إعـــــــلان

تقليص
لا يوجد إعلان حتى الآن.

تجربتي الكاملة والصريحة مع مع الريجيم

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • تجربتي الكاملة والصريحة مع مع الريجيم

    السلام عليكم البنات كلنا عانينا او كنعانيو من السمنة العدوة اللدود لأي وحدة أنا طول عمري كنت ضعيفة يعني وزني مايفوتش 64 لاني ماشي طويلة بزاف ومن بعد ماتزوجت بفترة قصيرة بديت كناخذ حبوب منع الحمل ومع راجلي ماكايخلينيش نخرج الا نادرا بقيت غير الدار وشغل الدار والماكلة والنعاس لا رياضة ولا والو والحلويات والشكالط الخ الخ ومع انا كنلبس الواسع لاني متحجبة واخا نلبس العصري طويل ومستور وراسي مغطي وخذيت راحتي بزاف لكن منين بغيت نحمل مشيت لعند الدكتورة نبهاتني للوزن ديالي ولكني نسيت الموضوع المهم في فصل الشتاء الي فات جبدت حوايج الشتاء كالعادة وسيفطتهم المصبنة واحد اليوم البرد قيست المونطو ديالي الي لبسته مرة وحدة وهنا كانت الصدمة مابغاش يتسد لي:mad:جاتني البكية جربت المونطويات الخرين الي دخل بالزز والي مادخلش المهم شوهة خرجت مع راجلي نشري مونطو جديد قيست 40 والو 42دخل لي هو هذاك نيشان اذن خاصني ناخذ 44 لاني ماكانلبسش الضيق خاصه يكون واسع عليا راجلي ماحملنيش قالي اوا بقالك شوية على 44مارضيتش منين رجعنا وهو كيعايرني ليل نهار اش هاذ الفورمة اش هاذ الكرش مع العلم اني ماكبيراش وماوالداش باش نوصل لهاذ الحالة وخرجات لي الكرش والجوف وتنفخو لي فخاذي لدرجة كيدروني الركابي ركبتي كطرطق بصوت عالي ومابقاش عندي التنفس مزيان ومانقدرش نمشي بزاف ولا نطلع الدروج والصبابط كيدروني كله من الوزن الزائد راه مصيبة كبيرة فاول شهر 1سافر راجلي وهو مازال كينتقد وزني وشكلي خذيت قرار مع راسي انا باغية نحمل وباغية نحافظ على راجلي كنت كنحس بالنقص منين كادوز شي وحدة ضعيفة وفورمتها زوينه واخا هو ملتزم وكيدير راسه ماكايشوفش ولكن نظراته لي كتقول بزاف . بديت كنراجع اكلي اول حاجة قررت ننزل بعض الكيلوات قبل مانمشي نعمل رياضة لاني عرفت غادي نتعذب الى عملت الرياضة بهاذ الوزن وليت نفطر الصباح حليب demi ecremeeواخا فالاول خذيت خالي الدسم ولكني كرهته لانه القهوة ماكاتجيش زوينة وانا مابغيتش نحرم راسي من الكاس دالقهوة دالصباح أدمان وكناخذ شوية خبز COMPLETوشي فرماج لايت او بيضة بلا زيت والغذا الخضر والخضر والخضر مبخرة مسلوقة او على شكل شوربة مع شوية داللحم او الكفتة مشوية بلا زيت المهم ماتكونش مقلية وبالليل دانون مع كورن فليكس completوخاص بالرشاقة راه كاين أنواع والفواكه ماعدا الموز حذفته اول ايام الريجيم ودابا رجعت ليه تدريجيا ونهار الأحد كنكسر الريجيم كنمشي عند ماما ونتغذى على راحتي وناكل حلوة د لاكريم ونحاول نرجع من عندها مشيا على الاقدام هههههه .نقصت اول 3 كيلو وانا نتقيد فصالة الرياضة ونفس الوقت عملت واحد الالة سميتها M6صراحة عملت اربعة دالحصص وهي جارتي ضحكات عليا قالت لي راكي كضيعي فلوسك راه انا وعدد صحاباتي جربناها بلا نتيجة المهم نصحاتني بواحد السيدة كتعمل مساج تنحيف باليد واتفقت معاها تبقى تجي عندي للدار 3مرات للدار نفس النهار الي عندي حصة الرياضة وشريت زيوت المساج والتنحيف كريمات المهم مانقوقولكومش النتيجة فظرف اقل من شهر كرشي تبدلات بزاف عمرني ماشفت ديك الفراغ الي كيكون بحال الخط عند الرياضيين حتى وليت نشوفو حمدت الله وخذيت وصفة شاي تنحيف من المنتديات الي هو نعناع اخضر وشاي اخضر وسكنجبير محكوك وكنزيد اعليه كمون بلدي لاني عندي الغازات وكنعملو الصباح ونشربو النهار كله ولقيت فرق كبير الا كتافي مانقصوش وبان فيهم الترهل ونسيت نقول لكم راني كندهن دائما زيت المريمية لصدري وزيت اركان وايضا كنعمل مرة مرة خل التفاح مع زيت الزيتون لكرشي ولكن ماشي دائما لاني وسخت حوايجي كاملين بالزيوتات النهار وماطال بغيت نقولكم راه هادشي كيبغي الصبر والمثابرة وانا صممت وخذيت قراري عمرني مانهمل راسي ونخلي فرصة لراجلي ولا لصحاباتي ولا لاي حد باش يعلق على الشكل ديالي والله يتبثنا على الشهادة والالتزام والي عندها شي سؤال مرحبا واخيرا نضيف اني بالشهر الثالت فبدايته منين عملت الريجيم ونقصت 8كيلو بلا ترهل الا دراعي الى دارها بيا وكنحاول نمشي علاش ماقدرت واخا راجلي ماعجبوش الحال لاني كنحاول نتحرك ونخرج ومانبقاش في الدار كنتسخر لراسي ونحاول نقلل من التاكسي ولكن ديما كانجاوبو راك انتا الي جبدتي على راسك الصداع :Dوتقبلو مودتي

  • #2
    [justify]
    تبارك الله عليك اختي وعلى العزيمة ديالك كملي اختي الطريق ديالك واحد الحاجة مديريهاش لي هيا واخا توصلي للوزن لي انتي باغياه متوقفيش الرياضة والاكل الخفيف
    تبارك الله عليك
    [/justify]

    اللهم اجعل آخر كلامنا اشهد أن لا اله الا الله و أشهد أن محمداً رسول الله

    تعليق


    • #3
      الله يوفقك ويزيد من عزيمتك
      اللهم أعني على عبادتك وعلى خدمة عبادك. اللهم صل على محمد وعلى آله وصحبه أجمعين

      تعليق


      • #4
        مشكوووووور والله يعطيك الف عافيه

        تعليق


        • #5
          lah ykhalik gouli liya kifach kaytem tanhif bal massage

          تعليق


          • #6
            :)شكرا للبنات كلهم الي مروا على موضوعي وشجعوني
            بالنسبة للمساج التنحيف باليد فأنا كيف ماقلت لكم اتفقت مع واحد السيدة متمرسة فالمساج بالايد كتجي عندي للدار لمدة ساعة وكنشري انا زيوت خاصة للمساج اليدوي وهي نوعين وحدة للتنحيف وحدة للسيلوليت وانا كنوع بينهم مرة هاذي مرة هاذي وسعرهم 80 درهم قريعة صغيرة بزاف يعني كتعملي مرتين او تلاتة بالكثير لان القرعة قد الايد تقريبا صراحة غالية ولكني لقيت عليها النتيجة والمساج اخواتي مؤلم بزاف بزاف لانها كتكسر الدهون باليد يعني كتضغط وتقرص الخ لحمي كله زراق وكيضرني ولكني كنستحمل لانه الكسل والعكز هو الي وصلني لهاذ الحاله يعني حتى الخصر مابقاش عندي وطلع لي الجوف ولكن بهاذ المساج والريجيم والرياضة والله البنات الى نتيجة ديال 70بالمية فضرف شهر وشوية فانا كنعمل مساج تلات حصص فالاسبوع نفس اليوم الي تكون عندي فيه الرياضة كنعملو الصباح وكنبقى بهذيك الزيوت في جسمي باش نخليه يستافد منها لاقصى درجة وقبل مانمشي للرياضة كنعمل واحد الكريم لكرشي واكتافي والبلايص الي بغيت نعمل نضعاف منهم والكريم هو ALGOMINCE ومن بعد نمشي للنادي الرياضي نعمل رياضة ساعة والالات الرياضية نص ساعه يعني ساعة ونص تقريبا ونرجع لداري نرتاح ونغسل مزيان لحمي باش المسام مايتسدوش بالكريمات والزيوت كنستعمل كيس حرش شوية وقبل مانعس وانا جالسة مرتاحة ناخذ كريم لوريال راني غانحط صورته وهو فيه راس ديال المساج وحتى هو كيقسح كنعمله غير لدراعي من التحت ونعمل لراسي مساج شوية بشوية حتى كنعيا ونوض ندهن كرشي بكريم ليراك راني حطيت صورته هوما كاتبين صباح وعشية وانا نهار مايكونش عندي مساج ورياضة كنعملو حتى فالصباح بحركات دائرية ونحاول نضغط شوية وصافي كننعس ونرتاح صراحة الحوايج كلهم عمرو زيوتات وفراشي ولكني في سبيل الرشاقة ماشي مشكل خصوصا ان راجلي ماكاينش فانا واخده راحتي بزاف وحتى الي راجلها كاين راه الكريمات كلهم ريحتهم زوينه ماعدا ALIGOMINCEمجهد بزاف وهاهي الصور للكريمات والزيوت وكنكرر ان المساج اليدوي احسن من الالات لاني جربتهم بلا فائدة كياخذو للناس فلوسهم وصافي بالنسبة لحصص المساج 90درهم للحصة والزيت من عندي واقل حصص لازم تعمليهم باش تبان لك نتيجة مزيانة هي 10 دالحصص يعني900درهم زائد الكريمات والرياضة يعني ميزانية ولكني ماشي مشكل انا راضية على النتيجة فلوسي كانو كيمشيو غير فالحوايج والخوا الخاوي :Dوهاموما الصور











            تعليق


            • #7
              :dكنطلب من مشرفة القسم الى سمحات تصغر الصور والنص باش مايلقاوش الاخوات صعوبة في قراءة الموضوع وجزاكي الله خيرا البنات الى لقيت تجاوب بالموضوع راني صورت لكم مقارنة بين جوج دالسراول ديالي واحد جديد ديال الرشاقة والثاني قبل شهرين ونص هههههههه بالفرحة شريت 38 وراه دخل بسهولة شديدة ووداعا42

              تعليق


              • #8
                السلام عليك اختي العزيزة
                تبارك الله عليك،انا ايضا كنفكر ننقص من الوزن ديالي.من سمعت تجربة ديالك فرحت لان نساء بداوا كهتموا بشكلهم و بصحتهم،المهم من طولش عليك كنتمن تقلي لي على زيوت و نوع المشروبات الي ستعملت بالاضافة الي نوع الالة الرياضية.
                شكرا مسبقا
                بالتوفيق

                تعليق


                • #9
                  tbarkalah 3lik akhiti

                  تعليق


                  • #10
                    تبارك الله عليك
                    ياريت لو كان عندي غير شوية من العزيمة ديالك





                    Demande de regroupement familial : 04/04/2014
                    Attestation de depot : 07/06/2014
                    Test de francais : 13/06/2014
                    Complement de dossier : 25/06/2014
                    ٍVisite de logement : 27/06/2014
                    Avis favorable: 25/09/2014
                    visa : 22/10/2014

                    تعليق


                    • #11
                      تبارك الله عليك و بالتوفيق



                      تعليق


                      • #12
                        شكرا البنات على التشجيع mounia 85 حددي لراسك هدف ولو تلاثه كيلو تنقصيهم كيف ماانا عملت ومنين تنقصيها غادي تشجعي وشوفي لك شي نادي رياضي مشهورة بالجدية باش تلعبي مزيان وتشجعي انا كنت فالاول فواحد الصالة مشهورة وماعجبنيش الحال فيها بزاف بنات ماعندهم علاقة بالرياضة غير كيضيعو الوقت والصالة مامهوياش مزيان والحمامات موسخة مع انها مشهورة وطلعت اول اسبوع وسمحت فالشهر والاسيرانس لانه انا كيهمني نربح هاذ الساعه دالرياضة ماشي نلبس ونتمكيج ونلبس الذهب باش نتكبر على باقي النساء الي معايا فالصالة ونوريهم مفاتيح السياره خخخخخ راه الحماق هذا دابا دخلت فصالة اخرى والله الى الزيت كتخرج منا من كثرة الحركات والمجهود وعندنا مدربة صغيرة وتبارك الله اعليها متمكنة والصالة مهوية بزاف ونقية. البنات نصيحة عمركم ماتدخلو صالة رياضية في الطابق التحتي الي هو sous sol اولا العواميد والساريات مايخلوكش تابعي المونيتريس مزيان ثانيا الهواء النقي ماكاينش مزيان والرطوبة خايبة ديما الريحة خانزة كاينة لانه كتكون مركز القوادس ديال العمارة كلها فهمتيوا؟
                        انا اختاريت صالة واسعة جديدة الالات الرياضية جديدة وتستعمليهم عادي بنفس سعر الاشتراك الشهري لانه الصالة الاولى كيقولك كل الة رياضية تستعمليها لها سعر خاص تدفعيه غير عن المبلغ الانخراط الشهري يعني السير الكهربائي مثلا ربع ساعة بتلاتين درهم والحماق هذا واش انا غانشريها ؟الطمع لاحول ولا قوة علاش كنعاودليكم هاذشي باش تعرفو تختارو ديرو الرياضة الي هي الهدف واذا عرفتو تختارو الصالة الرياضية راكم غادي ترتاحو نفسيا وتبقاو تسناو فوقاش يوصل وقت الرياضة اما الزيوت والكريمات راني حطيت اساميهم مع الصور بالتدقيق

                        وشكرا ايضا للاخت DONYA63 ونتمنى للاخت gizoulaالعزيمة نفضو اعليكم العكز راني دابا عاد جيت من الصالة ومسخسة ولكني مرتاحة نفسيا ودخلت نجاوبكم ونشجعكم حرام نخليو البدانة تفترس شبابنا واجسامنا وتجيب لنا الأمراض المزمنة الله يحفظ ونتسنى باقي التشجيعات والمداخلات والي عندها تجربة ايضا تشجع الباقيات

                        تعليق


                        • #13
                          اختي واش الصدر كان عندك كبير وواش مترهلش لاني بغيت ندير الريجيم و خفت لا يزيد اترهل واش الا دهنتو بزبت المرمية والزيت الاخر اللي قلتي يوميا مغاديش يترهل
                          [

                          تعليق


                          • #14
                            مشكوووووور والله يعطيك الف عافيه

                            les produits ma3amri chafthoum fi maroc mnin khditihoum
                            charhilina ache howa rigime li darti
                            merci

                            تعليق


                            • #15
                              اختي ام عبد الرحمن تأكدي بلا اذا عملتي الريجيم ودهنتي جسمك كل يوم وعملتي شوية ديال الرياضة راه ماغايترهلش الصدر ديالك اختي أنا صدري كبير بالنسبة لحجمي ولكني ماترهلش زيادة عن الترهل القديم لأني كنعمل الرياضة و أنا اصلا عندي ترهل قديم لاني غلاضيت وضعافيت مشحال من مرة في سن البلوغ ديالي يعني بالمغربية فضت مرة وحدة وعملت ريجيم نقصت وماكنتش نعرف باللي لازم ندهن لحمي باش مايترهلش وفهاذ المرة بقا صدري عادي كيف ماهو مانقصش بزاف الا الجناب طبعا يعني السوتيان المحيط صار صغير شوية le tour أما le bonetفماتغيرش كنتمنى فهمتي القصد وزيت المريمية عاد بديت نستاعملو مع زيت اركان ولقيت فرق في الجسم ولكن ماشي في الصدر بصراحة وراني كنقلب على شي كريم او وصفة لاني سمعت بكريم شكروهلي واخا غالي غادي نستعملو قريب ونقولكوم اعليه زيت المريمية للاشارة هو للخطوط البيضا والتشققات وماشي للترهل هاذشي الي قريت والله اعلم

                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X