إعـــــــلان

تقليص
لا يوجد إعلان حتى الآن.

دخلو لقيت واحد الكزاوية ليوم فلمدينة وعطاتني السر ديال سمونية نتاعتها روعة

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • دخلو لقيت واحد الكزاوية ليوم فلمدينة وعطاتني السر ديال سمونية نتاعتها روعة

    السلام عليكم ليوم مشيت نتقضى فلمدينة وانا نتلاقى مع واحد الكزاوية او عجباتني لاطاي ديالها فنة جاية طويلة وعريضة المهم منقولكمش تهبل ومنت كنشري صباط ههههههه وكتلتلقاها متديهاش مني قلت الصواب واش كتعرفي شي دواء نتاع السمونة عجباتني لاطاي نتاعك او هي مسكينة شحال ضريفة قالتلي كنت كناكل البكبوكة مخلطة مع الفوة واللوز والكاوكاو مطحونين او مخلطين وضعاهم فقريعة وتاكل منهم 5 مرات فنهار والى بغيتي دوزي معاهم شي حاجة بحال دانون او الحليب شربي معاهم وكتبان النتيجة فيساع تفتح ليك الشهية بزاف

  • #2
    او قاتلي كانت كديرها حتى لبنتها صغيرة وغلاضت عليها حيت البكبوكة معروفة للغلض ولفتح الشهية وكتغلض بسرعة المهم انا شريت قبيلة هاد المقادير وغانبداها على بركة الله والله ينولها لي فبالها وحتى نتوما كدلك انا قالتهالي وبغيت نفيدكم بيها والله يغلضنا

    تعليق


    • #3
      شكرا اختي بزاف

      ولكن معرفتش اشنو اسم البكبوكة والفوةهنا في السعودية

      تعليق


      • #4
        البكبوكة هي دايرة بحال لبطاطا البيضة ولاكن انا شريتها مطحونة والفوة هي دايرة بحال عمايد القرفة ورقاف انا طحنتهم على يدي وطحنت اللوز والكاوكاو وغادي ناكلهم راني نتسنى غي بنت تجيب لية دانون ههههههههههه الخلطة دايرة بحال سلو وانا كنبغي ندوز شي حاجة معاه والى كانت مجرباها تكتبنا التجربة نتاعها

        تعليق


        • #5
          نشاء الله غادي نغلاضو كلنا او تغلاضي ختا نتي او راها كتفتح الشهية بزاف

          تعليق


          • #6
            اختي شكرا جزيلا و شكرا للسيدة لي فادتك بالوصفة
            سؤالي هو منين شريتي البكبوكة واش العطار؟؟ واش نقولو ؟؟

            تعليق


            • #7
              ايه البكبوكة تباع فالعطار انا شريتها مطحونة بش نوفر التعب واي مدينة كيسميوها البكبوكة معندهاش اسماء بزاف كيما سكودي انا عييت منقلب عليه او مكاينش هادي راها تفتح الشهية انا ليوم حسيت براسي كل شوية كنجوع بحال لي راكي كتشرب فاتح الشهية زيادة على الغلض

              تعليق


              • #8
                زعمة راكي اسم على مسمى .:8:تجرأتي وسألت السيدة تبارك الله عليك، غير لقيتيها ظريفة نخاف عليك شي نهار يطوال ليك اللسان مع شي كازاوية حرشة. عندك تقلقي غير تنضحك معك.
                على العموم شكرا الحبيبة وراه الفوة تتزيد الدم وصحية
                sigpic

                تعليق


                • #9
                  اوا سوى الى بغيتيني نطول لساني عليك هههههههههههههههههههههههههههههههه حنا كلنا مسلمين لافرق بين كزاوية

                  او مراكشية وبنادم لي يسول فالخير باش يستافد او ينصح الناس عندو اجر مع الله

                  تعليق


                  • #10
                    شكرا على الوصفة ولكن معرافتش فين نلقى الفوة حيت هنا موحال واش كاينا



                    تعليق


                    • #11
                      السلام اختى الله يجازيك بخير و شكرا على الوصفة حتى انا غنجربها انشاء الله تبان النتيجة
                      sigpic
                      يارب وان نامت اجزائي تحت التراب وكنت نسيا منسيا هب لي من يدعو لي دائما دون
                      ملل


                      لا تدع بقلبك حقدا يمنعكك من راحة البال سامح من اساء
                      اليك وابتعد عن اسائتهم أحمل لهم بقلبكك كل الخير فنحن
                      جميعا راحلون

                      كن في الخير كحبة قمح تُرمى يابسة في أرض يابسة فتخرج نبتاً أخضر يحمل سنابل كلها قمح

                      تعليق


                      • #12
                        الى ممكن اختي تحطي لينا الصور ديال البكبوكة والفوة
                        ان شاء الله نجربها






                        [sor2]http://www.quraan-sunna.com/vb/Green/stt.gif[/sor2]

                        تعليق


                        • #13
                          عندك الحق أختي، الله يجمع بيننا على حب الله وحب الغير والله يجعلك ديما سباقة لفعل الخير.
                          sigpic

                          تعليق


                          • #14
                            سمحولي النات مرديتش عليكم كانت عندي ضروف وانا راني بديت الوصفة نهار لي قلتلكم وراها والله العضيم الى بقات كتفتحلي الشهية بزاااااااااااااف وتجيبلي النعاس وحاشاكم بقيت كنتنس بزاف وهادي هي العلامة نتاع السمونة انا كناكلها 3 مرات فنار او شحال ما بغيتي نتية

                            تعليق


                            • #15
                              اما على الطريقة انا راني سبت و شرحتلكم انني شريت 10 دراهم بكبوكة من عند العطار مطحونة وشريت 10 دراهم فوة مطحونة و 10 لوز حمرتو مع 10 كاوكاو او طحنتهم مع شوية السكر و خلطتهم مع الفوة والبكبوكة والله الى عمرولي 4 القريعات كبار شوية والمداق داير بحال سلو كندوزهم مع قهوة بلحليب او حليب او رايب لي حبيتي احسيت بنفسي تقاليت والله شاهد على ما اقول

                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X