إعـــــــلان

تقليص
لا يوجد إعلان حتى الآن.

تجمع مرضى السكري... اجيو نعاودو قصتنا مع المرض و نتشاركو الافكار و التجارب و...كلشي

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • تجمع مرضى السكري... اجيو نعاودو قصتنا مع المرض و نتشاركو الافكار و التجارب و...كلشي



    يومه بتاريخ 2014/11/23




    السلام عليكم اخواتي الانيقات
    و انا جالسة طاحت علي هاد الفكرة.الاخوات اللواتي ابتالهم الله بمرض السكري راهم على ما اضن في اشد حاجة انهم يعاودو و يخرجو لي فقلبهم لانهم كيعانيو في صمت و حتا حد ما يقدر يحس بيهم و تاثير المرض فيهم غير لي تكوى بييه.
    سمحولي انا بغيت نتجمعو هنا ماشي باش نبكيوا ونزيدو نمرضو بالعكس انا بغيت كل واحدة تعاودنا تجربتها كما هي و كما عاشتها و مازال كتعيشها حيت هو مرض كيف ما كنعرفو مزمن و ماكيداواشي
    كل واحدة تقول لي عندها -اول خبر د المرض...-الاطباء و العلاج الشوكة و لا الكينات.....-الريجيم قدراتي عليه او لا ....-فجاة جبرتي راسك محرومة من احلى نعمة فالحياة و اطيب متعة متعة الاكل تاكلي شنو ما بغيتي بلا ممنوعات........
    -الجانب النفسي و هو اهم جانب كيفاش تقبلتي المرض..شنو غير فيك سلبيا و ايجابيا.المخاوف من المستقبل.......-الجانب الاجتماعي المحيطين بك واش كيفهموك و كيقدرو ظروفك و كيتفهمو وضعك...عائلتك...راجلك الى كنت مزوجة
    المهم كلشي.......نتشاركو كلشي حتى الوصفات ..الخبرات..الحلول..ل جديدات مع المرض و الي قديمات ..لي صغيرات في السن و شابات مع الكبيرات.....
    اي جديد في علاج هدا المرض سمعتوه او قريتوه يعطينا فسحة امل ف الشفاء التام النهائي ان شاء الله و بحوله.و مافيها باس نضحكو و نفوجو مع بعضنا علاش لا
    لي كيخفف علينا والحاجة الاكيدة اننا ربنا كيبغينا حيت ابتلانا بهاد المرض فالمؤمن مصاب
    قال عليه الصلاة و السلام....= ما يصيب المؤمن من هم ولا غم ولا صب ولا نصب حتى الشوكة يشاكها الا كفر الله بها من سيئاته =صدق الرسول الكريم
    اتمنى من كل قلبي تفاعلو وتجاوبو مع الموضوع ....و تفضلو ماتحشموشي الدار داركم[/

    التعديل الأخير تم بواسطة صبرزاد; الساعة 01-12-2014, 10:01.

  • #2
    اعتدر للاخت ريحانة الورود و ل كانت هي السباقة في طرح هاد الموضوع ...لقيتو غي بالصدفة
    ولكن للاسف حت واحد ماتجاوب معاها واخا عملت الموضوع في شهر 3.ماعرفتشي علاش مع العلم ان الموضوع مهم بزاااف
    اتمنى تلتحق بنا الاخت ريحانة الورود واخا نهدرو غي ب 2.

    تعليق


    • #3
      يللله ا البنات دخلو قولو واخا غي السلام عليكم.هادوك لي كيطلو و يهربو

      تعليق


      • #4
        naoual9068;2657472]
        /QUOTE]
        الله يشافيه اختي و يجعل مرضو في ميزان حسناتو.امممممين
        غانستافدو ان شاء الله كاملين ادا تفاعلو وتجاوبوالاخوات
        التعديل الأخير تم بواسطة صبرزاد; الساعة 23-11-2014, 13:16.

        تعليق


        • #5
          انا منكدبشي عليك.مكنتقشي بالوصفات خصوصا في مرض السكر حيت مرض معقد.و ادا شي وصفة هبطاتلك السكر هدا ماكيعنيشي انو ماغيطلعشي مرة اخرى و الله اعلم.الرجال صعيب عليهم السكر حيت كيبغوا الشهيوات و ماكيتقبلوشي مرضهم بسهولة....اختي شحال فعمرو راجلك

          تعليق


          • #6
            بنت طنجة:انا غنشط معك القسم ديال السكريات:واسمحي ليا والله ماعمري عرفت بوجود هاد القسم غير اليوم
            وانا معك عندي السكر النوع الاول هادي 6 سنوات
            بااين انا منتاشرة فالمنتدى هههههههههههههه
            حيت انا بعدا مع اللي مزوجات وماعندهم ولاد
            ومؤخرا لقيت قسم كيجمع بنات بلادي:الراشدية
            وانا معهم حتى هما
            ولكن ربما غادي نشط معاكم بززاف على اساس انكم وضعتوا يدكم على الجرح
            شحاااال كيتونس الانسان مسكين ايلا القى اللي كايتقاسم معاه المعاناة
            لي عودة للموضوع:نحكي قصتي ومعاناتي وحتى تجاربي ويااااريت ياربي
            نلقاوا التجاوب مع اللي كيعاني معانا مع هاد المرض
            شكرا بزززززاف على فتح هاد القسم

            تعليق


            • #7
              مرحبا بيك اختي هدوء الفجر و تبارك الله عليك باينة فيك اخت نشيطة.كتبتلك الرد قبيلا ولكن ملي بغيت نسيفطو مشات connection
              كيف ما قولتي كيحتاج الانسان لي يتقاسم معاه المعاناة-ادا بغينا نسميوها- باش مايحسشي بانو بوحدو عايش وضع مختلف على الناس.
              كنتمنى تكون فاتحة خير هاد التعارف.نبدا براسي انا جاني المرض عندي 22 عام ...هادي 8 سنوات. مزوجة و عندي ولد و كنت مريضة من قبل مانتزوج ..جاني بلا مقدمات من بعد ما ساليت الامتحانات ديال لافاك
              وحتى حد م في العائلة ديالي قريب او بعيد مريض بهاد المرض .دوزت اصعب شهرين في حياتي قبل مانعرف انه السكر....ومعاناة اكبر ملي عرفت و بدات حياة جديدة و نظام جديد مع الادوية و الاطباء و الريجيم القاسي.....و الاكتر تاثير نفسي عمييييق.الحمد لله دابا نقدر نقول اني تجاوزت هاد شي كااامل و تقبلت مرضي بصفاء روحي و تسليم بقضاء الله و قدره و الايمان به..............مازال كاين بزززززاف ما يتقال =القلب طايب هههههه=نسمعو لك اختي هدوء الفجر-عجبني اسمك- ولنا عودة........

              تعليق


              • #8
                مرحبا بيك احبيبة :بنت طنجة
                عرفتي بعدا واحد لقضية كتوقع لي ملي نتعرف على شي واحد مريض فحالي,والله ايلا كنحس فحال ايلا كيجيني شي حاجة ههههههه
                حتى انا جاني السكر ف 2004 كيف كلتي بلا مقدمات اللهم واحد المشكل عندنا فالعائلة الله اعلم واش هو السبب,المهم بديت كنضعاف وخا انا ماصحيحاش يعني الوزن ديالي غادي وغير كينقص وكتجيني الدوخة بزاف كلت واش من المصران الله انجيك كنت كنتشكى من لمصران,مدة وانا كنعاني اكثر من 4شهور ,الوالدة مسكينة كل نهار كتلح عليا ندير التحليلة ولكن خفت,حتى لنهار اللي كتاب نديرها:الطبيب اللي مشيت عندو عند بالو راني عارفة راسي عندي السكروبدا كيخاصم علاش خليتي السكر ديالك حتى ارتفع هكا؟متصوريش اختي الخبر نزل عليا فحال الصاعقة,اتصدمت وجمدت فحال شي صنم
                مكاين لا بكاء لا هضرة .حتى اتدخلت واحد الممرضة عرفاتني ماكنتش على علم وبقات كتنبهني وكتصبر فيا,عادت بديت كنبكي
                المهم كان يوم تاريخي ماعمرو يتنسى ليا,المهم نعست فالسبيطار حتى اتقاد لي السكر وماخرجت حتى اتعلمت كيفاش ناخذ الشوكة بوحدي
                الله اصبرنا على قضاءه وقدره,دابا مغاديش نكولك اتكيفت مع المرض ولكن على الاقل اقتنعت انني غنحمل معايا هاد الداء الى ان يشاء الله
                للحديث بقية:ياااك حيت كيف كلتي :القلب طاااااايب

                تعليق


                • #9
                  تبارك الله عليك اختي ....فين ساكنة انت.انا طنجاوية ولكن مزوجة في الرباط كنت خدامة دابا كالسة.حتا انا ملي مرضت رجعت بحال سكوليط....كان الطبيب كيعطيني التحليلت كاملين من غير التحليل ديال السكر...حيت مازال صغيرة و استبعد اني نكون مريضة به و هاد شي زاد كمل علي حيت كان كيعطيني فيتامينات و صافي و الحالة غادا و كتدهور....ملي جبار عندي السكر 393 بلا فطور.....عاد نعست فلا كلينيك.كنت قريب ندخل في غيبوبة.....و بدات الرحلة مع المرض
                  عرفتي اختي اكثر حاجة كنخاف منها فهاد المرض هي ملي كيطيح السكر خصوصا في الليل ملي كنكون ناعسة حيت مكنحسشي بيه...ديك الحالة لي كنوصلها يمكن نوصفالك انها ما بين الموت و الحياة....ما كتبغيشي تحيد من الداكرة ديالي على مووووووودة..و انت كتوقعلك داك الحالة.

                  تعليق


                  • #10
                    الووووووووووووووو هدوء الفجر فين غبرتي.كندخل انا كتخرجي نتي

                    تعليق


                    • #11
                      سلام عليكم ماتتصوروش مدى تأتري ملي قريت لقصة ديالكم حيت حتى انا عشت نفس تجربة مع بنت خالتي ، وليزاد فتأتري هو قلبكم لي طايب ،،، فحال لقلب دخالتي مسكينة على بنتى كان عندها 8 سنوات ملي مرضت نفس لاعراض لحكيتوها بانت عليها وتصدمت لعائلة كلها بالخبر لكن اخواتي نتما حمد لله متقفات وامانكم ب لله قوي وكتعرفو بان هد لمرض اصبح مرض لعصر وساهل الى تبع لواحد رجيم دياله لانسان يفكر فناس ليكايعمل دياليز مساكن وليعندم امراض اخطر من سكر
                      :

                      تعليق


                      • #12
                        لله يشافيكم ، اللهم رب الناس ادهب لباس اشف انت الشافي شفاء لا يغادر سقما
                        :

                        تعليق


                        • #13
                          اختي بنت طنجة ممكن تعاودنا على لحمل ديالك كف دازلك ؟، واقسم لكم اني دعيت معكم من قلبي رب يشافكم
                          :

                          تعليق


                          • #14
                            المشاركة الأصلية بواسطة احبك ريما مشاهدة المشاركة
                            اختي بنت طنجة ممكن تعاودنا على لحمل ديالك كف دازلك ؟، واقسم لكم اني دعيت معكم من قلبي رب يشافكم
                            شكرا اختي على التعاطف ديالك..بحال لي قولتي الانسان لي يشوف لي ما اصعب من المرض ديالو.وهو كيرجع عااااادي مع مرور الايام.الله يشافي بنت خالتك و يشوف من حالها وقول نخالتك ماتهزشي الهم تلاقيت مع بنات مراض ملي عندهم 6 سنين و دابا مزوجات و بوليداتهم و حياتهم جد طبيعية
                            الحمل ديالي اختي داز ولله الحمد عادي بالرجيم لي خصك تضبطو مزيان و المراقبة د الطبيب ...ونقولك حاجة كنت كنتلاقا في الطبيب مع نساء حاملات و مافيهمشي السكر كي عاودولي شنو داز عليهم في الحمل كنتخلع و كنحمد الله حيت انا بالسكر و ما حسيت حتى بشي حاجة طول مدة الحمل.و كنت غانولد عادية و لكن طبيب بغا القيصرية حيت الوالدة شوية ضيقة و خاف نتعدب

                            تعليق


                            • #15
                              سلام عليكم صدقني اختي اني فرحت من قلبي حتى دمعو عيني ملي عرفت لحمل ديالك داز بخير لحمد لله على نعمه لتي لا تعد ولا تحصى غدي نقولها نخالتي لله يشافي ، ،،،،بنت خالتي كتعمل شوكة دانسولين ونتينا ؟ ،،، غدي نحكيلكم لمعاناة نفسية ديالها من بعد
                              :

                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X