إعـــــــلان

تقليص
لا يوجد إعلان حتى الآن.

أعتقوني بشي وصفة الله يخليكم

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • أعتقوني بشي وصفة الله يخليكم

    السلام عليكم أخواتاتي الله يخليكم اللي كتعرف شي وصفةللأمساك جيدة وجرباها تكولها ليا راني عيييت منجرب وغير كنحبس الدواء وكيرجع نفس المشكل وقهروني البواسير وأنا كنعترف بأنني مكنشربش مزيان الماء

  • #2
    السلام عليكم اختي و الله ارزقك الشفاء عندي ليك وصفة قالتها واحد الطبيبة كاتاخدي الحبيبة في الليل 3 ديال البرقوقات ديال النصيب و كتصبي عليهم الماء و كاتخليهم الليل كاملو و في الصباح كاتشربي داك الماء و تاكلي داك البرقوق و داومي عليها و بالشفاء انشاء الله

    تعليق


    • #3
      اختي شدي ملعقة صغيرة سكنجبير وضيفي عليها ماء مغلي من بعد خليه فيحهحتى يدفا الماء وصفية وشربيه راه انفعك ونتمنى ليك الشفاء

      تعليق


      • #4
        شكرا جزيلا لكن أخواتي في الله هلاي يعطيكم اللي يضركم يا أرحم الراحمين

        تعليق


        • #5
          [frame="1 90"]
          اختي خودي سنوج مطحون واضيفي اليه سمن حايل اي قديم تم وضعيه عليهم ولكن صبري.
          مجرب وكيعطي النتيجة
          [/frame]معدرة وصفتي خاصة بالبواسير

          تعليق


          • #6
            أختي أنوقة
            كين عند العطار عشبة السنامكي ، مسهلة
            ولكن خصك ملي تشربيها متخرجيش نهار كامل حيت كتطلق الكرشوخا تكون حجرة

            و خودي زريعة الكتان نقيها ومسحيها مزيان وهرمشيها وحطيها فبواطة غامقة فالثلاجة
            بقاي تاخذي معلقة كبيرة على الصباح ، كبي عليها كاس دلما طايب
            و خليها 10 دقايق وشربيها بكولشي ، وعايني نص ساعة عاد فطري

            و بالليل من بعد العشا بنص ساعة نفس الشي
            ولكن للإشارة فقط ، راها كتضعف .


            و بقاي تشربي الما بزاف ، وخا معطشاناش غير حاولي
            و ايلا كتقدري تشربي زيت العود ، بقاي تداوميها على الريق من الصباح لصباح
            سبحان الله وبحمده عدد خلقه ورضا نفسه وزنة عرشه ومداد كلماته

            تعليق


            • #7
              كل المواد التي ذكرتها الاخوات فعالة
              لكن اذا كان الامساك حاد فلازم تتبعي نظام غذائي دائم
              ابني عنده نفس المشكل اذكر انه يمكن ما يمشي للمرحاض لمدة اسبوع
              لكن تنعطيه السوائل الماء وعصير الليمون والخضروات والاكثر اصنع له حلوى النخالة
              ياخذ قطعتين كل صباح وفي العصر حتى الكسكس تنزيد عليه النخالة. وتيجي رائع.
              اما الى وصلت للبواسير انصحك بزيت البرافين عند المستوصفات هل اكثر فعالية من
              كل ما ذكر ولكن انصحك ان تغمسي فيه اما شريحة او برقوق لانه فعال لكن مقرف.
              والله يجيب الشفاء/

              تعليق


              • #8
                عليك بالورد غليه

                تعليق


                • #9
                  كيف قالت لي واحد طبيبة الامساك معندوش دواء من غير انك تتبعي نظام غدائي وتشربي الماء والحليب بزاف

                  شريحة او البرقوق على الريق حتى انا بحالك او اكتر لانه عندي جروح بسبب القبض ومع الوقت سبب لب القبض نزول وهبوط الرحم شفتي على حالة كنصحك ملي تحسي انه كرشك عامرة ديري قويلبات كريستال تسهل العملية بلا متعصري هداك التعصار هو سبابي في عدابي والله

                  اما بالنسبة للبواسير نعطيك بوماد اعطاها لي بروفيسور فيساع تحيدهم ليك بلا متستعملي هاد المواد العشبية proctologue
                  حسبنا الله سيؤتينا الله من فضله إنا إلى الله راغبون ""والله متى ما دعوت الله به بصدق و أنت في مأزق إلا وجاء الفرج من حيث لا تعلم



                  يا ربي احفظ لي بنتي وشافيها شفاء لا يغادر سقما هي والاطفال المرضى قولو اميييييييين

                  تعليق


                  • #10
                    Okhti min tenoudi sebah cherby 1 me3ale9a dial zit zetoune w tefekerini
                    sigpic

                    تعليق


                    • #11
                      الحبيبة انا غادي نعطيك دواء بالحق دعي معايا غادي تمشي عند العطار يعطيك عشبة سنة حرام راها دايرة بحال وراق الحنة و طبخيها مع الورد و شربي كاس و الا مدار والو زيدي و الله العظيم راها vidange للمصارن و تفكريني كتخرط

                      تعليق


                      • #12
                        أختي أنا نقوليك شنو ديري و بالتجربة

                        انا راه شهرين و انا كنعانتي من الإمساك حتى عييت و فالأخر تابعت هاد الحمية و الحمد لله تشافيت


                        راه كلشي أختي من الماكلا

                        نبداليك من الأول

                        غدي تشري الشعير و ديه عند المطحنة يطحنوليك و غربليه من ديك النخالة ديالو و خودي داك الدقيق لي عطاك و بداي طيبيه كل يوم على شكل عصيدة و كتفطري بيها على الريق مع العسل

                        الطريقة
                        كديري الماء يغلي فشي كاسرونة و تتشدي دقيق الشعير و تكبي عليه الماء بارد و تخلطيه مزيان و تكوبيه فوق الما لي كيغلي و طيبيه فحال العصيدة مع قريصة ملحة و تحطيه و تكبي عليه العسل و تاكليه من الأحسن يكون عسل ديال الأعشاب الطبيعي

                        من بعد نصف ساعة فطري و حاولي تفطري بخبز الزرع أو الشعير و حاولي تفطري بعصير البرتقال أولا شري حداك العصير ديال نيكتاري ديال البرتقال لي كيدير 2 دراهم

                        من الفطور حتى الغداء حاولي تشربي الما بزاف

                        أنا كنت كنشرب ماء سيدي حرازم كل ساعة نشرب كأس صغير

                        مع 12 كولي شلاظة ولا غير مطيشة


                        وقت الغداء كولي غير الخضر
                        أنا كنت كنفور الخضر بطاطا + خيزو + اللفت + الكرعة و كنطحنهم في طحانة اليدوية و كنزيدليهم 2 فرماجات و كناكل دجاج أولا لحم يا إما مفور حتى هو اولا إلا طيبات ماما المرقا كنهز غير اللحيمة بوحدها
                        أه تقدري تنسمي الخضر بشوية ديال المرقة

                        المهم الأكل ديالك ميكنش ناشف
                        و دوزي بالعصير

                        من مور الغداء كنبقا نشرب الما عاوتاني كل ساعة

                        فالكاسكروط كوليلك شلاضة بمطيشة أولا شربي عصير مطيشة

                        فكرتيني مطيشة حيدي ليها الزريعة متخلي فيها حتى وحيدة

                        فالعشاء كناكل فحال الغدا الخضر بالفرماج و تقدري ديري السوبة و لكن أنا الخضر مفورة كتجيني أسهل

                        و خاص العشا تعشاي قبل بساعة من النوم و مني تجي تنعسي خدي كأس دانون أولا عصير الليمون

                        أه بعدي على هاد المواد : اللموز + الشكلاط + الروز

                        جربي هاتشي و نردي عليا الخبار و الله يشافيك و أي استفسار أنا هنايا سوليني

                        تعليق

                        المتواجدون الآن 1. الأعضاء 0 والزوار 1.

                        أكبر تواجد بالمنتدى كان 2,525, 26-09-2016 الساعة 21:58.

                        يعمل...
                        X