كيفة صنع لكلاص بالبيت(الجزء الأول)

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • كيفة صنع لكلاص بالبيت(الجزء الأول)




    كيدايرين لباس عليكم وكيدايرين ماعز عليكم،نتمنى تكونو بالف

    خير

    اليوم غادي نزلكم الجزء الاول من مجموعة من لكلاص كنت

    حضرتهم،متستعجبوش هنا واخ عندنا البرد ضروري لكلاص

    هههه.غادي نحط ليكم الوصفة الاساسية ويمكن ليكم ديرو اي

    نكهة بغيتيو،وراه حتى ليمعندهاش الماكينة راه يمكن ليها تاكل

    لكلاص.

    اوا طولت في الهضرة،نبداو بسم الله

    كلاص(الوصفة الاساسية):
    35cl حليب

    6 صفار بيض

    50g سكر

    1 م ك مايزينا

    20cl كريم فريش

    2 بياض بيض

    كاكاو

    3 لفاني

    كوكيز




    كنسخنو لحليب

    كنخفقو صفار البيض مع السكر حتى يبيض لونه ونضيفولو

    مايزينا



    ومن بعد نصبو لحليب وحنا نحركو


    ونرجعو الكل فوق العافية حتى يعقاد مع التحريك طبعا


    نزولو الكاسرونة من فوق العافية


    كنقسمو الخليط على 2 :واحد نضيفولو الكاكاو والاخر لفاني ونخليوهم يبردو (ونحركوهم مرة مرة باش متكونش واحد الطبقة من الفوق)



    كنخفقو الكريم فريش حتى تولي شانتيي وكنقصموها على 2

    ونضيفوها للخليطين



    كنضربو بياض البيض حتى يولي بحال الثلج ونقسموه حتى هو

    على 2 ونضيفوه ليهم


    كنضيفو الكوكيز مفتت



    كنصبوهم في علب ونسدو عليهم وندخلوهم المجمد




    [info]
    *هد الطريقة يمكن ليكم توضعوها حتى في الالة الخاصة بلكلاص
    *لكلاص كندخلوه المجمد مدة 12 ساعة
    *قبل متاكلو لكلاص كنخرجوه 10 د باش يسهال علينا نعملوه كويرات


    [/info]



    كلاص بلفرومبواز frombois:

    20cl كريم فريش


    frombois 350g


    150g سكر





    كنطحنو لفرومبواز مع السكر



    كنخفقو الكريم فريش حتى تولي شانتيي ونضيفوها على


    لفرومبواز ونخلطو بسباتول


    نوضعوها في علبة ونسدوها وندخلوها المجمد



    يتبع:)


  • #2
    تبارك الله عليك كلاصات رائعة ..نهنيك عليهم...وننتظر المزيد....
    اذا غاب اسمى عن البال ودفن جسمي في الرمال.....فهذا هو خط يدي.....بين ايديكم فارجو الدعاء عن ظهر الغيب...










    ربي ارحم أبا لم يحرمني شيئا و لا تذقني حياة دون أمي ! — triste

    تعليق


    • #3

      كلاص بالبنان:

      2بنان

      1 دانون فاني

      2 م ك عسل

      قرفة

      100 كريم شانتيي



      كنطحنو البنان،عسل،قرفة ودانون في مولينكس



      نصبوهم في اناء ونضيفولهم كريم شانتيي ونوضعوه في علبة

      وندخلوه المجمد


      وهدا هو الشكل النهائي نتاع ليكلاص




      يتبع:)

      تعليق


      • #4
        Had chi zwin chokrane

        تعليق


        • #5
          تبارك الله عليك مرة اخرى ...الله يجازيك بخير..راني رجعت باش ناخد هاد الطبق...
          اذا غاب اسمى عن البال ودفن جسمي في الرمال.....فهذا هو خط يدي.....بين ايديكم فارجو الدعاء عن ظهر الغيب...










          ربي ارحم أبا لم يحرمني شيئا و لا تذقني حياة دون أمي ! — triste

          تعليق


          • #6
            مشكوووووور والله يعطيك الف عافيه

            تعليق


            • #7


              كلاص ferre rocher:

              نفس مقادير الوصفة الاساسية غير انا درت نصف المقادير

              كنتابعو نفس الطريقة(انا هنا نسيت وزت في الاول ferre

              rocher،كيضاف قبل منطفيو على لكلاص ديالنا)





              كنوضعو الخليط ديالنا في الالة ونخليوها دور 20 د حتى 30 د



              كتوضعيه في علبة ودخليه المجمد

              وهاهو واجد رافقتو بطارط بالتفاح



              عجين مورق،تفاح،سكر،قرفة

              كتقطعي العجين المورق ،كترشيه بسنيدة والقرفة وكتسدفي

              شرائح التفاح وكدخليهم الفرن.منين يطيبو دهنيهم بالناباج او

              الكونفتير





              [info]
              *باش لكلاص يصدق ليك خاص دائما الوعاء ولكروشي يكونو باردين مزيان مزيان،من الاحسن ديروهم في بلاستيك ودخلوهم المجمد ليلة قبل
              *يمكن ليكم تخليوه دائما في المجمد هاكفوقاش ما توحشتو لكلاص تقدرو ديروه وتاكلوه
              *وحاجة اخرى منين تزولو لكلاص من الالة تقدرو تاكلوه في ساعته
              [/info]


              يتبع:)

              تعليق


              • #8
                ماشاء الله عليك وخلاص الله يعتيك الصحة وخى سالو ريوكي ونا حاملة الله يستر اصافي هههههههه
                sigpic

                صلوا على الحبيب اللهم صل وسلم على سيدنا محمد

                تعليق


                • #9
                  تبارك الله عليك جزاك الله كل خير
                  هاد شي كيشهي الله يعطيك الصحة

                  تعليق


                  • #10


                    كلاص بالشكلاط الابيض:

                    (انا درت غير النصف)

                    200g شكلاط ابيض دائب

                    200ml كريم فريش

                    3 بياض بيض

                    100g سكر كلاصي

                    كنخفقو الكريم فريش حتى تولي شانتيي ونضيفوها للشكلاط بارد




                    كنضربو بياض البيض مع السكر حتى يولي بحال الثلج ونزيدوه

                    للخليط الاول




                    كنصبوهم فو مول نتاع السيليكون وندخلوهم المجمد



                    وهاهو الشكل ديالو




                    نتمنى يكونو عجبوكم وتجربوهم وتبردو لييا مع راستكم هههه

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X