إعـــــــلان

تقليص
لا يوجد إعلان حتى الآن.

لكل الرشيقات الجزء الثالت من التجمع من اجل الريجيم الطبي المتأني الصحي .هنيئا لنا

تقليص
هذا الموضوع مغلق.
X
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • لكل الرشيقات الجزء الثالت من التجمع من اجل الريجيم الطبي المتأني الصحي .هنيئا لنا

    يعجز اللسان عن التعبير والقلم عن الكتابة وانا اليوم كنشهد معاكم يا كل الغاليات افتتاح الجزء الثالت من تجمعنا الرائع تجمع الرشيقات من اجل ريجيم صحي ومتاني وفي ظرف مكيتعداش شهر استطعنا كلنا ويد فيد نوصلو لهاد النتيجة المبهرة: الجزء الثالت من دارنا الواسعة والعريضة لي عطاتنا الحب واالوفاء وبادلناها الجد والاجتهاد لانقاص الوزن وتجاوز كل العوائق...هنيئا لكل من تبع معانا ريجيم ريما 2010 الطبي وهنيئا لكل من توصل ينقص وزنو معانا حتى 5 كيلوات في 15 يوم بدون تجويع النفس وبدون حرمان...
    شكرا لام سامي على المتابعة والتثبيت
    شكرا لكل من ساهم بقراءة او زيارة او الانتماء لينا ومعانا
    شكرا لكل من عطا من وقتو ومشاعرو النبيلة باش نوصلو لهاد النتيجة الرائعة...لكل الغاليات ودموع الفرحة فعيني لاني مكنتش متوقعة ابدا اننا تنوصلو ل 200 صفحة في ظرف شهر
    اعلن على بركة الله افتتاح الجزء الثالت من تجمع الرشيقات من اجل الريجيم الطبي الصحي والمتأني..فبسم الله مجراها ومرساها...
    كما العادة معندنا لا شروط الا شرط الوفاء والالتزام والحب اللامتناهي...كل من دخل غادي يلقى الريجيم تحت اشراف الطبيبة الاخصائية وغادي يلقى الوصفات الصحية وكدلك كل وصفات التنحيف عن تجارب خاصة لكل انيقات الدار..غير هدا وداك غادي يلقى الحب والمشاركة واقصى درجات الانتماء لبعضنا البعض...فقط لكل انيقة قتانعات بمسارنا وبغات تكون وحدة منا تنزل الوزن ديالها والطول والتاريخ لي قررت تبدا فيه معانا الريجيم وهكدا مباشرة غادي تنور الجدول لي كيشمل كل بنات الدار ولي غادي ندكرهم فيما بعد...وكل 15 يوم الجدول كيتعدل لان الميزان كيكون كل 15 يوم ايضا وهو نفس اليوم لي كيكون فيه الكنترول ديال الطبيبة المشرفة....
    ولاننا وفيات لكل من ساهم معنا من قريب او من بعيد اقول ..هنيئا للي اسس معانا : الوردة هنودة الله يشافيها ويعافيها
    هنيئا لبنات الدار الاولى والثانية كل وحدة باسمها
    لوللي -الصابرة- كنيزة-المحبة لوطنها- ام المتقين-رقيا- روزي-لميونة-
    اناقة 1980-سلفية مغربية- سمية ام عبدو ام صفاء ام اية -ام وئام- حنان01-ليلى03- داندي-ميس فتيحة-ملوكي-مامات غيث-ياسيرا-ام رجوما-منى ستيل-لوتيسيا -ياسمينا011-شميس الجنوب -كوثر-مها قطر- منارسة -سهام الجي- ريحانة سوس- احبك ريما- رونيكا -بسم الله-
    نزهة ب- ساو- نرجس- سلمى22-ماروكجيرل-ماجدة-وريدة24-زينب حياتي-روززا ديزيرتو-اكوكولا-لوليتا-مورشيد-ام محمد ومكرم-علوشة-ملاك90-فاتي2011-اماليب-بشرى/رانية-ام سامي- رمانة وبرطال -
    منى31-ناوولي-

    فالى صفحات نضال جديدة من اجل تحدي الوحش الكاسر .....

  • #2
    لكل الانيقات الغاليات ...ريجيم ريما2010 الطبي


    ريجيم ريما 2010
    [U]على الريق: كاس ديال الماء كبير[/U]
    الافطار:
    60 غ ديال الخبز الكامل من الافضل لي فيه النخالة و60 غ تعادل ربع كبير ديال الخبز+ فرماج+كاس حليب0%من غير دسم مع القهوة او الشاي
    بين الافطار والغداء :
    2 كيسان ماء كبار +شاي او قهوة (على حسب باش فطرتي يعني الى فطرتي بالقهوة وحليب خودي الشاي)
    الغداء:خضر+بروتين+نشويات
    1-صحن من الخضراوات النيئة (الجزر-مطيشة-بصل-فلفلة حلوة.........)+معلقة الى 2 من زيت الزيتون او اركان الى توفر+عصير الحامض+موتارد+بزار او اعشاب منسمة (معدنوس.ثومة...زعيترة)
    2-خضر طازجة الا البطاطس والجزروالجلبانة ممكن ناخدو: لفت-لوبيا خضراء- شمبينيون-شفلور....ممكن تأخد الخضر كشوربة او مفورة ونسموها بالمنسنات السابقة الدكر.
    3-100غ من لحم البقر(2 مرات في الاسبوع وفي الغداء فقط)وممكن نطيبو اللحم لي بغينا باضافة معلقة ديال زيت البلدية وممكن نشويه او نبخرو او في الطاجين مع بعض الخضر المسموح بها وكل المنسمات ممكنة الا الملح والمايونيز وحتى ماجي مسموح بها مع الشوربة
    أو
    150غ دجاج او الديك الرومي لاداند حتى هو 2 مرات في الاسبوع في وجبة الغداء
    أو
    -150غ سمك ممكن ناخدوه فوجبة الغداء 3 مرات في الاسبوع
    4- مسموح نهار ايه ونهار لا ناخدو في الغداء: من 6 الى 8 معالق ديال: روز كامل riz complet او عدس او لوبيا بيضاء تسلق هده النشويات وممكن ان نضيف اليها طماطم وثوم ومنسمات فقط بلا دهن بلا ملح ونستعملو عصير الحامض وملي ومنعبروش بالمعلقة حتى نسلقوه

    بين الغداء والعشاء
    2- كيسان كبار ماء+ مشروب ساخن :شاي او قهوة او شاي اعشاب+1دانون لينيا الاحمر او اي دانون 0% دهون و0%سكريات +1 الى 2 فاكهة من نفس الصنف الا الموز والافوكا
    أو
    3 تمرات كبار+معلقة كبيرة لوز او كركاع
    أو
    2 مربعات متوسطين من الشكلاط الدي يصل الى 70% من الكاكاو
    أو
    1 BARRE PROTEINée

    العشاء
    1-خضر مسلوقة او مفورة او شوربة الخضار المسموح بها+100 الى 150غ من الدجاج او لاداند او السمك اوبياض 3 بيضات اما اللحم الاحمر فممنوع في الليل تماما وكدلك النشويات والخبز واخيرا ممكن ناخدو 20 الى 50 غ فرماج 0%

    هدا هو الريجيم لي متبعة ولي عطاتني الطبيبة ورغم غلاء المتابعات ديال الاطباء المختصين في هاد المجال الا اني بغيت جميع حبيباتي يستافدو حتى لي مكيسمح ليهم الوقت باش يمشيو ويتبعو
    هاني وفيت بالوعد وانا في انتظار اي سؤال منك انا رهن الاشارة والله يكمل علينا بخير

    Read more: http://www.anaqamaghribia.com/vb/showthread.php?167608-تجمع-رشيقات-المستقبل-للريجيم-الصحي-المتأني/page6#ixzz1DBSlnNWX


    Read more: http://www.anaqamaghribia.com/vb/showthread.php?179728-التجمع-الثاني-للرشيقات-من-اجل-الريجيم-الطبي-الصحي-المتأني-لتحقو-يا-رشيقات/page2#ixzz1FumwAcDt

    تعليق


    • #3
      الف مبروك دار 3 وهدا كل بفضل الاخوات الله يجازيكم بالخير
      ابغيت انعرف واش البربا مسموح بها

      تعليق


      • #4
        المشاركة الأصلية بواسطة mouna31 مشاهدة المشاركة
        الف مبروك دار 3 وهدا كل بفضل الاخوات الله يجازيكم بالخير
        ابغيت انعرف واش البربا مسموح بها
        مبروك علينا كاملين يا منى هدا بفضل الله وبتظافر جهودكم بدون استثناء
        لا الحبيبة غير بعدي من الباربا انا راني علمتك ولقد اعدر من اندر ولا وجدي راسك لقريصات لوللي......

        تعليق


        • #5
          مبروك افتتاح الجزء الجديد

          ان شاء الله نكونو من الموظبات

          و نلتزمو بالريجيم






          ]]



          تعليق


          • #6
            لا اختي ريما انا ابغت نكون مواضبة على الريجيم
            التقرير اليومي
            الصباح ربع كاس الخبز+كاس الحليب+فرماجة
            سناك 2 كيسان الماء+ كاس اتاي
            الغداء ليمون بخيزو محكوك + حوت في الفرن
            سناك تفاحة
            العشاء شوربة ديال الكرعة + 2 بياض البيض

            تعليق


            • #7
              السلام عليكم الحبيبة ريما انا قدام الحلوة ديالك او ديالك كلامك والله العظيم متيبقا ليا من قول ماشاء الله عليك
              مبروك علينا درنا الجديدة هاني غدا ندخل برجلي ليمنى وغدا نطلق ليكم احسن مكين العود ونفرش ليكم الزرابي ونستقبلكم بالحليب (لايت هههههه) وتمر اوا مبقى ليكم الأنيقات غير تشرفونا بحضوركم
              مرة تانية مبروك علينا لوللي عندكي تنساي ميجيبيش معاك التبخيرة لدربنا العين هههههههههههه







              تعليق


              • #8
                المشاركة الأصلية بواسطة شمس الجنوب مشاهدة المشاركة
                مبروك افتتاح الجزء الجديد

                ان شاء الله نكونو من الموظبات

                و نلتزمو بالريجيم
                الله يبارك فيك اختي شمس الجنوب وكبفما غادي تلاحظي ولو انك ما كنتيش كتدخلي معانا في التجمع الثاني كثير الا اننا منسيناكش واسمك راه منورني وسط كل الغاليات سواء لي مواظبات اولي غابو علينا لظروف قاهرة فالف مرحبا بيك يا شمس الجنوب الدار دارك متغيبيش علينا الله يحفظك ومهما كانت درجة التزامك بالريجيم متغيبيش راه قلوبنا مفتوحة ليك على الدوام.....

                تعليق


                • #9
                  المشاركة الأصلية بواسطة mouna31 مشاهدة المشاركة
                  لا اختي ريما انا ابغت نكون مواضبة على الريجيم
                  التقرير اليومي
                  الصباح ربع كاس الخبز+كاس الحليب+فرماجة
                  سناك 2 كيسان الماء+ كاس اتاي
                  الغداء ليمون بخيزو محكوك + حوت في الفرن
                  سناك تفاحة
                  العشاء شوربة ديال الكرعة + 2 بياض البيض
                  الله يكمل عليك بخير يامنى31 .فعلا انتي انسانة مواظبة وملتزمة واكيد النتائج غادا تكون مفرحة كثييير غير بغيت نشير انه فسناك ديال العشية ممكن تضيفي واحد ياوورت مع التفاحة وكدلك متنسايش 2 كيسان ماء+مشروب ساخن وحاولي تفرقي هادشي بين الغدا والعشا...هنيئا لنا بك يا منى

                  تعليق


                  • #10
                    المشاركة الأصلية بواسطة lamyona مشاهدة المشاركة
                    السلام عليكم الحبيبة ريما انا قدام الحلوة ديالك او ديالك كلامك والله العظيم متيبقا ليا من قول ماشاء الله عليك
                    مبروك علينا درنا الجديدة هاني غدا ندخل برجلي ليمنى وغدا نطلق ليكم احسن مكين العود ونفرش ليكم الزرابي ونستقبلكم بالحليب (لايت هههههه) وتمر اوا مبقى ليكم الأنيقات غير تشرفونا بحضوركم
                    مرة تانية مبروك علينا لوللي عندكي تنساي ميجيبيش معاك التبخيرة لدربنا العين هههههههههههه
                    لميونة يا روح الشباب والفرح في دارنا اكيد انا سعيدة بوجودنا مع بعض وكل الغاليات فخورات بهاد الانجاز لي هو ديالنا كلنا بدون استثناء.......
                    الللللللللللللله على ريحة العود العربية وعلى الزرابي التركية وعلى الد حليب لايث يا لميونة يا عنيا...وجودك معانا اكبر هدية وتجمعنا الثالت هو اروع مزية.......

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X