إعـــــــلان

تقليص
لا يوجد إعلان حتى الآن.

يقول المثل : لي دارها بيديه ايفكها بسنيه

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • يقول المثل : لي دارها بيديه ايفكها بسنيه

    السلام عليكم ورحمة الله تعالى وبركاته

    اخواتي العزيزات


    عندي واحد المشكل وانا هي السبب ديالو

    المهم غادي نعاودها ليكم كيف الخرافة

    كنت من قبل 4 شهور كنعاني من الحساسية على الجلد والسبب اكلت نوع من انواع السمك كيسبب ليا الحساسية مشيت عند الطبيب خرج ليا الدوا ديال الحساسية شربت منو 3 باكيات وهاد الدواء كيدير ليا الجوع والعيا

    المهم انا محسيتش براسي وليت كاناكل ليجا قدامي بحال الحلوف حشاكوم حتى ربيت واحد مولاتي الكرش اما باقي الجسم ديالي عادي وزدت ب 5 كيلو فالوزن ديالي

    المهم قطعت الدواء مشات الحساسية الحمد لله ولكن بقات اتار ديار الحبوب في ايديا ماشي مهم غادي تمشي مع المده

    اوا العزيزات عقدتني الكرش ديالي وبغيت نحيدها باش ما كان مشيت للصال د الرياضة عاوت لهم المشكل ديالي قالو ليا الا كديري الرياضة غادي نقص الجسم ديالك كلو ما شي غير الكرش
    وانا ما بغيتش الجسم ديالي ينقص حيث عادي ما فيه ما ينقص كنلبس xl ف لبس ديالي ولكن كرشي بحال الا حاملة ف 4 شهور السلامه .
    واحد نهار دخلت للانترنيت كنقلب على شي حل بانت ليا جمله ديال روك الفرنسي لتنحيف السريع . اوا دخلت وكل امل نلقى داك شي لكنبحث عليه
    قريت الموضوع واحد مولاتي كتقول يالاه ولدات ونقصات كرشها غير بثلاثة ايام وحتحلف وتعاود المهم
    كتبات حتى الطريقة وهي * دهني كرشك بروك مزيان من بعد لفي عليه سولوفان وقت ما عجبك الا خرجتي او الا كتشقاي *
    تحمست للموضوع وشريت روك الفرنسي للتنحيف السريع ب 35 درهم عند مو المكياج وشريت سولوفان درتو نهار الاول نعست به وخرجت به . المهم حسيت بشي حاجة كتقرصني فكرشي بحال الا تجرحت قلت واقيلا غير من العرق ديال السولوفان المهم جيت نحيد سولوفان لقيت كرشي طايبه ما فبها ما يتشاف تخلعت مسحت الدهنه وفجنابي كاينين الجروح بحال الا خمجني شي حد خبيت العمايل ديالي الزوينين ما عاتها لتاوحد ليضحكو عليا خواتاتي
    من بعد 3 ايام دخلت ندوش بديت كانحيد حوايجي شفت راسي فالمراية وتخلعت ولات كرشي وظهري من التحت تبدل فيهم اللون فيهم دوائر صغيرة بيضاء ولا بحال الا فيه البهق او الكوب ما عرفت اش داك شي ملي سلوت امي قالت ليا هداك ما يكون غير الكوب واختي قالت ليا هداك البهق كيجي من العرق او لبستي شي حاجه فازكة ونشفات عليك . هما راه ما عرفو اشنو درت بهاد الكرش الزوينه

    داك شي علاش قلت مع راسي نسولكم الا جات على خاطركم لي عرفات شي دوا او خلطة كتحيد هاد العجب جزاكم الله خيرا


    هاهي صورة روك لستعملت




  • #2
    اختي ما عندي حتى فكرة الله يشافيك
    sigpic

    تعليق


    • #3
      اختي انتي عندك حساسية ودرتي تجربة اخرى ...انا بعدا مكنشريش من موالين الماكياج را ديما عندهوم غير تغليف اما المنتوج را ما كاينش ونزيدك را ديما ما عندهومش شروط الحماية يا قدام يا مزورين يا ضارباهوم الشمس...انا نصيحتي تحكي مشكلتك لاختصاصي ما تديري والو طبيعي انت وبشرتك حالة خاصة.الله يشافيك
      الراحة في أربعة :

      راحة الجسم في قلة الطعام ، وراحة الروح في قلة الأثام ، وراحة القلب في قلة الاهتمام ، وراحة اللسان في قلة الكلام.

      تعليق


      • #4
        شبغيتي يا ختي عند راسك
        كون كان دوا الكرش ب 35 درهم و موجود عند مول الماكياج كون حتو وحدة ماعندها الكرش مدلية ههه
        اصلا روك ماركة مشهورة و البرودوي الي بينيتي راه باااين تقليد ورخيص
        انا فنظري تمشي لاختصاصية تغدية و الا ماشي بالامكان مارسي تمارين ازالةالبطن راه كاين فانترنيت ديري بحث
        و كل يوم شربي كاس ماء دافئ على الريق
        و بعدي من شرب الماء من مور الماكلة مباشرة
        و بعدي من المشروبات الغازية













        مايا 04 سابقا

        تعليق


        • #5
          السلام عليكم ورحمة الله تعالى وبركاته
          كيفما قالو ليك البنات نتي عندك الحساسية من الأحسن تمشي عند طبيب ديال الجلد وتدي معاك داك البرودوي لي درتي وعاودي بالتفصيل الطريقة لي تبعتي

          وكاينين تمارين خاصة بالكرش كتنقص غير الكرش، وكتري من أكل الخضر وشربي الما بزاف ولكن ماشي فوسط الماكلة

          ونصيحة لي نقول ليك ماشي أي حاجة سمعتيها تنوضي تجربيها، وإلى غتاخدي شي برودوي بحال هاكا خودي فالصيدليات وقراي طريقة الاستعمال راه كولشي كيكون مكتوب

          الله يشافيك

          تعليق

          المتواجدون الآن 1. الأعضاء 0 والزوار 1.

          أكبر تواجد بالمنتدى كان 2,525, 26-09-2016 الساعة 21:58.

          يعمل...
          X