الاخت ام حفصة تفضلي بالدخول

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • الاخت ام حفصة تفضلي بالدخول

    السلام عليكم ورحمة الله وبركاته
    اختي انا كنعرفك من بعيد بس بمواضيعك عساك بخير انشالله
    حبيبتي انا كنعاني من زيادة فالوزن بمنطقة البطن خصوصا و التنيات فجناب الضهر وزني 72 و طولي 165
    حابة نوصل لين 58 كيلو
    بغيت حل
    سمعت عن شاي لسد الشهية من فوريفر شنو رايك وهدا سؤالي لكل لي كيشوف موضوعي
    و لو في كينات متلا كيضعفو لا تبخلو عليا انا فحاجتم
    انا مشكلتي الشكلاط و البيتزا بدون حساب يوم اه يوم لا
    و الفريت و الوجبات السريعة
    شنو ندير قولو ليا شي حل سريع
    sigpic

  • #2
    هانا الحبيبة......سلام الله عليك.........في راسك راقي قتلتيني بالضحك..باغا تضعافي و ممفرطاش في الشكلاط و البتزا و يا ريت كون غير مرة مرة....نتية نهار اه و نهار لا.....راه ميمكنش و حتى نفتارضو خديتي شي شاي تنحف وخت انا متنامنش بهاد الشي.....فماغاديش تكون هناك نتيجة....
    اولا الحبيبة انا ضعافيت بالريجيم و الرياضة....منكدبش عليك مؤخرا كنت سمعت بشاي التنحيف و خديتو من الصيدلية خديت شي 3 ديال الساشيات و حبست حسيت براسي غير تنلعب.....راه لا يصح الا الصحيح....
    اولا الحبيبة ديري هدف باغيا توصلي ليه
    ثانيا ديري في بالك انك غادية تحرمي من بزاف ديال الحويجات اللي موالفاهم منهم الشكلاط ....حيت الشكلاط بوحدو مصيبة.....
    انا كنت تنحيد الخبز نهائيا و السكريات و ما جاورها من حلويات و ما شابه.....و تتنطيب في الطجين بلا زيت و تندير شوية زيت العود و ناكلو بفورشيط مع شلاظة طبعا.........مجرد تمر يومين و لا 3 ايام غادية تولفي نمط من الاكل.....و كثري من الما بززززززاف + شوية الرياضة الا ما كانتش لاصال المشي راه بلا فلوس هههههه.....خدمي الرجيلات يوميا وخت غير ساعة الا ربع.......و دغية النتيجة غادية تبان....تاكدي انه في ظرف شهر تنقصي مزيااااااااان.......
    و نصيحتي ليك بعدي من الادوية راه ترجع عليك غير بالندامة و الله.....
    في راسك الحبيبة كون شفتيني و انا غلييييييييييييييييظة تخلعي ...غير مرا زمانية و صافي....كان اللي شافني يسحاب ليه حاملة.......عندي ثلاثة ديات التنيات كبار في كرشي كل تنية كرش بوحدها......الله يستر ......و التنيات اللي في ظهري بلا مندوي عليهم مكنتش تنشوفهم ههههههههه........الحمد لله اللي مريت من ديك المعاناة......و لكن الحبيبة الا بغيتي توصلي صبري و حيدي عليك الحاجة اللي عارفاها تتغلظ و نتية مطايحة غير على اللي يغلظ......ديري في بالك راه مين غادية تضعافي غادية توللي تاكليهم و لكن بحساب.....و تقدري تلقاي راسك مبقيتيش باغا تاكليهم كاع........
    نتمنى نكون فدتك و الا بغيتي شي سؤال هانا هنايا اوكي........يا الله تهلاي.........

    تعليق


    • #3
      غاليتي الله اجازيك بالخير كفيتي ماشاء الله
      ضحكتيني فنفس الوقت
      نعاود ليك قصتي واحد المرا تسالات ليا تعبئة فالموبايل ديالي وكنت نتكلم مع ماما و خرجت للتيليبوتيك اوا واحد خاينة تبعني وفتح باب عليا فالتليبوتيك
      و هو يشوف كرشي تم قال ليا سمحي ليا الاخت
      عرفتي شنو سحاب ليه حاملة
      عندي 4 شهور
      وانا نتزير وتزنكت وبغيت نبكي
      مرة تانية جالسة فواحد الجريدة ولابسة مونطو شيك زعمة خديتو ميزر تحت من الصدر وواسع من الجناب مغيبنيش الكرش
      اوا وجلست وتنات وتجمعات كيف بوصيحة ولي داز كيشوف فيا
      وايلي صغيرة وحاملة تبارك الله
      هههه بيني وبينك كون كنت حاملة كون جات معايا هههه
      اوا واحد النهار يلالة ماشية وواحد الرجال قد بابا قالو ليا عنداك تفيضي
      عقدوني غير بالخير تبارك الله الفورمة كتجي معايا بزاف ولاكن كتجيب العين وخسني نبالي براسي مبغيتش صيف 2010 اكون فحال صيف 2011
      بغيت نكون فحال واحد ماشي 3 ههه
      سمعت ان بدرة الكتان كضعف واش صحيح
      حياك الله يالغالية
      اختي متلا الا درت رجيم مقاصحش شوية غير الا دخلتي لجوجل ودرتي رجيم بنت عداري غدي تشوفيه هداك معقول و زوين وغنتبعو من بكرة انشالله
      مع برة الكتان واش نطحنها ولا كيفاش
      و الفواكه لي كضعف متلا حيت فالرجيم كاين لغدا غير لي بالفواكه نوع واحد متلا شمن فاكهة
      قلتي ليا انك كنتي غليضة ودبا ماشية تبارك الله راه نفسيتك غتكون زوينة مشي فحالي محطمة عالاخر
      انتضر ردك محبوبة قلبي
      sigpic

      تعليق


      • #4
        سؤال اضافي شنو هما الوجبات او بعض الماكولات لي خفيفة على المعدة وكطيح الوزن ومفيهاش الدهون
        متلا التفاح انا نكتبفي نتعشى بتفاح عوض زبادي متلاكم
        زيدونا من عندكم
        على فكرة سولت صديقتي الحين عندها صيدلية سولتها على حبوب زينيكال كدير 700 درهم
        كضعفففففف ولاكن حضراتني منها كضعف القلب كدالك
        والان غنتاصل بيها ونصدعها على شي حاج كتسد الشهية نعاونو بيها فالرجيم
        ونجاوبكم فالحين اش قالت ليا
        لي عودة
        sigpic

        تعليق

        المتواجدون الآن 1. الأعضاء 0 والزوار 1.

        أكبر تواجد بالمنتدى كان 2,525, 26-09-2016 الساعة 21:58.

        شاركي الموضوع

        تقليص

        يعمل...
        X