إعـــــــلان

تقليص
لا يوجد إعلان حتى الآن.

طلب من كل عضوة نجحت في إنزال الوزن ديالها

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • طلب من كل عضوة نجحت في إنزال الوزن ديالها

    السلام عليكم أخواتي
    باش نستفد من تجاربكم الشخصية الناجحة بالخصوص كانطلب من أي أخت تمكنت من إنزال وزنها بدون ما ترجعه من بعد تفيدني أش دارت و في شحال ديال الوقت زولات الفائض ديال الكيلويات هههههه.
    شكرا لكل من قرأت موضوعي و لكل من أجابتني.

  • #2
    كاع هذه المشاهدات و لا جواب ؟؟؟ زعما بوحدي عندي مشكل الوزن :s5334: كلشي SVELTE هههههههه :s5334:

    تعليق


    • #3
      هههه لا أختي مشي كلشي ضعيف حتى أنا كنت تبركالله كيلوات هذا كنت كنوزاً ٨٤ كغ لكن بديت كندير وحد رجيم سهل هو أنك متكليش حتى أتشبعي كنت كنشرب ألم بزاف قبل من المكلا انكل أي حاجة بنهر ر منكترش أفليل مكنتعشى غي تفاحة ولا كاس لحليب أبعد من المعجنات أسكر ازيت ديري زيت بلدي كتري من شلادة أدري فيها خل اتفاح أكنت كنشرب كاس ألم دافي فصباح أقبل من لفطور أعصر الحامض مرة مرة أدب راني كنوزن ٢ سنوات ٦٦ كغ مبقتش كنغلاض بزاف المهم هو الحكمة فل أكل بلقيس عودي راسك أعليه فلبدية


      تعليق


      • #4
        السلام عليكم
        أختي انا غادي نقولك اشنو درت
        اختك كانت كاتوزن 85 كيلو
        ايوا ضراتني ركبتي واحد النهار مشيت للطبيب وقالي راه داك الكروش ديال الركبة بديتي كاتضغطي عليه
        راه ماعندكش الحل الا الضعف
        ايوا من هاديك درت عقلي وقررت صافي باش نقص شوية
        المهم شنو درت؟
        سقطت الخبز والطحين والمقرونية:s4596: :s8476::s4378:كلشي هادشي سقطته من ماكلتي
        يعني ممكن ماناكلش الخبز اسبوع كله غير طريف صغيرررررر
        الا تشهيت شي حاجة كناخد منها شوية فقط
        ودانون عطيتو قتلة
        وعوضت بالشلاضة مرة نديرها بالطون مرة بالدجاج كل مرة وشنو
        المهم كانشبع كرشي غير خضرة وفاكهة ودانون
        عرفي بديت في شهر دجنبر 2009 وفي أبريل 2010 لقيت راسي طيحت 10 كيلو في حين انني 8 سنين ما طاح مني كيلو
        ودابا زدت طيحت 3 كيلو
        المهم راكي كاتطيحي ببطئ ولكن اللهم العمش ولا العمى
        غير صبري والله الا غادي تحسي براسك خفيفة وغادي تفرحي منين تلقاي حوايجك ولاو كايطيحو ليك
        الله يعينك ان شاء الله ويعين جيمع الأخوات
        تحياتي




        رَبِّ لَا تَذَرْنِي فَرْداً وَأَنتَ خَيْرُ الْوَارِثِينَ





        تعليق


        • #5
          السلام عليكم
          بالنسبة لي عاد بديت الريجيم درتو من راسي بالحق مع لاصال كل يومين نمشي ونتوزن نلقا كيلو ولا 2 ناقصين وبالنسبة للريجيم مناكلش مورا 7 كحد اقصى والما كنشربو بزاف بديت هادي شي شهر وكلشي لاحظ انني رجعت لطبيعتي حيت انا غلاضيت بواحد الدوا
          شوفي انتي شنو يريحك اه ومبقيتش نمشي نتقدى حيت ضروري نشري مقادير الحلوات اللهم لاعين شافت لا قلب وجع هههههههههههههههه
          كلمتان خفيفتان على اللسان ثقيلتان في الميزان حبيبتان الى الرحمن
          سبحان الله وبحمده سبحان الله العظيم

          تعليق


          • #6
            شكرا لكم أخواتي على الإهتمام تبارك الله عليكم و على عزيمتكم. أنا دروك كاندير الرياضة ثلاث مرات في الأسبوع و لكن هذا الشهر اللي جاي كاتسد لا صال إوا خفت كاع اللي طيحت نردو ههههه، زعما راه تجمع ليا الجسم مزيان بالرياضة و حتى الوزن نقص و كل من شافني كايفرحني ههههه.
            ما عنديش بزاف مع الحلويات و السكريات كانفضل المالح و اللي خارج عليا هو الخبز و الطويجنات ههههه. بالصح نقصت الكمية اللي كنت ناكل من قبل القهوة وليت ناخدها بدون سكر و حتى العشاء قليل فاش ناكله إذا كانت شي شهيوة ما قدرت نصبر عليها و إذا تشهيت شي حاجة ناخد منها شوي باش ما يجينيش شي إكتئاب هههههه. إوا لاباس ملي كاينين دبيبيزات بحالي تخلعت فاش ما جاوبتني حتى وحدة ههههههه.
            غادي نستفد أكيد من تجاربكم الناجحة الله يجازيكم بخير أخواتي الرشيقات ههههههه إوا راه وليتو رشيقات دروك تبارك الله عليكم.

            تعليق


            • #7
              اما اناكنت كنوزن 92اما الان 75كيلو وهدا بفضل واحد البرنامج في الراديو بلا مانطول عليكم في الفطور مع السابعة ناخد كاس القهوة مخلطة مع الحليب و100غ الخبزومعلقة صغيرة الزيت العود وفي العاشرة كاس الحليب بدون دسم او دانون مسوس اواي فاكهة ما عدا البنان و لافوكا وفي الغداء شلاضة مخلطة ماعدا البطاطس والجلبانة واللوبية والروز وشوية اللحم او الدجاج اوالحوت مبخر 100غ الخبز والا عييت من شلاضة تندير مرقة فيها اما خيزو او ليشو او اللفت كل الخضر ماعدا البطاطس واللوبية والجلبانة ومعلقة صعيرة الزيت وفي الرابعة ناخد اي حاجة من مشتقات الحليب بدون دسم او اي فاكهة وكدلك شرب الماء قبل اي وجبة بنصف ساعة ام في السادسة ناخد شربة الخضار حتى نشبع وفي الثامنة ناخد اي فاكهة اوشيء من مشتقات الحليبوفي كل مرة احس بالجوع اخد خيار او ليمون او اي فاكهة ماعدا البنان اولافوكا وشرب الماء كثير طبقت هده الحمية في اسبوع كنت كنطيح من كيلو حتى تلاتة كيلواما احمد الله واشكره

              تعليق


              • #8
                شوفي أختي أنا طيحت 5 كبلو فشهر واحد و محرمت راسي من حتى حاجة و الطريقة درتها من راسي .
                كناكل الخبز كيما بغيت و لكن ديال القمح كنعجنو فالدار و حتى الطويجنات غير كنطيبها بالزيت البلدية و كترت الفواكه و السلطات و الخضار مفورة فالعشا .وقفت كلشي مقلي و عوضتو بالمشوي فالفران أما الحلويات حتى هي متحرمتش منها مرة مرة كندير شي حليوة خفيفة و ميكونش فيها الزبدة كيكون فيها غير شوية ديال الزيت أما الفرماج و الحليب و مشتقاته لازم تكون قليلة الدسم و نزيدك هاد المعلومة كل نهار كنشرب على الريق معلقة صغيرة ديال زريعة الكتان مع كاس صغير ديال الحليب قليل الدسم راه معروفة باش كطيح الوزن و كنمشي نص ساعة فاليوم كان وزني 75 صار 70 الحمد لله و باقية ماشية على نفس النظام .
                جميل أن تزرع وردة فى كل بستان لكن الأجمل ان تزرع ذكر الله على كل لسان

                تعليق


                • #9
                  انا راني الان نوزن 100كغ ولكن المشكل انني اشرب الماء بزاف ....واش ممكن يكون هو السبب؟
                  ساعدوني ........

                  تعليق


                  • #10
                    السلام عليكم
                    والسلام الخاص الى طارحة الموضوع
                    المهم انا ما غلاضة الحمد لله
                    وفرمتي راضيا عليه وراضي عليها را.............
                    وهدا كيجعلني كنوضب على المشي يوميا لمدة ساعة في اليوم الا السبت والاحد
                    ولكن في هده العطلة تكسلة شوية
                    وخصوصا انني الان مسافرة
                    ولكن ما يجعل المراة تحافض على رشقتها هو عدم العشاء او ربما العشاء قبل النوم ب3ساعات تقريبا
                    وان كندير الكدي مع 6 وهدك هو عشاي ولاكليت من وراه كيكون غير دانون ولا شي فاكهة
                    حببتي بصحتك الفورمة الجديدة ههههههههههههههههه
                    وعطلة مباركة سعيدة
                    يا رب ♥ إن كان هناك ذنـــب ♥ ... يحـــول بيني وبين رضــــآكـ♥ ............ فـ أبعـــده عني و ابعدنـــي عنه♥ و اغفـــــــره لي يَا اللـہَ ♥ اللهم إنك أعطيتنا الإسلام من غير أن نسألك♥ فـلا تـحـرمنــــــا الجـــــنــة ونـحن نســـــألك






                    فهرس وصفاتي مصور إهداء للجميع **متجدد بادن ** الله

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X