان حتى الآن.

تجمع اصحاب الضيقة وامهاتهم

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • تجمع اصحاب الضيقة وامهاتهم

    اناعندي ٢ ولدات بجوج فيهم الضيقة او مايسمى بحساسية الصدر مع اني في مراكش ماخليت حتى طبيب ودابا ماكاين غير الرشاش واخر حاجة وصلت لها مع الطبيب ديالهم هي رشاش سيريتيد قال لي هذا اخر ماكاين بغيت كل الانيقات يعطيونا تجاربهم في الموضوع واش كاين شي تلقيح او دواء عشبي فعال او.....هاد المرض اصبح منتشر بزاف وشكراوالله يرزقنا الصحة والعافية

  • #2
    دواء الضيقة

    السلام اختي حتا انا ولدي كانت فيه دابا الحمد لله لان ضيقة الصغر كاتمشي مع الوقت عن تجريبتي او كانوا الناس تيقولوها ليا ملي كنت كنديه لمستشفى حتى انا عطاتني الطبيبة جوج رشاشات حيدت وحدة او خليت وحدة بالتديج حيدتها كنت كنعطيه كاس اتاي ليبقى بليل الى جاتو الازمة وجربت شانوج مطحون قليل مع فرماجة مغطوسة فيه او دابا الحمد لله بلا رشاشات رغم ان الطبيبة قالت لي ماغيبراش جربي او ردي عليا الله يشافيهم

    تعليق


    • #3
      اختي شكرا لاهتمامك عرفتي شحال من انيقة قرات موضوعي ولا واحدة قالت لي حتى الله يشافي ولداتك وانت لانك ام وحاسة بي راكي جاوبتني اخيرا
      حتى انا قال لي الطبيب ملي يكبر ولدك غادي يبرى بداتومن عامو الاول دابا عندو ١٢سنة ومازال والصغير ٦ سنين يالاه بداتو
      جربت له القرنفل اللي يبات في الماء والصباح يصفيه ويشرب الماء كنت قريتها هنا فالمنتدى مادارت والو وكنت كنعطيه العسل مع السانوج ولكن في الخير ماينفعني غير الفارماسي
      بغيت نسولك واش زعما غير الفرماج مع السانوج هما اللي شافاو ولدك وشحال عندو دابا من سنة الله يخليه لك ويشافي كل مريض

      تعليق


      • #4
        khti llah ychafihom wy3afihom yarbbi
        htta aana fiya ddi9a
        w jatni mlli kanet 3andi 3 ans w daba rani mzawja w 3andi 25 ans
        w mazala fiya
        makhallit majarrabt
        mama kanet msskina lli sm3atha tadirhali
        w mataynfa3 m3aya ghir ventoline
        hiya fi3lan mab9atch kif kanet
        ht fssghar kont tanmrad bzaf
        wdaba khfafet chwiya
        walakin raghma dalik ventoline tanssta3malha kol nhar
        wkhosousan blil darooooooooori
        maymkanch nmchi lchi blassa bla biha
        iwa llah y7ad lbass
        llah yrza9na chifae men 3ando fhad nhar lmobarak


        اللهم إني استودعك ما في رحمي . انت الذي لا تضيع ودائعك يااااارب

        تعليق


        • #5
          حبيبتي اولا وقبل اي شئ

          الله يشافي وليداتك عن قريب ان شاء الله
          حبيبتي الدعاء هذا اليوم مستجاب والدعاء بظهر الغيب مسجاب ان شاء الله

          الحمد لله اللي وفقني ندخل للموضوع ديالك هذا اليوم بالذات انه يوم مبارك

          حبيبتي بالنسبة للضيقة ديال الوليدات كتمشي مع الوقت واكبر سن هي 14 سنة
          ما تخافيش حبيبتي ان شاء الله وليداتك يتشافاوا
          ولكن نصيحتي الاولى والأخيرة لك هي تتبع الأدوية
          رغم أنها شوية غالية ولكن ممكن نقوليك تتستعملي الفونتولين على الأقل
          لأنها تكون كدواء عادي وكذلك لتدفع الأذى
          مثلا الى بغا يلعب الرياضة ضروري ما يأخذ 3 النفخات قبل بربع ساعة
          أما الى تروح خاصك تعطيه وصفة خاصة
          على حسب السن ديالهوم
          فضروري من سيرو لتللين المخاطات
          ومن الكورتيكوويد ولكن بحذر لا تفوتي 5 ايام
          ومن الفونتولين كدواء
          ودواء للحمى ان كانت فيه وان لا لا تستعمليها الا عند الحاجة
          وأهم حاجة الى كان تيستطع يغسل نيوفوا مزيان حتى ما يبقاش فيهم اي حاجة مزيان
          فضروري تنبهيه لهاذ الشئ دائما
          اما الى كان ضغير فضروري تاخذي السيروم المالح وتاخذي الشوكة وتاخذي مقدارها عامرة وتحيدي الابرة
          وتحاولي تغسلي ليه بيها نيوفو راها نفس الشئ مع ستيريمار او ماريمار لانها عبارة عن ماء البحر
          اللي تنستعملوا في غسل الانف


          هذا ما يعطى في الحالات العادية
          ولكن نصيحتي لك اختي
          ان تتبعي عدة احتياطات منها

          انك ملي تغسلي ليهم نشفي ليهم شعرهم بالسيشوار باش ما يبقاش فازك
          ولبسي ليهم الحوايج اللي تحميهم من البرد في الايام الباردة
          وما تخليهمش يحيدوهم الا ان تواجدوا بمكان مقفل وليس فيه مجرى هوائي ( كوروندير )
          وملي يكونوا في القسم يحيدوا الجاكيت وملي يكونوا خارجين يلبسوها

          وبالنسبة للحوايج اللي تيديروا ليهم الحساسية مثل الصوفة حاولي تبعديها اعليهم
          وديري في البيت اللي غينعسوا فيه ناموسيات ديالهم او سدادر ما يكونوش من الصوف وغطيهم بالكوويت
          من الاحسن والى ما كانش عندك ممكن تغلفي الناموسية بازار والوسادة بالغلاف ديالها
          وغلفي حتى المانطة بالازار باش ما تعطيهش ديك الشنيتيفات اللي تيطيروا وتيجيبوا ليهم الحساسية
          وحاولي تهوي البيت ديالهم الوقت اللي ما يكونوش فيه وبدلي ليهم الازورة والغلوفة دالخديات
          مرة مرة باش ما يجمعوش الخملة
          وما ديريش الزربية او الحصورة في بيوتهم من الاحسن خليهم عريانين
          وجفيهم بجافيل
          والرطوبة الى كانت عندك حاولي ببدلي ليهم البيت والى ما يمكنش حاولي تمسحيها ما تخليهاش

          اما الوصفات اللي ممكن تعطيها ليهم مع الدواء واياكي ما تعطيهمش الدواء

          مثلا ديري ليهم الشربة ديال البلبولة والعشوب في الشتاء بالليل
          وطحني السانوج وخلطيه مع العسل وبداي تعطيهم معلقة في الصباح مع كاس الحليب سخون
          والى كان ممكن تجيبي السمن ديال الماعز
          بداي تذوبيه وطيبي ليهم فيه البيض ولكن في المساء اللي يكونوا مغا يخرجوش فيه

          تعليق


          • #6
            شكرا بزاف اختي المحسنة الله يشافيك والحاجة اللي بغيت نقول لك هو ان فنتولين كتنفسك من الازمة غير داك الوقت انا كنستعمل لولدي سيريتيد بدل فونتولين لان المفعول ديالها يدوم اكثرمثلا اذا كان غادي يستعمل فونتولين ٣ مرات في النهار كيستعمل سيريتيد ١ مرة في النهار او في يومين المهم سولي ف فارماسي
            كنشكرك اختي نوارة على النصائح ديالك راني كنحاول معهم الله يجعلهم في ميزان الحسنات في هاد النهار الكبير عند الله
            وبحق عظمة هاد النهار ياربي تشافيناوتشافي كل مريض

            تعليق


            • #7
              الله يشافي وليداتك عن قريب ان شاء الله

              تعليق


              • #8
                السلام عليكم و رحمة الله و بركاته

                أختي الله يشفي ليك الوليدات و كل وليدات المسلمين في هاد اليوم المبارك

                ما شاء الله الأخت نوارة عطاتك كيفاش تعاملي مع الضيقة و عطاتك نصائح كثيرة و قيمة
                بالنسبة ل seretide أختي، أنا زوجي فيه الضيقة و يستعمل ventoline ، و واحد نهار ضربو البرد و دوز و خرج ليه الطبيب seretide ، الله أعلم واش القضية تجارية و كانت جديدة و بغاو يروجو ليها، المهم عطاها ليه و بدا تا يديرها مرة في اليوم تكفيه، و تهنا من ventoline ، مرضت حتى أنا و مشيت دوزت عند نفس الطبيب خرج ليا نفس الرشاشة، زوجي كمل الرشاشة ديالو و بدا تا يرش من ديالتي، أنا حسيت بعدم إنتظام دقات القلب و نغزات مريبة فيه و التنفس ديالي فحال إلى ما تا نتنفسش و تا نسها تا نلقى راسي ما تا نتنفسش ، و زوجي حتى هو بدا تا يحس بنفس النغزات، قلت ليه وقف seretide و رجع ventoline، و حتى أنا حبست seretide، و ما رجع ليا التنفس طبيعي على مدة طويلة

                أردت أن أنبهك فقط على هاد الرشاشة، خاصك تردي بالك أختي

                في رعاية الله

                تعليق


                • #9
                  اختي ام امينة الله يجازيك بخير والله الا حرنا ماعرفنا اشنو نديرو الطبيب اللي متبعا معاه قال لي ان سيريتيد فيها نسبة قليلة من الكورتزون ماتخافيش منها لانني كنبقى نتناقش معاه على الدواء اللي كيعطيني وفنتولين مع كثرة الاستعمال كتوسع الجعاب ديال الرئة اما اللي قلتي على دقات القلب فولدي صغير واخا يحس بهاد الشيء مايعرفش إقولو لي راه الدواء كله عندو اعراض جانبية غير الواحد كيقلب على اللي عندو اقل الاعراض اوآلله يحفظ وصافي
                  وهذا هو الهدف ديالي من طرح الموضوع باش نفيدو ونستافدو وشكرا لكل الاخوات الله يرزقنا الشفاء مع عند الله سبحانه وتعالى

                  تعليق


                  • #10
                    Salam okhti jarbi farmaj maa chanoj ghir chwia ando lmafol rah kont kandih lsbitar balil makhnok wakha dwa odaba lhamdo lilah daba 2 ans marach hta racha walah raghma tbiba atatni bazaf ladwia ozidih hata ark soos maramara liano fih cortizon tabie lah yichafihom waljamie

                    تعليق


                    • #11
                      الله يشافيهم بحالي انا واختي فينا الضيقة والحساسية ولكن انا الحمد لله نقصات ممني في سن 14 سنة
                      كنت متبعة التلقيح عند واحد لفرنسية من صغر حتى درت شي 12 سنة يمكن من بعد تبعت السانوج والعسل الحر كل نهار وملي بلغتسمعت انه الا قطعت ventoline
                      غادي تمشي مني ضيقة وفعلا داكشي لي درت واخا كتجيني crise
                      كنصبر ومكنديرهاش مع لوقت تخلصت من ضيقة وتشافيت الحمد لله بقات فيا لحساسية د انف دابا

                      اختي باق مريضة بالضيقة وكتدير ventoline وشي رشاشات اخرين متطورين حتى هما كيضروها فقلبها دقات كيتزادوا

                      راه هداك الدواء كياثر راه واحد لبنت جيرانا ماتت الله يرحمها ب ventoline
                      وراه كيديروا رمض القلب حاولوا تجربوا ادوية طبيعية والتلقيح ديال ضيقة مهم
                      حاولوا يكون بيت اولادكم مفيهش الغبرة غشيو لمانطات بليزار او بغشاء خاص حتى لمخدات يكونوا يدال بونج متكونش لغمولية ف البيت ويكون مشمش

                      الله يشافيهم ومرضى المسلمين
                      حسبنا الله سيؤتينا الله من فضله إنا إلى الله راغبون ""والله متى ما دعوت الله به بصدق و أنت في مأزق إلا وجاء الفرج من حيث لا تعلم



                      يا ربي احفظ لي بنتي وشافيها شفاء لا يغادر سقما هي والاطفال المرضى قولو اميييييييين

                      تعليق


                      • #12
                        الله يشفي كل وليدات المسلمين

                        تعليق


                        • #13
                          الله يشافيكم ويشافي وليداتكم....اميييين يا رب


                          لسانك لا تذكر به عورة امـــــــــرئ** فكلك عـورات وللناس ألسن
                          وعينك إن أبدت إليك مساوئــــــــــاً **فصنها وقل ياعين للناس أعين
                          وعامل بمعروف وسامح من اعتدى** وعاشر ولكن بالتي هي أحسن.

                          تعليق


                          • #14
                            اختي زينة الأبرار بغيت نسولك اشنو هو هاد التلقيح ديال الضيقة انا متبعا لولدي ملي كان عندو عام عند شحال من طبيب عمر شي واحد ماعطاني شي تلقيح واش كتقصدي التلقيح ديال لكريب اللي كنعملو في الخريف ولا شي واحد خاص بالضيقة
                            دابا ولدي عندو 12سنة ملي كيحس بالأزمة غادي تبداه كيستعمل سيريتيد فالحين
                            اما الصغير اللي عندو 6سنين بداتو الضيقة داك العام الله يشافيهم وجميع مرضى المسلمين وشكرا لجميع الأخوات

                            تعليق


                            • #15
                              الله يشافي وليداتك عن قريب ان شاء الله
                              لا دار للمرء بعد الموت يسكنها
                              إلا التي كان قبل الموت يبنيها
                              فإن بناها بخير طاب مسكنهـــا
                              وإن بناها بشر خاب بانيهـــــا

                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X