واش سبق لك عانيتي بحالي من هاد الالم

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • واش سبق لك عانيتي بحالي من هاد الالم

    السلام عليكم ورحمة الله وبركاته

    كيف عاملين البنات كاملين ان شاء الله بصحة وعافية وعلى خير ما يرام
    بغيت نسولكم الى حبيتوا

    كانت كتضرني الرقبة ديالي من جهة اليمين وبديت كنعمل ليها مساج ببوماد فولتارين والحمد لله اختفى الالم
    ولكن مؤخرا رجع نفس الالم وبشدة حتى انه امتد للذراع وصار الم لا يطاق عييت نعمل مساج بنفس البوماد والله كريم لا فائدة مع العلم انني كنحرك رقبتي ويدي بشكل عادي ولكن مع شوية ديال الحريق الله ينجيكم

    دابا المشكل انه بدا الالم كيخف شوية ماشي بحال الاول غي انما هو بديت كنحس انه رجلي ناحية الركبة اليمنى بدات تضرني شوييييييية ماشي بزاف والعظام ديالي كتطرطق وهادشي ماكانش عندي من قبل
    انا الصراحة خايفة من هادشي ولكن كيقولولي فالدار غير حيت ما كنتحركش بزاف خصوصا ملي جلست من الخدمة قليل فاش كنخرج واغلب الاوقات كنكون جالسة
    خفت نمشي للطبيب يقولي شي حاجة اللي تزيد تمرضني قلت نسولكم لعل وعسى تريحوا بالي واخا لا مفر من زيارة الطبيب
    شكرا مقدما


  • #2
    السلام عليكي يا اختي

    الام الرقبة و المفاصل بشكل عام اسبابها متعددة و طرق علاجها متعددة ايضا و لا يمكن لاي احد حتى و لو كان طبيبا ان يشخص حالتك من خلال ما كتبتي لذلك انصحك بزيارة الطبيب فهو الذي بامكانه تشخيص ألمك و توجيهك الى طرق العلاج لو تطلب الامر ذلك و كذا الى الوقاية من حصول هذا الالم. و حتى لو قالت اخت ما ان لديها ألما مماثلا فهذا لا يعني ان المسبب واحد.
    لاباس عليكي يا اختي طهور ان شاء الله

    قالوا سبحانك لا علم لنا إلا ما علمتنا إنك أنت العليم الحكيم / سورة البقرة الآية31

    ربنا هب لنا من أزواجنا و ذرياتنا قرة أعين و اجعلنا للمتقين إماما
    اللهم إنك تعلم عيوبنا فاسترها و اصلحها و تعلم حاجاتنا فاقضها .. آمين




    لا تستوحشوا طريق الحق لقلة سالكيه..

    تعليق


    • #3
      بوركتي اختي وجزيتي الجنة
      عندك الصح الام الرقبة لها اسباب كثيرة وانا قريت بزاف على الموضوع لقيت انه اغلب الناس كيعانيو منها ولكن بدرجات متفاوتة والاسباب كترجع اما لطريقة النوم الخاطئة او حتى كثرةالجلوس اما الحاسوب اوالتلفاز او على لفترات طويلة دون حراك
      بارك الله فيكي على الرد

      تعليق


      • #4
        السلام عليكم ورحمة الله وبركاته
        اختي زمردة الله يخفف عليك ما نزل والله يشافيك في القريب العاجل
        حتى ماما عندها تقريبا نفس الاعراض كانت كتحس بالجهة اليمنى ديال الرقبة بالم شديد ومن بعد ولات كتحس بحال الصخرة محطوطة ليهاعلى الكتف والرقبة لدرجة اليد اليمنى مبقاتش كتقدر تحركها شوية ولى حتى الراس كيالمها والضهر الله ينجي الجميع
        اش غانقول لك اختي ماخلينا فين ديناها ولا طبيب وافقها درنا الراديوات التلفزة السكنير ماشي مارةماشي جوج كيقولو لنا ماعندها والو العائلة والناس قالولنا صافي هادي عندها المس جابو ليها واحد السيد كيعالج بالقرآن والو خسرنا بزاف ديال الفلوس في الدويات والعشوب بلا فائدة واحد المرى من ىالعائلة قالت لنا ديوها عند هاد الطبيب راه مزيان ديناها عنده دينا معانا كلشي دوك الدواسى ديولها شافهم دوز ليها قاليها عندك العصاب في ادورة الدموية عطاها الدواء وعطاها دير الترويض لكتفها بفولطارين في المركز الطبي الحمد لله غير شربت ادواء هاداك النهار ولات لباس ولكينبقى عندها مشكيل ديال دوا العصاب كيرخيها وكينعسها تبعات معاه تقريبا عام عيات عدها كيف اليل كيف نهار وبدلاتو بواحد اخر ولكن ماوافقهش بحال الطبيب الاول واخا متبعى الدوى مزال مرة مرة كيدرها ونسيت كان كيدرها حتى قلبها ومشات عند طبيبة ديال القلب قالت ليها ماعندك والو
        سمحي ليا طولت عليك بزاف ولكن مني قريت موضوعك حسيت بك وتفكرت ماما مسكينة مني كانت كتالم قدامنا وحنا مالقين مانعملو ليها مقبلينها و كنبكيو
        الله يشفيها ويشافيك ويشافي كل مرضى المسلمين ياربي آميييييين

        تعليق


        • #5

          أسأل الله العظيم رب العرش العظيم أن يشفيك


          أسأل الله العظيم رب العرش العظيم أن يشفيك


          أسأل الله العظيم رب العرش العظيم أن يشفيك


          أسأل الله العظيم رب العرش العظيم أن يشفيك

          تعليق


          • #6
            السلام عليكم
            ناري ياختي حياة خلعتيني اكثر ما انا مخلوعة وانا اللي زعما كنقول مع راسي راه عادي بلا ما نمشي للطبيب ههههههههههه
            الله يشافي ليك الميمة ويفرحكم بيها ياربي
            انا الحمد لله كنتحرك عادي جدا وكناكل يعني اللي يشوفني يقول مافيا والو ولكن مرة مرة كيجيني الحريق فيدي وعنقي وخصوصا مللي كنفيق من النعاس وهاد الايام شوية الحمد لله وليت نحس بيه خفاف ماشي بحال قبل كان قاتلني بزاف كنقرب نبكي
            اختي الله يكثر خيرك على الرد وعلى الدعاء جعله الله في ميزان حسناتك وان شاء الله تفرحينا بخبر شفاء الوالدة الغالية

            تعليق

            المتواجدون الآن 1. الأعضاء 0 والزوار 1.

            أكبر تواجد بالمنتدى كان 2,525, 26-09-2016 الساعة 21:58.

            شاركي الموضوع

            تقليص

            يعمل...
            X