إعـــــــلان

تقليص
لا يوجد إعلان حتى الآن.

شكون اللي عارفة الريجيم ديال اللقاء المفتوح

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • شكون اللي عارفة الريجيم ديال اللقاء المفتوح

    السلام عليكن ورحمة الله

    بغيت نسولكم شكون اللي سجلات الريجيم ديال 3 ايام اللي قالته الاخت ربيعة من لقصر الكبير في اللقاء المفتوح . قالت بانه كينقص 6 كيلو :eek: في الحقيقة بغيت نجربه و لكن معقلتش عليه .
    اللي سمعاته و عقلات عليه تقولو لي و هكذا جميع البنات اللي باغين ينقصو الوزن يستافدو




  • #2
    salamo 3likom khwatati hadi awal mocharaka liya hta briti had rigim.lah yrham likom walidine

    تعليق


    • #3
      السلام عليكم
      اختى انا لقيت ليك رجيم ديال لقاء مفتوح


      ريجيم 3 ايام (السيدة ربيعة من القصر الكبير)

      *اليوم الاول
      *الفطور
      شرب كاس ماء دافي نديرو فيه شريحة ديال الحامض و ملعقة صغيرة عسل حر ثم ناكلو نصف حبة بومبلوموس لونها وردي (ماش اصفر)
      *الغذاء
      اكل سلطة تتكون من اوراق خس و سبانخ و فجل و ريحان و جزرة و 3 حبات فطر طري نقطعوهم و نخلطوهم مع شوية من عصير الحامض و شوية الثومة و ملعقة مخلطة زيت بلدية و خل ثم ناكلو بعد السلطة تفاحة كبيرة
      *العصر
      شرب كاس شاي بالاعشاب محلى بملعقة صغيرة عسل مع شريحة ديال الحامض
      *العشاء
      شوربة مكونة من:
      2 خيزوات
      بصلة بقشورها مغسولة مزيان
      الاوراق الخضراء ديال الشيفلور
      ورقة سيدنا موسى
      تنقى الخضر و البصلة نزولو ليها الراس الفوقاني و نغسلوهم و نديرو كلشي في طنجرة مع 2 لتر ماء و نغطيو الطنجرة مزيان باش مايخرجش البخار و نخليوهم يغليو مدة 2 ساعات بلا ما نعريو الطنجرة و من بعد ساعتين نزيدو عليهم شوية نعناع و كرافس و شوية ريحان و الشبت ( هو اوراق البسباس و الى ماكانوش نديرو المعدنوس) و ملعقة من معجون الطماطم ثم نطحنو كلشي في الخلاط الكهربائي او يمكن نقطعوهم صغار من الاول و نخليوهم بلا مايتطحنو
      بعد تناول الشوربة ناكلو اما تفاحة او بنانة او برتقالة (وحدة فيهم) و ناكلو علبة ياغورت طبيعي مخلط مع ملعقة صغيرة عسل و ملعقة ديال النخالة

      *اليوم الثاني
      *الفطور
      نفس فطور اليوم الاول
      *الغذاء
      نفس غذاء اليوم الاول مع اضافة نوع من الخضر اما نزيدو خيزوة او جوج او نزيدو مطيشة او بصلة خضراء للسلطة
      ثم بعد اكل السلطة اما ناكلو الجبن البلدي او ناكلو نصف حبة افوكا
      *العصر
      بحال اليوم الاول دون تغيير
      *العشاء
      نفس العشاء ديال اليوم الاول مع تغيير نوع الفاكهة

      *اليوم الثالث
      *الفطور
      بحال اليوم الاول و الثاني
      *الغذاء
      نفس السلطة ديال اليوم الاول مع اضافة بيضة بلدية او جوج بيضات مصلوقين و اكل الجبن البلدي (الكمية اللي تشبعنا ) ثم اكل شوية من المكسرات اي نوع (لوز او كاجو او كركاع... الخ) و اكل حبة افوكا كاملة اما ناكلوها بوحدها او نخلطوها مع السلطة
      *العصر
      نفس اليوم الاول و الثاني
      *العشاء
      شوربة بحال اليوم الاول او تعوض بالخضر مشوية مثل كرعة و دنجال و بصلة و مطيشة ...
      ثم ناكل دجاج او سمك مشوي حتى الشبع و ناكلو كذلك جوج حبات بطاطس مسلوقين و حبة من الفاكهة حسب الاختيار بحال اليوم الاول و الثاني

      *ملحوظة: باش يعطينا الريجيم نتيجة جيدة خاصنا نتحركو و نديرو الرياضة و المشي و ماخاصناش نديروه الى كانت عندنا مشاكل صحية او امراض او حمل او رضاعة
      الى تبعناه مزيان كينقص حتى ل 6 كيلو مع الرياضة و المشي و كذلك كيعطي نضارة رائعة للبشرة و يفضل في اليوم الاول للريجيم القيام بتدليك خفيف للجسم اما بفرشاة خاصة او كيس عادي في حمام البخار للتخلص من السوائل ثم بعد التدليك يغسل الجسم عادي

      *طريقة لغسل الجسم لاستقبال الريجيم
      قالت السيدة ربيعة انه للحصول على نتائج جيدة من الاحسن نديرو هذه الطريقة على الاقل يوم واحد قبل الريجيم
      الاستغناء عن الملح (او تناول ملح الصوديوم)
      الاستغناء عن السكر و المنبهات مثل الشاي و القهوة و كذلك الشكلاط
      بالاضافة الى شرب ماء مكون من العناصر التالية
      5 اوراق عنب
      2 حتى ل 3 اوراق ديال الكرمب اللي كيكونو الفوق على الوجه
      ملعقة كبيرة قشور رمان
      ملعقة كبيرة قشور تفاح
      وريقات ديال الخرشف او القوق (اللي كيترماو)
      شوية ديال الكرافس و النعناع و اوراق الفجل
      كرعة حمرا بقشورها
      3 حتى ل 4 ضروس ثومة بقشورها
      جلبانة بقشورها
      كرعة خضرا بقشورها
      بصلة بقشورها
      نغسلو كلشي مزيان و نديروهم مع الماء يتصلقو نصف صلقة و نشربو الماء ديالهم كاس كبير فالصباح و كاس كبير فوقت الغذاء و كاس فالليل و ناكلو الاكل ديالنا عادي و في الغذ نبداو الريجيم
      و بالنسبة لهذا الماء يمكن نشربوه مرة في الاسبوع او مرة كل 15 يوم و لكن ماشي فاليوم ديال الريجيم



      [IMG]http://www.****************/vb/images/statusicon/user_offline.gif[/IMG] [IMG]http://www.****************/vb/images/buttons/reputation.gif[/IMG] [IMG]http://www.****************/vb/images/buttons/report.gif[/IMG] [IMG]http://www.****************/vb/images/buttons/quote.gif[/IMG]

      تعليق


      • #4
        شكرا الاخت مريم الله يسهل عليك كل ما صعاب

        يالا البنات شكون تبدا معايا الريجيم يلا ونسوني

        انا ان شاء الله غادي نبدا الاثنين 3ايام يعني الاثنين و الثلاتاء و الاربعاء



        تعليق


        • #5
          مشكوووووور والله يعطيك الف عافيه
          sigpic

          تعليق


          • #6
            أنا انشالله أنجربهى، بيان مزيان أو سهل

            تعليق


            • #7
              أنا غادي أنجرب هاد ريجيم انرد عليكم . أكيد غادي يكون مزيان حيت مفهش alkhobz

              تعليق


              • #8
                merci

                تعليق


                • #9
                  merci maryama et merci oum elbanat hta ana sma3to mais ma9aydtoch


                  تعليق


                  • #10
                    سلاااااااااااااااام
                    بغيت غير نقول ليكم هاد الريجيم درتو و لكن مطيحتش فيه 6 كيلوفي 3 ايام..طيحت شي 2.5 ....واحد السيدة معايا في لاصال طيحت 3 صاااافي.............و مسالة اخرى هاداك الشي راه شوية مر...........و مداقو خيب..........و الريجيم تبغي شي حاجة زوينة في المداق باش تقدري تكملي........
                    اللي نصحكم بيه هو تحيدو الخبز نهائيا و تاكلو عادي و غادية تبان ليكم النتيجة اكييييييد

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X