إعـــــــلان

تقليص
لا يوجد إعلان حتى الآن.

بنتي فيها الحلاقم و الحرارة 40.1 درجة عتقوني

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • بنتي فيها الحلاقم و الحرارة 40.1 درجة عتقوني

    اش نو غادي ندير ليها عطيتها amoxil 250 mg رضاتو brufen ما بغاتش تشربو و ما بغيتش نبززو عليها لا ترضو حتى هو درت ليها قويلبة دوليبران ولاكن كتعطل باش تنزل الحرارة راه عندها 40.1 ياربي تحفظها. ماتقولو لي خلطيه مع الحليب ولا العصير راه مابغاتش تاكل والو. دابا درت ليها زيف فازك على راسها. الا عندكم شي حل الاخوات الله اجازيكم بخير عتقوني بيه. شي اعشاب لي تيكونو متواجدين فالدار حيت حتى باش نخرج نجيبهم مانقدر نخليها حيت راني بوحدي. شكرا لكن اخواتي





    الحمد لله

  • #2
    الله يشافيها ليك اختي.
    ديريها في البانيو و يكون فيه الماء بارد شوية
    عطيها brufen حيت هو مزيان للسخانة
    ديريه ليها في هذا الى كان عندك و عطيه ليها


    تيكون مع السيرو
    هو باش تنعطي الدواء لبنتي الى ما بغاتش تشربو
    ماشي مشكل الى رضاتو
    و بقاي ديري ليها الزيف فازك ما تحبسيهش حتى تنزل الحرارة
    و طمنينا عليها
    إن مرت الايام ولم تروني
    فهذه مشاركاتي فـتذكروني ،
    وان غبت ولم تجدوني
    أكون وقتها بحاجة للدعاء
    فادعولي

    تعليق


    • #3
      :oالله اجازيك بخير اختي تافوكت كيما قلتي غادي نحاول معاها بهاديك باش كنعبرو ونشوف ياربي تبغيه و خصوصا الانتيبيوتيك اما الحرارة راه نزلات شوية الحمد لله.شكرا اختي على الاهتمام.





      الحمد لله

      تعليق


      • #4
        السلام عليكم و رحمة الله تعالى و بركاته
        للاباس على بنتك.حتى انا ولدي طلعات ليه الحرارة بسباب الحلاقمو الحمد لله صبح بخير ان شاء الله تقوم بنتك حتى هي . شوفي اختي اول حاجة تزولي لها الملابس و تخليها غير بالسليب الدخلاني و نزلي حداها مانطا حيت السخانة مرة مرة كترجع بالتبوريشة. و الى عندك ماء الورد او الزهر ديريه في منديل و وضعيه ليها على الجبين. و عطيها brufen واخة ترضو على 4 ساعات و تقدري تخالفيه لها ب اسبيجيك كل 4 سوايع.
        الى ما نزلاتش ليها الحرارة حاولي تشري من عند العطار او مول النعناع عشبة المخينزة هادي و قيتها . دقيها مع شوية البصلة الحمراء+شوية النعناع+ماء الورد+الحامض و ديريهم ليها على راسها ان شاء الله تقوم بالسلامة.و الله العظيم حماتي مراكشية هي لوراتهالي .ربي شاهد علي الى كتنزل الحرارة حتى للكبار.
        حاجة اخرى **طيبي الماء و كبيه في كاس + اوراق المعناع+عصير الحامض حتى يدفاو و عطيها تشربو.
        اللهم شافيها يارب العالمين
        [frame="7 80"]
        استغفر الله العظيم من كل دنب عظيم
        [/frame]

        تعليق


        • #5
          ما ترغميهاش على الاكل و لكن عطيها الماء بكثرة و يستحسن يكون ماء معدني. الله الشافي
          [frame="7 80"]
          استغفر الله العظيم من كل دنب عظيم
          [/frame]

          تعليق


          • #6
            شكرا لك اختيام سعدون ان شاء الله غادي ندير ليها ماء ورد و غدا ان شاء الله نشري المخينزة.شكرا لك اختي على الاهتمام.





            الحمد لله

            تعليق


            • #7
              أختي أنا كنصحك ديها لطبيب دغيا و متعطيهاش أي دوا و صافي راه الحلاقم خطار و يمكن يتعالجو و لكن ميتعالجوش مزيان و هدا هو الأخطر حيت السم ديالهم كينزل للقلب الله يحفظ و الله يشافيها فالقريب العاجل آميييييييييييييييييييييييييييييييين

              تعليق


              • #8
                السلام عليكم ورحمة الله وبركاته الله يشافي بنتك ويكون معاها كبقات ريحت شوية ما يكون باس عندها ومرة اخرى لا سمح الله تكون عند بنتك 40 في الحرارة ماتتهاونيش عليها وماتعكزيش على الطبيب لان الحرارة 40 نذير الخطر والطفل مكيستحملش ديري الاسعافات الاولية تنقصي الكسوة ديريلها الشميعات وتلبسيها تقاشر فازكين باش يمتصو الحرارة ومزيان الى درتي فيهم الخل وبعدي الخل على الراس حيت انا فبنتي لولى درت الخل مع ما زهر فراسها وغابتلي وديها لطبيب باش يعطيك المضاد الحيوي اي انتيبيوتيك باش تعالجي الالتهاب لي كيسبب الحرارة ونتمنى نكون افدتك والله يشافي جميع المسلمين.و اللهم صل على محمد وعلى آله وصحبه أجمعين

                تعليق


                • #9
                  شكرا اختي قمر على اهتمامك. المشكل هو ان بنتي ساكنة عند الطبيب مايمكن ادوز شي شهر بلا مانديها عندو و عايشة غير بالانتيبيوتيك. تنخاف تولفهوم بزايد مايبقاوش اقضيو فيها.:(





                  الحمد لله

                  تعليق


                  • #10
                    بصاح راه كثرة الدواء غادي تخرجي على بنتك.عندي اية6سنوات يونس4سنوات اسراءعنده عامين.وماعمري عطيتهم انتيبيوتيك....محيث مكخليش المناعة ديال الاطفال تخدم ديما غادي اخصهوم انتيبيوتيك خلي الجسم ديالهم ادافع شوية....الا كانت فيهم الكحبة.كنشد ثومة ونحرقها حتى تولي كحلة وندير شوية ديال زيت بلدية سخونة ونعجن فيها ديك ثومة وندهن ليهم بيها صدرهم مزيانة ونحزمو بشوية بلا منزيرو.والا كان فيهم حلاقم.كنجيب شوية ديال عسل حر مع شوية ديال الحامض ونعطيه ليهم على ريق وقبل النعاس.والسخانة كندير ليهم دوليبران..والحمد لله مكمرضوش لي بالمقارنة مع الوليدات لكعطوهم والديهم قوة الادوية. كنتمنى نكون فدتك شوية الله اخلي ليك بنتك واحفضها ليك واهديها يا رب

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X