تجمع رشيقات المستقبل للريجيم الصحي المتأني

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • المشاركة الأصلية بواسطة مهــا
    السلام عليكن، عيد مبارك سعيد وعواشر مباركين مسعودين،
    انا من الناس اللذين جربوا كل انواع الريجيم الغالي والرخيص، اخرهم ريجيم درت ساهل نتيجتو مزيانة :
    كان الوزن ديالي 88 كلغ او دابا 76 كلغ في مدة زمنية لاتتعدى اربع شهور الريجم كالاتي :
    - تناول ثلات وجبات في اليوم
    - التقليل من السموم البيضاء {الملح ، السكر}
    - ممنوع اكل الغنمي
    - ممنوع اكل الدوارة و الكبد الكرعين سواء غنمي او بقري
    - ممنوع اكل البيض
    - الخبز اقل نسبة ممكنة
    - الاكثار من السلطات
    - ممنوع منعا كليا المشروبات الغازية
    - شرب كل صباح ملعقة صغيرة خل تفاح مع كاس ماء دافئ قبل الافطار بنصف ساعة
    المداومة علئ هذا الريجيم ستساعد على الحفاظ دائما على الرشاقة
    ولاننسو الحركة الرياضة فهي تعيد تقويم الجسم بعد الريجم
    وحظ سعيد
    الله يبارك فيك الحبيبة و شكرا على الريجيم الي لازم بكون نضام لمدى الحياة. و اكيد الواحد ملي يتبعو غادي يطيح.
    sigpic

    تعليق


    • المشاركة الأصلية بواسطة lolly

      اوا حليتو دار جاديدة و فرشتوها و عرضتو على الناس و جاو الضياف و انا ماسايقة خبار كالسة في دار غفلون اوا البنات مبروك علينا الدار الجديدة و مرحبا بالجديدات لي شاركونا و ان شاء الله يد في يد ندوبو الشحمة بريجيم صحي ديال العقل و غير بشويا و كانتافق مع هند انه الميزان اكون في الشهر باش النتيجة تكون واضحة و واقيلة اختي ريما كان عندها الحق ملي قالت بالي هند غابرة واقلة كاتعمرها فاكية هادشي علاش زدتي كيلو هههههههه دابا بانت الحقيقة غير اعتارفي المهم بالعزيمة غادي ادوب ماشي غير كيلو 10 كيلو ان شاء الله او كتر
      و مبروك عليك اختي ريما على الكيلو لي نقصتي مانكون حتى انا و باقي الاخوات يييييياربي نكون نقصت انا باقي ماعبرت راسي


      **
      وآآآال البنآآآآآآت انا عبرت راسي ليوم باش غدا ان شاء الله نبدا من جديد مع الرياضة و لقيت راسي بقصت دابا فيا 62.8 واخا خربقتها في هاد اليوماين مع راجلي و لكن الحمد لله نقصت واخا مكنتش كاندير الرياضة غدا ان شاء الله غادي نبداها مع الريجيم
      1.2كيلو لي نقصت مانكونو معاكم حتى نتوما ان شاء الله اوا باركو ليا
      هههههه اوا دخلتي برجلك ليمن بعدا ؟ هههههه اوا مبروووووك الوزن الجديد راني سجلتو 1.2 راه بيخير.
      sigpic

      تعليق


      • [=أم وئام73quote]
        السلاااااااااااااااااااااااام عليكم
        هاي هاي هاي على رشيقات المستقبل اش دايريين. ايوا دابا الله يعطيكم الصحة هذا مشي تجمع هذي جمعية رشيقات المستقبل والله فرحتوني بزاف.
        تبارك الله على للا هنودة وعلى المجهود اللي عملتي باش تحطي الموضوع من جديد وشكرا لصاحبة الفكرة ريما2010.
        ومرحباااااااا وألف مرحباااااااااا بالمشاركات الجداد نتمنى نحققو حلمنا الموحد وحنا في صحة وعافية ان شاء الله.
        غير سكتو البنات أنا ماتوزنتش ولكن تيبالي يمكن قفرتها بحال ختي هنودة حيت حسيت بحال الى تقاليت شوية.الجلوس في الكرسي ومايدير.
        أنا كنصوت على الريجيم ديال ختي هنودة والله يسر الأمور
        [/quote]

        الله يبارك فيك حبيبتي هههههههه أم وئام73 تاني مقفراها بحالي هههههه اوا سييييري تعبري هههههه
        sigpic

        تعليق


        • المشاركة الأصلية بواسطة knizza
          salam albanat rachi9at almosta9bal ana dima kanji kanl9akoum mchito
          ewa bessaha dar jdida
          ana m3a regime hanoudda mais ghi 125 g djaj olla lhem machi 150 had regime kounet ****b3ah chhal hadi ohafedet bih 3la wazn 60-62 presque 5 ans
          hanouda 9afertiha omajebtich lya ha99i wakha 3lik rah hna mwahechim l3achwer dyal lablad
          okhti rima 2010 bessaha no9ssan



          hanoudda nhar lundi 20 decembre machi 19
          انا عجبتي ريجيم ريما2010 نتبعوه راه مزيان و صحي. ههههه غير سكتي هههههه لكن ماشي مشكلة الخير امام معاكم و غادي نطيحو كثييير انشاء الله.
          sigpic

          تعليق


          • المشاركة الأصلية بواسطة ريما2010
            مساء الخيرات والربح حبيباتي الانيقات سمحو لي كنت مشغولة هاد العشية ومتككنتش ندخل وكنت نتمنى لاني توحشت اختي ام وئام وبسم الله وكنيزة ومها وكل لي طلو اليوم هاد العشية المهم حبيباتي انا غادي نحط الريجيم كامل لي متبعة ولي كنديرو تحت اشراف الطبيبة المختصة من يوم 12/12/2010 والاكيد ان الكثيرات غادي يلائمهم والكثيرات لا لدلك انا كنشوف بان مسألة التصويت على ريجيم معين كتبقى مسألة ربما ماشي من اهدافنا كتجمع راقي ومتنور وباغي يدير دعائم ثقافة الريجيم الصحي المتأني كيفما كان عندي كفكرة وكيفما طبقاتو صديقتنا الغالية هنودة الله يعطيها ما نوات فخاطرها وهي كل من دخل معانا لهاد التجمع لدلك انا كنشوف ان جميع الريجيمات لي غادي يحطو الاخوات ريجيمات مهمة كتبقى المسالة فقط كل جسم واش كيناسبو وكل انيقة واش كيناسب صحتها ومزاجها وظروف عملها وحياتها .
            فممكن اي وحدة فينا تاخد ريجيم واحد وطبقو بالحرف كيفما ممكن تدخل عليه تغييرات بل ممكن ان اي انيقة تجمع بين معطيات زوج ديال الريجيمات او تلاثة وتخليهم يتكاملو لدلك انا كنقترح اننا نبعدو الفكرة ديال التصويت لانها علميا صعبة التنفيد ونبداو نشجعو بعضياتنا كيفاش نطور حياتنا من خلال تطوير طريقة اكلنا وجعلها صحية اكثر ولديدة اكثر وهدا هو لي غادي نبدا نساهم فيه لاني بكثرة الاطلاع على كل ما يتعلق بالريجيم قدرت الان انني نحقق معادلة صعبة جدا وهي الريجيم الصحي لي كيطيح والاكل الصحي لي بلا دسم بلا ملح الديد و لي كيشهي ومكيخليش الواحد يمل دغيا وكل مرة وجدت شي حاجة غادي نزلها ليكم وراني سبق لي نزلت طريق صحية لصنع اومليت ببياض البيض ريجيم وبنكهة الزعتر .على كل حال هدا رايي اختي هنودة صاحبة فكرة التصويت على الريجيمات وكدا هدي اقتراحاتي لجميع الانيقات الغاليات.
            داب نرجعو للمعقول
            الريجيم الصحي المتوازن المتكون من 1300 كالوري في اليوم فقط ما تخافوش راه كيشبع مزيان وممكن ينزل بيه الواحد بين 6 الى 8 كيلو في الشهر وبشكل صحي حسب تعليمات الطبيبة الاخصائية في التغدية:هاهو الريجيم


            **
            اهلا بيك اختي الصابرة والله يحفظك من كل سوء مرحبا والف مرحبا انا هنا كنبقى شادة لعسة وكنرحب بالبنات لي كيجيو معطلين حيث هنودة وكنيزة وام وئام وصحاباتنا لوخرين ثقلو فالعشاء ونعسو هههههههههه مرحبا بيك اختي وان شاء الله ديري يدك فيدنا وما غادي تشوفي الا لي يفرحك انا ربما اكثر وحدة من ناحية الوزن قبل 6 ايام كانت عندي 106.5 والان الحمد لله بفضل الريجيم الطبي لي حطيت طيحت 3 كيلو في اقل من اسبوع وهدا كلو بفضل الله ثم بفضل هنودة والبنات لي ساندوني بكل قوة وهاني دابا كنرد الجميل وشادة ليهم permanence في الدار الجديدةهههههههههه مرحبا مرة اخرى
            ههههههه اختي ريما مافهمتينيش لاش درت التصويت: اولا باش نتافقو على ريجيم واحد باش ماشي كل وحدة واش كادير او على الاقل مفاربين و تانيا و الاهم باش يكون صحي و حتى وحدة مادير شي ريجيم تندم عليه. ماقصدتش بالتصويت المتافسة او ريجيم احسن من لاخر لكن باش نتاحدو.
            شكرا ليييييك بزاف على الريجييييييييييم والله فرحتيني بزاف .
            اليوم غبرت حينت كان عندي امتحنان بوزاة الصحة دعيو معايا الله يجيب ليا التيسير و للجميع.
            شكرا على البيرمانونص ههههه الي درتيها بجدارة و احسن مني و فخورة انكم صديقاتي و الله.
            sigpic

            تعليق


            • المشاركة الأصلية بواسطة ssaloua
              السلام عليكم اختي هنودة مبروك التجمع الجديد هادا خصنا ليه شي زردة ههههههههههههه عاد نبداو الرجيم اولالا الانيقات هه
              وعليكم السلام اوا نبداوه بالصلاة والسلام على رسول الله . الله يبارك فيك الحبيبة





              ***********


              المشاركة الأصلية بواسطة assabera
              سلام عليكم رشيقات المستقبل ولاه الى حمستوني بالتجمع ديالكم واش نلقى شي بلااااااااااااااصة معاكم ولا خصني 2بلاااااااااااااااااايص بهاد الوزن لي عندي أنا الوزن ديالي 86 أطول 156 بغيت نطيح هاد الكيللللللللللللللللللللللللللللللللللويات راه مرضني أعقدنييييييييييييييي هاد الغلظ
              البلاصة موجوووووودة و كتسناك ههههههه سولات فيك كاع هههههه مرحبا بيك و ديري العزيمة باش نوليو رشيقات بالله لو غادي تبداي معانا الاتنين نزيدك مزيان الي قلتي الطول و الوزن و انتي تقريبا بحالي فالطول ههههه


              المشاركة الأصلية بواسطة مامات شادي
              السلام عليكم
              كنشكركم على اهتمامكم وعلى ردودكم والريجيم المتنوع
              بالنسبة لطولي ووزني فالقياس عندي مختلف بالباوند وما عرفتش شحال بالكيلو المهم تبارك الله خير ربي موجود ههههه
              دعيوا معايا الله يسهل ويهديني نتبع أي ريجيم وماشي ديال الأخت ريما لأنه صعب شوي
              وجزاكم الله كل خير
              لاشكر على واجب لكن الريجيم الي قالت سهل و بزاف لو طليتي على الريجيمات لخرين راك تصدمي ههههههه المهم بالنسبة للباوند - 2 باوند = 1 كيلو - ماتخافيش كلشي معروووف و الي منعرفوهش نقلبو عليه ههههه هادا راه تجمع رشيقات راه ماساهلينش كلشي نعرفوه من الريجيم و الطبخ تال الشعر هههههه
              sigpic

              تعليق


              • المشاركة الأصلية بواسطة knizza
                okhti rima2010 chkoun chad l3assa rah ntouma katna3sso wana ba9a faye9a hhhhhhhhhhh
                3ajebateni lfikra dyalek okhti ana inchallah lundi ghadi nebdaa regime lli hattiti inchallah

                3andi wahed surprise tayehet nass kilo 3awed wakha had la semaine kharebe9et regime mais magahdich nhassebo hit ghadda ghadi nakol couscous hhhhhhhh
                مبرووووك نص كيلو ا لالة اوا تكيسي على كسكسو ولا بيتي تزيدي بحالي هههههه
                sigpic

                تعليق


                • المشاركة الأصلية بواسطة donya63
                  sah nour hta ana radi nbda m3akom had rejime



                  مرحبا بيك كتبي الوزن و الطول باش نضيفك حنا بادين الاتنين انشاء الله




                  المشاركة الأصلية بواسطة
                  om safaa10
                  لبنات مساء الخير توحشتكم بزاف بزاف هادي اول دخلة لي لدار جديدة واش خليتولي بلاصتي بعدا هههههههه

                  ايوا ندخل عليكم بالخير والصحة ومزييييييد من الرشاقة ياربي امين
                  مرحبا بيك وا كتغبري تاكاتبياضي . غادي تبداي معانا الريجيم غدا ولا مازال.؟
                  sigpic

                  تعليق


                  • المشاركة الأصلية بواسطة ريما2010
                    ريجيم ريما 2010
                    على الريق: كاس ديال الماء كبير
                    الافطار:
                    60 غ ديال الخبز الكامل من الافضل لي فيه النخالة و60 غ تعادل ربع كبير ديال الخبز+ فرماج+كاس حليب0%من غير دسم مع القهوة او الشاي
                    بين الافطار والغداء :
                    2 كيسان ماء كبار +شاي او قهوة (على حسب باش فطرتي يعني الى فطرتي بالقهوة وحليب خودي الشاي)
                    الغداء:خضر+بروتين+نشويات
                    1-صحن من الخضراوات النيئة (الجزر-مطيشة-بصل-فلفلة حلوة.........)+معلقة الى 2 من زيت الزيتون او اركان الى توفر+عصير الحامض+موتارد+بزار او اعشاب منسمة (معدنوس.ثومة...زعيترة)
                    2-خضر طازجة الا البطاطس والجزروالجلبانة ممكن ناخدو: لفت-لوبيا خضراء- شمبينيون-شفلور....ممكن تأخد الخضر كشوربة او مفورة ونسموها بالمنسنات السابقة الدكر.
                    3-100غ من لحم البقر(2 مرات في الاسبوع وفي الغداء فقط)وممكن نطيبو اللحم لي بغينا باضافة معلقة ديال زيت البلدية وممكن نشويه او نبخرو او في الطاجين مع بعض الخضر المسموح بها وكل المنسمات ممكنة الا الملح والمايونيز وحتى ماجي مسموح بها مع الشوربة
                    أو
                    150غ دجاج او الديك الرومي لاداند حتى هو 2 مرات في الاسبوع في وجبة الغداء
                    أو
                    -150غ سمك ممكن ناخدوه فوجبة الغداء 3 مرات في الاسبوع
                    4- مسموح نهار ايه ونهار لا ناخدو في الغداء: من 6 الى 8 معالق ديال: روز كامل riz complet او عدس او لوبيا بيضاء تسلق هده النشويات وممكن ان نضيف اليها طماطم وثوم ومنسمات فقط بلا دهن بلا ملح ونستعملو عصير الحامض وملي ومنعبروش بالمعلقة حتى نسلقوه
                    بين الغداء والعشاء
                    2- كيسان كبار ماء+ مشروب ساخن :شاي او قهوة او شاي اعشاب+1دانون لينيا الاحمر او اي دانون 0% دهون و0%سكريات +1 الى 2 فاكهة من نفس الصنف الا الموز والافوكا
                    أو
                    3 تمرات كبار+معلقة كبيرة لوز او كركاع
                    أو
                    2 مربعات متوسطين من الشكلاط الدي يصل الى 70% من الكاكاو
                    أو
                    1 BARRE PROTEINée

                    العشاء
                    1-خضر مسلوقة او مفورة او شوربة الخضار المسموح بها+100 الى 150غ من الدجاج او لاداند او السمك اوبياض 3 بيضات اما اللحم الاحمر فممنوع في الليل تماما وكدلك النشويات والخبز واخيرا ممكن ناخدو 20 الى 50 غ فرماج 0%

                    هدا هو الريجيم لي متبعة ولي عطاتني الطبيبة ورغم غلاء المتابعات ديال الاطباء المختصين في هاد المجال الا اني بغيت جميع حبيباتي يستافدو حتى لي مكيسمح ليهم الوقت باش يمشيو ويتبعو
                    هاني وفيت بالوعد وانا في انتظار اي سؤال منك انا رهن الاشارة والله يكمل علينا بخير
                    انا شخصيا مرتاحة نفسيا لان هاد الريجيم محرمني من والو وكنطيح فيه مزيان لاول مرة في حياتي ولي بغا يتاكد يقرا اول مشاركة لي معاكم "فريجيم لي طيحت بيه 9 كيلو وكيفاش كنت منهارة نفسيا تماما وكنبكي بدون انقطاع وهاني اليوم بيناتكم بفضل الله ثم بفضل تضامنكم معايا كنتحاورو ونتعاونو من اجل هدف نبيل جدا في انتظار اطلاعكم على الريجيم لي وعدتك بيه تقبلو اجل تحياتي وباقة ورود ملونة مني ليكم

                    Read more: http://www.anaqamaghribia.com/vb/sho...#ixzz16zD3rHGa


                    اهلا انيقتي الصابرة ودنيا كيف الحال وكيدايرين مع الريجيم واش شفتو الريجيم لي نزلت حسب الرغبة ديال الالخوات ولا نعاود نزلو؟اشنو كليتو اليوم ياك مخربقتو؟ انا تغديت سمك في الفرن بطريقة صحية وشوربة ديال الكورجيت وهاهي المقادير ديالها
                    شوربة ريما2010 بالكورجيت والفرماج لايت منسمة بالزعتر
                    كورجيت 3 الى اربع حبات
                    ضرس ثوم
                    بصلة مشلظة
                    قليل من الربيع+ قليل من لزعتر مدقوق او محكوك+شوية بزار
                    عصير الحامض-ماجي (اختياري)
                    2 فرماجات لافاش كيري لايت او معلقة من الريكوتا ريجيم وحتى هادي اختيارية
                    الطريقة نشلظو البصلة ونشحروها في معلقة كبيرة ديال البلدية نضيفو ليها الثوم+شوية الزعتر+بزار ولما تدبال شوية نزيدوها الكورجيت مقطعة ونشحروها فيها كدلك ولما تتشرب النسمة نضيفو ليها قدر كافي من الماء ولما تنضج نطحنوها في الميكسور ونردوها تغلى مع اضافة الربيع والزعتر والقليل من عصير الحامض ولمن يريد ماجي وقبل التقديم نضيف الفرماج لايت ونحرك جيدا حتى يدوب راها كتجي خاااااااااترة ولديدة بزااااااااااااااف وفي نفس الوقت ممكن نشربو فيها حتى لزلافة بدون منخافو
                    شوفي والله يلا انا فخورة و فرحانة انك وحدة من هاد التجمع و شكرا انك عطيتينا هاد الريجيم مع انه كان ممكن شي وحدة تقول مانحطوش ليهم انا خاسرة عليه الفلوس و نديرو ليهم ... لكن انتي سخية و بنت الدار الكبيرة باينة فيك و فكل عضوات التجمع ديالنا.
                    الريجيم حمقني فعلا صحي بزاف و عقلاني و هو الي غادي نتبع و لو الكل عجبهم نتاخدوه كريجيم ديالنا ... ريجيم ريما2010 للتجمع انيقات المستقبل للريجيم الصحي المتاني .
                    بالنسبة للشوربة شهاااااتني فالريجيم و ملي كنت كنقرا المقادير شميت الريحة ههههههه.
                    شكرا مرة اخرى و الله يجعلها في ميزان حسناتك و يرزقك بالدرية الصالحة عما قريب و نفرحو ليك يا رب امين.
                    sigpic

                    تعليق


                    • نداء للاخت yassera لازم تقولي لنا الطول باش نضيفك للجدول.
                      sigpic

                      تعليق

                      المتواجدون الآن 1. الأعضاء 0 والزوار 1.

                      أكبر تواجد بالمنتدى كان 2,525, 26-09-2016 الساعة 21:58.

                      شاركي الموضوع

                      تقليص

                      يعمل...
                      X