إعـــــــلان

تقليص
لا يوجد إعلان حتى الآن.

تجمع الرقيوقات لصيف 2010 لتحدي النحافة ** الجزء التاني** المرجو التثبيت

تقليص
هذا الموضوع مغلق.
X
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • تجمع الرقيوقات لصيف 2010 لتحدي النحافة ** الجزء التاني** المرجو التثبيت




    السلام عليكم ورحمة الله وبركاته
    حبيباتي كانرحب بيكم فموضوعي في جزئه الثاني وكانتمنى نغلاضو كاملين وكل وحدة
    توصل للهدف ديالها

    هذا رابط الجزء الاول

    هنــــــا
    هنا غادي تلقاو الوصفات اللي غاتحتاجو وبعض المعلومات باش يسهال الوصول ليها بلا ما تبقاو تالفين مع الصفحات
    ملحوظة التسجيل انتهى
    ولكن سواء كنتي مشتركة معانا اولا فالاستفادة للجميع

    كيفما خبرتكم فالجزء الاول اني مسافرة ياذن الله ولكن ماغاديش نطول وصراحة غنتوحشكم بزاااااف
    الاخت علية88 هي اللي غادي تنوب عليا فغيابي وتقوم بتعديل وزنكم الجديد فكل جمعة حتى نجي
    وديك الساعة نخبركم بوزني الجديد وراه غانبقى مستمرة فوصفة الحلبة وحبوب اللقاح والعسل
    ان شاء الله

    هادا الجدول ديال المشتركات




    اختي علية88 اليك رابط تحميل الجدول لكي تستطيعي تعديل النتائج

    http://www.herosh.com/download/47405..._____.doc.html

    لمعرفة وزنك المثالي

    http://www.mapara.ma/mag/fr/page-204268.htm




    اسباب النحافة (ضروري الاطلاع)


    اول شي نبداو بيه هو تعرف كل وحده فينا شنو السبب وراء النحافة ديالها سبحان الله ديما ملي كاندخل لشي موضوع على زيادة الوزن
    كانقز الاسباب دالنحافة ونمشي ديريكت للوصفات نقراهم
    وبعد عناء طويل واحد المرة صدفة لقيت واحد البنت قالت بلي اللي فيها بومزوي عمرها ما تربي الصحة
    ومشيت نشوف واش فيا لقيت العرق فوق السرة ينبض بالجهد
    من تماك مشيت مسدتو وكويتو

    ولكن صادفني مشكل اخر هو التوكال هو نوع من السحر الماكول تايكون فالمعدة شي مادة سامة مايمكنش تخرج

    الا بالرقية الشرعية او اعشاب خاصة
    ودرت الرقية الشرعية وليت لا باس الحمد لله بعدا ملي درتها تزاديت 2 كيلو بدون اي وصفات
    وزيد على الاسباب النفسية ديالك ايلى كنتي كاتعصبي بزاف وما مرتاحاش خصوصا بسبب الدراسة والامتحانات او مشاكل عائلية
    دابا العطلة هادي ماكاين غير الراحة وخصك تجنبي العصبية
    راه كاتشرف دغيا هههه
    خلاصة الاسباب

    1 بومزوي
    2 التوكال
    3 العصبية

    الحل 1 ايلى عرفتي شي وحدة تمسدو ليك ايلا ما عرفتيش خصكي تاخدي الحلبة تgليها وطحنيها وتاكلي منها ملعقة فكل وجبة
    وضروري تقللي من السكريات ممنوع بيمو والفانيد والمسكة وكترة الحلويات
    الشيح حتى هو نافع لقتل ديدان البطن تاخدي منو شوية طبخيه في الماء وتشربيه مرة مرة
    الحل2
    التوكال كاين العيالات اللي ايداويوه بالاعشاب كاتعطي اعشاب اللي تغسل الكرش وتخرج التوكال
    وكاين علاج الرقية الشرعية كاتشربي لتر ماء مرقي على الريق في الصباح وترديه مدة 3 ايام
    وتاخدي السنا مطبوخة في الماء كادير الاسهال اذا ماخصكش تخرجي من البيت وماتخلعيش ايلى كان الاسهال بزاف امر عادي حيت كرشك كاتنقى من السموم اللي فيها
    الحل 3 تفادي النقاشت الحادة وخليك مبردة الاعصاب ديالك وعطي الخاطر لراسك




    وصفات طبيعية لزيادة الوزن


    نجيو دابا للوصفات
    اكثير من الانظمة الغدائية والوصفات كاتكون فيها كثرة السكريات واحنا كانعرفو بلي السكر غير صحي وعنده مخاطر كبيرة
    اذا السكر والملح خصنا نكونو معتادلين فيهم ما نزيدو ما نقصو
    والشكلاط حتى هو كاينشف الكليتين وكنتيجة الوجه كايكحال وهادشي عن تجربة وكلشي عارف
    اما الفانيد والسيرو فاتح الشهية فكلها مواد كيماوية ما عرفناها باش مصنوعة
    اللهم حاجة صحية وطبيعية وموجودة فكل بيت والناس اللي تايعرفو الصح وتلقايهم غلاض وصحاح كايستعملو الحلبة وهي بوحدها معمرة ليا عينيا وكافية الى تبعتيها
    غادي تشوفي النتيجة بعينيك وزيادة على ذلك المنافع ديالها كثيرة وتصفي الدم والبشرة
    الوصفة هي
    تاخدي 2 معالق كبار من الحلبة ديريها فكاس ديال القهوة تعمريه بالماء حتى للنصف تخليه ليلة كاملة ترقد فيه الحلبة
    وفي الصباح تصفيها وتشربي داك الماء على الريق سدي نيفك وعينيك وشربيه فخطرة هههه هكاك كاندير
    من بعد تاخدي يا لالاة شوية البصلة وماطيشة مقطعين وقليهم مع العطرية وزيدي ليك الحلبة اللي رقدتي وخليها شوية من بعد عجبك تاكليها هكاك او تزيدي ليها البيض وكولي بالصحة ووالراحة
    هادي هي الوصفة الاساسية اللي بيها غلاضيت 3 كيلو فاسبوع
    وتقدري متلا الى صايبتي الحريرة كيما كانت تزيدي ليها شوية الحلبة كاتجي فنة
    وملي يشيط الخبز ديال الدار تصايبي الرفيسة العمية هههه المهم الحلبة
    ودابا نتي جالسة غير فالدار الى فيك الريحة دوشي وعطا الله البارفانات

    الغدا خص يكون متنوع فيه السلطات واطباق متنوعة باش تاكلي مزيان حيت الى كان طبق واحد غادي تملي وما غاديش تاكلي حتى تشبعي
    *بين الوجبات كولي دانون او مكسرات او بنانة اللي كاين المهم هو تاكلي
    *نصيحة الانظمة اللي شفت ديال زيادة الوزن كايقولك غير تعشاي وتنعسي وهكا كاتخرجي على المعدة
    الاصح تعشاي كيفما موالفة وحاجة خفيفة
    الفطور والغدا والميرندا اللي خصكي تاكلي فيهم مزيان

    من بين الوصفات كذلك اللي كاتساعد على زيادة الوزن واللي وقتما عجبك تصايبيها
    ومنها
    البيض مصلوق
    بطاطس مسلوقة بوريه
    البنان كيفما بغيتي اما عصير او كوليها هكاك اللي عجبك
    الى ما عندك ما ديري خودي ليك الروز والرايب
    والزميطة



    حبوب اللقاح



    فوائد حبوب اللقاح:

    تعتبر حبوب اللقاح هى الأكثر قيمة غذائية بعد عسل النحل وتستعمل فى :

    تحسين القدرة على الانجاب و القضاء على الاجهاد

    تقوية الكبد و حجز السميات و حماية الكبد من التليف و التلف لإحتوائها على
    ( حمض الجلوتاميك )

    منع التوتر العصبى وامراض البروستاتا

    تحسين القدرة على الانجاب و القضاء على الاجهاد وازالة جميع الاعراض اثناء فترة الدورة الشهرية

    يقوى اجسام الاطفال و الشباب والكبار و يمدهم بالفيتامينات و الإنزيمات و العناصر المعدنية الهامة

    علاج البواسير و ضعف الأوردة و الشعيرات الدموية لإحتوائها على
    ( روتين ـ بيوفلافينودات )

    منع ترسب الدهون بالكبد و إزالة الكولسترول و التخلص من الدهون الزائدة بالجسم لإحتوائها على
    ( اليسين )

    التخلص من الدهون المترسبة و المتجمعة فى الخلايا الكبدية لإحتوائها على
    ( انوسيتول ـ نياسين ـ حمض الفوليك )

    إعادة بناء و تقوية جهاز المناعة لإحتوائها على
    ( فلافونويد ـ حمض السيناميك )

    للحصول على جلد رقيق املس للنساء

    علاج عسر الهضم والهزال و النحافة

    علاج امراض الشيخوخة و فقر الدم و زيادة مقاومة الجسم للنزلات الشعبية والأنفلونزا

    تساعد على فتح الشهية وتنظيم عملية التحويل الغذائى بالجسم

    علاج التهاب البواسير و مفيد لصحة النساءالحوامل والاجنة

    الوقاية من تأثير الإشعاع على الجسم و الدم لذلك تستخدم فى علاج لحامين الكهرباء و الأرجون و فنيين الأشعة و العاملين على أجهزة الكمبيوتر حيث .

    انها تقوم باختزال آثارالآشعة الصادرة من الاجهزة لاجسامهم حتى لا يتعرضو للاصابة بالخلايا السرطانية بالدم او العقم

    مفيد للمرضى الذين يعالجون بالادوية المشعة حيث ان حبوب اللقاح تختزل آثار الإشعاع على الدم و الجسم

    مفيد للمرضى المعرضين للكشف الدورى بالأشعة

    علاج الجروح و تجديد الجلد المحترق

    علاج التهاب الامعاء دقيقة و زيادة كرات الدم الحمراء ورفع نسبة الهيموجلوبين

    وقاية اجسام الاطفال من تاثير البول

    تساعد فى شد جلد الجسم وتنعيمة ومنع خلايا الجلد الميتة من التساقط

    تستخدم حديثا لعلاج الحالات النفسية والانهيار العصبى والاضطراب

    علاج نزيف ملتحمة العين

    منع النزف الداخلى الذى يصيب المصابون بارتفاع الضغط والسكر

    يقوى المعدة ويحفظها من الرطوبة و يقوى الامعاء

    مفيد جدا لحالات العقم عند النساء

    علاج امراض نقص الحديد التى تسبب الارهاق والصداع وتشقق الاظافر وزيادة القابلية للعدوى خاصة بالبرد

    هادي البكية ديالهم


    وهاهي القريعة اربي شوفو قداش وكادير 25 درهم ههههههههه





    فوائد الحلبة




    لقد قيل في الحلبة " لو علم الناس بما فيها من فوائد لاشتروها بوزنها ذهباً". كما قال العالم الانجليزي كليبر "لو وضعت جميع الأدوية في كفة ميزان ووضعت الحلبة في الكفة الأخرى لرجحت كفة الميزان.

    - تستعمل الحلبة مشهية إذا أخذ منقوعها "ملعقة أكل في ملء كوب ماء وتنقع لمدة ساعتين" وتؤخذ قبل الأكل مباشرة مع العلم ان هذا النقيع يقوي المعدة ويسهل عملية الهضم.

    - إذا أخذ مقدار كوب من نقيع الحلبة على الريق فإنه يقتل الديدان المعوية بمختلف أنواعها.

    - لقد استخلص زيت الحلبة في مصر لأول مرة وظهر من التجارب العملية انه إذا أعطي للمرضع 20نقطة ثلاث مرات يوميا فإن حليبها يتضاعف ويزداد حجم الأثداء وتنفتح شهيتها للأكل.

    والحلبةى يمكن أن تؤكل مطبوخة للتغذية وفتح الشهية ولزيادة الوزن , كما يشرب مغليها حيث أنه ينفع في بعض الإضطرابات المعدية والصدرية ..... كما تعطى للفتيات في زمن البلوغ لتنشيط الطمث , وكذلك لفقر الدم ولضعاف البنية والشهية وللنحفاء .

    وكاين فوائد اخرى اختاريت منهم غير هادو اللي كايهمنا بزاف


    طريقة تناول الحلبة

    ترطبيها فالماء فالليل وفالصباح تشربي داك الما على الريق
    والحلبة طيبيها مع البصلة ومطيشة والى عجبك زيدي عليها البيض



    يــــــتبــــــــــع
    ارجو عدم الرد الى حين الانتهاء من كتابة الموضوع


    بدئنا المنافسة يوم الجمعة 18 يونيو 2010






    سبحان الله وبحمده عدد خلقه ورضا نفسه وزنة عرشه ومداد كلماته

  • #2
    نتابع دائما مع الوصفات الطبيعية

    وصفة مايا 04

    المشاركة الأصلية بواسطة مايا 04
    بسم الله الرحمن الرحيم
    استسمح للاخوات ايلا تاخرت راه مللي صبح الله وانا فالخدمة حتى ل 6 و نص د الليل, مع المواصلات الزينة ديال الرباط و سلا !!!!!!!!!! مكنوصل لدار حتى كنحماق, عاد لحماق دتوجاد العشا و استقبال الزوج ووو...........الخ المهم عدروني و صافي
    ايوا وجدو ورقة و قلم. نبداو بسم الله.
    -ملاحضة: استعمال جميع المواد متغفلو حتى حاجة-
    اللي بعبار كاس العنبة :
    النافع + الزنجلان+زريعة الكتان+الحلبة *نص كاس*+القرفة-ربع كاس*+الان*نص كاس*+السانوج*نص كاس*+ حب الرشاد *نص كاس*
    اللي بعبارزلافة :
    زلافة حمص محمر+ز. لوز+ز.كاوكاو+ز.كركاع+ز.طحين محمر+ز. زبيب اللي بلا نواة+ز.
    المقادير كلها خاصها تكون محمرة فالمقلاة و عنداكو تحرقوها باش متجيش فيها المداق دالحراق
    هادشي كامل غتجمعيه بالعسل المزيان -يعني ماشي اللي مصاوب فالدار ديال السكر حيت كيخصر الخلطة-استعملو عسل الزمامري او اي نوع مزيان و شوية زيت العود او اركان و حك نستله باش كيهرس الجهد ديال المداق.اه نسيت و 3 معالق كبار ديال الزهر.
    وكتجمعو الخلطة و تعملو كويرات و تاخدو التمر المزيان مسحوه و عمروه بداك الكويرات يعني كل تميرة و فيها كويرة.
    و تبداي تاخدي 2 على الريق قبل لفطور بشي نص ساعة مع كاس حليب.
    هي كاين اللي غاتجيها مجهدة الطيبة لكن تيقو بيا راها صحية
    واحد البنت زادت السيرو د الشهية و 2 باكيات من نفس النوع -كينات-طحناتهم و ضافتهم للخلطة ولات غزالة تبارك الله دابا راه تزوجات.
    لكن انا كنفضل المواد طبيعية
    غتبداي تغلاضي من لحناك-كانو مالين الدار مسميني نانسي عجرم هههههههههه-
    من بعد الصدر تم المؤخرة و نتي غادا
    و كل وحدة عاود و التكوين ديالها المهم راحت الباااااااااااال خويو راسكم.
    و زيادة على هادشي كلو كيف ما قالت لي السيدة الله يجازيها كنت كناكل البيسكوي بزاف كل نهار 2 او 3 و الشيبس او فريت و معقودة ديال البطاطا فالخبز اولا كنصلق بطاطا و نزيدها مايونيز و ناكلها ,حاولي كل نهار + كتري من ليباط بالفروماج و الشكلاط ماروخا , بعد المرات كنت كنبزز على راسي حيت معدتي صغيرة لكن مع الاكل وسعتها و ولفات الماكلة بزاف...اه بصح معدتك على شنو ولفتيها
    ايوا ولاو مالين الدار كيتخلعو فيا, الصراحة انا ماشي غلاضييييييت بزاف لكن تقاديت الحمد لله و الخاوي عمر و لحنيكات مزنكين ههههههههههه
    ايوا سمحولي ليلا طولت و نتمنى تطبقو هادشي بالحرف و متنساونيش من الدعاء
    و مرحبا باي استفسار و سمحولي ايلا تعطلت راه شرحتلكوم علاش
    و ردو علي الاخبار
    الله معاكم حبيباتي

    رابط تحضير الزميطة

    هنــــــا


    وصفة المحمصة للاخت omama

    الوصفةهي كتطيبي لعدس والفول يابس ومقشر والحلبة فالما ثم كتزيدي لمحمصة هي نوع
    منالمعجنات وكتملحيها وتعطريها وتزيدي شوية زيت زيتون الاعندك وتخليها حتىتطيب وكوليها

    برنامج اميرة الاسبوع الاول salma soso

    المشاركة الأصلية بواسطة salma soso مشاهدة المشاركة
    انا ختي درت قرعة شوكلات فيها حلبة مطحونة +لوز مطحون+زنجلان مطحون+صوجا مطحونة.كنكول 3معلقات في نهار.انا نقول ليكم لبرنامج لي تبعت في صباح كنفطر بماء لحلبة على ريق كنبقى شويا كنشرب كاس ديال لحليب فيه سليلاك او كنفطار عادي الخبز او فرماج او كنفتير شريحة غزال كيفتح شهية او من كنسالي فطور. كناكل معلقة من شوكلاط لي فيه المكسرات او كنمشي لخدمتي عادي كنجي في لغداء فيا لموت جوع ههه كنتغدى مزيان كنبقى شويا كنكول ديسير ديما كنكول بنانة هادي ضرورية ههه او كانكول معلقة عوتاني من شوكلات لي قديت.اوا من كنكون غاديا لخدمة مع 14h30ضروري ندي معيا بيمو ولا شوكلاط ولا كوكاو او لوز لي كان كناكولهم في لخدمة.من كنجي في 7h كنجي كنفكر غي في ماكلة كندير كسكروط مزيان .او في لعشاء كنسلق بطاطا او لبيض ماشي ديما شي مرات كنتعشا بي روز او شعريا.او من نبغي نعس ناكول معلقة من شوكلات لي مصوبا +كاس حليب في سيليلاك .او شي مرات كاس عصير بنان
    اه نسيت ماقلت ليكم هادي دابا شي 4jrs بديت رياضة حينت معنديش لوقت كنديرها من كنجي في 7 قبل مانوكل كيف كنجي كلبس سرفيت او ندير لكيت ديال لبورطابل في ودني او نخادم راديو او نمشي نجري في طريق مرجان كيكون جو زوين كرجاع فيا لموت جوع ههه.او قررت نبقى نديرها 3مرات في سمانة انشاء الله.
    اوا هادا هوا لبرنامج لي درت لحمد لله جاب نتيجا حسن من داكشي لتوقعت
    وصفة الجنجلان

    المشاركة الأصلية بواسطة hour_lwalid مشاهدة المشاركة
    البنات شوفو هاد الوصفة حطاتها الاخت كلتوم



    السلام عليكم ورحمة الله وبركاته

    هاد الوصفة قريتها فواحد المنتدى عجباتني و كتبتها ليكم و انشاء الله غادا نجربها على االله اتزعزع الميزان لقدام شوية هههه:


    لا للنحافه بعد اليوم مافيش صعاقيل

    اخواتي خذو هذي الطريقه والله مجربتها شخصيا ونتيجتها سريعه زدت عليها كيلوين في ثلاثة ايام تطحني فنجان من السمسم ومعاه ملعقتين سكر تطحنيهم ناعم وبعدين تخلطي معاهم ملعقتين عسل اصلي مو عسل الشفاء لا حطي عسل السدر الكشميري ا و الحضرمي المهم نوع ممتاز وتاخذي من هذي الوصفه عشره ملاعق يوميا متفرقه يعني ثلاثه ملاعق الصبح وبعدها كاسة حليب وممكن تخلطيها مع الحليب اهم شي في الوصفه انك تاكلي منها اربعه ملاعق قبل النوم وبعدها كاسة حليب ولما تصحي من النوم ونقلك صباح الخير تاكلي سبعه تمرات على الريق ومعاهم كاسة حليب اي نوع حتى لو بودره واستمري عليها كم يوم وان شاء الله راح تلاحظي الفرق


    وحده من البنات جربتها وبعد اقل من شهر شوفو ايش قالت:


    للأمانه انا استخدمت وصفة السمسم تقريبا ما كملت شهر والنتيجة زدت 6 كيلو و خلاص وقفت الوصفة

    بصراحة اول مره في حياتي احصل شي سحري من جد الحمد لله..شكرا لصاحبة الوصفة
    وصفات todart

    المشاركة الأصلية بواسطة todart مشاهدة المشاركة
    [COLOR=Purple]أنا جبت معيا وصفات جديدة وطبيعية وأكيد مغدش نتخلو على الحلبة كنخدو الحلبة البلدية كنغسلوها من بعد نشفوها فالضل ونطحنوها ونخدو النفع البلدي ونطحنوه ونخلطوه معها ويتجمع الكل بصفار بيض بلدي ويترك يجف تم تشرب كل صباح مع الماء او الحليب[/COLOR]
    المشاركة الأصلية بواسطة todart مشاهدة المشاركة
    الوصفة التانية عبارة عن عشبة تسمى عروق الدرياز والشعير نأخد العروق تغسل وتوضع في كسونة ونضيف لها الماء والشعير يترك الكل حتى يغلى ويطهى الشعير يصفى يترك حتى يجف جيدا ويطحن ويأكل الدقيق المحصل عليه في كأس حليب لمدة 7 أيام فقط أنا لم أجربها لكن أخبرتني عنها الجارة
    من بعد الوصفات نجيو للرياضة باش الجسم يكون متناسق

    هادي اهم الحركات الرياضية اللي خصنا نديروها باش نغلاضو وتكون الفورما غزالة

    لتكبير الارداف


    الطريقه الصحيحة :
    1. يجب ان تكون اليدين والركبتين على الارض


    2. رخى الكتف واضبطى الظهر بحيث يكون وضع الرقبه هو امتداد للجسم وبلا شد للرقبه ولا رفع للرأس مبتذل.


    3. رفع الركبة بالتناوب ,بحيث نعمل تمارين لجهة واحدة وبعد الانتهاء من العدد المفروض من التمارين نبدأ فى الجهة الأخرى بنفس عدد المرات


    4. فى كل تمرين يجب التأكد من رفع الركبه ب 90 درجة حتى تكون درجه قائمة مع طول الجسم.

    عدد التمارين اليوميه:

    1. للمبتدئات 15 مرة يمين و15 مرة يسار


    2. للمتقدمات فى التمرين 30 يمين 30 يسار
















    خصني نشير لواحد القضية قالتها الاخت زينة الابرار الله يجزاها خير
    اللي هي ان هذا الغلض ماناويينش فيه معصية الله
    اللي مزوجة راها بغات ترضي راجلها واللي مامزوجاش تستر راسها حتى يسهل عليها الله
    انا كملت الموضوع نتمى يعجبكم ويا ربي مانكونش نسيت شي حاجة
    راني من الصباح وانا نقاد
    وماشي نمشي وتهربو
    ديروني بحال الى كاينة معاكم وان شاء الله ماغاديش نطول اسبوع باراك
    نتمنى من المشرفات اغلاق الجزء الاول
    في امان الله حبيباتي

    بدئنا المنافسة يوم الجمعة 18 يونيو 2010






    سبحان الله وبحمده عدد خلقه ورضا نفسه وزنة عرشه ومداد كلماته

    تعليق


    • #3
      تبارك الله عليك حبيبتي

      الله يجعلو في ميزان حسناتك و ينفعنا بيه جميعا

      [


      تعليق


      • #4
        سلام اختي نجمة.شكرا على المجهود لي كديري فعلا فكرة زوينة من فتحتي الجزء التاني او جمعتي فيه كل الوصفات.طريق السلامة اختي و خا غادي نتوحشوك بزافففففف
        الدنيا مسألة حسابية ..
        خذ من اليوم عبرة .. ومن الغد خبرة ..
        اطرح عليهم التعب والشقاء .. واجمع عليهم الحب والوفاء ..
        " وتوكل على رب الأرض والسماء "

        تعليق


        • #5
          تبارك الله عليك الله يديك ويجيبك على خير وترجعي لنا بالسلامة وانت الاميرة ديالنا

          ألا بالصبر تبلغ ما تريد ** وبالتقوى يلين لك الحديد

          تعليق


          • #6
            تبارك الله عليك اختي نجمة..ماعندي ما نقول..
            ايوا اش غانكول ليك راني تعبرت الخميس اللي فات لقيت فيا 51,5 ايوا العجب حيت خارجين فيا العضيمات شوية خخخخخ اما واحد النهار قبل الخميس مشيت لسوق و تعبرت فواحد الميزان ديال الورقة و لقيت فيا 53 و الطول 156 سم..ولكن داكشي ماشي صحيح لاني انا فيا 160..انا عندي هاد المشكل ديال الميزانحيت بعيييييد عليا بغيت نشريه ولكن ماعرفت فين و بشحال..واخا هو كايعقد حيت كاتبقاي غير مقابلاه خخخخخخ


            اللهم اغفر لي ما قــدمت و مـا أخرت و مـا أسررت و مـا أعلنـت و مـاأنت أعلـم به منـي أنت المـقدم و أنت المؤخر لا إله إلا أنت

            تعليق


            • #7


              تبارك الله عليك هاد شي منظم ومتول الله يعطيك الصحة على ربي ايكون هاد الجزء فاتحة خير علينا ونسجلو فيه زيادات مبرعة تحية لكل لاخوات المخضرمات والجديدات .الله يفرح كل وحدة بلي كتمنى مدام نيتها حسنة

              تعليق


              • #8
                الله يعطيك الصحة يا نجمة
                ومبروك علينا هاد التجمع الفريد من نوع
                وحتى حنا عنتوحشوك بزاااااااف
                الله يغلضنا كاااااااااااااااااملين



                تعليق


                • #9
                  المشاركة الأصلية بواسطة whiteheart مشاهدة المشاركة
                  تبارك الله عليك حبيبتي

                  الله يجعلو في ميزان حسناتك و ينفعنا بيه جميعا


                  الله يبارك فيك
                  ربي يحفظك الحبيبة

                  المشاركة الأصلية بواسطة salma soso مشاهدة المشاركة
                  سلام اختي نجمة.شكرا على المجهود لي كديري فعلا فكرة زوينة من فتحتي الجزء التاني او جمعتي فيه كل الوصفات.طريق السلامة اختي و خا غادي نتوحشوك بزافففففف
                  العفو اختي حتى انا غانتوحشكم بزاف
                  تهلاي فراسك بغيت نجي نلقى شي نتيجة كاتفرح وكلشي البنات خصكوم تحمرو ليا وجهي هههه


                  المشاركة الأصلية بواسطة علية88 مشاهدة المشاركة
                  تبارك الله عليك الله يديك ويجيبك على خير وترجعي لنا بالسلامة وانت الاميرة ديالنا
                  اللهم امين استاذتي العزيزة ربي يخليك
                  المشاركة الأصلية بواسطة أمة اللطيف مشاهدة المشاركة
                  تبارك الله عليك اختي نجمة..ماعندي ما نقول..
                  ايوا اش غانكول ليك راني تعبرت الخميس اللي فات لقيت فيا 51,5 ايوا العجب حيت خارجين فيا العضيمات شوية خخخخخ اما واحد النهار قبل الخميس مشيت لسوق و تعبرت فواحد الميزان ديال الورقة و لقيت فيا 53 و الطول 156 سم..ولكن داكشي ماشي صحيح لاني انا فيا 160..انا عندي هاد المشكل ديال الميزانحيت بعيييييد عليا بغيت نشريه ولكن ماعرفت فين و بشحال..واخا هو كايعقد حيت كاتبقاي غير مقابلاه خخخخخخ
                  مباركين عليك الكيلوات اللي تزاديتي ان شاء الله تزادي اكثر واكثر فالاسابيع المقبلة
                  حتى انا عندي مشكيل فالميزان مشيت نشريه من البارافرماسي لقيت غير داك الكبير وملي سولتو على الصغير قال لي ماكاينش سولتو على الثمن قال لي 350 درهم وانا ندير بالناقص ههههه
                  هو كاين حتى فمرجان ولكن بعيد عليا
                  الثمن اللي كايدير فمرجان هو 100 درهم

                  المشاركة الأصلية بواسطة omama مشاهدة المشاركة


                  تبارك الله عليك هاد شي منظم ومتول الله يعطيك الصحة على ربي ايكون هاد الجزء فاتحة خير علينا ونسجلو فيه زيادات مبرعة تحية لكل لاخوات المخضرمات والجديدات .الله يفرح كل وحدة بلي كتمنى مدام نيتها حسنة
                  الله يبارك فيك وربي يخليك على الدعيوات
                  قولي ليا كيف بقات امامة

                  المشاركة الأصلية بواسطة rajaaaaa مشاهدة المشاركة
                  الله يعطيك الصحة يا نجمة
                  ومبروك علينا هاد التجمع الفريد من نوع
                  وحتى حنا عنتوحشوك بزاااااااف
                  الله يغلضنا كاااااااااااااااااملين

                  امين ازين حتى انا غانتوحشكم
                  شوفو راه مشيت جبت ايلان والحلبة حيت كملات ليا هههههه
                  ودقيق دالشعير حيت مزيان لبومزوي
                  غنديهم معايا عالله تكون شي نتيجة مزيانة
                  بدئنا المنافسة يوم الجمعة 18 يونيو 2010






                  سبحان الله وبحمده عدد خلقه ورضا نفسه وزنة عرشه ومداد كلماته

                  تعليق


                  • #10
                    ايوة فينكم كاينة شي ماكلة اليوم
                    راه الجمعة قربات والايام دغيا كادوز
                    خصوصا فالعطلة
                    بدئنا المنافسة يوم الجمعة 18 يونيو 2010






                    سبحان الله وبحمده عدد خلقه ورضا نفسه وزنة عرشه ومداد كلماته

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X