إعـــــــلان

تقليص
لا يوجد إعلان حتى الآن.

معاناتي مع السرطان

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • معاناتي مع السرطان

    السلام عليكم يا أخوات؛
    أسمحولي أنقدم ليكم نفسي أناهي صاحبة موضوع "مشكلتي مع السرطان"لي كانقول فيه بلي الوليد الله إرحمو كان مريض بالسرطان....إلخ.
    فكرت في كتابة هذا الموضوع"معاناتي مع السرطان" لسببين
    الأول: لأن كاين بعض الأخوات عوض ما إعزوني كيقولولي الله إشفي الوليد مع أني كتبت خبر وفاة الله إرحمو وهذا كيزيد يألمني...
    أنا كنشكر كم جميعاوكانت لي فرصة باش تعرفت عليكم .
    والسبب الثاني : بغيت لي عاناة بحالي من هذا المرض تكتب هنـــــــــــا وتفش قلبها.
    وحناهنا لمواساة بعضن آلبعض والله إشفي كل مصاب.
    بغيت نوجه نداء للأخت noha212 أنا راه كتبت ليك الرد في "مشكلتي مع السرطان" درت ليه copie هناإلى سمحتي لأني مابغيتش أندخل مزال لهذاك الموضوع و شكرا..

  • #2
    السلام عليكم جميعا أخواتي؛
    أختي mariam11 أش خبارك لباس عليك كيف عاملة مع الحمل ديالك وكيدايرة الوليدة لباس عليها.
    أختي noha212 كنشكرك على تشجيعك لي أكنتمنى الله إشفيك وطول عمرك الحبيبة صراحة أنامكرهتش أنشوفك لأن شخصية بحالك أي وحدة تبغي تعرف عليها تهلاي فراسك بزاف،وأنا أيضا كيف قالت الأخت mariam11 بغيت نعرف واش من نوع العلاج لي كتاخدي وحالتك الصحية واش مزيانة ولا شادة الفراش الله إخليك جاوبي.عرفتي راه كنت متبعة حالة الوليد ودبا الله إرحمو ولكن جيتي أنت خاصني أنطمأن عليك أقتم عندي شي فرصة .أنخليكم patronاle دخل ;إلى العمل.

    تعليق


    • #3
      الله اشافي جميع المرضى المسلمين
      [SIZE=5][COLOR="#FF0000"][B]
      حب الدنيا ونسيان الآخرة والانكباب على هذه الدار الفانية صورة عارية من الفهم الصحيح لما يجب أن يكون عليه المسلم

      "كلا بَل لا تُكْرِمُونَ الْيَتِيمَ وَلا تَحَاضُّونَ عَلَى طَعَامِ الْمِسْكِينِ
      وَتَأْكُلُونَ التُّرَاثَ أَكْلاً لَّمّاً وَتُحِبُّونَ الْمَالَ حُبّاً جَمّاً"






      تعليق


      • #4
        يا ختي هاد المرض الله ينجينا منو عندي اختي الكبيره مصابه بسرطان الثدي معانـــــــــــــــــــاة
        جارت الشيميو المره الاولى وحتا قالو لها مابقا عندها والو وعاود رجعلها وعاودات الشيميو عام اخر ومازالين الحصص ديالها حتى رجعلها عاوتاني

        ترجاو معاي الله يشفيها لنا ويشافي جميع المسلمين














        تعليق


        • #5
          شكرا حبيبتي ياسمين و حبيبتي مريم 11 اختي انا قصتي قصة انا عشت غير في الفقايص و هما لي دارو لي المرض المهم الله يسامح ملي ولدت الولدة التانية بقى طرف ديال الخلاص و دار هجرة على حسب راي الاطباء لانهم هما اصلا معرفينش السبب و هاد الهجرة ديال الخلاص دارت ورم فيه 4 سنتمرات في العرق لي كيدي الدم للمصران و ضرب ليا المصران و المرارة و عملت 2 عمليات جراحية عملوها بروفيسورات كبار و العملية التانية كانت نسبة النجاح ضئيلة و ايضا كانت الخطورة انني درتها مستعجلة و انا عاد خديت جرعة العلاج الكيماوي الاولى و كتكون صعيبة نعست في الانعاش شي 8 ايام و 6 ايام اخرى بلا ماء بلا ماكلة لانهم حيدو الورم و المرارة و العملية الاولى قطعو من المصران 30 سنتم ايوا لهلا يردها ايام وراها ب 21 يوم درت الجرعة التانية بلا ميرحموني الاطباء لانهم خافو من هجرته للرئة و الدماغ ...............وعاد راكم عارفين التحاليل و السكانيرات......ووليداتي بقاو غير مفرقين على الناس لاني وحيدة امي ......عانيت و عرفت عدوي من صديقي و لكن مستسلمتش مبغيتش نشمت الناس و بغيت نغلب العدو لي هو السرطان عنقت ولادي و قلت عليهم غنتحدى كلشي رجعت لداري باش متبقاش خاوية و نتوما عارفين ايلا خوات المراة دارها السيبة خصوصا مراة مريضة بالسرطان كلشي كيقول لراجلي نوض تزوج وصلات ليا لعظم و الله مستسلمت انا قرعة و حالتي و نتقاد و نماكي في داري و ندير ما في بالي والو نشري المخيرة و نلبسها ....اتجهت لله سبحانه و تعالى و نجحت في السنة الاولى من تجويد القران و انا الان في السنة التانية و كنحاول نحفظ كتاب الله الخدمة عطاوني 3 سنوات اجازة و لكن رفضت و رجعت هاد السنة نخدم واخة المرض و الكونطرولات و غسل الالة تاع
          الدواء
          و 3 ديال الاطباء لي متبعة معاهم لانه بقى عندي مرض مزمن اخر هو امكانية تختر الدم في الشريان لدا كاناخد دواء مدى الحياة لتخفيض نسبة الكولسترول و دواء لتجرية الدم.....عرفتو كنكون مقادية بالمرض و نوض نتقاد و نمشي للخدمة و نشوف صحاباتي و نضحك و نسى المرض حقا ملي كنمشي عند الطبيب كتدوز عليا بالخلعة و لكن لساني يبقى رطب بدكر الله لي هو وحدو قادر ينجيني و يحفضني لبناتي لي معندهم حد غيري حقا باهم كاين و لكن المسؤولية كلها عليا ديال التربية
          امنيتي اني نربيهم احسن تربية و نحفض معاهم كتاب الله و نزور بيت الله و ارتل القران كله يوم الوقوف بعرفة.....
          بعدها انا مستعدة لمقابلة الرحمان
          للاشارة اصبت بالمرض على 28 سنة دابا عامين و انا في الرحلة دعيو معايا تنتهي بالشفاء و نؤدي مسؤوليتي تجاه ديني و بناتي

          تعليق


          • #6
            اختي ياسمين نقلت ردي لموضوعك الجديد بناء على طلبك و حنا هنا يد وحدة باش نخفو على بعضنا راه هاد المرض ولى كيهاجم الصغير و الكبير
            يد في يد يا ياسمين و من هاد الموضوع لي فتحتي بغيتو يكون صدقة جارية يوضعو فيه الاخوات لي كيبحتو على وصفات الجمال يبحتو للناس المرضى او حتى لي غيمرضو في المستقبل سكون عرف.....على نصائح و مواقع كتكلم على المرض و كيفية علاجو و الوقاية منو.
            و نتمنى كل استفادة خرج بها شي انسان من هاد الموضوع تكون حسنة لوالدك يا ياسمين.

            اتمنى تفاعل الاخوات

            تعليق


            • #7
              انا دخلت باش ندير ليكم تحية تقدير على شجاعتكم وكنطلب الله يشافيكم وراه لجمال ديال لداخل ماشي لخارج وكنتمنى وكنطلب الله ينعم عليكم بصحة وكنوصيكم تقراو كتاب ليلى لحلو "لاتنسى الله"فهو كتاب رائع غتلقاو راحتكم فاش تقراوه

              تعليق


              • #8
                الله اشافي الجميع
                بغيت نعرف كيفاش امكن للانسان اكتشف هاد المرض مبكرا
                اشنهما التحاليل ليقدر اديرها مسبقا
                وشكرا
                [SIZE=5][COLOR="#FF0000"][B]
                حب الدنيا ونسيان الآخرة والانكباب على هذه الدار الفانية صورة عارية من الفهم الصحيح لما يجب أن يكون عليه المسلم

                "كلا بَل لا تُكْرِمُونَ الْيَتِيمَ وَلا تَحَاضُّونَ عَلَى طَعَامِ الْمِسْكِينِ
                وَتَأْكُلُونَ التُّرَاثَ أَكْلاً لَّمّاً وَتُحِبُّونَ الْمَالَ حُبّاً جَمّاً"






                تعليق


                • #9
                  صباح الخير يا أخوات،
                  roba-girlsالله إشفي الأخت ديالك وإعطها قدرة التحمل و الصبر الله إبعد الباس أختي قلبي معاكم.
                  all love شكرا على التقدير كنتمنى ليك حياة سعيدة والله إحفظك من كل شر.
                  أما أنت ياnoha212 فأنا معرفت مانقول ليك ملي قريت رسالتك ألحبيبة حسيت راسي الدنيا كدور بي لكان تشق الأرض وتبلعني كنطللب الله من كل قلبي إشفيك وطول عمرك حتى تشوفي بنياتك كي بغيتي .الله إكمل ليك أمنيتك وتزوري بيت الله تهلاي فراسك ،حسبني بحال أختك...

                  تعليق


                  • #10
                    فالحقيقة معنديش جواب محدد فقط لي نبغي نوجه للجميع هو لي حس بشي ألم فين ماكان إمشي إدير كشف وخاهي طب عام وكانزيد أنأكد على هاد الهدرة لأن السرطان مرض صامت-الوليد الله إحمو كانعندوفالكبد مرة إقول في النخسة مرة إقول درني المصران معرفت أش كلت حتى بقينا عليه سير عند الطبيب بزاز باش أمشى أوبوحدو وكانtroptard-هذا المرض يمكن إتعالج فبدايتو لكن إلى أنتشرماينفع معاه لا دواء ولا أعشاب..أسمحوا لي على هذه الهدرة حقا الشافي هو الله المهم الإنسان إحتاط والوقاية خيرمن العلاج..الله إشفي الجميع وبعد علينا البأس آمين.
                    المشاركة الأصلية بواسطة HARAKA مشاهدة المشاركة
                    الله اشافي الجميع
                    بغيت نعرف كيفاش امكن للانسان اكتشف هاد المرض مبكرا
                    اشنهما التحاليل ليقدر اديرها مسبقا
                    وشكرا

                    تعليق


                    • #11
                      شكرا لشعورك النبيل اختي ياسمين هدا قضاء الله و النسان لازم يقبلو باش حتى الله يقبلنا و يفرح بينا....
                      اخواتي ايلا حس الانسان بشي الم و او انه كيعيا دغيا و هاد الاعراض مكتختفيش مع الدواء ديال الطب العام يمشي لطبيب باطني هو غادي ايلا شك يعطيه يمشي يدير السكانير باش يكشف على المرض بكري و كلما تم اكتشافو في الاول كيسهال العلاج و التحكم في المرض....
                      التغدية لازم نهتمو بيها متبقاوش تاكلو في الزنقة ...كثرو من تناول الخضر و الفواكه عصير الليمون يوميا بعدو على اللحوم الحمراء بقاو تاكلو الثوم و البصل الاحمر نئ ثم المكور يكون خضر قطعوه رقييق و خلطوه مع دانون راه غزال فيه جزيئات بحال العلاج الكيماوي....كثرو من تناول زريعة الكتان و صاوبو ديما سلو لانه فيه الزرارع بحال النافع و حبة حلاوة...
                      بزاف ميتقال للوقاية و الاهم متفقصوش ريوسكم فرحو و نشطو راه كلشي في حياتنا مكتاب لينا من قبل.

                      تعليق


                      • #12
                        أختي نهى عرفتي ملي قريت ردك و الله شاهد علي إلي بكيت ، و زدت تفكرت والدي رحمة الله عليه ، و بكيت عليه و عليك بحرقة و ربي عالم ، أختي أحييك على و نطلب من الله تعالى يشفيك و يغلبك على مرضك و لهلا يضر ميمتك و بنياتك فيك ، و شوفي سبحان الله ربي ابتلاك و أنت لا زلت شابة في الثلاثينيات من عمرك و هذا لانه كيبغيك و بغا يختبر إيمانك ، لانه الله تعالى يبتلي عباده الصالحين ، و كانو الانبياء يبكون إلي ما ابتلاهمش الله و هادي قالها لي والدي رحمة الله عليه لما علم بمرضه ، كان دايما يبتسم سبحان الله و يقول حمدا لله تعالى .
                        أختي نهى قلبي معاك لانه مريت من نفس التجربة و عشت المعاناة مع والدي الحبيب ، و مع ولد جيرانا حتى هو الله يرحمه إلي توفاه الله و هو لازال شابا ، و أيضا جارتي في المغرب ماشاء الله حاذقة و كانت نشيطة فجاة أصيبت بالمرض في ثديها و كانت لما تمشي للطبيب لحصة العلاج كانت مسكينة كترجع حالتها و لكن ديما تقول الحمد لله عطاها ليا الله ماشي العبد ، العبد خاصوغير يشمت .......
                        حبيبتي نهى باختصار الله يشفيك و يغلبك عليه و ييسر أمورك الدينية و الدنيوية و الله يبلغك مرادك و تشوفي بنياتك عروسات و يخليك لميمتك يا ربي .و أي حاجة دراتك أختي عودي لي و أنا إنشاء الله نكون في الاستماع و كيف قالت ياسمين أنا بحال أختك و على فكرة فانا في سنك . و لله يشفيك و يعافيك و يبعد عليك كل بلاء و يشفي جميع مرضى المسلمين من كل داء يا رب ، هذه دعوة خالصة من كل قلبي و يا رب يستجب لي يا رب . شكرا لك أختي على إجابتك لأسئلتي واخا أنا عارفة أنه الموضوع خاص نوعا ما و لكن مابخلتيش عليا بالاجابة و الله يجعلها لك في الميزان المقبول يا رب .
                        اللهم إجعل والدي ممن تقول له النار اعبر فان نورك أطفأ ناري














                        تعليق


                        • #13
                          صباح الخيريا بنات؛
                          أختي noha212 كيف أصبحت لباس عليك كيف دخلت أول حاجة دارتها ملي حليت le PC دخلت المنتدى باش أنطمأن عليك تصوري كنتخيلك دايا بنيتك المدرسة وأمشيتي لخدمتك تبارك الله إعليك الله إحفظك وسهل عليك. لمعلوماتك أنا تكنسيان ديسيناتوغ د باتيمان كنشتغل مع واحد paysagiste كي أخديت دبلوم2002 باش تفهمي اكثردخلي www.unjardinenplus.comهي الشركة ديالنا.شوفي الرزق من البناء إلى جرادي.
                          قولي لي شحال عند بنياتك ؟ أنا عندي وليد "مروان"كمل 3سنين02غشت2010 ولدت سيزاغيان.
                          بسلامة تهلاي فراسك شي فرصة أخرى غادي أنطل عليكم.الكتبة بالعربية كتاخد لي الوقت بزاف ماعنديش العربية أ كلافي.

                          تعليق


                          • #14
                            شكرا حبيبتي مريم 11 لتعاطفك معي و دعاءك الجميل لي الله يستجب
                            يسول فيك الخير حبيبتي ياسمين عجبني كيفاش تخيلتيني يا رب يسمع منك انا هاد السيمانة خدمت غير نهار الخميس لان الشتاء كانت قوية و المناعة عندي ضعيفة منقدرش نخرج في البرد و اليوم صبحت مريضة و مزير عليا الحال لاني مشربتش الدواء مدة سيمانة عاد غايجيبو ليا واحد السيد اليوم بثمن اقل لانه غالي كنتمنى ترجع صحتي لانها ملي كانت عندي كنت كيف العودة مكنعياش و بناتي كانو صغار و متابعين و كل وحدة في مدرسة و كنت رافضة نشد الخدامة دابا منقدرش نعيش بلا بيها كتطلع عليا شهريا ب 1500 درهم و عاد راكي عارفة مصاريف المرض و واحد الراجل عندي زايدها بالطمع .......بناتي عندهم دابا الكبيرة 5 سنوات و الصغيرة عامين و نصف الله يفرحني بيهم و يكونو قرة لعيني في المستقبل راني عليهم صبرت على الويل و لغيت كياني باش ميحسوش باي نقص....
                            تهلاي في راسك و في سي مروان...

                            تعليق


                            • #15
                              salamo 3alaykom khti yasmin lbaraka frasik allah yrahmo koln liha khti khti noha212 allah ychafik wyhafdik libniyatik wlijatna min 3and allah marhbabiha

                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X