إعـــــــلان

تقليص
لا يوجد إعلان حتى الآن.

التجمع الثاني للرشيقات من اجل الريجيم الطبي الصحي المتأني لتحقو يا رشيقات

تقليص
هذا الموضوع مغلق.
X
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • #51
    سلامات رقيا الغالية

    تعليق


    • #52
      السلام عليكم رشيقاتي الغاليات كيف راكم مع الريجيم ريييييييييييييما فين مشيتي فين هي البايلا انا بايتة نحلم بها تصوري كليت طبسيل كلو في اليل ومشبعتش طبعا في الاحلام راه بغا المقادير عفاك .ريما واش متتحسيت بالجوع إدا لم تأكلي الخبز في الغداء لأني اليوم قسمت حصة الخبز ديال الفطور على 2 للفطور والغداء يعني 1طوست في الفطور و1في الغداء واش ممكن او خربقت في الريجيم وحاجة اخرى واش الكروفيت ممكن في العشاء ام لا
      اللهم ارحم ابي رحمتا واسعة

      تعليق


      • #53
        السلام عليكم ومبروك عليكم الدار الجديدة الله يجعلها دار السعد و الهنا علينا كاملات وتزيد مازال تعمر بالحباب راه تيساع موجود الخير و قلب كل اخت كبير واسع الله يديمها علينا محبة وشكرا اختي ريما على المجهود لي كتقومي بيه الله يجعلها ليك في ميزان حسناتك
        شوفي مضحكيش عليا فاش كنخرج نتقدا تنبدا نقول غادا ناخد هد راه دارتها ريما في واحد الوصفة ناخد هده لا هده بلاش معندي لاش ناخدها بحال شي حمقة وخديت القرعة الحمراء قال لي راجلي ياك كسكسو ممنوع عليك في الرجيم قلت لا راه حطات ريما واحد الوصفة ديال القرعة وبدا تيضحك قال صافي مشينا فيها مبقى لاكسكسو لا والو هههههههه
        sigpic
        رب هب لي هبة مباركة من عندك...قد لا اكون اهلاًلهذه الهدية ,ولكنك اهلاً لهذا ‏العطاء يا سميع يا مجيب
        ربي هب لي من لدنك ذرية طيبه انك سميع الدعاء
        يا من أمره بين الكاف والنون وإذا أراد شيئاً قال له كن فيكون أرزقني بذرية ‏صالحة طيبة تقر بها العيون
        اللهم اني ظلمت نفسي ظلما كثيرا ولا يغفر الدنوب الا انت فاغفر لي مغفرة من عندك وارحمني انك انت
        الغفور الرحيم

        تعليق


        • #54
          مشكورة اختي لولي على نصائحك القيمة وان شاء الله يستجب الجسم ديالي من جديد راه محاولة مع الريجيم وحتى الميزان خبيتو حتى ليوم 14 عاد نتعبر والكمال على الله حتى الطبيبة سمحات لي نلعب الرياضة الخفيفة باش ما نزيدش الضغط على رجلي احسن عونها مسكينة هازة هاد الوزن كلو.البنات متصوروش هنا في الخليج شحال عندنا ديال السمنة مفهمتش السبب تصورو معايا امرأة وابنها صغير في السن ماشاء الله تيبان مسكين كبير وهو غير 13 سنة اما امه فلا تستطيع المشي تنقول في راسي واش هذا طبيعي بحكم المنطقة سخونة او لمذا قليل باش تلقاي امراة رشيقة حتى المغربيات هنا جاو مساكن نحيفات وتصابو بالعدوة ومنهم انا الله يرزقنا الصحة والعافية
          اللهم ارحم ابي رحمتا واسعة

          تعليق


          • #55
            شفتي يا شميشة ديالنا شنو درتي فينا الله يخليك لنا. راه مشي غير وحدك اختي المحبة لوطنها راه حتى انا تنقيد الوصفات نتاع ريما وتنعطي لس سيد يجيب تيبقا يشوف ويضحك تيقولي ومزيان بعدا لقيتي ليديرفيك النفس وتنقصي شوي من الذهون راه السيد مكان تيقول والو ومنين عرفني عاملة الريجيم معاكم عاد بدا قوة الكلام وليتي فيلا وليتي دبدوبة
            اللهم ارحم ابي رحمتا واسعة

            تعليق


            • #56
              المشاركة الأصلية بواسطة المحبة لوطنها مشاهدة المشاركة
              السلام عليكم ومبروك عليكم الدار الجديدة الله يجعلها دار السعد و الهنا علينا كاملات وتزيد مازال تعمر بالحباب راه تيساع موجود الخير و قلب كل اخت كبير واسع الله يديمها علينا محبة وشكرا اختي ريما على المجهود لي كتقومي بيه الله يجعلها ليك في ميزان حسناتك
              شوفي مضحكيش عليا فاش كنخرج نتقدا تنبدا نقول غادا ناخد هد راه دارتها ريما في واحد الوصفة ناخد هده لا هده بلاش معندي لاش ناخدها بحال شي حمقة وخديت القرعة الحمراء قال لي راجلي ياك كسكسو ممنوع عليك في الرجيم قلت لا راه حطات ريما واحد الوصفة ديال القرعة وبدا تيضحك قال صافي مشينا فيها مبقى لاكسكسو لا والو هههههههه
              حبيبتي الغالية المحبة لوطنها
              مبروك عليك حتى نتي الدار جديدة ر اك مولات الدار وبلا بيك متكمل اللمة
              الله يكمل رجاك وفرحك ويعطيك السعادة نتي وزوجك العالمين
              وباش نحقق ليك مبتغاك نتي ولكثير من الغاليات كنوعدكم نجمع كاع الوصفات ديال التجمع الاول ديالنا ونحطهوم كملف مرفق هاد الاسبوع ان شاء الله
              يلله ها واحد الوصفة وعدتكم بها كهدية
              بايلا ريجيم من عند ريما2010 لكل الغاليات ديال التجمع الثاني من اجل ريجيم طبي صحي ومتأاني....راه رقيا باتت الليل كامل كتحلم لي بها....

              تعليق


              • #57
                ربي يخليك أختي لولي نتمنى نتبع معاكم أو نكون عند حسن ظن
                sigpic

                تعليق


                • #58
                  ربي يخليك أختي ريما2010 الطول 1.56 الوزن 69 غادي نبدا الريجم غدا إنشاء الله كنتمنى تشجعوني حيت عندي الإرادة ضعيفة
                  sigpic

                  تعليق


                  • #59
                    اروع بايلا ريجيم على الاطلاق لغالياتي بالتجمع وبمنتدى اناقة مغربية

                    [color="green"]المكونات
                    100غ كروفيت
                    100غ صدر دجاج او لاداند
                    100غ كلامار
                    50 غ من مربعات سمك ابيض
                    1فلفلة حمرا ـ 1فلفلفة خضرا ـ2 مطيشات ـ2 ضراس ثوم محكوكين
                    معدنوس مقطع ـ بصلة مشلظة ـ 2 معالق صغار مركز مطيشة
                    شوية سكين جبيل محكوك ـ ورقة سيدنا موسى ـ شوية بزار ـ شوية تحميرة ـ شوية زعفران الحر ـ
                    3 معالق ديال لقمح ايبلي لي كيتباع في المحلات الكبرى
                    2 معالق زيت العود ـ عصير حامضة
                    الطريقة
                    في مقلاة غير ملصقة الى توفرات نحط الزيت+ بصلاة مشلظة +ثوم + فلافل مقطعة صغيرة + مطيشة منقية ومقطعة بلا زريعة+ سكين جبيل + ورقة موسى +تحميرة نخلوها تتشحر على نار مهيلة
                    في كوكوت نعمل كلامار يستلق 5 دقايق ونحتفظ بماء السلق
                    نسلق لكرفيت في ماء منسم ب1 خيزو +ورقة سيدنا موسى
                    نرجع للمقيلة نضيف ليها الدجاج او لاداند ونحرك
                    ناخد ماء سلق لكروفيت ونعمل فيه القمح الكامل ايبلي او الروز الكامل ادا توفر انا لقيتو ب65 درهم للكيلو داكشي علاش شريت قمح ايبلي ب20 درهم للبكية ديال نص كيلو وغير شوية منو كيبان حيث كيتنفخ بسرعة نسلق القمح شي 5 دقايق لانه طايب نص طيبة
                    ناخد ماء سلق كلامار وندوب فيه مركز الطماطم
                    دابا نجيو للمونطاج
                    المقلة لي فيها لفلفلة والدجاج نزيدها كلامار ـ كروفيت ونحرك ومربعات السمك ونحرك غير بشوية هممممممممم الله على ريحة نزيد عصير الحامض ونحك زعفران شعرة كآخر مرحلة همممممممممم بجد الريحة مازالا فانفي مشهيتكوم
                    نضيف مركز الطماطم ونخلي لكل يتشحر ف مريقتو مخاص يكون المرق كثير داكشي علاش نسلقو كلامار غير فشوية ماء وكدلك كروفيت حيت كيولي بحال بحال مربع التنسيمة ولكن ديال الدار نظيف وصحي
                    ناخد مول ديال لفران ولي عندها مقلاة بايلا ممكن انا عندي اناء الزجاج البيضاوي وماسي من الدار البيضا وعندو شكل بيضة
                    نفرش القمح وراه غير دوك 3 او 4 معالق غادي يتنفخو وتكون فيهم البركة
                    نفرغ فوقو مقيلة العجيبة ديال الدجاج والسمك ولكروفيت ولكلامار انا معنديش ليمول /بوزروك مدرتوش
                    ونخليها 5 دقايق غير تنشف وتشد فبعضها البعض وهاهي بالصحة والراحة
                    اروع بايلا ريجيم على الاطلاق تقدم مع شرائح الحامض راها سآآآآآآآآاهلة ولو تبان العكس انا وجدتها تقريبا في نص ساعة

                    ممكن تقولو لي ان القيمة الغدائية ديالها كبيرة جدا وممكن تأثر على الريجيم
                    الحل بسيط هو نقسموها على 2 انا كنت بغيت ندير فيها يومين وعملت جهدي باش نقاومها وقدرت لكن راجلي غفلني وكلا لي الجزء لي خليت للنهار لاخور بغا يحماق عليها
                    ايوا الغاليات ديالي ها هديتي ليكم ممكن تكون تتويج ديال نهاية اسبوع حفلاه من ريجيمنا الصحي بحال شي جائزة لجسمنا ولنفسنا على الكفاح
                    بصحتكم وهناكم يالغاليات على قلبي
                    [/color]

                    تعليق


                    • #60
                      شكرا العزيزة ريما الصراحة كانشجعكم تبارك الله عليكم و الله يحفظكم
                      انا اختي مشكلتي انه قبل الزواج كنت ضعيفة كانوزن 56 او 55 بعد الزواج تزاديت ل 68 ثم 74 ملي حملت تزاديت حتى آخر شهر الحمل ل 84
                      من بعد الولادة نزلت ل 78 79 لأنه النفاس داز شوية صعيب
                      المهم الآن ّأنا 77.800 بغيت نوصل أولا ل 70 ثم 60 و الله يجعل الباراكا هههههههههههههههه

                      المهم الطول 161

                      و أنا من الغد غادا نلتازم بالرجيم
                      سمعو و شهدو علي هههههههههههههه
                      غدا 8 فبراير 2011
                      و الله يا ختي كانبغي نضعاف لكن الشهيوات ماكايخليو لي فين

                      بارك الله فيك على الترحيب ترحب بك الجنة و نسائمها
                      انا متابعة




                      تعليق

                      المتواجدون الآن 1. الأعضاء 0 والزوار 1.

                      أكبر تواجد بالمنتدى كان 2,525, 26-09-2016 الساعة 21:58.

                      يعمل...
                      X