ساعدوني والله حتى كنتألم بزاف

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ساعدوني والله حتى كنتألم بزاف

    السلام عليكم و رحمة الله تعالى و بركاته
    اش خباركم كلشي على خير
    عندي واحد المشكل صحي و بغيتكم تهنيوني شوية راه راسي ضرني
    أنا مدة عام و انا كنداوي على مرض السل
    كان عندي و لكن ماشي المعدي لي في الرئة
    و انما لي كيعمل ولسيس
    المهم خرجولي 5 ولسيسات في عنقي و 3 تحت باطي
    لي في عنقي تقريبا مشاو
    لانه 2 مرات و انا كنعمل عملية
    و بقيت عام و الزيادة و انا كنشرب الدواء ديال الصبيطار راه معروف مبقيتش عاقلة على الاسماء
    المهم دابة تحت باطي الولسيسة كبرات شوية
    و حاسة فحالة ولدات ليا
    لانه لي كانو في عنقي كلهم انثى
    الاستفسار ديالي الا فات لا قدر الله شي حد وقع له نفس هاد الشي
    شنو عمل و عافاكم لي عارفة شي دكتور مختص في هاد الشي و مزيان تقولي عليه
    و لكن يكون في كازا
    راه وليت خايفة غير دوز ليا لبزولتي و دير ليا شي مرض خايب
    و الله دابة باغية غير نعاود نرجع عند الطبيب على قبال الحمل
    و لكن قلت حتى نشوف هاد الشي لي مهم بعدا
    ليكون شي تاثير صحي خايب من بعد
    عافــــــــــــــــاكم ساعدوني
    ساعدوني والله حتى كنتألم بزاف
    الأهل أهلي والمكان مكاني .. ما كان هـجر الدار في إمكاني
    فإذا ابتعدت لفترة يبقى هنا .. قلبي يدق يقول : ذا عنوانـــي
    المغـرب المعـطاء أجمل جنة .. فيها وجـدت سعـادتي وأمـاني

  • #2
    allah yjib chifaa okhti

    تعليق


    • #3
      آمين
      عافكم لي عندها شي فكرة ممكن تفيدني و لو بسيطة متبخلشي عليا
      الأهل أهلي والمكان مكاني .. ما كان هـجر الدار في إمكاني
      فإذا ابتعدت لفترة يبقى هنا .. قلبي يدق يقول : ذا عنوانـــي
      المغـرب المعـطاء أجمل جنة .. فيها وجـدت سعـادتي وأمـاني

      تعليق


      • #4
        allah yjib chifaa okhti

        تعليق


        • #5
          ميكون باس اختي..اما تخافيش انا كنت سمعت كاين شي طبيب اسمه السلاوي في كازا كان دار واحد العملية بحال هادي لواحد الصديقة هادي سنين راه هو اختصاصي في الحساسية.

          تعليق


          • #6
            شكرا ليكن بزاف لهلا يخطيكم
            شحال من مشاهدة و فقط 4 البنات لي ردو
            المهم بالنسبة الدكتور محمد الهاشمي اختي ام ريم انا غادي نبحث و نشوف لانه عمري سمعت به
            اما انت اختي حبيبة اولادي
            الدكتور لي قلتي فعلا هو تخصص في الحساسية و السل
            و كنت متبعة معاه مدة 8 شهور
            و لكن يا اختي غير كيظمس الفلوس ولد الحرام و ما كيعمل لي والو
            كنمشي 2 مرات في الشهر و هو كيدوز ب 200 درهم
            يعني غير كنطلع نتعبر و يقولي كلشي غادي مزيان
            ماشي يقلب لي عنقي و يشوف فين وصلات الولسية
            و مكينش كونترول ماشي تخلصي مره و المره الثانية كونترول لا خاصك ديما تخلصي
            و انا مضرونيش الفلوس غير هو ماشي دكتور مزيان
            غير كيخربق مسكين الاطباء فاش كيشرفو كيتلفو على كلشي
            شكرا بزاف
            الأهل أهلي والمكان مكاني .. ما كان هـجر الدار في إمكاني
            فإذا ابتعدت لفترة يبقى هنا .. قلبي يدق يقول : ذا عنوانـــي
            المغـرب المعـطاء أجمل جنة .. فيها وجـدت سعـادتي وأمـاني

            تعليق


            • #7
              و الله عندك الحق اختي راهم غير كيشرفو اكيولليو يخربقو..شوفي اختي كيف قلت ليك البنت اللي كانت عندها ولسيسة في عنقها اخدات حتى هي الدواء من الصبيطارمن بعد ما فتحو ليها الولسيسة ابقى هداك المرض كيخرج بحال الدم مخلط صافي مللي خوات الولسيسة صافي تسدات بوحدها ادابا راها مزوجة اعندها وليدات..ربي كبير يا اختي.

              تعليق


              • #8
                الله يشافيك اختي









                تعليق

                المتواجدون الآن 1. الأعضاء 0 والزوار 1.

                أكبر تواجد بالمنتدى كان 2,525, 26-09-2016 الساعة 21:58.

                شاركي الموضوع

                تقليص

                يعمل...
                X