إعـــــــلان

تقليص
لا يوجد إعلان حتى الآن.

بنات عتقوني بشي اختصاصي في التغذية بكازا.

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • بنات عتقوني بشي اختصاصي في التغذية بكازا.

    عافاكم البنات لما ساعدوني .راني قررت نحارب النحافة .واول حاجة بغيت نعرف شنو هما العوائق اللي عندي .هاد الشي علاش انا محتجاكم دابا.اللي عندها شي عنوان تاع شي اخصائي ديال التغدية تعتقني بيه الله ينور ليها طريقها...

  • #2
    عافاكم البنات كتبوا ليا شي عنوان .سولوا اوجيبوا ليا لخبار الله يجازيكم بخير.

    تعليق


    • #3
      حرام عليكم 47مشاهدة ولا كلمة.

      تعليق


      • #4
        ناري زعما هادا هوا التواصل ..باز ليكم والله ماكتعبروش الواحد.كل وحدا فيكم باغا غير مصلحتها .انا متاكدة باللي كل واحدة فيكم اول حاجة مني كاتدخل كاتمشي تشوف واش ردوا على السؤال ديالها او كاتفراح مني كايجاوبوها او كاتبقا تدخل تشوف مصلحتها فين كاينة مع العلم انا الاخرين كايتسناو الرد .

        تعليق


        • #5
          حبيبتي احسن اخصائي في التغدية هو الدكتور محمد الفايد كيكون فالدار البيضاء وفي الرباط لكن معرفتش المقر ديالو المهم هاهو الهاتف ديال المقر 0537604379
          [FLASH=http://www.b30b.com/up//uploads/files/b30b-18166b6e51.swf][/FLASH]
          اللهم ارحم أختي وأرزقها فسيح جناتك واصلح ذريتها وارحم جميع موتى المسلمين.

          تعليق


          • #6
            شكرا بزافففففففففففف والله يعطيك صحيحتك ويحفظك..

            تعليق


            • #7
              راه حتى أنا تنقلب على طبيب التغدية ولكن نحارب السمنة و حتى بنت ما بغات تعتقني مع أني شفت بنات متبعين عند أطبة وما بغاوش يقولو الأسماء

              تعليق


              • #8
                شتي ا ختي اناقة 1980 على تضامن و مساعدة كيدايرين.ماعندنا مانديروا من غير اننا نقلبوا بوحدنا.

                تعليق


                • #9
                  شوفي أختي إلى ماجابووش لبنات راه غير معندهمش معلومات أو إنشاء تجاوبك شي بنت أو حتى أنا معاك كوكنتي تشوفي رق لي فيا والله حتى تحمدي راسك أنا راني طحت ٢ مرات بل أعصاب ماخليت مادرت أو والو أو دابا فكرة نشوف إختصاصي حيت لمشكل لعندي أنا لعظم عندي رقيق بزاف أو لحم ولو ههههههه إوا لله yegldna على قد نفع إلى عندي شي معلومات راني نقولهم ليك خليتك على خير

                  تعليق


                  • #10
                    سلام اخت رنا
                    والله يشافيك ويغلضك و يغلضنا على قد النفع.
                    مي راه حتا انا رقيوقة بواحد الشكل لا يصدق عضوما تاع صدري كايبانوا و كاين واحد الفرق كبييييير بين فخادي .
                    اوا اش غادين ديروا داك الشي اللي عطاتا الله والحمد لله على كل حال.
                    او كنتمنى شي بنت جاوبنا.
                    مي راه حتا انا كانقلب نعرف شي حاجة نقولها ليكم.

                    تعليق


                    • #11
                      اختي الهام راني سبق مشيت عند طبيب تغذية و لكن ما عنديش العنوان دياله بالضبط حينت في منطة بعيدة على السكن ديالي

                      و لكن اختي بغيت نشرح ليك تجربتي مع الطبيب و لكي واسع النظر

                      اولا اختي هو دكتور دارس بفرنسا يعني ثقة و لكن المشكيل اني مشيت عنده في واحد النحافة ما عالم بيها غير الله سبحانه و تعالى زائد اني كنت ما كناكلش حتى يغمى علي بالسخفة و قلت الطبيب هو الي غيعطيني الحال

                      المهم سولني عدة اسئلة و عبر لي السكر من صبعي و سولني واش عندي شي صدمة عاطفية واش نحافتي وراثية واش واش واش حتى طبخني

                      المهم قال لي في الاخير شوفي عنداك تكون عندك الرغبةو في زيادة الوزن انا غنعطيك غير فيتامينات باش ما تبقايش تسخفي و لكن وياك وياك تتزادي في الوزن

                      المهم خرجت ليها جود و قلت ليه شوف يالطبيب بصراحة انا جيت عندك باغ نغلاض و النحافة دارت ليا عقدة

                      بقا عليا بالمواعظ و قال لي الوزن ديالك مثالي (و انا كيف ستيلوا بيك ما عرفت فين كاينة المثالية) و عنداكي تتزادي او تديري شي سيروا المهم مللي طبختوا و لصقتوا و قلت ليه انا متخلفة اعتبرني كيف بغيتي و لكن بغيت نغلاض

                      قال لي واشوفي هاكي ديري هاد التحاليل نشوف علاش ما عندكش الشهية

                      ما خلاش اختي شي حاجة في جسمي ماقاليش ديري عليها التحاليل و قال لي الى ماكاين عندك والوا راه غتشربي غير الفيتامين

                      و خليتوا هو و مشيت عند طبيبة اخرى خرجت لي بيرفيتال و حبوب مصنوعين من خميرة البيرة و قالت لي صبري راكي غتحتاجي الوقت باش تغلاضي

                      و جربت حبوب البيرة وااااااااااااالوا و لكن بيرفيتال مزيان

                      هذي تجربتي الى كان ولابد بلا ما تخسري فلوسك عند الطبيب سيري بنفسك لمختبر التحاليل و قولي ليه بغيت ندير تحاليل على كل عضو في جسمي كنقصد الدم و الكلي وووو و خدي المتيجة للصيدلية هما يقولوا ليطك واش عندك شي مشكيل

                      نتمنى نكون فدتك

                      تعليق


                      • #12
                        شكرااااااااا اخت الماسة .صافي مافيا ما يسمع هاد لهضور كاملين مابقا عندي ماندير بهاد الطبيب اللي يسخسخني غير هاكاك . ما كاين ما حسن من اناقة مغربية هيا طبيبة ديالنا هههه. نتبع غير الوصفات.شكراا على الرد و اهتمامك.

                        تعليق


                        • #13
                          المشاركة الأصلية بواسطة ilham 94 مشاهدة المشاركة
                          شكرااااااااا اخت الماسة .صافي مافيا ما يسمع هاد لهضور كاملين مابقا عندي ماندير بهاد الطبيب اللي يسخسخني غير هاكاك . ما كاين ما حسن من اناقة مغربية هيا طبيبة ديالنا هههه. نتبع غير الوصفات.شكراا على الرد و اهتمامك.

                          العفو يا اختي و لكن الاطباء للاسف ما عندهمش شي حل غير فواتح الشهية او الفيتامينات

                          جربي اختي الحلبة و الشريحة راه مفعولها سريع و عن تجربة


                          نتمنى ليك الغلظ في اقرب وقت

                          تعليق


                          • #14
                            شكرا اختي هاداك الشي اللي غاديا ندير . دابا انا دايرا وصفة ماروخا ونسلي و سيرو دايب فيه فانيد .او باغيا ندير ان شاء الله وصفة الشريحة والحلبة و نزيد عليها سيرو نورافيت دايب فيه فانيد انتينوركس باش يبان لي مفعول خلااااااااااص.

                            تعليق


                            • #15
                              السلام عليكم ورحمة الله وبركاته

                              أختي عدد الأطباء المختصين في الحمية والتغذية كثر بمدينتي الدجار البيضاء والرباط
                              ما عليك غير بدويى في المعاريف بالقرب من إقامة بن عمر بالقرب من Etam راه هناك عدد من المختصات
                              وأذكر على سبيل المثال برادة مونية...
                              وفقك الله




                              لتنظيم المسابقات

                              [





                              بداية الحمية في 12/06/2012[/CENTER]

                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X