إعـــــــلان

تقليص
لا يوجد إعلان حتى الآن.

السمنة مشكلتي

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • السمنة مشكلتي

    السلام عليكم ورحمت الله وبركاته ا
    اخواتي من فظلكم تساعدوني باش نتخلص من وزن الزائد طولي 1.70ووزني 96 يعني عندي السمنة ويوم بعد يوم كتزاد منين ولدت بنتي الثانية.
    كنت رشيقة مكنت عندي لاكرش لا ارداف كبيرة بحال دبا لشفني كيعطني عمر كبر من العمر ديالي كنخاف ندير الرياضة وتقع شي حاجة لاني كنولد بعملية قيصرية
    المشكلة عندي الكرش كبيرة والارداف كبار ووجهي صغير المرجو المساعدة وشكرا

  • #2
    اختي نقصي شوية السكريات و الدهنيات و النشويات وتحركي ممكن تمارسي المشي راه كيبقى احسن رياضة حتى بالنسبة للناس اللي عندهم شي مرض
    كنت سمعت في اللقاء المفتوح واحد الوصفة كتحيد الكرش وهي
    ملعقة ك زريعة الكتان+ملعقة ك حب الرشاد نصب عليهم الماء طايب مقدار كاس كبير و نخليوه حتى يبرد نصفيوه و نشربوه واحد نصف ساعة قبل الفطور:s8719:



    تعليق


    • #3
      السلام عليكم اختي لو تحبي اجي نتعاونو و دخلي لمضوعي الي عنوانه -ريجيم نقصت بيه 9 كغ بالشهر- انا نقصت بواحد الريجيم 9 كغ في شهر و هو صحي دخلي و جربي معانا , راه البنات بداو معايا هاد الريجيم
      حتى انا غليضة بزاف طولي متر و 55 سم و كنت ازن 84 كغ و الان 75 كغ و مازال نكمل بالريجيم باش نوصل للوزن المثالي انشالله
      sigpic

      تعليق


      • #4
        سبحان الله*اختي سمر تماما نفس المشكل ديالي بالضبط حتى انا ولدت قيصري ومن بعد مولدت بنتي تزاديت بشكل سريع حتى انا عندي الاردااف والكرش من الفوق هي هديك ومن التحت لهلا يوريك ههههههه ودابا كيف ما قلتلك الاخت الوردة هنودة الله يجازيها بالخير شاركينا فالموضوع ديالها بعنوان *رجيم نقصت فيه 9كلم فشهر* وانشاء الله نحققو هدفنا جميع ونكنو من الرشيقات
        sigpic]

        تعليق


        • #5
          اختي سمر راه ماشي نتي بوحدك اللي كتعاني من مشكل السمنه
          حتى انا عانيت منها ومازال كنعاني
          وانا من النوع اللي ميقدرش يعمل الريجيم او الرياضه بوحده
          خصني ضروري التشجيع وجروب
          الطول ديال 160 والوزن ديال 83 والعمر ديالي 23 وكنبان اكبر من سني
          وخصنا نوزن 54 يعني قدامي مشوار طويل ديال الفقايص
          وكيبقى فيا الحال ملي كندخل الحوانت نشري الحوايج مكنلقاش الطايه ديالي

          وكل ما ندخل شي منتدى باش نسجل ف الدورات ديال محاربه السمنه كنلقاهم بداو

          تعليق


          • #6
            السلام عليكم كلنا كنعانيو من مشكل السمنة انا عمري 20 و طول 168 و الوزن تقريبا 74 وكنعكز ندير رجيم ولا الرياضة والطامة الكبرى انني غليضة من الارداف والكرش شوية وفي الارداف كنشبه لعماماتي
            اختي الوردة هنودة ممكن الرابط ديالكم عل وعسى نتشجع شوية رااه عقدني هاد الغلض
            والله ولي التوفيق
            اللهم انك عفو كريم تحب العفو فاعفو عنا

            اللهم فرّج همي و يسّر أمري و أرحم ضعفي و قلّة حيلتي و أرزقني من حيث لا أحتسب يا رب العالمين

            لا اله الا الله محمد رسول الله

            تعليق


            • #7
              http://www.anaqamaghribia.com/vb/sho...D%ED-%D4%E5%D1
              هاهو الرابط ديال الموضوع يوا دخلو ضغية باش تبداو معانا. اختي يسمينة راه فكرتيني بشريان لحوايج هاديك هي الطامة الكبرى ماكانلقى حتى حاجة قدي , وكنضطر نشري من ملابس النساء الكبار يعني موديلات ماشي قد سنني . و انتي اختي سلوى و اختي سمر انضمو لنا باش نشجعو بعضنا. و مشكلتنا راها وحدة .
              sigpic

              تعليق


              • #8
                السلام عليكم اخواتي الانيقات
                حتى انا كنعاني من السمنة وخصوصا بعد ما ولدت بنتي
                والله ما نكذب عليكم مبقيش قدرت نوزن راسي المهم الغلظ باين وخلاص الكرش الارداف هههه
                مشكلتي انني مكنتحركش بزاف بحكم عملي والتوقيت المستمر جلوسي المستمر على الكرسي طيلة اليوم
                الله يجازيكم بخير لي عندها شي وصفة كتنقص من الدهون بلا رجيم بلا رياضة حينت معنديش الوقت للرياضة وانا مكنقدرش ننقص الاكل وخصوصا الحلوة حينت بسرعة كنحس بالصخفة
                وشكرا لكم



                sigpic

                تعليق


                • #9
                  مشكلة عندك اختي ايمان لكن ممكن تديري واحد المشروب حارق للدهون
                  خدي تفاحة و قطعيها قطع صغيرة و حامضة قطعيها حتى هي بحال التفاحة و حكي سكينجبير او الزنجبيل خضر و الكامون حبوب, القرفة , ديري كلشي فقرعة من زجاج و كبي عليهم ماء سبق غليه و شربي منهم دائما فالصباح و قبل الوجبات و قبل النوم , خدي معاك القرعة للخدمة باش تشربي منها, زيادة عن انها مفيدة للجسم و البشرة , لكن حاولي ملي يكون عندك وقت تحركي و فعاود الاسنسور طلعي فالضروج و نهار الاحد ديري لامارش و شري حبل نقزي بيه فالدار. هاد الوصفة كتنقص 7 كغ انا هاد الوصفة قالتها ليا خالتي و لقيتها فيوتوب بزاف شوفي http://www.youtube.com/watch?v=GzhrE9U_oH8
                  sigpic

                  تعليق


                  • #10
                    أنا في1,70 ومن بعد رمضان وليت كنوزن 68 K،دابا نقصت ب 1k وشيحاجهة،وماحاملاش راسي.كانت في64 k وكنت مزيانا.هاد الغلض مصيبة،ولاكن حنا كنديروها بيدينا وكنربيو شحيمة
                    :p:p:p

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X