إعـــــــلان

تقليص
لا يوجد إعلان حتى الآن.

لكل من عانت اولا زالت تعاني من بومزوي

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • لكل من عانت اولا زالت تعاني من بومزوي

    السلام عليكم ورحمة الله وبركاته

    اخواتي الانيقات اليوم بغيت نديرو هنا تجمع للبنات اللي فيهم بومزوي او اللي سبق كان فيهم

    للاشارة اللي فيها بومزوي ما يمكنش ليها تقضي على النحافة حتى تداويه وتشافى منه

    واللي بغات تعرف واش فيها بومزي او لا خصها تنعس على ظهرها ودير يدها فوق السرة
    ويلى حسات بواحد العرق تاينبض
    تعرف بلي فيها بومزي

    ومن بين العلامات ديال اللي فيه بومزوي الخفيف هي انك كاتاكلي بزاااف ودغيا كايدرك الجوع

    واخا تاكلي ماكيبانش فيك

    وايضا ايلى مشا حتى جاك جوع وماكليتيش كاتعصبي

    وكذلك العيا بمجرد انك طلعي في الدروج كاتحسي بلعيا والسخفة

    اما اللي فيه بومزوي مجهد
    تايبغي ياكل وما يقدرش واخا نتي فيك الجوع والاكل قدامك مكتقدريش تاكلي
    و كايجيك الوجع فوق المعدة وتولي عصبية بزاف

    هو اغلبية دالناس فيهم بومزي ولكن فيه درجات
    واللي بغات تغلاظ خصها ولابد حتى داويه عاد تصحي
    وميمكنش ليك تغلاضي وانتي مريضة بيه


    من بين العلاجات انك تاخدي الحلبة وتـــgليها وطحنيها وتاخدي الشيح تغسليه وتنشفيه فالشمس وطحنيه وتخلطيه مع الحلبة وتاكلي ملعقة فالصباح
    وفي اوقات الوجبات قبل الاكل

    ايضا خصك تنقصي من السكريات والحلويات

    يالله البنات بغيت نشوف التفاعل ديالكم مع الموضوع
    وللي كان فيها بومزوي وداواتو تقول لينا العلاج اللي دارت

    في انتظار الردود
    :);)
    بدئنا المنافسة يوم الجمعة 18 يونيو 2010






    سبحان الله وبحمده عدد خلقه ورضا نفسه وزنة عرشه ومداد كلماته

  • #2
    اهلا اختي omama نورتي الموضوع اختي جربي داك الدوا اللي كتبت ويا ريت يدخلو الاخوات ويزيدو يفيدونا
    حيت قبل تحدي النحافة يجب اولا القضاء على بومزوي
    بدئنا المنافسة يوم الجمعة 18 يونيو 2010






    سبحان الله وبحمده عدد خلقه ورضا نفسه وزنة عرشه ومداد كلماته

    تعليق


    • #3
      اختي شكرا لك على الموضوع الرائع والله ينجينا ويشافي لي فيه




      تعليق


      • #4
        العفو اختي سفيرة الاناقةوالله يعافي الجميع
        بدئنا المنافسة يوم الجمعة 18 يونيو 2010






        سبحان الله وبحمده عدد خلقه ورضا نفسه وزنة عرشه ومداد كلماته

        تعليق


        • #5
          الله يجازيك بخير حتا انا فيا مواصفات بومزوي الخفيف نسأل الله السلامة و لكن الدواء لي قترحتي قاسح ههه حلبة و شيح الله المستعان
          اللهم إني أعيذ جنيني بكلماتك التامة من كل شيطان و هامة ومن كل عين لامة

          اللهم أسعد المسلمات بالذرية الصالحة


          تعليق


          • #6
            اهلا بيك اختيام جويريةهو ما قاسحش بزاف غير خصنا نزعمو شحال هادي تانقول الريحة دالحلبة والمذاق ديالها ولكن اختي الصحة هي الاولى الماء والصابور والعطر يخلصنا من ريحتها اما المذاق خصنا نصبرو ليه ويلى ولفتيها غاتجيك عادية
            سوليني انا اللي عمرني كنت نتوقع بلي يجي شي نهار اللي ناكل فيه الحلبة هههههههههه
            بدئنا المنافسة يوم الجمعة 18 يونيو 2010






            سبحان الله وبحمده عدد خلقه ورضا نفسه وزنة عرشه ومداد كلماته

            تعليق


            • #7
              انا ختي فيا مواصفت بومزوي الثقيييييل
              حيت انا تنكون فيا الموت ديال الجوع والشهية باش ناكل واالو مكينااش +كرشي كتبقى تهز بزااف هداك العرقق بلا منحط اديا كنشوفو غير بالعين كيف كيضرب
              ولكن معمرني صراحه معرفت بانهو هو الشبب في النحافة ديالي
              ونيت مخليت مادرت والو
              وشكرا اختي على الموضوع والله ستفدت منو بزااف

              تعليق


              • #8
                حتى أنا زيدوني معاكم،راه فيا،و يالله باش اكتشفتو،مشيت عند طبيبة على موضوع آخر وهي تجبدولي قالتلي فيك بومزوي،عليها كتعصبي بزاف وكتجيك السخفة،يلا درت أقل مجهود كنعيا.الله يشفينا جميعا

                تعليق


                • #9
                  الله يشافيكم ويشافيني معاكم

                  انا كان فيا بومزوي تقييييييل لي بحال لي وصفتي كنشوفوا بالعين بلا ممنحط يدي اما الا حطيتها بحالي قلبي ف كرشي

                  اوا ومشيت لمكناس عند واحد صحراوي تيحيدوا من الصبع الكبير لليد تيجروا وتيحزم ليك يديك حتى يتيحد 3 ايام على الريق تمشي

                  انا مشيت متاخرة قال لي لازم ترجعي حيت فيك قديم هو نقص شوية وشريت فواتح شهية ملي شفت راسي بدا يمشي

                  وقال لي لازممتوضاي بالماء البارد او تشربيه

                  ومع الوقت كنتعصب ورجع ليااااااا وكنقرا عليه دعاء شفاء او كنددير ليه لكديرة فوق كرشي باش يمشي ليا حيت هاد صحراوي دار لي بحال الحجامة الجافة او بحال الكديرة

                  لي بغات تحيدوا تسول على اللي تيحيدوا من اليد اما تكويه بالنار انا جربت الكي والواا بلا فائدة والله
                  حسبنا الله سيؤتينا الله من فضله إنا إلى الله راغبون ""والله متى ما دعوت الله به بصدق و أنت في مأزق إلا وجاء الفرج من حيث لا تعلم



                  يا ربي احفظ لي بنتي وشافيها شفاء لا يغادر سقما هي والاطفال المرضى قولو اميييييييين

                  تعليق


                  • #10
                    السلام عليكم ورحمة الله وبركاته
                    اهلا اختي tazrzite
                    قولي لينا اش من فيتامينات استعملتي
                    بدئنا المنافسة يوم الجمعة 18 يونيو 2010






                    سبحان الله وبحمده عدد خلقه ورضا نفسه وزنة عرشه ومداد كلماته

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X